Në studion e emisionit “Rubrika Sportive” në “RTSH”, trajneri i njohur Shkëlqim Muça u shpreh pro vendimit të gjyqtarit kroat, pasi sipas tij goli i Sherif nuk është në shkelje të rregullores.

GOLI I SHERIF – “Të mos flasim si tifozë. Rreshtimi i skuadrës në këtë rast është skandaloz. Qendra e mbrojtjes është krejtësisht bosh. Aty duhet të ketë të paktën 3 ose 4 lojtarë. S’duhet të kenë pishman fare, por duhet të nxjerrin mësime. Për mua është gol i rregullt. S’ka prekje me dorë, s’ka shtyrje. Numri 4 duhet të rrinte përpara lojtarit dhe jo mbrapa. Unë nuk shikoj gjë të parregullt në këtë gol. Për mendimin tim arbitri kryesor ka pyetur anësorin për arsyen e ngritjes së flamurit dhe më pas e ka pyetur nëse lojtari që shënoi golin ishte pozicion jashtë loje”.

PARAQITJE E EKIPEVE SHQIPTARE NË EUROPË – “Në këtë periudhë, që është shumë e rëndësishme, ekipet shqiptare gjenden të papërgatitura. Skuadrat e mira i marrin masat që në muajin janar e shkurt për këto ndeshje, pasi kemi të bëjmë me një kompeticion shumë të ndryshëm. Ka ndryshime të shumta dhe faza përgatitore të programuara në mënyrë jo të duhur. Ekipet e tjera zhvillojnë 6 ose 7 miqësore, ndërsa ne shumë më pak. Kjo është një problematikë shumë e vjetër e ekipeve shqiptare. Kështu ka qenë edhe kur trajnoja unë, asgjë s’ka ndryshuar”.

30-vjeçari ka patur shumë pak hapësira gjatë këtyre sezoneve. Përpara tij ka qenë një emër si Alban Hoxha, por kjo gjë nuk e ka penguar Xhikën të japë maksimumin sa herë që është thirrur në detyrë, duke e bërë atë një ndër lojtarët më të respektuar të tifozërisë së kuqe.

Xhika do të transferohet tek ekipi i Kukësit, ndërsa ka mbetur vetëm zyrtarizimi i marrëveshjes finale. Afrimi i tij është një kërkesë e trajnerit Duro, i cili ishte personi që e riktheu edhe në vitin 2014 te “demat”. Lojtari i lindur në Tiranë do të luftojë fort me Ilir Avdylin, ish-portierin e Kamzës, për një vend titullari te nënkampionët e Shqipërisë.

“Klubi i Futbollit Partizani 16-të herë kampion i Shqipërisë, falenderon portierin Dashamir Xhika, për kontributin e dhënë me fanelën e kuqe. Gardiani 30 vjeçar përgjatë 5 viteve ishte pjesë e ekipit, me të cilin sezonin e fundit u shpall edhe kampion i vendit. Klubi informon se portieri dhe drejtuesit kanë vendosur të ndërpresin bashkëpunimin mes tyre. Klubi dëshiron të falënderoj Dashamir Xhikën për kontributin që ka dhënë ndër vite me fanelën e kuqe dhe i uron njëkohësisht suksese të mëtejshme në karrierën e tij sportive“, shkruan klubi i Partizanit në faqen zyrtare.

“Kjo është gjëja më negative absolutisht në futboll. Mund të humbësh e fitosh ndeshje, por në këtë mënyrë të shqetëson shumë. Jemi vend i vogël dhe ndodhin këto raste të dyshimta. Gjyqtari ose duhet të ngrejë flamurin ose jo, nuk ka asgjë për të ndryshuar vendimin. Është e kotë të flasim për rezultat. Komplimente djemve, edhe atyre në pankinë e në tribunë se kanë bërë gjithçka si duhet. Kemi qenë bashkë, kemi dhënë maksimumin dhe mund të merrnim diçka më shumë”.

“Tek episodi fola me gjyqtarin e katërt dhe e pyeta pse u ndryshua vendimi. Sapo pësuam golin pashë vijërojtësin që kishte çuar flamurin dhe isha i qetë. Por ata e ndërruan vendimin dhe nuk kishte si ta shihnin e merrnin vendim ndryshe. Ky është turp, është e turpshme. Nesër kalon gjithçka, por klubi ka pësuar një dëm të madh.
Pyeta arbitrin e katërt, si ka mundësi që arbitri anësor e jep offside, kryesori e jep offside. Anulohet goli. Pastaj, flasin 1 minutë me njeri-tjetrin dhe e anulojnë vendimin. Ai më tha e kanë parë në replay. Në këtë fazë nuk ka fare VAR! Është skandal! Pastaj, nëse do kishte VAR, ai gol prapë do anulohej. Është skandal”.

“Djemve nuk mund t’u them gjë tjetër, kemi bërë tre ndeshje ne lartësinë e duhur, kanë mbajtur lart figurën e Partizanit. Nuk mund ta quaj katastrofë ndeshjen e parë ndaj Sherif në Tiranë, të gjithë kanë bërë mirë. Të jenë krenarë, shumë krenarë se kemi dalë me kokën lart. Ishim në lojë, e kishim raste të rëndësishme, kishim mundësi erdhëm këtu e luajtëm futboll e nuk u paraqitëm keq, luajtëm futboll e patëm mundësi të kalonim. Por përtej rasteve, kishte 5-6 situata ku gjyqtari ndalte lojën kundër nesh, edhe faulli i golit nuk ishte. Pastaj Braun i mori topin kundërshtarit po shkonte në portë, por ai e ndali me 3 futbollistë tanët në zonë. Janë raste që vendosin ndeshjen

Ishte Asani ai që shënoi i pari, në minutën e 29-të të takimit. Solomon bën gjithçka mirë dhe shërben për numrin 10, i cili nuk e ka të vështirë të shënojë me të majtën. Edhe pse në disavantazh, Sherifi nuk u trondit dhe arriti të barazojë në pjesën e dytë, gol që vendosi rezultatin final të sfidës në 1-1.

