Kjo ka ndodhur me një tifoz të Trabzonsporit në miqësoren që ekipi i tij po luante ndaj Parmës. “Viktima” e një shakaje të tillë është ish-sulmuesi i Interit, Karamoh.

Ky i fundit ka marrë një top të larguar nga një goditje këndi dhe ka vrapuar drejt zonës kundërshtare. Një tifoz ka zgjedhur të testojë shpejtësinë e tij me atë të Karamoh, duke krijuar edhe momente ilariteti te të pranishmit.

Kafalar p?r?l p?r?l. pic.twitter.com/5Xxh68zAQi

— De Souza¹? (@sezerbsglu) July 27, 2019

Yann's the man! ?

Welcome, #Karamoh ????

??https://t.co/wr1hs3nLoR#NextchApter #ForzaParma pic.twitter.com/S99ki63O4m

— Parma Calcio 1913 (@ParmaCalcio_en) July 17, 2019

Karamoh u aktivizua në 17 ndeshej të Serie A me Interin, ku shënoi një gol. Sezonin e kaluar 21-vjeçari qëndroi në huazim te francezët e Bordosë.  Sulmuesi u ble dy vite më parë nga Kaen për 6 milionë euro, por konkurrenca e madhe në një ekip si Interi nuk i dha mundësinë të merrte minutat e nevojshme.

Mino Raiola po punon për t’i gjetur një ekip të ri. 28-vjeçarin e duan në Serie A dhe Premier Ligë. Parma, Fiorentina dhe Uest Hem janë tre ekipet kandidate për shërbimet e SuperMarios, por në avantazh ndodhen “çekiçët” anglezë.

Baloteli ka luajtur më parë në Premier Ligë me Mançester Sitin dhe Liverpulin. Italiani nuk ka vendosur ende për të ardhmen. Uest Hemi shihet si stacioni i radhës. Manuel Pelegrini ka nevojë për një sulmues pas largimeve të Keroll, Lukas Perez dhe Arnautoviç.

Trajneri kilian ka zgjedhur t’i ofrojë një kontratë Balotelit, i cili tundohet nga ideja e rikthimit në kampionatin anglez.

Klubi nga jugu i Italisë bindi mbrojtësin t’i bashkohej projektit të tyre. Në një vit siguruan ngjitjen në Serie B, ndërsa sezonin që sapo lamë pas siguruan qëndrimin në Serie B, ku qendërmbrojtësi luajti rol kyç duke u aktivizuar në 33 takime. Tanimë, Dermaku është një lojtar i Parmës. Me anë një postimi në “Instagram”, futbollisti shqiptar  ka falënderuar klubin jugor duke përdorur fjalët më të përzemërta.

Nuk është e lehtë të gjesh fjalët e duhura për të shprehur emocionet e mia. Kam kaluar dy vite fantastike dhe falënderimi ndaj Kozencës është gjëja më e pakët që mund të bëja.Kozenca më ka rritur si fëmijë, si lojtar, më ka dhënë mundësinë për të shkuar në kombëare dhe tani për të matur veten në Serie A.

Kozenca ka bërë që unë të takoj persona të mahnitshëm, por mbi të gjitha, më ka dhuruar emocione të pabesueshme që do të mbeten deri në fund të jetës sime. Dua t’u falënderoj të gjithëve, klubin, kolegët, stafin, tifozët, qytetin, që më kanë bërë të ndihem si në shtëpi. Dua të falënderoj edhe ata që kanë punuar në prapaskenë, magazinierët e të gjithë që më kanë shoqëruar në këtë qëndrim 2-vjeçar. Nga sot keni një tifoz më shumë. Faleminderit KOZENCA, MIRUPAFSHIM!

https://www.instagram.com/p/BzqCYj_o5Pv/?igshid=1ob86gzhtd46

Palët nuk rinovuan kontratën, 27-vjeçari doli lojtar i lirë dhe Parma përfitoi për t’i dhuruar një kontratë. Katër vite ka nënshkruar Dermaku me klubin emilian.

Parma i ka uruar mirëseardhjen lojtarit të lindur në Itali, ndërsa Dermaku, i cili ka zhvilluar tre ndeshje me Shqipërinë, është gati të provojë forcat në Serie A.

Welcome Kastriot #Dermaku! ????

?? https://t.co/BKlgRTYgkF#NextchApter #ForzaParma pic.twitter.com/WKbDKExXPG

— Parma Calcio 1913 (@ParmaCalcio_en) July 7, 2019

27-vjeçari, i cili ka zhvilluar tre ndeshje me kombëtaren kuqezi, do të firmosë një kontratë 4-vjeçare me klubin emilian. Sezonin e kaluar, Dermaku zhvilloi 32 ndeshje në Serie B dhe shënoi një gol. Trajneri D’Aversa ka vendosur ta mbajë në ekip dhe nuk do të ketë huazim për shqiptarin e lindur në Itali.

Ky është një hap dhe një shans i madh për gjigantin e mbrojtjes, i cili do të përballet me emocionet dhe vështirësitë e Serie A, me shpresën dhe besimin që do ndihmojë Parmën në realizimin e objektivave.

Parma po insiston për ta rikthyer në Serie A dhe ka gati një ofertë interesante për të. Klubi emilian i ofron Balotelit një rrogë prej 2 milionë eurosh në sezon.

