Trofeu Pascucci | Teuta tregon “muskujt” ndaj ish-skuadrës së Shkëmbit

Sport Ekspres — Sat, 11 Aug 2018 18:53:35 +0000

Teuta do kërkojë të mbrojë trofeun “Pascucci”, pasi e mundi me rezultatin 2-0 Lirinë e Prizrenit dhe tanimë do të përballet me Partizanin, që gjithashtu kishte triumfuan në takimin e parë. Për durrsakët kanë shënuar dy prej afrimeve të verës.

I pari ishte Seku Kamara, i marrë nga Besëlidhja, por vjet ka qenë pjesë e Flamurtarit në Superiore. Golin e dytë e realizoi Ditmar Bicaj pas një gabimi të portierit të Lirisë. Një ndeshje e veçantë për Bledi Shkëmbin, që vjet drejtoi bardhezinjtë në eksperiencën e parë si trajner.

Trofeu Pascucci

Teuta-Liria 2-0
Shënues: Kamara 26’, Bicaj 36’

Teuta: Hidi, Hakaj, Bici, Osmani, Gjorgievski, Avdyli, Sidibe, Kruja, Vila, Kamara, Latif.

Triangolarja për trofeun “Pascucci” vjen me risi këtë vit

Sport Ekspres — Wed, 08 Aug 2018 13:32:29 +0000

Trofeu “Pascucci” do të zhvillohet sërish edhe sivjet. Verën e shkuar ishte Teuta që triumfoi dhe sigurisht që durrsakët do të marrin pjesë në të. Këtë herë ka risi në ekipet pjesëmarrëse. Besa dhe Trepça ’89 ishim klubet që garuan vjet, kurse sivjet janë të tjera.

Partizani është klubi tjetër nga Superiorja që merr pjesë në këtë trofe, ndërkohë që ftesës i është përgjigjur edhe Liria e Prizrenit, ish-ekipi që vjet u drejtua nga Bledi Shkëmbi, i cili tanimë është trajner i Teutës.

“Tradita vazhdon. Teuta do të zhvilloj të shtunën më datë 11 gusht trofeun “Pascucci”. Në edicionin e dytë do të marrin pjesë: Teuta, Partizani dhe Liria e Prizrenti. Triangolarja do të zhvillohet në stadiumin Niko Dovana në orën 18:00”, njofton klubi durrsak.