E enjte, 1 gusht 2019
“Sheriff Stadium” (19:00)

Sherif T. – Partizani  1-1 (1-0)
N’diaje 63′ / Asani 29′

FORMACIONET

Sherif: Mikuliç, Muzek, Balima, Kristiano, Anton, Hordienko, Tambe, Boban, Latifi, Kendish, Diaje

Partizani: Hoxha, Boldor, Belica, Bitri, Trashi, Telushi, Mala, Broja, Asani (Braun 70′), Kordeiro, Solomon

Kartonë të verdhë: Paliç 9’, Muzek 52’, N’diaje 61’ / Solomon 28’, Boldor 62’, Mala 66’

EPISODET – 

90’ – Mbyllet takimi në Moldavi, Partizani eliminohet nga Europa League

63’ – Shënon Sherifi. N’diaje shfrytëzon mjaft mirë një harkim nga një goditje dënimi dhe mposht portierin Hoxha nga një distancë e afërt. Fillimisht, ka një flamurt lart për një pozicion të parregullt, por më pas goli akordohet. 1-1.

51’ – Minuta të qeta, Partizani mbrohet mirë

46’ – Nis pjesa e dytë në Moldavi, skuadrat zbresin në fushë

45′ – Mbyllet pjesa e pare, vendos goli i Asanit (29′)

29’ – Goool Partizani. Solomon lufton mirë me mbrojtjen kundërshtare dhe jep një pasim shumë të bukur te Asani, i cili i vetëm përballë portierit shënon me të majtë. 0-1 për “Demat e Kuq”

10’ – Sherifi synon të gjejë golin me krosime nga krahët, por Belica dhe Bitri largojnë çdo rrezik

1’ – Nis takimi në “Sheriff Stadium”

FORMACIONET E SFIDËS

Sherif: Mikuliç, Muzek, Balima, Kristiano, Anton, Hordienko, Tambe, Boban, Latifi, Kendish, Diaje

Partizani: Hoxha, Boldor, Belica, Bitri, Trashi, Telushi, Mala, Broja, Asani, Kordeiro, Solomon

Gjendja jo e mirë fizike (nuk luante prej 8 muajsh), bëri që Xhaiteh të aktivizohej në vetëm tre ndeshje nga trajneri i atëhershëm Skënder Gega. Në dy muaj  e fundit nga “demat” janë larguar lojtarë të shumtë, por Xhaiteh mbetet ende aty.

Klubi e ka bërë të qartë që 30-vjeçari nuk bën pjesë në planet e së ardhmes. Xhaiteh nuk është përfshirë në listën e të grumbulluarve për kualifikueset Europiane, ndërsa stërvitjet i zhvillon veçmas grupit së bashku me futbollistët e tjerë të padëshiruar.

Në një situatë të ngjashme palët do kishin arritur një marrëveshje për të ndërprerë bashkëpunimin me kohë, por situata nuk është aq e thjeshtë. Pavarësisht minutave të pakta, Xhaiteh është një ndër lojtarët më të paguar te Partizani dhe kontrata i mbaron në fund të sezonit të ardhshëm.

Siç duket mesfushori nuk e ka me nxitim dhe është i gatshëm të qëndrojë te “demat” edhe në rast mosaktivizimi, mjafton që në fund të muajit paga t’i kalojë në llogarinë bankare.

RRESHTIMI – Italiani i Partizanit ka menduar të ndryshojë modulin dhe skuadra e tij do të luajë me 3 në mbrojtje. Belica dhe Bitri janë sërish titullarë, ndërkohë që krah tyre do të luajë prurja e re, rumuni Boldor.

Në portë sigurisht që do të jetë kapiteni Alban Hoxha, kurse pistonë nga krahët janë përzgjedhur Esat Mala dhe Lorenc Trashi. Ky i fundit nuk është preferuar titullar në ndeshjet e mëparshme.

Bruno Telushi dhe Rron Broja do të luajnë në qendër të mesfushës, kurse në sulm të kuqtë do të kenë tre lojtarë. Solomon do të ketë mbështetjen e Asanit dhe Uilliam nga krahët.

Formacioni i mundshëm (3-4-3): Hoxha – Bitri, Belica, Boldor – Mala, Telushi, Broja, Trashi – Asani, Solomon, Uilliam

“Mendoj se rezultati i arritur në takimin e parë na penalizon disi dhe nuk e prisnim, gjithsesi ne do të luajmë dhe shfrytëzojmë në maksimum shanset tona deri në minutën e fundit të takimit. Sherifi është një skuadër me kualitete ka lojtar mjaft cilësor në sulm, fakt për të cilin jemi të vetëdijshëm, pasi i kemi studiuar edhe përpara se të përballëshim në sfidën në Tiranë, kemi ndjekur disa takime të Sherifit.

Gjithsesi, nëse duam të luajmë shanset tona për kualifikim, duhet të mendojmë vetëm për veten tonë. Jemi një grup mjaft i mirë me mjaft lojtarë të rinj të talentuar, të cilët kanë dëshirë të rriten, të përmirësohen dhe të bëjnë mirë. Në skuadër ka mjaft optimizëm pasi në futboll gjithçka është e mundur”, përfundoi Lerda.

Në këtë konferencë, ishte i pranishëm dhe mbrojtësi Boldor, një nga afrimet e Partizanit këtë verë. Rumuni tha: “Kemi ardhur për të luajtur shancet tona, panvarësisht rezultatit të takimit të parë. Jemi mjaft optimistë, pasi janë edhe 90 minuta të tjera për tu luajtur dhe do të japim maksimumin për të synuar kualifikimin”, u shpreh mbrojtësi i ardhur këtë merkato vere.

NJOFTIMI I RTSH – Rrugëtimi evropian i skuadrave shqiptare është shoqëruar gjatë gjithë verës në ekranin e RTSH që ka ndjekur hap pas hapi zhvillimet më të fundit, ndërsa nuk ka munguar as me transmetimet live të pjesës dërrmuese të ndeshjeve, një sakrificë jo e vogël në aspektin financiar.

Kukësi, Partizani, Laçi apo Teuta në duelet e tyre kontinentale nuk kanë munguar në ekranin publik, dritarja e vetme e transmetimeve ekskluzive gjatë muajit Korrik. RTSH u kujdes gjithashtu që pas sfidës së parë Partizani-Sheriff Tiraspol, të serviret falas për të gjithë shqiptarët edhe duelin e kthimit që do të luhet në Moldavi të enjten, por sjellja “anti-transmetim” e klubit moldav ka nisur qe përpara ndeshjes se parë në Tiranë duke bllokuar çdo mundësi që shqiptarët ta ndjekin në ekranin publik edhe duelin e dytë.