Potenciali i sulmuesit italian nuk vihet në dyshim, por Super Mario nuk ka reshtur kurrë së krijuari probleme vetes. Faza e dytë me Marsejën ishte shumë pozitive në aspektin e paraqitjeve dhe golave, ndërsa tani mund të vijë rikthimi në Itali pas tre vitesh e gjysmë.

Si destinacion të ardhshme për 41-vjeçarin janë përfolur shumë ekipe si Atalanta, Parma apo edhe Porto. Në një rrëfim për “Gazzetta dello Sport”, legjenda italiane ka treguar se është në kërkim të emocioneve, si dhe ka zbuluar largimin nga PSG.

“Këto ditë kam lexuar një frazë që më ka pëlqyer shumë. Françesko Guidolin u pyet nëse do të ishte i lumtur me rikthimin te Verona dhe ai u përgjigj: ‘Janë emocionet që po kërkoj.’ Të them të vërtetën edhe unë gjithashtu jam në kërkim të emocioneve.

Prej pesë muajsh PSG më kishte komunikuar se në sezonin e ardhshëm do të isha portieri i dytë. Kisha kohën e mjaftueshme për ta menduar dhe për të vendosur. Dola në konkluzionin që nuk ishte për mua diçka e tillë, kështu që u largova duke hequr dorë nga shumë para dhe nga kontrata për një tjetër vit.

Dua të jem i qartë, eksperienca në Paris ishte e jashtëzakonshme në çdo mënyrë, por kishte vetëm diçka negative: Më mori shumë kohë nga gruaja dhe fëmijët dhe nuk kam qëndruar shumë me ta. Gjithsesi, do të kem mundësi ta korigjoj këtë gjë.”

Një pikë mban ekipin viola në Serie A, ndërsa humbja mund të qëllojë fatale. Në ndeshje tjetër, Empoli mbajti gjallë shpresat për mbijetesë. Ekipi i Veselit mposhti 4-1 në shtëpi Torinon, duke u ngjitur në kuotën e 38 pikëve, një më shumë se Xhenoa.

Ndeshja e radhës për Empolin është në San Siro kundër Interit. Vështirësia është e madhe, por ekipi toskan nuk ka çfarë të humbasë dhe do të tentojë surprizën e madhe. Nëse Fiorentina fiton kundër Xhenoas, Empoli do të shpëtonte edhe nëse humbet kundër ekipit zikaltër.

Empoli-Torino 4-1
(Akuah 27’, Brigi 65’, Di Lorenco 70’, Kaputo 88’ / Iago Falke 56’)

Parma-Fiorentina 1-0
(Gerson (aut) 80’)

Bolonja, Torino dhe Parma janë në garë për 27-vjeçarin, por këta të fundit duket se në “pole position” me ofertën e tyre.

Sipas “cosenzachannel.it”, klubi emiljan i ka ofruar Dermakut një kontratë të vlefshme për tri sezone. Në javët në vazhdim pritet që 27-vjeçari të vendosë përfundimisht për të ardhmen e tij.

Loja nuk kishte shumë raste, por Milani ia doli të zhbllokonte i pari rezultatin me anë të Kastijehos në minutën e 69-të. Për të prishur festën e “djallit” mendon 37-vjeçari Bruno Alvesh, i cili barazon shifrat në të 87-ën duke ekzekutuar në perfeksion një goditje dënimi.

Tani Milanit i duhet të shpresojë që “fqinjët” e Interit të mos humbasin në sfidën e sotme ndaj Romës, përndryshe vendi i katërt do t’u kalojë kryeqytetasve.

Parma 1 – 1 Milan
Shënues: Bruno Alvesh 87’  / Kastijeho 69’

Të dy lojtarët e kombëtares shqiptare e ndoqën ndeshjen nga stoli, ndërsa Zhervinjo kaloi Parmën në avantazh në minutën e tetë, pas një gabimi të ekipit bergamask. Miqtë reaguan dhe barazuan rezultatin në mesin e pjesës së parë. Kroati shfrytëzoi një asist të Papu Gomez, veproi bukur në zonë dhe dërgoi topin në rrjetë.

Goli i avantazhit u shënua nga Zapata. Aksion shumë i bukur dhe i shpejtë i Atalantës që o konkretizua në gol. Kolumbiani nuk u ndal dhe vulosi fitoren me golin e shënuar në shtesa. I 19-ti në kampionat për Zapatën që barazon Piatekun e Milanit dhe Ronaldon e Juventusit, ndërsa Atalanta vazhdon të luftojë fort për ëndrrën “Champions”.

Parma-Atalanta 1-3
(Zhervinjo 8’ / Pashaliç 24’, Zapata 75’, 90+4′)

Bufon ka luajtur me vetëm tre ekipe në karrierën e tij të gjatë: Parmën, Juventusin dhe PSG. Numri mund të ishte më i madh dhe këtyre skuadrave do i shtohej dhe njera midis atyre të Mançesterit.

Vetë portieri ka zbuluar një detaj interesant sa i përket ofertave nga Junajtid dhe Siti për “Bt Sport”. Të parët e ndoqën gjatë, por Xhixhi ishte i ri dhe zemra e tij rrihjte vetëm për Parmën, ndërsa të dytët kërkonin ta nisnin ndërtimin e një Siti të madh, pikërisht me blerjen e një prej portierëve më të mirë të historisë së futbollit.

