Dy gola të shënuar brenda tre minutave, me autorë Alehandro Gomez dhe Mario Pashaliç. Goli i parë u shënua në minutën e 16-të dhe aksioni është i gjithi për t’u shijuar, me Atalantën që dhuron spektakël në Firence.

Vetëm dy minuta pas golit të parë, ishte Pashaliç, i cili i asistuar nga Josip Iliçiç shty topin në rrjetë për herë të dytë. Nisja duket në malore për Fioretinën, e cila do ta ketë mjaft të vështirë për të reaguar.

Sipas “SportMediaset”, një ndër afrimet e Milanit në merkaton e Janarit mund të jetë mesfushori kroat Mario Pashaliç. 23-vjeçari ka qenë pjesë e Milanit gjatë sezonit 2016/2017, ku shënoi pesë gola në 24 aktivizime në Serie A.

Kroati u huazua në fillim të sezonit te Atalanta nga londinezët e Çelsit. Për të bërë të mundur huazimin duhet gjetur mënyra për të bindur drejtuesit e klubit bergamesk, të çilët mund të japin veton  për këtë transferim, pasi fundja fundit forcojnë një kundërshtar direkt në garën për një “biletë” në kompeticionet evropiane.