RTSH hyri në bisedime për të shkëmbyer sinjalin, pra me terma më të thjeshtë, të ofronte falas për moldavet transmetimin në Tiranë, në këmbim të transmetimit në Moldavi, ashtu si ndodhi me Qarabag, por përgjigja nga Klubi i Tiraspolit ka qenë e prerë pasi sipas tyre, nuk ju interesonte aspak transmetimi i ndeshjes së parë në Shqipëri. Kërkesës së RTSH për të blerë të drejtën televizive për ndeshjen në Moldavi, përfaqësuesit e Sherifit i janë përgjigjur me një shifër jo normale.

Shefi i klubit ka kërkuar 50.000 € për të drejtën e transmetimit, përpara se të luhej sfida në Tiranë. Ndërkohë që ditët në vijim, klubi i Sherifit ka shtuar dozën e kërkesave financiare deri në 70.000€ pa përfshirë kostot e prodhimit të sinjalit, një shifër e papranueshme edhe për një sezon dhe jo më për një ndeshje të vetme. Tallja e moldavëve ndaj transmetimit ka vijuar edhe në vendin e tyre, pasi të drejtën televizive për territorin e vet, ia kanë kaluar një televizioni lokal kabllor, TCB, i cili nuk transmeton në satelit, ndërkohë që duket qartë që në kronikën e këtij televizioni janë përdorur pamje të RTSH-së pa të drejta transmetimi, ashtu siç klubi ka bërë edhe në faqen e vet zyrtarë ku ka publikuar momentet më pikante të ndeshjes me logon e televizionit publik shqiptar.

Në këtë mënyrë, RTSH e ndjen për detyrë të informojë publikun shqiptar se ndeshja mes Sheriff Tiraspol dhe Partizanit nuk do të transmetohet për arsyet e sipërpërmendura, pavarësisht përpjekjeve dhe dëshirës së stafit të televizionit publik për të mos munguar as në këtë takim vendimtar për skuadrën e Partizanit.

Të gjithë lojtarët kanë qenë të pranishëm nën urdhrat e trajnerit të “Demave” dhe siç raporton faqja e klubit, asnjë nga futbollistët nuk vuan nga ndonjë dëmtim dhe se të gjithë janë gati. Edhe Jurgen Bardhi, i cili vuan nga një dëmtim kronik, do të jetë gati për sfidën e kthimit.

Tani mbetet në dorën e Lerdës për të zgjedhur futbollistët që do të luajnë në ndeshjen e kthimit në Moldavi, ku ende në pikëpyetje mbeten Trashi dhe Asani. Takimi i kthimit do të luhet me datë 1 gusht (të enjtën) në “Sheriff Stadium”, në orën 19:00.

“sportekspres.com”, mëson se Duro kërkon të marrë te Kukësi portierin e Partizanit Dashamir Xhika. 30-vjeçari është pjesë e kryeqytetasve prej pesë sezonesh, madje është pikërisht Duro ai që riktheu Xhikën te Partizani në verën e vitit 2014.

Pas pesë vitesh me aktivizime të pakta te Partizani, Xhika mund të gjejë të Kukësi një mundësi për një vend titullar, çka nëse ndodh do rriste ndjeshëm vlerën e tij në tregun e portierëve shqiptarë.

“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Sulmuesi i talentuar pati pësuar një dëmtim në kofshë dhe qëndroi rreth një muaj jashtë fushave. Tashmë, 21-vjeçari duket se është rikuperuar dhe sot ka kryer seancën e plotë stërvitore. Partizanit do t’i duhet të përmbysë humbjen 0-1 në “Selman Stermasi” nëse synon që të avancojë në fazën tjetër të Europa League.

Shumë pak skuadra në Superligë i besojnë produktit vendas dhe i japin mundësinë talenteve kuqezi që të aktivizohen në Superiore. Flamurtari po kalon një moment shumë të vështirë dhe ndoshta e shohin si detyrim të mos shpenzojnë, duke iu besuar produkteve të U-17 dhe U-19. Skuadra vlonjate është e vetmja që nuk ka asnjë të huaj në përbërje.

Edhe Vllaznia i ka besuar shumë futbollistëve shqiptarë, pasi ka vetëm një të huaj në ekip. Bëhet fjalë për lojtarin e transferuar sot, maqedonasin Gligorov. Luftëtari ka tre të huaj, ndërsa Laçi 5 të tillë.

Te Tirana kanë kontratë 6 futbollistë të huaj, ndërsa Bylisi, Skënderbeu dhe Kukësi kanë nga 8 futbollistë në ekip. Në krye, është Partizani, me plot 12 futbollistë që vijnë nga jashtë Shqipërisë.

Drejtuesit e klubit të kuq e vlerësojnë kontributin që mëngjarashi ka dhënë me fanellën e “demave” dhe i kanë ofruar një rol në strukturat e akademisë së klubit, ku mbrojtësi mund të hedhë hapat e parë si trajner.

Mbetet për t’u parë se çfarë vendimi do të marrë 35-vjeçari për të ardhmen e tij.

Ngo nuk ngurron të përgjigjet duke shkruar: Pa dashur të fyej Partizanin, por Tirana është klubi më i madh në Shqipëri, fakt.

Teksa çështja e së ardhmes së sulmuesit mbetet ende pezull, Ngo vazhdon të japë sinjale për rikthim teksa u përgjigjet në mënyrë të vazhdueshme tifozëve bardheblu që e kontaktojnë në rrjetet sociale.

DITËT E PARA TE TIRANA – “Të them të drejtën u ambientova shumë shpejt. Më duket sikur kam kohë te ky ekip. Disa prej çunave i kam dhe shokë jashtë fushe. I falënderoj të gjithë për mbështetjen që më kanë dhënë”, thotë fillimisht mesfushori.

MERKATO –  “Mendoj se të gjitha blerjet janë të goditura. Janë blerjet më të mira të mundshme përsa i përket kampionatit shqiptar. Kam shumë besim te lojtarët që kanë ardhur. Të gjithë duhet të japim maksimumin për të çuar Tiranën atje ku e meriton. Shpresojmë t’ia arrijmë”.

Keni festuar në derbi kur ishin pjesë e Partizanit, po nëse shënoni me Tiranën do festoni?