JUNAJTID – “Kur isha i ri dhe luaja me Parmën, Aleks Ferguson më ka ndjekur nga afër për rreth 2-3 vite. Ai dërgonte vazhdimisht skautët e tij për të ndjekur ndeshjet e mia, por Parma ishte bota ime në atë periudhë. Nuk e ndjeja që të lija Parmën për t’u transferuar në Premier Ligë.”

SITI – “Është e vërtetë, kam marrë një ofertë të rëndësishme nga Mançester Siti. Kjo ndodhi në vitet kur klubi filloi të ndërtonte skuadrën që synonte të bëhej një nga më të rëndësishmet në Europë. Ata dëshironin që unë të isha blerja e tyre e parë e madhe, por zgjodha që të qëndroj me Juventusin.”

Fillimisht ishte Piotr Zielinski, i cili çoi në avantazh ekipin e tij, pas një pasimi të lojtarit të kombëtares tonë, Elseid Hysaj. Në minutën e 36-të, ishte Milik, i cili dyfishoi shifrat, duke çuar ekipin e tij të qetë në pushimin mes pjesëve.

Në fraksionin e dytë, ishte përsëri Milik në minutën e 73-të që shënoi golin e dytë personal dhe të tretin e sfidës. Nëntë minuta më vonë, ishte Adam Unas, i cili shënoi golin e katërt dhe të fundit për këtë takim.

Parma – Napoli 0-4
Shënues: Zielinski 19’, Milik 36’, 73’, Unas 82’

Në fraksionin e dytë, vendasit erdhën më me shumë besim dhe në minutën e 65-të, barazuan shifrat me anë të Pavoletit. Kaljari vijoi me presionin dhe lojën e mirë, dhe kur kishin mbetur vetëm pesë minuta nga fundi, shënuan golin e fitores, me të njëjtin autor, pikërisht Pavoletin.

Kjo fitore, i jep frymëmarrje ekipit nga Sardenja, të cilët tashmë ngjiten në kuotën e 24 pikëve në vendin e 14-të, me gjashtë pikë më shumë se ndjekësit nga zona e ftohtë. Ndërkohë, Parma mbetet në kuotën e 29 pikëve, në vendin e 12-të.

Serie A
Kaljari – Parma 2-1
Shënues: Pavoleti 65′, 85′ / Kucka 40′

Bruno Alvesh është një ndër shokët më të mirë të Kristianos. Të dy kanë luajtur prej më shumë se 10 vitesh së bashku në kombëtare, ndërsa tani janë dhe rivalë në Serie A, ku mbrojtësi mbron ngjyrat e Pamës. Në një rrëfim për mediat italiane me rastin e ditëlindjes së Ronaldos, Bruno Alvesh ka folur në lidhje me yllin portugez.

URIMI – “Shpresoj që të gjejë akoma më shumë lumturi në jetë. E di se nga vjen dhe sa shumë ka luftuar për të mbërritur këtu ku është sot. Është një fitues, e meriton gjithçka çfarë ka.”

RONALDO – “Kemi më shumë se 10 vite që luajmë bashk në kombëtare dhe e njoh shumë mirë, si person dhe si lojtar. Është special si njeri dhe një profesionist i vërtetë. Është një inspirim për këdo në Portugali. Është një shembull për çdo lojtar.”

TOPI I ARTË – “Mosfitimi i Topit të Artë? Normal që jam i mërzitur. Ronaldo e meritonte, por mosfitimi e motivon atë më shumë dhe jam i sigurt që do të bëjë më shumë këtë vit.”

Protagonistët e takimit të sotëm ishin Kristiano Ronaldo dhe Zhervinjo. Pesë herë fituesi i Topit të Artë pati rol në çdo gol të Juventusit, teksa shënoi dy herë dhe dha asistin  e golit të Ruganit.

Në minutën e 62-të, CR7 çoi shifra në 3 – 0 dhe normalisht u duk si një ndër goleadat që jemi mësuar të shohim shpesh nga Juventusi, por futbolli nuk ndal së befasuari. Parma shënon pas vetëm dy minutash me Barilan, ndërsa ish-lojtari i Romës Zhervinjo befason me dopietën e tij me golat e shënuar në minutën e 74-të dhe 93-të.

Mbrojtësit Bonuçi dhe Kielini nuk do të jenë të gatshëm për këtë ndeshje, ndërsa ka dhe një lajm të mirë. Mario Manxhukiç ka lënë pas krahëve dëmtimin dhe është gati të zbresë nesër në fushë.

Një armë më shumë për bardhezinjtë, me kroatin që është gati të rikthehet te “luftojë” në çdo cep të fushës dhe të bëjë atë që di më mirë, të shënojë gola.

Gjithsesi, në raportitem e fundit në Francë, thuhet se sulmuesi nuk do të kalojë në Marsejë dhe duket se destinacioni i tij do të jetë diku tjetër. Së fundmi, është hapur pista e rikthimit në Serie A, teksa “Tuttosport” dhe “Rai”, kanë raportuar se Parma, Sampdoria e Sasuolo kanë shfaqur interes të madh për Balotelin.

Pritet për t’u parë vendimi që italiani do të marrë, por gjasat janë të shumta që një rikthim i tij në Serie A të ndodhë. Kujtojmë, 28-vjeçari ka luajtur më parë me fanllën e Interit dhe Milanit në futbollin italian.

