Everton, Kutinjo dhe Gabriel Zhezus patën mundësi të mira shënimi, por nuk ia dolën dot. Portieri Alison ishte në lartësinë e duhur në momente të caktuara, ndërkohë që nuk mund të mos kishte ndërhyrje të VAR në këtë përballje.

Në minutën e 55-të u akordua fillimisht një penallti për Brazilin, por më pas arbitri i ndeshjes iu drejtua monitorit dhe ktheu pas vendimin e tij, duke dhënë faull jashtë zone. Balbuena i Paraguajit e pësoi, duke u ndëshkuar me karton të kuq.

Disa momente ndalje të lojës dhe në fund shtesa ishte shtatë minuta, por nuk solli ndryshim të rezultatit. Penalltitë ishin ato që vendosën dhe Gustavo Gomez ishte ai që e dërgoi topin jashtë. Uillian, Markinjos dhe Kutinjo shënuan, për t’i lënë radhën Firminos.

Ky i fundit gaboi dhe Rojaz shfrytëzoi rastin për të barazuar në 3-3. Gjithsesi Derlis Gonzales e dërgoi topin jashtë më pas dhe Gabriel Zhezus realizoi golin që i dha kualifikimin Brazilit në gjysmëfinale. Sonte përcaktohet edhe rivali i tyre, që do të dalë pas përballjes Argjentinë-Venezuelë, që nis prej orës 21:00.

Katari qëndroi me forca të shumta në mbrojtje, por pavarësisht kësaj kolumbianët patën disa raste shënimi. Të ftuarit në Copa America mund të surprizonin në minutën e 90-të, pasi iu afruan golit të barazimit. Me fitoren e marrë, Kolumbia bën tutje.

Argjentina nuk po di të fitojë. Pas humbjes në ndeshjen e parë me Kolumbinë, këtë herë barazoi 1-1 me Paraguajin dhe renditet në vendin e fundit në grup. Lionel Mesi u mundua të bënte diçka, por kundërshtari ishte i vendosur mirë në fushë dhe me një kundërsulm arriti të kalonte i pari në avantazh me Sançez.

Në fundin e pjesës së parë portieri Armani mund të ndëshkohej me karton të kuq, por arbitri i ndeshjes e “fali”. Protesta të shumta nga lojtarët e Paraguajit. Mesi me shokë e nisën vrullshëm pjesën e dytë, teksa fituan një penallti. Gjithçka u vendos nga VAR dhe Mesi nuk fali.

Pak minuta më pas Otamendi gaboi me një ndërhyrje në zonë dhe shkaktoi penallti. Armani bëhet “hero”, duke ndalur Gonzales. Argjentina u mundua shumë të realizonte golin e fitores, por tensioni i pengoi ata të ishin të qetë para portës. Kështu, gjithçka u mbyll me rezultatin 1-1 dhe “Albicelestët” duhet të fitojnë me çdo kusht përballjen e radhës me Katarin.

COPA AMERICA – GRUPI B

Kolumbi-Katar 1-0
Shënues: Zapata 86’

Argjentinë-Paraguaj 1-1
Shënues: Mesi 57’ (pen.) / Sançez 37’

E diel, më 23 qershor, ora 21:00
Kolumbi-Paraguaj
Katar-Argjentinë

Në minutën e 16’, sulmuesit e Katarit kishin mundësinë më të mirë për të shënuar, por me portën e boshatisur, dy sulmues nuk arritën të shtyjnë topin drejt rrjetës.

Clinical finishing from Qatar pic.twitter.com/t8nNlXr5vQ

— Amin???? (@YNWMeIly) June 16, 2019

Vendasit dominuan gjithë ndeshjen, kaluan në avantazh në pjesën e dytë, por u barazuan nga… arbitri anësor! Vetëm ai e pa si gol goditjen e miqve, të cilët u befasuan vetë përpara se të fillonin festimin e golit.

Topi, pasi u përplas në traversë, dallohet qartësisht se është rreth një metër jashtë porte, por për dikë është gol. Polemikat e shumta të vendasve nuk rikthyen vendimin, edhe pse presidenti i Çerros kërcënoi me tërheqje të ekipit nga fusha e blertë. Gjithsesi, Federata ka marrë masa drastike.

20 ndeshje është pezulluar arbitri kryesor dhe 30 ai anësor. Nuk mbaron me kaq, 20 ndeshje do të qëndrojë pushim arbitri i katërt, ndërsa pesë ndeshje është dënuar edhe anësori tjetër. Gjithçka prej atij goli fantazmë, të cilin e panë vetëm arbitrat.