“Ma kanë bërë dhe një herë tjetër këtë pyetje. Të jem i sinqertë nga këtu, mund të mendoj shumë gjëra, por në fushë të tjera gjëra i ndjen, sepse janë emocionet ato që të shtyjnë shumë gjëra që nuk i ke menduar. Gjithsesi unë shpresoj të shënojmë njëherë, më pas për të festuar e zgjedhim vetë”.

RAPORTI ME TIFOZËT –“Që të më duan tifozët, unë e kam shumë të thjeshtë, pasi më duhet të jap maksimumin për fanellën e Tiranës.  – Druajtje për derbin? Jo nuk druhem aspak. Unë njihem si karakter që mezi i pres këto ndeshje.

Duhet të kthehemi pas në 29 qershorin e 2017-ës për të gjetur golin e fundit të të kuqve në arenën e europiane. Një “predhë” tipike nga e majta e Xhevahir Sukajt zhbllokoi rezultatin në “Selman Stërmasi” kundër bullgarëve të Botev Plovdiv.

Që prej atij momenti Partizani ka luajtur shtatë ndeshje të tjera në kualifikueset e garave europiane, ku në asnjë prej tyre s’ka gjetur rrugën e golit, plot 716 minuta “thatësirë” para portës.

Trajneri kundërshtar Zoran Zekiç shprehet se ekipi e tij e kontrolloi ndeshjen. Nuk mendon aspak se ka përfunduar gjithçka. Latifi ia kërkoi vetë zëvendësimin.

“Dua të uroj të dy skuadrat, pasi sot ndeshje u luajt në temperatura shumë të larta dhe ishte shumë e vështirë të luhej futboll, megjithatë mendoj se sot skuadra ime ishte më e mira sot. Shënuam një gol dhe patëm shumë raste të tjera ku u treguam të pasaktë. Gjithsesi kemi dhe një ndeshje tjetër, ku shpresojmë të arrijmë sërish. Ata mbrohen dhe kundërsulmojmë mirë, por sot ndeshjen e kishim ne në kontroll”.

NDESHJA E KTHIMIT – “Partizani do të luajë ndryshe ndeshjen tjetër. Mendoj se do të bëjnë një lojë shumë sulmuese. Do të jetë një gabim i madh nëse lojtarët e mi do mendojnë se se çështja e kualifikimit esht mbyllur”.

ZËVENDËSIMI I LATIFIT – “Ai e kërkoi vetë zëvendësimin pasi mbaroi pjesa e parë. Ishte i dëmtuar dhe nuk mund të luante mirë.”

“Humbëm pasi ata arritën të shënon, ndërsa ne jo, pavarësisht se krijuam shumë raste për shënim. Dhjetë minutat e para skuadra ishte disi e kontraktuar, por me kalimin e minutave arritëm të dilnim në lojën tonë”.

NDESHJA E KTHIMIT – “Kam besim. Besoj sepse skuadra ka treguar se ka shumë vlera. Do të na duhet të mos minimizojmë gabime, ndryshe nga sot. Sot nuk arritëm të dilnim në lojën. Pësimi i golit na prishi ekuilibrat. Nuk arritëm që të kishim një lidhje midis dy reparteve.”

MUNGESA E GOLAVE – “Nuk mendoj se kemi një problem me sulmin. Ne krijuam plot raste, por nuk arritëm të shënonim. I tillë është futbolli”.

NDESHJA

Sherif e fillon lojën me një rast të shkëlqyer, por sulmuesi Gordenko shpërdoron në mënyrë të pabesueshme pak metra larg portës së boshatisur. Në minutën e 22’ vjen goli i parë i ekipit mik që gjen avantazhin falë kamerunasit tambe. Goli zgjon Partizanin që fillon të bëhet më i rrezikshëm, por të kuqtë rrezikojnë vetëm me goditjet nga distanca.

Në fillimin e pjesës së dytë Çinari ka një rast të shkëlqyer, por shkodrani vështirëson gjithçka duke goditur në mënyrë të pasaktë topin me kokë. Moldavët fillojnë të shfaqen të rrezikshëm  me anë të kundërsulmeve, megjithatë Hoxha mban portën e paprekur në dy raste. Mbrojtja e ngjeshur e Sherif bëhet një makth për kampionët e Shqipërisë që tentojnë të gjejnë golin e barazimit me goditje nga distanca, por pa sukses.

“Europa League”, turi i dytë kualifikues

Partizani 0 – 1 Sherif
Shënues: Tambe 22′

Kartonë të verdhë
Ibrahimi 20′ / Ndiaje 37′, Anton 47′, Tambe 59′, Balima 90+7′

Episodet !

90′ – Hoxha shpëton Partizanin. Portieri pret goditjen e Boban.

74′ – Kundërsulm i rrezikshëm nga Sherif. Boban shërben për Tambenë i cili ishte fare pranë, por kamerunasi nuk tregohet i saktë në goditjen e topit.

67′ – Kordeiro tenton nga një largësi e konsiderueshme, por brazilianit nuk arrin të shënjestrojë portën.

60′ – Boban teston Hoxhën, i cili e ka të lehtë të kontrollojë një goditje qëndrore.

48′ – Hakaj harkon një top për Çinarin, por goditja me kokë e Çinarit është e pasaktë.

45+2′ – Mbyllet pjesa e parë!

41′ – Broja shfaqet i rrezikshëm. Goditja e mesfushorit neutralizohet nga portieri i Sherif Tiraspol.

38′ –  Çinari provon nga largësia. Goditja e fortë e shkodranit nuk rrezikon portën e moldavëve.

34′ – Solomon shfaqet i rrezikshëm me shpejtësinë e tij, por portieri i moldavëve del në kohë duke larguar rrezikun.

28′ – Kordeiro harkon një top në zonë drejt Malës. Mesfushori është i vetëm në zonë, por nuk arrin të gjejë kontaktin me topin.

22′ – Goool! Shënon Sherif. Goditja e fortë e Kendish pritet me vështirësi nga portieri Hoxha, por topi përfundon më pas në këmbët e Tambe, i cili e shtyn me lehtësi drejt portës.

15‘ – Rasti i parë i rrezikshëm i Partizanit. Kordeiro i afrohet goli me një goditje nga largësia. Topi përfundon pak metra mbi tra.