Roberto Ingleze kaloi ekipin emilian në avantazh në minutën e 50. Sulmuesi shfrytëzoi një goditje këndi të Skocarelës dhe mposhti Donarumën. Festa e miqve zgjati vetëm katër minuta, pasi Patrik Kutrone barazoi shifrat në minutën e 54, duke shënuar një golk të bukur me të djathtën.

Ekipi i “Djallit” mori zemër dhe nisi sulmet në kërkim të golit të fitores. Ai erdhi në minutën e 71 pas një penalltie të dhënë për Milanin. Një mbrojtës i Parmës preku topin me dorë brenda zonës dhe Kesi nuk gaboi nga pika e penalltisë. Ndeshja nuk pati më gola dhe kjo fitore e ngjit Milanin në vendin e katërt me 25 pikë, dy më shumë se Lacio e vendit të pestë, që luan në orën 18:00 përballë Kievos në transfertë.

Milan-Parma 2-1
(Kutrone 54′, Kesi (pen) 71′ / Ingleze 50′)

Goli i parë i ndeshjes erdhi shumë shpejt. Zhervinjo zhbllokoi shifrat në minutën e 6. Sulmuesi nga Bregu i Fildishtë shfrytëzoi një pasim dhe brenda zonës mposhti Konsiljin, i cili mund të bënte diçka më shumë në këtë rast.

Parma nuk u ndal dhe dyfishoi shifrat me anë të Bruno Alvesh. Mbrojtësi portugez përfitoi nga një rrëmujë në zonë dhe siguroi avantazhin e dyfishtë të ekipit të tij në minutën e 25.

Sasuolo nuk u pajtua me rezultatin dhe shkurtoi shifrat 9 minuta përpara fundit të pjesës së parë. Miqtë fituan një penallti, që u kthye në gol nga Babakar. Me këtë rezultat u mbyll pjesa e parë dhe e gjithë ndeshja. E dyta nuk dhuroi më gola, me Parmën që arriti të ruante këtë fitore tepër të rëndësishme.

PARMA-SASUOLO 2-1
(Zhervinjo 6, Bruno Alvesh 25′ / Babakar (pen) 36′ )

Sfida tjetër mes Parmës dhe Frozinones u mbyll ashtu siç nisi, ndërsa ekipi emilian luajti që nga minuta e 61 me një lojtar më pak. Leo Stulak la Parmën me dhjetë vetë  pas një ndërhyrje të ashpër në mesfushë dhe arbitri i drejtoi direkt kartonin e kuq lojtarit slloven. Kjo pikë e mban Parmën në mesin e renditjes, ndërsa Frozinone arrin rezultatin e tretë rresht pozitiv pas barazimit me Empolin dhe fitores me Spalin. Megjithatë, lacialët vazhdojnë të notojnë në ujëra të turbullta dhe renditen në vendin e parafundit në kuotën e gjashtë pikëve.

Kievo është zyrtarisht në krizë dhe një gjë e tillë u pa dhe në humbjen në shtëpi përballë Sasuolos. Dy gola në fundin e çdo pjese i dhuruan tre pikë të arta Sasuolos, që ngjitet në vendin e gjashtë me pikë të barabarta me Milanin. Kievo akoma nuk e ka shijuar fitoren për këtë sezon dhe regjistron vetëm dy barazime në 11 javët e para. Veronezët e vegjël renditen në vendin e fundit me -1 pikë, duke llogaritur dënimin me tre pikë në fillim të sezonit.

Kievo – Sasuolo 0-2
(Di Françesko 42’, Xhakerini (aut) 94’)

Parma – Frozinone 0-0

Sampdoria – Torino 1-4
(Kualjarela 65’ / Beloti 12’, 43’, Falke 56’, Izo 78’)

]]> https://sportekspres.com/video-torino-shpartallon-sampdorian-sasuolo-sheh-europen/feed/ 0 https://sportekspres.com/fillim-i-ri-per-parmen-nderrohet-presidenca-e-klubit-emilian/ https://sportekspres.com/fillim-i-ri-per-parmen-nderrohet-presidenca-e-klubit-emilian/#respond Tue, 23 Oct 2018 14:01:44 +0000 http://sportekspres.com/?p=206187 Me datë 16 nëntor të vitit të kaluar, Jiang Lizhang u bë presidenti i Parmës dhe të gjithë tifozët filluan të besonin se ditët e errëta të ekipit kishin marrë fund dhe paratë kineze do të sillnin yje në “Tardini”. Ekipi arriti të sigurojë rikthimin në Serie A në fund të sezonit, por pas pothuajse një vitit, Parma ka ndërruar përsëri pronarë dhe klubi ka kaluar në duart e grupit “Nuovo Inizio” (Fillimi i ri).

Lajmi bëhet zyrtar nga “Gazzetto dello Sport”, që zbulon dha klauzolën e riblerjes së aksioneve kryesore. Marko Ferrari, Paolo Pizaroti, Guido Barila, Mauro Del Rio, Anxhelo Gandolfi, Xhampaolo Dalara dhe Xhakomo Malmesi do të jenë drejtuesit e rinj të Parmës, objektivi i së cilës është qëndrimi në Serie A.