“Kam gabuar, më vjen keq dhe më vjen turp. Dua t’i kërkoj falje Çerro Portenos dhe gjithë tifozëve”, është shprehur asistenti Diego Silva. Një koment ka dhënë edhe Kristian Akuino, kryesori i sfidës në fjalë, i cili merr përsipër gabimin dhe i kërkon ndjesë të gjithëve.

Siç kuptohet edhe derbi më i madh i futbollit paraguaian është ai midis, Olimpias dhe Cerros. Rivaliteti i dy klubeve është mjaft i madh, teksa kanë diskutuar kampionatin mes tyre, plot 73 herë. Olimpia, që ndryshe e quajnë “Rey de Copas”, pra mbretërit e kupave, numërojnë plot 41 tituj kampion të Premiera Division, teksa ajo që i bën të krenohen janë triumfet në “Copa Libertadores”. Kupa më e rëndësishme në Amerikën Latine, ekuivalentja e Championsit për Evropën është fituar plot tre herë nga Olimpia.

Ndërkohë nga ana tjetër rivalët e Cerros, numërojnë 32 tituj kampion në Premiera dhe janë skuadra e dytë më e madhe në Paraguai. Klubi i krijuar në vitin e largët 1912, mban emrin Cerro Porteno, për shkak të luftës në atë kohë midis argjentinasve dhe paraguaianëve, ku beteja e asaj kohe njihet si “Beteja e Cerro Portenos”.

Rivaliteti i dy klubeve është mjaft i ashpër prej vitesh, pasi skuadra e Cerros ndryshe njihet si “el club del pueblo”, pra klubi i njerëzve të thjeshtë, ku tifozët më të shumtë janë nga shtresa e ulët. Ndërsa, Olimpia gjithmonë ka pasur mbështetje nga njerëz të shtresave të larta. Nisur dhe nga ky fakt, në Paraguai Cerro njihet si klubi më me shumë tifozë në vend.

Dy kampionatet e fundit kanë pasur si kampion një rivalët e përjetshëm. Momentalisht sezonin që po luhet, Olimpia kryeson Premiera Division me 39 pikë, 7 më shumë se rivalët e Cerros. Mbrëmjen e kaluar u luajt derbi numër 427 mes dy ekipeve. Sfida u mbyll në barazim 2-2, spektakël, gola, kartonë të kuq dhe një ndeshje që u luajt deri në minutën e 103. Jo më kot mban dhe petkun e derbit më të madh në vend.

Përveç faktit të golave, barazimit spektakolar, rivalitetit në shkallët e stadiumit dhe çdo gjëje tjetër, mbrëmjen e shkuar ndodhi diçka që zor se mund të përsëritet për shumë kohë dhe jo vetëm në Paraguaji, por kudo. Ndeshja nis me gol për miqtë e Cerros, mjaftuan vetëm 16 minuta lojë, teksa sulmuesi që mban mbi shpinë numrin 17-të, Fernando Fabian Ovelar Martinez shënon dhe ngre peshë tifozët miq.

Deri këtu asgjë e veçantë, futbollisti ka shënuar një gol në derbi edhe kaq. Dëshiroj të shtoj pak më shumë, ndoshta mund t’u bëjë pak më shumë përshtypje. Ishte ndeshja e dytë që luante me fanellën e ekipit të tij dhe goli i parë me fanellën e Cerros. Ndoshta duhet të shtoj pak më shumë. Fernando Ovelar ditën e nesërme, mbush 14 vite e 10 muaj që kur ka ardhur në jetë. Është 14 vjeç, nuk ka asnjë ngatresë dhe festoi si i çmendur golin në debutimin e tij si titullar.

Kërkoi pasimin që erdhi nga këmbët e Huan Aguilar dhe mposhti portierin e Olimpias me një qetësi të pabesueshme. Gol me parabël dhe në derbin më të madh në vend, ku të nesërmen në mëngjes e presin bankat e shkollë për t’u ulur dhe për të dëgjuar mësimin. Përralla e Fernando Ovelar duket se sapo ka nisur, ndoshta mund të dëgjojmë shumë shpejt për të. Ndoshta dhe mund të përfundojë me kaq, por të shënosh një gol në derbi në moshën 14-vjeçare është diçka që ndodh një herë në jetë.

? AMAZING ?

Last night, at the age of just 14 years and 9 months, Fernando Ovelar became the youngest ever goalscorer in the Paraguayan Clasico between Cerro Porteno and Olimpia. pic.twitter.com/Af9dQDuvaA

— WeLoveBetting (@WeLoveBettingUK) November 5, 2018