10′ – Shpërdorim i pabesueshëm nga moldavët. Ukrainasi Gordenko nuk arrin të shënoj nga pak metra larg portës.

Partizani: Hoxha, Ibrahimi, Belica, Bitri, Hakaj, Telushi (Romero 71′), Broja, Mala, Çinari (Asani 51′), Solomon (Ekuban 57′), Kordeiro. Trajner: F.Lerda

Sherif: Mikuliç, Muzhek, Balima, Kristiano, Anton, Gordienko (Jaç 90+1′), Kendish (Paliç 90+4′), Ndiaje, Boban, Latifi (Çojoçaru 48′), Tambe. Trajner. Z.Zekiç

Franko Lerda nuk ka bërë shumë ndryshime në krahasim me përballjet kundër Karabakut në Champions. Rron Broja është emri i ri i formacionit të “demave”, ndërsa Asani dhe Trashi do ta nisin nga stoli.

Alban Hoxha do të jetë si gjithmonë mes shtyllave. Bitri-Belica do të formojnë murin e mbrojtjes, ndërsa krahët do të mbulohen nga Ibrahimi dhe Hakaj.

Telushi-Mala-Broja do të jenë treshja e mesfushës. 23-vjeçari nga Mitrovica, i cili erdhi nga Shkupi, do të debutojë me ngjyrën e kuqe dhe të gjitha janë kurioz ta shohin në aksion.

Solomon në qendër dhe Çinari e Kordeiro nga krahët do të formojnë sulmin e kampionëve, ndërsa si titullar do ta nisë sfidën edhe Liridon Latifi, i cili u transferua te klubi moldav gjatë kësaj vere.

GRUPI – “Partizani edhe në sezonin e shkuar edhe tani ka pasur grup cilësor. Me këtë grup që kemi ne synojmë që të jemi sa më të fortë. Një dorë të mirë po na japin edhe lojtarët që kanë ardhur si përforcime, sepse edhe ata kanë filluar që të ambientohen me skuadrën. Vërtetë lojtarët e ardhur kanë pak kohë, ndërsa sulmuesit nuk mund t’i vlerësojmë nga ndeshja me Karabakun. Mendoj se në ditët në vazhdim edhe ata do të jenë një forcë e madhe e Partizanit. E rëndësishme është që kemi konkurrencë në sulm dhe kjo është shumë pozitive për skuadrën dhe trajnerin”.

SHERIFI – “Është një kundërshtar i fortë, por as për t’u nënvlerësuar dhe as për t’u mbivlerësuar. Ne do të kërkojmë që t’i godasim ata në pikat e dobëta. Kam besim se do të jetë një ekip më sulmues në ndeshjen që do të luajmë këtu”.

KUALIFIKIMI – Shanset janë të mëdha, kryesore është që ne të futemi dhe të japim më të mirën tonë. Të luajmë siç edhe luajtëm me Karabakun, të përmirësohemi në sulm dhe kam besim se do të bëjmë gjëra shumë të mira”.

ROLI – “Kam luajtur me Hilën, edhe me Koten që është djalë i ri. Tashmë po përshtatem edhe me Melon apo Malën. Çdo gjë e vendos trajneri. E rëndësishme që kushdo që të futet të bëj më të mirën për Partizanin”.

TIFOZËT – Mesazhi është i qartë për tifozët tanë. Ata janë një tifozeri e mrekulleshme. Janë lojtari ynë i 12-të dhe kjo na ndikoi edhe në Baku. Po të ishin ata do të jepnim edhe më shumë, sepse dihet që ata janë një “frymë” dhe forcë e madhe për ne”.

SHERIFI – “Sigurisht që përballë kemi një kundërshtar të cilin do ta vlerësojmë maksimalisht, duke ditur ecurinë e tij gjatë viteve të fundit. Është një skuadër që këtë sezon ka ndryshuar mjaft lojtarë. Por ne do ta vlerësojmë maksimalisht”.

MUNGESA E GOLIT– “Skuadra ka krijuar shumë raste në 2 përballjet e Champions, por nuk kemi arritur të realizojmë. Kjo nuk është problem. E rëndësishme është që ne të krijojmë raste”.

OBJEKTIVI– “Detyrim për ne është që të japim maksimumin. Të zhvillojmë me përpikmëri të gjitha ato që kemi zhvilluar në stërvitje. Për sa i përket kualifikimit ajo do të jetë në vazhdimësi të këtyre që thashë”.

SULMI – “Parësore për mua është të sulmojmë në grup dhe të mbrohemi në grup si skuadër. Ky është objektivi që kam unë”.

PRESIONI – “Kemi bërë 2 paraqitje të mira ndaj Karabakut. Kjo falë respektit që unë kam pasur te skuadra dhe lojtarët e mi, për atë çfarë kanë dhënë në fushë. Treguan që përveçse janë lojtar cilësorë, janë grup me mjaft vlera”.

PARTIZANI – “Tirana është një qytet shumë i bukur, por bën tmerrësisht shumë vapë. Partizanin e kam parë në dy ndeshjet kundër Karabakut. Kanë ndërruar trajner dhe stili i tyre kanë ndryshuar. Njoh disa lojtarë të mbrojtjes, njoh edhe sulmuesin Solomon, pasi ka luajtur në Kroaci”.

PRITSHMËRITË – “Çfarë pres nga kjo ndeshje? Pres shi (qesh). Nuk kemi çfarë të presim, ne kemi ndryshuar shumë lojtarë. Kemi vetëm 20 ditë që luajmë bashkë. Disa herë nuk e di çfarë të pres nga ekipi im”.

LATIFI – “Nëse Latifi luan ashtu siç luajti me Skënderbeun para dy vitesh, do të ishte diçka shumë fantastike për ne. I di aftësitë e tij, pasi e kam ndjekur që para tre vitesh, kur luante në kampionatin shqiptar. Te Akademia Pushkash pati disa probleme, nuk u aktivizua. Ai kërkon kohë që të rikthehet në formë, por unë nuk kam kohë”.

NDESHJA – “Nesër pres një ndeshje shumë të vështirë, tifozeria do të jetë një armë më shumë për Partizanin. Edhe kushtet atmosferike nuk janë në favorin tonë. Dua që skuadra ime të luajë futboll, të bëjë paraqitje të mirë. Duhet të shënojmë, por sesi do dalë rezultati, nuk mund të them asnjëgjë”, përfundoi trajneri i Sherifit.