“Vendosëm interesin e Parmës mbi gjithçka. Në dritën e situatës së krijuar, menduam se ishte detyra jonë të ktheheshim si aksionerë kryesorë. Menaxhimi i kujdesshëm dhe disiplina financiare do të jenë bazat e punës tonë. Marrëveshja e nënshkruar nga ‘Nuovo Inizio’ me ish-presidentin parashikonte autorizimin e riblerjes së 30% të aksioneve të klubit. , nëse ishin realizuar disa kushte të caktuara. Grupi jonë është solidë dhe projekti jonë nuk është afatshkurtër”, komenton Marko Ferrari, zëvendës presidenti i “Nuovo Inizio”.

Ndarja e re e aksioneve tek klubi Parma Calcio 1913 është në këtë formë: ‘Nuovo Inizio’ zotëron 60% të aksioneve, Jiang Lizhang zotëron 30% të aksioneve dhe ‘Parma Partecipazioni Calcistiche’ me 10%.

Trepikësh i artë dhe shumë i rëndësishëm për Lacion e Simone Inzagit. Bardhekaltrit fituan në “Tardini” përballë Parmës me rezultatin 0-2. Çiro Imobile dhe Zhoakin Korrea ishin autorët e dy golave, ndërsa Valon Berisha, i aktivizuar në minutën e 57, fitoi penalltinë që i dhuroi avantazhin miqve, nëntë minuta përpara fundit të ndeshjes. Imobile e ktheu në gol, ndërsa argjentinasi Korrea vulosi fitoren me golin e shënuar në minutat shtesë. Parma ndalet pas ecurisë së mirë, ku në pesë javët e fundit kishte arritur katër fitore. Ky trepikësh e ngjit Lacion përkohësisht në vendin e tretë, në kuotën e 18 pikëve, shtatë më pak se kryesuesit e Juventusit.

Atalanta shkatërroi Kievon me rezultatin 1-5, duke u rikthyer te fitorja pas shtatë javësh. Berisha qëndroi në stol, ndërsa heroi ishte Josip Iliçiç, i cili shënoi një tripletë për ekipin e Gasperinit. Debutim i hidhur në pankinën e Kievos për Xhampiero Venturën, ndërsa ndëshkimi i Berbas me karton të kuq në fundin e pjesës së parë ia lehtësoi gjërat Atalantës. Fundi i ndeshjes dhuroi dhe golin e nderit për Kievon. Slloveni Birsa u tregua i saktë nga pika e penalltisë, dukë shënuar golin e dytë personal në kampionat.

Gola dhe spektakël në Bolonja me djemtë e Inzagit që arritën një barazim 2-2 kundër Torinos. Iago Falke kaloi miqtë në avantazh në minutën e 14-të me një gol shumë të bukur. Baseli dyfishoi shifrat në fillimin e pjesës së dytë. Falke rikuperoi bukur një top në zonë dhe pasoi drejt mesfushorit, i cili nuk fali nga brenda zonës. Djemtë e Filipo Inzagit reaguan, duke shkurtuar rezultatin pas pesë minutash. Sulmuesi Federiko Santander përfitoi nga një rrëmujë në zonë për të mposhtur portierin Sirigu. Vendasit u hodhën të gjithë në sulm për të barazuar ndeshjen dhe goli i shumë dëshiruar erdhi 13 minuta nga fundi. Presingu i lartë i Bolonjës detyroi Torinon të gabojë dhe mbrojtësi Kalabrezi shënoi nga brenda zonës, duke çuar në festë tifozët e tij.

Bolonja – Torino 2-2
(Santander 59’, Kalabrezi 77′ / Falke 14’, Baseli 54’)

Kievo – Atalanta 1-5
(Birsa 83′ (pen) / De Run 25’, Iliçiç 28’, 50’, 52’, Gosens 72′)

Parma – Lacio 0-2
(Imobile 81′ (pen), Korrea 94′)

Frozinone – Empoli 3-3
(Silvestre 8′ (aut), Çiofani 54′ (pen), 63′ / Zajç 32′, Silvestre 48′, Ukan 79′)

Vendasit gjeten shumë shpejt golin e avantazhit me anë të sulmuesit të momentit. Kristof Piatek shënoi me kokë në minutën e gjashtë, duke realizuar golin e nëntë në kampionat. Polaku 23-vjeçar ka shënuar në të gjitha ndeshjet në këto shtatë javë dhe objektivi i radhës është arritja e rekordit të një emri si Gabriel Batistuta.

Ish-sulmuesi i Fiorentinës ka shënuar gol në 11 ndeshje rresht në Serie A, ndërsa Piatek i duhet të shënojë në katër ndeshjet e radhës për të barazuar rekordin e argjentinasit.

Reagimi i Parmës nuk vonoi dhe dukalët gjetën golin e barazimit me anë të Luka Rigonit në minutë e 16-të. Siligardi krosoi një top nga goditja e këndit dhe Rigoni barazoi sfidën. 10-të minuta më vonë Parma gjeti golin e avantazhit. Kësaj radhe ishte Rigoni, i cili i ktheu reston Siligardit dhe ky i fundit mposhti portierin Radu.

Parma nuk u ndal dhe mbylli ndeshjen pas katër minutash. Barila lëshoi një top të bukur në zonë dhe Çeravolo goditi me kokë, duke shënuar golin e tretë për ekipin e tij. Pjesa e dytë nuk kishte më gola, pavarësisht tentativave të Xhenoas për të rihapur takimin, që u mbyll me fitoren e Parmës.

