“Me Guardiolën nuk kemi pasur kurrë kontakte dhe as e kemi menduar ndonjëherë, sepse është nën kontratë dhe për 1000 arsye të tjera. Më duket gjithçka shumë e çuditshme, por kjo është bota jonë dhe e pranojmë”.

Po trajneri i ardhshëm? Paratiçi nuk thotë emër, por zbulon praktikisht se Juve po pret fundin e sezonit, për të zyrtarizuar një trajner që është ende në aktivitet. Natyrisht, emri duhet të jetë ai që flitet prej kohësh, Mauricio Sarri, sepse italiani pritet të largohet nga Çelsi në verë.

“Mbi trajnerin i kemi idetë të qarta, po bëjmë vlerësimet tona. Për sa kohë nuk kanë mbaruar gjithë kompeticionet, më duket e drejtë të mos flasim, duke respektuar të gjithë”.

Merkato dhe e ardhmja e Dibalas: “Do presim njëherë të vijë trajneri i ri, nuk kemi pse bëjmë blerje të bujshme apo të përsëritim verën e shkuar. Dibala? Lojtar i madh, është yni dhe kemi shumë besim tek ai”.

Agjent i Zhoao Feliks është “përbindëshi” Zhorzh Mendesh, një gjeni për zbulimin e talenteve dhe për shitjen e tyre me shifra të çmendura, duke arkëtuar edhe vetë miliona euro.

Prokuratori i famshëm portugez mbulon edhe Kristiano Ronaldon dhe ka një marrëdhënie të shkëlqyer me Juventusin, ku ka sistemuar edhe mbrojtësin Kanselo, ndaj udhëton shpesh për në Torino.

Të premten në mbrëmje Mendesh ishte në Juventus Stadium për sfidën kundër Udinese-s dhe ka përfituar për t’u takuar me drejtorin sportiv bardhezi Fabio Paratiçi. Udhëtimi i Mendesh me siguri nuk ka pasur lidhje me Ronaldo e Kanselo, sepse asnjëri nuk luajti dhe dihet që Mendesh nuk do shkonte kot në Torino.

Në Itali raportojnë se takimi me Paratiçin ka qenë për Zhoao Feliks, i cili i intereson shumë Juves dhe jo rastësisht javën e shkuar në Torino shkoi edhe presidenti i Benfikës. Verën e ardhshme do të nisë ankandi, por Juve po mundohet të mbyllë gjithçka pa zhurmë, ndoshta duke shpresuar që Mendesh të ndërhyjë për të ulur disi klauzolën për prishjen e kontratës, që është 120 milionë euro.

Sigurisht në pamje të parë duket një lëvizje me shumë leverdi, por për të bindur uellsianin, Juventusit i është dashur t’i ofrojë një kontratë nga e cila do të përfitojë 450 mijë euro në javë, çka e bën atë lojtarin e dytë më të paguar në Serie A pas Kristiano Ronaldos.

Drejtori Sportiv i “Zonjës së Vjetër”, Fabio Paratiçi, ka shpjeguar në një intervistë se Ramsej është një lojtar që i ofron Juventusit diçka ndryshe. Drejtuesi i torinezëve nuk ngurron të ndajë dhe disa detaje taktike, që sigurisht do të jenë biseduar me trajnerin Alegri.

RAMSEJ – “Atë e morëm sepse është një lojtar që na ofron diçka që nuk e kemi për momentin. Një lojtar me aftësi jashtëzakonisht të mira teknike, por ka disa mangësi në fazën mbrojtëse dhe taktike. Mendoj se kjo e fundit vjen, pasi ai nuk e ka gjetur kurrë pozicionin e tij ideal. Vendi ideal për të do të ishte në një  mesfushë me tre lojtarë si një ‘mezzala’ (mesfushor me tipare sulmuese që shpesh ndërron vendin me sulmuesin anësor)”, përfundoi Paratiçi.

TRANSFERTA MË E VËSHTIRË – “Mendoj se negociatat më të vështira kanë qenë ato të Karlos Tevezit. Ai është një lojtar të cilin ne e kontaktuam në verën e 2011-ës, kur nuk po kalonim një sezon të mirë. Nuk u kualifikuam në Champions League dhe kjo gjë i largon disa nga lojtarët me emër, por ai ishte ndryshe, na tha në fund: Do vij te ju, me ose pa Champions! Më pas patëm probleme financiare, por ai mbeti në mendjen time dhe pas dy vitesh e sollëm në Torino.

KRAHASIMI KONTE, ALEGRI – “Konte ishte një trajner që punonte në bazë të një sistemi dhe mua më duhej të gjeja lojtarë të cilët i përshtateshin sistemit të tij. Alegri është një trajner më fleksibël. Ai ka ka disa sisteme loje dhe gjen zgjidhje të shpejta në varësi të situatave. Pra, me atë kemi nën vëzhgim një gamë më të zgjeruar lojtarësh”.

Për të mos e përsëritur më gabimin, drejtori i përgjithshëm i Junajtid Ed Udard, po mendon të afrojnë në ekip një drejtor sportiv, i cili do të merret me merkaton dhe do të shërbejë si urë lidhëse midis trajnerit dhe bordit drejtues.

Kandidatët që po përfliten më së shumti janë drejtori sportiv i Romës Monçi dhe ai Juventusit Fabio Paratiçi. Si spanjolli dhe homologu i tij italian kanë treguar se janë mëse të aftë për këtë pozicion, por në garë është dhe një ish-legjendë e “Djajve të Kuq”, si Edvin Van Der Sar, i cili punon në këtë post prej disa vitesh te skuadra e Ajaksit të Amsterdamit.

Në të shkuarën Junajtid ia besonte të gjitha zgjedhjet e merkatos legjendës Sir Aleks Ferguson, kjo praktikë vazhdoi dhe me pasuesit e tij Mojes, Van Gal dhe së fundmi Murinjo, por në ndryshim nga Ferguson, portugezit mund t’i tregohet dera shumë shpejt dhe dështimet e merkatos së tij i ngelen Junajtid, siç ndodhi me shumë afrime të kryera nga holandezi Van Gal.