Boldor ka qenë pjesë e kombëtareve U17 dhe U21 të Rumanisë, ndërsa tani do të luajë i huazuar për një sezon te “demat e kuq”.

Një përforcim me vlera për trajnerin Lerda, Boldor ka provuar eksperienca të ndryshme më parë me Romën, Bolonjën, Peskarën dhe Montreal Impakt, ekip që garon në kampionatin amerikan.

Rumuni i është bashkuar menjëherë ekipit të ri në stërvitje dhe është gati për dy ndeshjet e Ligës së Europës kundër Sherif Tiraspolit.

Disa prej jush mund ta kujtoni këtë lojtar, pasi Samaseku ka qenë një ndër protagonistët e ndeshjes midis Partizanit dhe Salburgut, më 26 korrik të 2017-ës, në takimin e vlefshëm për raundin e tretë të kualifikueseve të Europa League.

Lojtari asokohe 20 vjeç la me 10 lojtarë skuadrën e tij për shkak të dy kartonëve të verdhë në vetëm tre minuta tre minutave. Të dy kartonët u dhanë për faulle ndaj Agustin Torasës, i cili zhvilloi një ndeshje të shkëlqyer, por pa mundur të ndihmojë “demat e kuq”, të cilët humbën takimin me rezultatin 0 – 1 pas një penalltie të fituar nga Valon Berisha në minutën e 70-të.

Futbollisti 24-vjeçar transferohet në kryeqytet në formë huazimi nga skuadra e Xhenoas. Sezonin e kaluar Boldor është aktivizuar në Serie B me skuadrën e Foxhës, ndërsa ka pasur edhe një eksperiencë në kampionatin amerikan “MLS” me Montreal Impacts.

Boldor është transferuar në Itali në moshën 16-vjeçare, ku ka qenë për disa vite pjesë e akademisë së Romës. Në vitin 2016 Bolonja bleu për 500 mijë euro kartonin e tij. Pas qëndroi dy vite me bolonjezët, Boldor ndërroi ekip me  Veronën që pagoi 100 mijë euro për shërbimet e rumunit gjatë verës së vitit të kaluar.

“Unë personalisht nuk prisja shumë nga ekipet shqiptare në këto kualifikuese. Duhet të themi se futbolli shqiptar është në një moment udhëkryqi. Klubet shqiptare duhet të sigurohen të kenë baza të sigurta për të ardhmen dhe jo të mbështeten në kala letre”, tha fillimisht Jupi.

Shembulli i Skënderbeut –  “Është një skuadër që u bë disa vite. U deshën 3, 4 vite që të fillojnë të luajnë një futbollit të një cilësie të mirë. Kjo gjë ka ndodhur me të gjitha ekipet, duhet pasur durim dhe një projekt serioz. Duhet t’i dimë limitet tona, por më vjen inat që ekipet shqiptare i mbivlerësuan kundërshtarët”.

SHKARKIMET  E TRAJNERËVE –“Kushdo president që shkarkon një trajner, duhet të kuptojë që ka shkarkuar zgjedhjen e vet. Ai duhet ta marrë këtë si gabim në zgjedhjen e tij. Unë nuk besoj se presidentët tanë janë kaq të paaftë dhe të paditur. Nuk mund të jetë i gjithi faji i trajnerit në një dështim, ose sikundër nuk është e gjithë merita e tij në një sukses”.

Mesfushorit anësor nuk iu rinovua kontrata dhe menjëherë pas ndeshjes me Debreçenin, kaloi si lojtar i lirë. Interesimi për të është i madh, sidomos nga Kosova, me dy skuadra të IPKO Superligës që duan firmën e tij.

Drita dhe Gjilani ishin garueset e vetme për të siguruar firmën e Çyrbjes, por një ofertë e tretë surprizë ka ardhur orët e fundit. Siç raporton “Ora News”, Partizani synon ta transferojë mesfushorin anësor në “Selman Stermasi”. Drita dhe Gjilani i kanë ofruar një pagë 50 mijë euro në sezon, por një ofertë më e mirë e “Demave të Kuq”, mund ta shohin 25-vjeçarin të qëndrojë në Superiore.

Një ndër ndryshimet e shumta që italiani pritet të bëjë është hedhja në fushë nga minuta e parë e mesfushorit venezuelian Aristoteles Romero. Futbollisti i huazuar nga Krotone nuk ka qenë në stol në dy ndeshjet me Karabak, por shansi i 23-vjeçarit për të treguar veten pritet të vijë ndaj ekipit moldav.

Aktivizimi i fundit i Romeros si titullar daton më 4 dhjetor të vitit të kaluar, në takimin e Kupës së Itali, ku Krotone u ndesh me Bolonjën.

Klubi i kuq ka ofruar dy çmime biletash për këtë takim. Sportdashësit që duan ta shohin ndeshjen në tribunat A1, A2, B1, B2, do duhet të paguajnë 1000 Lekë (të reja) për t’u pajisur me biletë, ndërsa biletat për tribunat C1,C2,D1,E,F,G1,G2,H1,H2 do të kushtojnë 300 Lekë (të reja).

Sllovenët e Maribor janë një kundërshtar që njihen mirë nga kryeqytetasit, pasi vetëm një vit më parë fati vuri përballë njeri-tjetrit dy ekipet në raundin e parë të kualifikueseve të Europa League.

AIK, ekipi kampion i Suedisë është një gjithashtu një ekip i fortë me buxhet të madh dhe  lojtarë cilësorë në përbërje si Sebastian Larson dhe norvegjezi Tarik Eljonuzi.

Një ndër lojtarët e përfolur më së shumti për një ndarje me kryeqytetasit është Lukas Kardozo. 25-vjeçari ka qenë i pafat gjatë qëndrimit të tij me kryeqytetasit. Një dëmtim i rëndë në gju gjatë vitit të kaluar bëri që braziliani të qëndronte për më shumë se 8 muaj larg fushave të blerta.

Një largim nga Shqipëria preferohet nga sulmuesi, por fjala e fundit i takon klubit kryeqytetas. Braziliani ka një ofertë konkrete, gjithsesi largimi nga “demat” s’do të jetë aq i thjeshtë. Partizani nuk pranon ta lëshojë futbollistin pa u kompensuar nga ana financiare.