Xhenoa – Parma 1-3
(Piatek 6′ / Rigoni 16′, Siligardi 26′, Çeravolo 30′)

Sulmuesi i rikthyer në Itali pas eksperiencës në Kinë, ka folur pas ndeshjes së fituar. Shumë gola të bukur të shënuar në karrierë dhe Zhervinjo nuk zgjedh njërin, por është i përqendruar tek objektivi i Parmës dhe i fton të gjithë të japin maksimumin për t’ia arritur.

“Goli më i bukur? Për momentin nuk e kujtoj, sepse kam shënuar shumë. E adhuroj këtë kampionat dhe e adhuroj Italinë. Jam i lumtur dhe i lehtësuar. Ajo që vlen është fitorja, që është shumë e rëndësishme për ne dhe duhet të vazhdojmë kështu për të arritur objektivin tonë.

Unë nuk ndihem një lojtar skuadre. Jemi të gjithë bashkë një skuadër dhe nevojitet kontributi i të gjithëve për të arritur objektivin tonë”, përfundon 31-vjeçari nga Bregu i Fildishtë.

Zhervinjo, ai që e keni parë dhe tek Roma mori i vetëm iniciativën që të shënonte golin e vitit. Sulmuesi mori topin pranë zonës së tij dhe avancoi i vetëm, duke turpëruar gjysmnë e ekipit kundërshtar dhe në fund, festë e merituar.

Ishte goli i sigurisë për Parmën, por dhe një nga më të bukurit pa diskutim të këtij viti, pasi jo ccdo kush mund të shënojë një gol të tillë.

Ishte pikërisht një super gol i talentit 20-vjeçar, Federiko Di Markos. Di Marko, i cili erdhi nga stoli në këtë takim pikërisht në pushim të sfidës, në minutën e 79-të lëshoi një silurë drejt portës së Handanoviç për të lënë të pa lëvizur këtë të fundit. Fitorja e parë për skuadrën e Parmës, që vazhdon të mbetet një makth për zikaltërit, të cilët numërojnë vetëm një fitore në 4 sfidat e fundit ndaj ekipit emilian.

Një sfidë në tërësi që u dominua nga Inter, dhe me disa raste të humbura nga Perisiç, por ajo që vlen në fund nuk është loja por golat. Inter është në krizë totale dhe të martën pret Totenhen në Milano në një duel “zjarri”.

Për pjesën e mbetur të takimit, Parma e kishte të pamundur t’u shkaktonte telashe kampionëve të Serie A dhe u përqendrua për të mbajtur shifrat e takimit në të njëjtën pozitë. Ndërkoha, Kristiano Ronaldo e ka shtyrë me të paktën dy javë të tjera golin e tij të parë me Juventusin. “CR7” do i duhet të presë deri në përfundim të ndeshjeve të kombëtarëve për t’u rikthyer në Serie A ndaj Sasuolos më datë 16 shtator.

Kanavaro komenton mbi sezonin e ri të Serisë A dhe ndalet tek Juventus, afrimi i Kristiano Ronaldos dhe Parma e tij, që është rikthyer mes më të mirave. Seria A gjendet pa një Kanavaro në fushë, mbas plot 25-vitesh. Fabio debutoi në vitin 1993, ndërsa i vëllai, Paolo Kanavaro, ishte pjesë e Sasuolos deri në dhjetor të vitit të kaluar. Sot zhvillohet ndeshja Parma-Juventus dhe Fabio ka kujtime të bukura, sepse ka luajtur me të dyja ekipet.

Parma – “Një qytet i bukur, ku jam rritur me familjen time. Kjo rritje më ka detyruar të shkoj pesë herë në shtëpi në shtatë vitet e fundit. Sot sfida është e pabarabartë, por kur mendoj një Tardini të mbushur dhe plot entuziazëm, mbas hidhërimit të Serisë D, mbushem plot gëzim. Në një ndeshje si kjo ke pak për të humbur, por ku i dihet…Megjithatë, bardhezinjtë janë shumë të fortë dhe të frikshëm. Dhe jo vetëm për faktin që ka ardhur Ronaldo. Alegri është i aftë të ndryshojë skuadrën shpesh, në varësi të kundërshtarit dhe formës së lojtarëve.”

Juventus – “Diferencat janë rritur mes Juventusit dhe klubeve të tjera. Në sensin që skuadrat që ndjekin Juven nuk kanë përmirësuar infrastrukturën e tyre. Bardhezinjtë ndërtuan një qendër tjetër sportive mbas Vinovos dhe është rritur dhe ekipi i femrave. Ata ndihen një klub i fortë dhe nuk preferojnë të ndryshojnë stilin e tyre. Nuk ishte e thjeshtë të mbyllnin raportin me Bufon dhe Markizion. Kanë krijuar një mekanizëm virtuoz. Nuk mjafton merkato e mirë e Milanit, Interit dhe Romës për të konkurruar Juventusin, ndërsa ekipet e tjera janë një hap më poshtë.”

Ishte vera e vitit 2003 dhe Parma ishte pranë blerjes së 18-vjeçarit portugez, i cili ishte pjesë e Sportingut të Lisbonës. Vëzhguesit e klubit verdheblu kishin ndjekur për një vit paraqitjet e djaloshit me Sportingun dhe referencat e tyre ishin entuziaste për cilësitë teknike dhe fizike të Ronaldos. Parma sapo kishte shitur Adrian Mutu te Çelsi dhe ofroi 10 milionë euro për kartonin e tij. Sportingu pretendonte 12.5 milionë të tilla dhe palët ishin drejt akordit final, por shpërtheu çështja Parmalat që solli largimin e presidentit Tanzi.

