I quajnë “Grobari”, që e përkthyer nga gjuha serbo-kroatisht do të thotë Varrhimësit… Të veshur gjithmonë bardhezi dhe me një rivalitet të ndezur me Crvena Zvezdën, skuadrën e të njëjtit qytet, pra Beogradit. Eshtë tifozeria e Partizan Beogradit, por protagonisti i njohur nga të gjithë shqiptarët quhet Ivan Bogdanov, ose ndryshe Ivani i Tmerrshëm, ai që në Beograd, për sfidën Serbi-Shqipëri, zbriti në fushën e blertë me qetësinë më të madhe dhe pasi kërcënoi me jetë lojtarët kuqezi, u ngjit sërish, teksa policia qëndronte e pafuqishme për të vepruar. Bogdanov është lideri i Delije, pra tifogrupi i Crvena Zvezdës ose ndryshe “bijtë” e Tigrit Arkan, që u vra në vitin 2000 në Beograd, pasi në cv e tij famëkeqe rezultonin masakra të çfarëdo lloji. Që Ivani ka imunitet në Serbi kjo u dallua edhe pas trazirave në Itali-Serbi, kur i vetëm me ushtarët e tij mori peng gjithë “Marassi”-n, duke djegur edhe flamurin shqiptar. i arrestuar nga policia italiane, nga frika se mos në burg do të kishte hakmarrje të shqiptarëve, e çuan në burgun e grave. Dhe, pas gjashtë muajsh, u ekstradua në Serbi, aty ku më 24 prill 2013, më shumë se 1 vit nga ngjarjet e Xhenovës, do të lirohej me kusht. Ju ndalua edhe të futej në stadium për një vit, por në më pak se 4 muaj ai u rishfaq aty, mes tifozerisë Delije. Nga Grobari te Delije, pra “Patriotët”, policia e ka të pamundur të ndërhyjë, teksa prej vitesh, ata që jetojnë në Beograd, e kanë kuptuar këtë gjë: politika i financon dhe mbështet. Sa herë që ka tubime të ndryshme kundër vendimeve të UE, apo edhe për të ndezur raportet diplomatike, hyjnë në skenë ata, Bogdanov me shokë.

Vëllazërimi
Partizan, PAOK dhe CSKA, aleancat e rrezikshme!
Sot në stadium, përkrah tifozëve vendas të Partizan Beogradit mund të jenë edhe dy tifozeri të tjera, edhe pse të paktë në numër. Sepse, tifogrupi Grobari kanë aleancë dhe binjakëzim me dy tifogrupe të tjera të njohura, si ai i PAOK-ut (Gate 4) dhe ultrasit e CSKA Moskës, të cilët pardje kanë pasur transfertë në Bazel dhe në kthim mund të bëjnë edhe një xhiro në Beograd, te “vëllezërit” e tyre. Një nacionalizëm që mund të jetë i rrezikshëm sot në stadium, duke qenë se edhe grekët, por edhe rusët, janë në një mendje sa herë flitet për Kosovën dhe Pavarësinë e saj.

– Një trajneri të mirënjohur kroat i është refuzuar pajisja me biletë për ndeshjen Skënderbeu-Partizani i Beogradit në sportelin e Elbasan Arenës

– Ndeshjen Skënderbeu-Partizani i Beogradit e monitoruan edhe dy oficerë sigurie të UEFA-s , ndërkohë që zakonisht caktohet vetëm një.

– Bluzat e fëmijëve që shoqëruan ekipet ishin me mbishkrimin me mesazhin “Futbolli për të gjithë”.

– Kërkesat për bileta Vip Gold kanë qenë të jashtëzakonshme , gjë që nuk ka ndodhur në asnjë ndeshje tjetër ndër kombëtare të zhvilluar në Elbasan Arena

– Administrata e Elbasan Arena për herë të parë që nga inaugurimi i këtij impianti kishin treguar kujdes maksimal për foninë e zërit të spikerit të këtij gjiganti sportiv, në mënyrë që akustika të ishte e shkëlqyer.

– Për sigurimin e mbarëvajtjes së ndeshjes Skënderbeu-Partizani i Beogradit ishin dislokuar 221 forca policie dhe grupet e FNSH.

– Në orën 16.00-16.30 qentë antieksploziv kanë kontrolluar të gjitha ambientet e  brendshme dhe ato përreth Stadiumit Elbasan Arena.

– Zv.Drejtori i Policisë, mesazh policëve para fillimit të ndeshjes: “Kryeni me përgjegjshmëri detyrën”.

– Presidenti i Federatës Serbe të Peshëngritjes, Milan Mihajloviç, ishte në Elbasan Arena duke përfituar nga rasti që prej një jave ndodhet në Durrës, ku po zhvillohet Kampionati Europian i peshëngritjes për te rinj dhe deri 23 vjeç.

– Nuk mund të mungonte në stadium Sokol Kushta, një personazh mjaft i njohur jo vetëm në Shqipëri, por me siguri edhe në Serbi, për ata që kanë ndjekur Flamurtari-Partizan 30 vite më parë.

– Rrugët në hyrje të Elbasan Arena u monitoruan gjatë gjithë pasdites dhe mbrëmjes së djeshme nga Forcat e Ndërhyrjes së Shpejtë.

– Një punonjës policie orientonte hyrjen e tifozëve me megafon, në momentin që nisi fluksi i tifozëve për të hyrë në stadium.

– Në 19.25 mbërritën autobusët e Skënderbeut dhe Partizanit në stadium. Fishkëllima për ekipin serb.

– Ndryshe nga ndeshjet e tjera, shitja e biletave filloi dy ditë para zhvillimit të ndeshjes, por sërish shumë njerëz e kishin lënë për në orët para startit të takimit. Tifozët e Skënderbeut qëndruan 30-40 minuta në radhë  për të hyrë në Elbasan Arena pas orës 20.00.

– Tifozeria u është nënshtruar kontrolleve jashtëzakonisht të rrepta para hyrjes në Elbasan Arena.

– Nga tribuna C2, para fillimit të ndeshjes nisën koret: “UÇK, UÇK”, “Mbyte shkatërroje, serbin masakroje”, “Eja mblidhuni këtu, këtu”.

– Me fillimin e ndeshjes, një flamur gjigant kuqezi u shpalos në tribunën përballë dhe një tjetër më i vogël në anë të tribunën qendrore.

– Në çdo 2 metra në gjithë perimetrin e fushës së Elbasan Arenës kishte një stjuard.

– Dy skuadrat zbritën në fushë me kapitenët që mbanin në dorë parullën “Equal Game”, “Lojë e barabartë”, ndërsa më pas dhanë një mesazh domethënës, duke bërë një foto të përbashket para fillimit të ndeshjes.

– Gjatë ndeshjes pati thirrje për Ballist Morinën, ende i burgosur në Kroaci.

– Kur futbollistët e Partizanit të Beogradit zotëronin topin, i gjithë stadiumi i fishkëllente në kor.

– Gjatë konferencës së shtypit të trajnerit serb ka pasur momente ilariteti, madje është krijuar një situatë të qeshurash pa fund, saqë gazetarët nuk po mund t’i drejtonin pyetje trajnerit. Të qeshurat i provokoi përfaqësuesja bukuroshe e ekipit të Partizanit, e cila tërhoqi vëmendjen e të gjithëve kur u fut në sallën e konferencave, aq sa e harruan