Kardozo iu bashkua të kuqve në janar të vitit 2018 nga maqedonasit e Pelister. Për kartonin e 25-vjeçarit u pagua një shumë te përafërsisht 30 mijë euro, shumë kjo që Partizani kërkon ta marrë mbrapsht në rast largimi të futbollistit.

Të enjten demat mirëpresin në Tiranë një tjetër ekip kampion. Moldavët e Sherif Tiraspol rikthehen në Shqipëri dy vite pasi u përballën me Kukësin e Ernest Gjokës. Skuadra nga territori autonom i Transnistrisë nuk vjen si favoritë këtë në takim në kuotat e kompanive ndërkombëtare të basteve.

Kampionët e Shqipërisë shihen si favoritë me një koeficient fitoreje prej 2.34, ndërsa barazimi kuotohet me 3.24. Triumfi i moldavëve në tokën shqiptare shoqërohet ke koeficientin 2.75.

Tirana:

U prehsh ne paqe Fatmir Frasheri

Eshte ndare sot nga jeta Fatmir Frasheri, nje nga ikonat e familjes bardheblu. Ish futbollist, trajner dhe pjese e rendesishme e historise se klubit.

Klubi i Futbollit Tirana i gjendet prane familjes Frasheri ne kete moment te veshtire.

NGUSHËLLIM

Me keqardhje të thellë mësuam sot lajmin e ndarjes nga jeta në moshën 78 vjeçare të ikonës së futbollit shqiptar Fatmir Frashëri nga një sëmundje e rëndë. Frashëri një prej kolosëve të futbollit tonë ishte emblemë e klubit të Tiranës si lojtar në vitet 60 – 70 duke fituar 4 Tituj Kampion të Shqipërisë. Si trajner ai drejtoi me mjaft sukses ekipet e Tiranës, Besës, Naftëtarit dhe Dinamos. Gjithashtu Frashëri për 3 vite ishte pjesë e Partizanit, skuadër me të cilën fitoi edhe 2 tituj të tjerë Kampion të Shqipërisë në sezonet 1962 – 1963 dhe 1963 – 1964. Frashëri mbajti veshur për 12 ndeshje edhe fanelën e ekipit tonë përfaqësues. Njëkohësisht ish mbrojtësi brilant është vlerësuar me titujt “Mjeshtër i Madh” dhe Mjeshtër i Merituar .

Klubi i Futbollit Partizani i përcjell ngushëllimet më të sinqerta familjes dhe të afërmve, për këtë humbje të madhe.

U prehsh në paqe ikona Fatmir Frashëri!

FSHF:

Futbolli shqiptar sot ka humbur një nga figurat më të mëdha. Pas një sëmundje të rëndë, është ndarë nga jeta në moshën 78 vjeçare ish-futbollisti i shkëlqyer i Tiranës dhe Kombëtares, “Mjeshtri i Madh”, Fatmir Frashëri.

Fatmir Frashëri ka lënë shenjë në futbollin shqiptar nga fundit viteve 50-të deri në fillimin e viteve 70-të, si një mbrojtës i shkëlqyer, me një qetësi të admirueshme dhe personalitet të jashtëzakonshëm brenda dhe jashtë fushave të blerta, duke u cilësuar nga të gjithë si një ndër më të shkëlqyerit e brezit të tij. Frashëri ka kontribuar në futbollin shqiptar për shumë vite edhe në pozicionin e trajnerit për shumë vite si edhe President i Klubit të Futbollit Tirana.

“I tronditur dhe me hidhërim të thellë, dëshiroj të ndaj me ju lajmin e trishtë se Fatmir Frashëri, ish-mbrojtësi i madh i Kombëtares dhe Tiranës, President klubi, mik dhe dashamirës i madh i futbollit, është ndarë nga jeta përgjithmonë. Në këtë moment të vështirë për të gjithë ne, familjen e tij, miqtë dhe të dashurit, besoj dhe shpresoj që kjo humbje e pakthyeshme të lërë brenda nesh kujtimin më të mirë për Fatmirin. Në emër të Federatës Shqiptare të Futbollit dhe gjithë familjes së madhe të futbollit shqiptar gjej rastin t’i shpreh familjes dhe miqve të tij ngushullimet më të sinqerta për humbjen e njeriut më të dashur. Kujtimet që na ka lënë, do të jenë të paharruara”, ka deklaruar Presidenti i FSHF-së, Armand Duka, sapo ka mësuar lajmin e dhimbshëm.

Ky klub dominon prej dy dekadash futbollin moldav. Mjafton të përmendim faktin që në 19 sezonet e fundit kanë fituar titullin kampion 17 herë dhe trofeu i 18 është rrugës. I mbështetur ekonomikisht nga kompania multimilionere “Sherif”, një konglomerat në pronësi të dy shtetasve rus, kjo skuadër paraqet një realitet krejt të ndryshëm nga pjesa tjetër e futbollit moldav.

Stadiumi dhe kompleksi gjigant përreth tij janë një investim prej 200 milionë eurosh i kompanisë “Sherif”, çka e bën klubin nga qyteti i Tiraspoli të vetmin që ka në pronësi private stadiumin dhe kompleksin e tij.

Megjithatë, duhet përmendur se buxheti i moldavëve është më i vogël se ai i azerëve të Karabak. Sherif është ndeshur disa herë në Europë me klube shqiptare, ku përballja e parë ka qenë ajo ndaj Dinamos në vitin 2011. Moldavët fituan ndeshjen e parë 3-1, ndërsa në Qemal Stafa u mundën 1-0.

Më e freskët është përballja e dy viteve më parë kundër Kukësit. Verilindorët iu afruan shumë kualifikimit, por shtyllat dhe një penallti e humbur e Pero Pejiç i erdhën në ndihmë ekipit moldav. Gjithsesi një shembull i mirë vjen nga Shkëndija e Tetovës, që i eliminoi vitin e kaluar në turin e dytë të Champions League.

Skuadra moldave nuk ka ndonjë futbollist me emër në kontigjent, por mes tyre ndodhet një lojtar që njihet mirë nga ndjekësit e Superiores. Bëhet fjalë për Liridon Latifin. Ish-sulmuesi anësor i Skënderbeut u transferua disa javë më parë te kampionët e Moldavisë dhe tani do rikthehet në Shqipëri pas më shumë se dy vitesh.