Presidenti Kalisto Tanzi vendosi të bllokonte tratativën. 22.5 milionë eurot e fituara nga shitja e Mutu-së në Angli nevojiteshin për të mbushur vrimat financiare të klubit, që më vonë rrëshqiti drejt humnerës. Drejtuesit dhe djali i tij insistonin të paguanin gjysmën e shumë së fituar për të blerë 18-vjeçarin e talentuar, madje dhe trajneri Çezare Prandeli e dëshironte shumë këtë blerje:” Duhet ta marrim sa më shpejt, sepse duket qartë që është një fenomen i vërtetë.”

Trajneri kishte ndjekur miqësoren mes Sportingut dhe Mançester Junajtid dhe kishte mbetur i mahnitur nga cilësitë e Ronaldos. Ishte 6 gusht 2003. Por, insistimet e tyre nuk mjaftuan dhe kreu i Parmës bllokoi tratativën.

Në përfundim të asaj miqësore, disa nga lojtarët e “Djajve të Kuq” i kërkuan trajnerit Aleks Ferguson: “Duhet ta blesh direkt këtë lojtar.”

Skocezi veproi në fshehtësi dhe arriti të bindë lojtarin dhe klubin për të kaluar në ishull. Parma nuk u dorëzua dhe bëri tentativën e fundit, pavarësisht kundërshtimit të presidentit. Italianët i dërguan një faks klubit portugez me datë 8 gusht të atij viti. Oferta ishte zyrtare dhe emilianët ofronin 11 milionë euro për kartonin e Kristiano Ronaldos. Në fund triumfoi Ferguson, i cili ofroi 15 milionë euro me datë 13 gusht dhe anësori i talentuar mori avionin drejt ishullit. Pjesa tjetër është histori dhe në fundjavë Kristiano Ronaldo do të përballet me Parmën për t’i shënuar golin e parë në Serinë A, ndërsa te Parma ndihen keq, kur mendojnë se kanë humbur shansin e jetës dhe “mallkojnë” presidentin Tanzi.

“Parma shpall regjistrimin e lojtarit Zhervais Lombe Jao Kuasi “Zhervinjo”. Sulmuesi, i cili në karrierën e tij ka veshur bluzat e Lilës, Arsenalit dhe Romës, ishte pjesë e Hebei Kina Fortune, klub nga i cili u lirua në orët e fundit. Mbasi kaloi vizitat mjekësore, ai firmosi kontratën, që skadon me datë 30 qershor 2021”, përfundon komunikata e klubit emilian në “Twitter”.

Zhervinjo është pjesë e kombëtares së Bregut të Fildishtë, me të cilët numëron 80 ndeshje dhe 22 gola të shënuar.

Benvenuto @GervinhOfficial! ????
?? https://t.co/ChrN8zhQyG#ChinoisiAmo #ForzaParma pic.twitter.com/TVMAWV4KpY

— Parma Calcio 1913 (@1913parmacalcio) August 17, 2018

Lojtari nga Bregu i Fildishtë ka arritur akordin me klubin, ndërsa “drita jeshile” ka ardhur dhe nga skuadra kineze e Hebei Fortune. Edhe bisedimet për talentin e Interit Jan Karamoh po ecin mjaft mirë. Sulmuesi francez i pëlqen ideja e qëndrimit në Serie A dhe pritet që t’u japë drejtuesve të Parmës një përgjigje pozitive.

Zhervinjo dhe Karamoh te Parma do t’i bashkohen Biabianisë, Çiçiretit dhe Galanos, një kontingjent sulmi ky mëse i aftë për t’i siguruar qëndrimin mes më të mirëve të futbollit italian.

Paraqitje zhgënjyese në ishull për 25 vjeçarin dhe në Paris, as që kanë ndërmend ta mbajnë në ekip. Mbi të gjitha, ish-lojtari i Realit ka një rrogë prej 5 milionë eurosh në sezon dhe PSG po punon për t’i gjetur një ekip.

Mbasi ja sugjeruan Fiorentinës, francezët i kanë afruar sulmuesin ekipit të Parmës. Fali Ramadani, menaxheri i lojtarit, është takuar me drejtorin sportiv të ekipit të sapo ngjitur në Serinë A në Milano dhe po negociojnë kalimin e spanjollit në Itali. Parma kërkon lojtarë për repartin ofensiv, por problem mbetet rroga e lojtarit dhe palët duhet të gjejnë akordin.

Gjykata ka anuluar dënimin më pesë pikë të Parmës dhe ka gjobitur klubin më 20 mijë euro. Të rikthyer mbas 4 vitesh në elitën e futbollit italian, verdheblutë do e nisin sezonin e ri në kuotën e zero pikëve, si të gjithë ekipet e tjera.

Vendim pozitiv dhe për sulmuesin, Emanuele Kalaio, i cili ishte dënuar me dy vite larg futbollit dhe 20 mijë euro gjobë. Sulmuesi do të kthehet më shpejt në fushën e blertë, pasi gjykata ka vendosur reduktimin e dënimit. Atij i duhet të qëndrojë larg fushave deri më datë 31 dhjetor 2018, ndërsa i është hequr dhe gjoba. Sulmuesi do të humbasë pjesën e parë të sezonit dhe do të jetë “blerja” e Parmës në merkaton e janarit.

