“O Tricolor” kishte kohë që ishte futur në garë të egër me Palmeiras e Santos për të firmosur me sulmuesin e famshëm dhe tashmë ia ka dalë mbanë, duke u rikthyer në klubin ku luajti në vitet 2014-2015, me 38 gola në 99 ndeshje zyrtare.

Ish-sulmuesi i Milanit luante në Kinë prej vitit 2017, ku shënoi 15 gola në kampionatin e parë dhe po aq në të dytin.

Tani 29-vjeçari firmos deri në dhjetor 2022 për Sao Paulon, ndërsa paga do vijë duke rritur nga sezoni në sezon.

Sao Paulo do t’i paguajë Patos 2,5 milionë euro që tani, shifër që do t’i shkojë ish-klubit të tij në Kinë.

Për shkak se ka firmosur me vonesë, pato nuk luan dot në kampionatin krahinor Paulistao, ndaj do të debutojë në 28 prill, në startin e Serisë A, në sfidën shtëpiake kundër Botafogos.

Aqui o coração bate mais forte. pic.twitter.com/3MelfmFh4A

— São Paulo FC (@SaoPauloFC) March 27, 2019

Mediet braziliane raporton se për sulmuesin po zhvillohet një duel i fortë mes Sao Paolos dhe kampionë në fuqi të Palmeirasit, të cilët drejtohen nga një emër i njohur si Luis Felipe Skolari. Këta të fundit janë më të avantazhuar, por ka ende pikëpyetje.

Palmerias po pret që të finalizojë shitjen  e mbrojtësit Luan Kandido drejt Lajpcigut, që më pas të rregullojë fondet për kontratën 2-vjeçare që kërkon Pato, rroga e secilit është tmerrësisht e lartë për standardet e futbollit brazilian.

Nisemi nga Paketa, i vetmi lojtar që për momentin mund të quhet i Milanit, pasi marrëveshja me Flamengon dhe lojtarin është mbyllur. Flamengo mbyll kampionatin me 2 dhjetor dhe dëshira e kuqezinjve është që ta kenë menjëherë në dispozicion 21-vjeçarin, por gjithsesi duhet të presim dhjetorin për ta konfirmuar.

Një lojtar që ngjason me Rikardo Kakan, që është dhe idhulli i tij, por me ndryshimin e modulit nga Gatuzo, pritet dhe një ndryshim në pozicionin se ku do të luajë braziliani. Pozicioni natyral i Paketës është si mesfushor qendre, ose trekuartist, por me 4-4-2, mund të luajë dhe në mbështetje të Higuain, duke qenë një alternativë më shumë për sulmin.

Gjithsesi, përveç Lukas Paketës, Leonardo thuhet se po punon dhe për tre afrime të reja, nga një për çdo repart, pra një mbrojtës, një mesfushor dhe një sulmues. Dëmtimet e Kaldarës dhe Musakios, përkatësisht 3 muaj i pari dhe dy muaj argjentinasi, e bëjnë të domosdoshme afrimin e një mbrojtësi, pasi vetëm Romanjoli dhe Zapata kanë mbetur.

Rodrigo Caio, është emri kryesor që është përmendur këto ditë. Braziliani, i cili aktivizohet me Sao Paolon, është një njohje e vjetër e Leonardos, pasi ka dashur dhe më përpara ta sjellë në Evropë dhe mund të shihet si një opsion i mundshëm.

Në mesfushë, dëmtimi afatgjatë i Lukas Biljas, i cili do të qëndrojë jasht fushave për katër muaj, si dhe një operim i mundshëm i Bonaventurës, do ta linin mesfushën kuqezi të përgjysmuar. Montolivo, Hose Mauri dhe Bertolaçi janë me derë të hapur dhe mund të largohen që të tre, kështu që mesfusha shihet si reparti, që duhen përforcime me patjetër dhe Leonardo e Maldini duhet ta marrin seriozisht punën e tyre.

Në sulm gjithashtu situata paraqitet shqetësuese. Me modulin e ri me dy sulmues, siç është luajtur ndaj Sampdorias dhe Udinezes, sjell zero alternativa për kuqezinjtë. Dy sulmuesit e vetëm janë Kutrone e Higuain dhe kështu nuk ka asnjë zëvendësues për ta. Pista Ibrahimoviç është e mundur dhe është një përforcim që e presin të gjithë tifozët e Milanit, pasi kurrë nuk e kanë harruar kohën që suedezi luante për ta dhe arritën të fitonin titullin.
Gjithashtu Pato nuk përjashtohet, por klauzola që ka në klubin kinez mbetet një problem madhor. Braziliani, që luajti për herë të parë në Europë me fanellën kuqezi, është shprehur i gatshëm të ulë rrogën e tij prej 9 milion eurosh që përfiton në Kinë, por fjalën e fundit pritet ta thonë drejtuesit e Milanit.

Hulk, Pato, Paulinjo, Oskar, Taliska,Karrasko, Gatian, Graciano Pele, Tardeli, Eder apo dhe Aleks Tekseira e shumë e shumë të tjerë kanë zgjedhur Kinën për të vazhduar karrierën e tyre. Niveli i këtyre lojtarëve ëshë i lartë në krahasim me futbollin që luhet në Kinë, por gjithsesi në përfundim të kampionatit vihet re diçka e veçantë.

Wu Lei, është futbollisti që ka shënuar më shumë gola dhe ai që u kurorëzua si golashënuesi më i mirë i Superligës kineze. Plot 27 gola të shënuar për lojtarin e Shangai SIPG, ekip ku luan Hulk dhe Oskar, të cilët u shpallën kampion për herë të parë në histori. 26-vjeçari luan prej 12 vitesh me kampionët e Shangait, që nga viti 2006.

Por, nuk ka vonuar as reagimi i lojtarit, i cili me një postim në llogarinë e tij në rrjetin social “twitter” ka përgënjeshtruar lajmin e nxjerrë nga gazeta italiane, duke e bërë të qartë se ndihet shumë mirë në kampionatin kinez, ku luan për skuadrën e Tianzhin Kuanzhian.

Eu não falei que irei sair do Tianjin Quanjian. Eu não falei que não voltaria para o São Paulo. E eu não falei que estou indo para o Milan.

— PATO (@Pato) November 10, 2018

“Kurrë nuk kam thënë që do të iki nga Tianzhin Kuanzhian. Nuk kam thënë  se do të kthehem te Sao Paolo dhe kurrë nuk thënë se do të iki te Milani”, njoftoi braziliani, i cili është një ndër lojtarët më të dalluar të këtij viti në kampionatin kinez me 15 gola në 22 aktivizime.