Lerda u ndëshkua me të verdhë në këtë takim (rregull i ri nga FIFA) për shkak të shkelmimit të një shisheje, por në intervistë italiani nuk pranoi të bënte polemika duke thënë thjesht se ishte një veprim që u bë për shkak të ngarkesave emocionale që jep një ndeshje futbolli.

 Në të dyja ndeshjet zgjodhët një lojë ultra-mbrojtëse. Përse kjo strategji ?

Ekipin e vendos në varësi të forcës së kundërshtarit. Nëse kam përballë një skuadër të fortë si Karabak, natyrisht që do ta vendos ekipin në mbrojtje. Në rast se kundër do të kisha një ekip më të lehtë, skuadra do bënte një lojë më sulmuese”.

Largoheni nga Azerbajxhani me pendesë?

Jo aspak. S’kemi për çfarë të pendohemi. I uroj suksese Karabakut. Gjithsesi tani duhet të mendoj për skuadrën time.

Sa mendoni se mund të ecë përpara Karabaku?

Karabak janë një skuadër shumë  e fortë, por nuk mund të them se deri ku mund të shkojnë ata. Kjo skuadër ka lojtarë cilësorë si Kintana. Ai sapo u fut në lojë, u gjend në vendin e duhur në kohën e duhur dhe na ndëshkoi. Mbrojtësi i majtë Ailton është një lojtar shumë i mirë gjithashtu”.

Shkelmuat  një shishe gjatë lojës dhe u ndëshkuat me kartonin e verdhë. U acaruat që arbitri nuk iu dha penallti për prekjen me dorë?

Ishin thjesht emocione gjatë lojës.

(përkthyer nga sportal.az)

Trajneri i Partizanit, Franko Lerda, foli pas ndeshjes për RTSH Sport.

REZULTATI – “Pak i zhgënjyer, kur humbet nuk mund të jesh i kënaqur. Është e vështirë për ta thënë çfarë nuk funksionoi, pasi ka shumë diferenca mes dy skuadrave. Janë dy skuadra me koefiçent shumë të ndryshëm, por ne luftuam gjatë gjithë takimit. Mendova se nëse nuk i bën këta gola, bëhet e vështirë. Ne në të dyja ndeshjet kemi humbur katër, pesë raste. Mund ta shënonim një gol me pak fat”.

TRASHI DHE SKUADRA – “Diferencat e skuadrave janë shumë të mëdha, i bëj komplimente djemve, pasi janë “shtrydhur” deri në fund. Një rezultat që qëndron, por ishte një ndeshje e varur në fije te perit deri në fund. Kemi mbrojtur me rregull, për thuajse për dy ndeshje. Zgjedhja për të mbajtur jashtë Trashin, është zgjedhje teknike. I bëj unë këto zgjedhje, jo klubi”, përfundoi Lerda.

Ndeshja ishte shumë e luftuar nga të dyja skuadrat në pjesën e parë, me Partizanin që rrezikoi me kundërsulme dhe me Karabakun që dominoi në qarkullim topi. Në pjesën e dytë, Karabaku u hodh i gjithi në sulm dhe kërkoi me ngulm golin, që erdhir pas vetëm 7 minutash lojë në fraksionin e dytë.

Ailton kroson bukur nga e majta dhe mbrojtja e Partizanit është e pavendosur mirë. Ozobiç përfiton, duke gjetur hapësirën e duhur dhe duke shënuar një gol shumë të bukur me kokë. Në sekondat e fundit të sfidës, Kuintana do të shënonte golin e dytë për Karabakun me anë të një kundërsulmi,  gol ky që vendosi dhe rezultatin final në 2-0.

Champions League, 17 korrik 2019 (19:00), Baku

Karabak – Partizani  2-0  (0-0)
Ozobic 52′, Kuintana 90+4′

EPISODET –

90’ – Mbyllet takimi në Baku. Karabaku triumfon 2-0 përballë Partizanit, duke u kualifikuar në turin tjetër.

90+4’ – Karabaku shënon sërish. Kuintana, i sapo futur në lojë, shënon me topin e parë që prek, duke vendosur rezultatin final në 2-0

75’ – 30 sekonda më vonë, Hoxha bën heroin e Partizanit. Plot 4 tentativa të vendasve, që i shkojnë shumë pranë golit, por gardiani i “Demave” ndal gjithçka

74’ – Minuta të çmendura. Fillimisht, është sulmuesi i Partizanit, Solomon, që humbet një rast të artë, totalisht i vetëm përballë portierit.

62’ – Karabaku pranë golit të dytë. Sulmuesi Jaime është i lirë para portierit Hoxha, godet me të majtën, por pret gardiani i Partizanit

52’ – Zhbllokohet takimi, shënon Karabaku. Një krosim nga e majta e Ailton gjen kokën e kroatit Ozobiç, i cili nuk e ka të vështirë të mposhtë Hoxhën. Në avantazh vendasit.

49’ – Karabaku pretendon për penallti. Një krosim nga e majta përplaset në trupin e Hakajt dhe vendasit i vërsulen arbitrit, por ky i fundit nuk akordon penallti

46’ – Fillon fraksioni i dytë i lojës.

45’ – Pjesa e parë ishte shumë e kujdesshme për të dyja skuadrat, që nuk duan kurrsesi të pësojnë. Çinari rrezikoi portën e Karabakut në mesin e pjesës së parë, ndërsa vendasit dominojnë në qarkullim topi

28’ – Partizani shfaqet më në fund te porta e Karabakut. Asani dhe Çinari kombinojnë mirë nga e djathta, me shkodranin që mund mendohet dy herë dhe lëshon një të majtë nga një distancë e largërt. Portieri kundërshtar nuk rrezikon dhe çon topin në goditje këndi

13’ – Rasti i parë i rrezikshëm është për vendasit e Karabak. Zubir provon të djathtën nga jashtë zone, por topi i tij shkon ngjitur me shtyllën

1’ – Fillon takimi në Baku, Partizani përplas “brirët” kundër Karabakut

FORMACIONET

Karabak: Vagner, Ailton, Mamadov, Medvedev, Abdullajev, Mishel, Romero, Sadigov, Zubir, Ozobiç, Almeida

Partizani: Hoxha, Ibrahimi, Belica, Bitri, Hakaj (Braun 83′), Telushi, Mala, Kordeiro, Çinari (Trashi 62′), Asani, Solomon (Ekuban 75′)