Apeli ka rrëzuar dhe kërkesën e Palermos, klub i cili kërkonte rikthimin në Serinë A në vend të ekipit emilian.

Para ndeshjes, Kalaio u dërgonte mesazhe në “Whatsapp”, disa lojtarëve të Specias, ku u kërkonte të mos jepnin maksimumin. Gjykata federale dënoi klubin e Parmës, që do e nisë sezonin e ri me minus 5 pikë.

Për Kalaion pati 20 mijë euro gjobë dhe 2 vite larg futbollit. Ky i fundit ka folur në seancën e apelit duke insistuar në pafajësinë e tij. “Nuk i kam dërguar mesazhet me nënkuptim. Betohem në kokën e fëmijëve të mi për këtë gjë. Nëse doja të influencoja ndeshjen, nuk do e bëja me ‘Whatsapp’, por do shkoja direkt në Specia, që ndodhet vetëm pak kilometra larg”.

“Unë nuk kam të bëj me këto gjëra, jam një person korrekt dhe e kam treguar gjithmonë në 20 vite karrierë. Kam qenë gjithmonë një shembull për të rinjtë, një njeri i pastër dhe do doja ta mbyllja karrierën time, ashtu siç e kam nisur”, përfundon sulmuesi 36-vjeçar.

Drejtori sportiv i Parmës, Daniele Faxhiano, ka patur një takim në Montekarlo me menaxherin e famshëm Mino Rajola. Mario Baloteli dhe Moize Kin janë dy emrat që i interesojnë verdhebluve. Të dy këta lojtarë janë nën menaxhimin e Rajolës.

Sa i përket Balotelit, ai dëshiron rikthimin në Itali, por ka edhe një vit kontratë me Nicën, e cila tenton të marrë maksimumin nga shitja e tij. Super Mario ishte pranë Marsejës, por ai dëshiron të rikthehet në kombëtaren italiane dhe Parma shihet si një pistë shumë e mirë për të.

Ndryshe situata për talentin e Juventusit. Sulmuesi me origjinë nga Bregu i Fildishtë, por që mbron ngjyrat e Italisë, shihet si një nga të rinjtë më premtues. Së fundmi ai shkëlqeu me Italinë U-19, duke arritur finalen e kompeticionit. Në finalen e humbur me rezultatin 2-3 përballë Portugalisë, 18-vjeçari ishte autori i dy golave të Italisë. Faxhiano është pranë akordit me Rajolën për kalimin e Kin te Parma, por mbetet të arrihet marrëveshja me Juventusin, i cili zotëron kartonin e lojtarit.

Kalaio u dënua me dy vite larg futbollit, ndërsa Parma do e nisë sezonin e ri me minus 5 pikë. Siçilianët kanë apeluar kundër vendimit të Gjykatës dhe tani presin një përgjigje për të ditur nëse do të jenë ata që do luajnë në elitën e futbollit italian, në vend të Parmës. Nëse ja dalin, Palermo është ekipi që do të zërë vendin e ekipit emilian.

Zamparini ka besim dhe nëse ja dalin në Apel, ai premton diçka të pabesueshme. Presidenti i shquar për deklaratat e tij dhe për shkarkimin e trajnerëve, tashmë nuk do ketë nevojë për një të tillë. Do drejtojë vetë, nga stoli…

“Nëse drejtësia ekziston, në do të luajmë në Serinë A. Po presim me besim vendimin dhe mendoj që është e drejta jonë të luajmë në elitë. Shpresoj të rregullojnë diçka që njerëzit nuk arrijnë ta kuptojnë: dikush nuk mund të mos shohë telefonatat dhe mesazhet që i janë dërguar një futbollisti të një ekipi tjetër vetëm sepse i ka humbur telefoni. Kjo nuk është diçka normale. Nëse rikthehemi në Serinë A, unë mund të bëhem trajneri i Palermos.”

Edhe klubet e tjera po ia shohin vlerën, sepse interesimi për Serinë A është rritur ndjeshëm dhe stadiumet do të nisin të mbushen sërish.

Për këtë arsye, Parma ka vendosur të përfitojë, sepse ka rritur çmimet e biletave në mënyrë drastike për ndeshjen kundër Juventusit në 2 shtator, për javën e tretë të Serisë A.

Sektori verior i stadiumit është një rekord më vete, sepse një biletë kushton 178 euro, nga 25 euro që kushton normalisht. 153 euro rritje, 600%, një çmenduri falë Kristiano Ronaldos. Interesante është se një abonim vjetor në një nga sektorët e stadiumit Tardini kushton vetëm 190 euro.

Dukalët kërkojnë të formojnë një ekip të fortë dhe t’ju dhurojnë tifozëve të tyre një sulmues të madh. Drejtuesit janë të qartë dhe kanë një emër: ata dëshirojnë të rikthejnë në Itali, Mario Balotelin.

Siç citon “Sportmediaset”, Parma do i bëjë një ofertë zyrtare francezëve të Nicës orët e ardhshme, të cilët kërkojnë minimalisht 10 milionë euro për shërbimet e sulmuesit.

SuperMario është i gatshëm të rikthehet në shtëpi, por problem mbetet paga e tij e lartë. Gjithsesi drejtuesit verdheblu duan akordin me Nicën dhe Baloteli mund të jetë dhurata e tyre për tifozët.