Javën e shkuar në Milan-Bolonja Paketa pësoi një faull të rrezikshëm, iu hakërrye lojtarit kundërshtar dhe arbitri vrapoi t’i jepte karton të verdhë. Braziliani i Milanit, nervoz me veprimin e arbitrit, nuk duroi që ky i fundit ta shtynte me dorë, ndaj ia hoqi dorën me forcë nga kraharori.

Should Paqueta’ been booked for this?
He was knocked down by the Bologna player, a bit of overreaction, but Bologna players unpunished on tackles/pushed from behind, on Kessie first, then on Piatek.
Yet referees blow penalties against Milan for a light push. pic.twitter.com/Nq2DGUZdLq

— The AC Milan-Godfather (@ACMilanSydney) May 6, 2019

Menjëherë karton i kuq për Paketa, i cili u dënua edhe me 3 ndeshje pezullim më vonë. Dakord, arbitri nuk preket, por a vlen rregullorja për të gjithë?

Sot në Firence u pa e njëjta skenë, ndoshta edhe më e rëndë: një futbollist i Fiorentinës i vendosi duart në gjoks arbitrit Mariani, e shtyu me forcë dhe arbitri as që u kujtua t’i jepte ndonjë karton. Futbollisti i Fiorentinës po mundohej ndoshta të tregonte për faullin që pësoi nga një lojtar i Milanit, por a ishte ajo mënyra e duhur?

Videoja ka bërë xhiron e internetit dhe tifozët e Milanit janë tërbuar: si është e mundur që Pekata u masakrua për një gjest që nuk i kushtoi as një karton të verdhë dikujt tjetër?!

Paqueta got a red card and suspended for three games for slapping the referee's hands away from him, yet Vitor Hugo gets away with clearly pushing off the referee.@FIGC pic.twitter.com/AfM7sewQaU

— TheMilanBible (@TheMilanBible) May 11, 2019

Si të mos mjaftonin të gjitha këto, në minutën e 76-të ishte Lukas Paketa, i cili u ndëshkua me karton të kuq, si pasojë e protestave ndaj arbitrit Di Belo. Mesfusha e Milanit duket e zbrazur dhe alternativat nuk janë të shumta për Gatuzon.

Fundjavën e ardhshme, “Djalli” duhet të udhëtojë në Firence, ku e pret Fiorentina e Montelas, një transfertë mjaft delikate. Bilja dhe Calhanoglu duken një mungesë e sigurt, po ashtu si Paketa që është i padiskutueshëm.

Tashmë, pritet të shihet se si do të shkojë çështja “Bakajoko”, pasi në rast se francezi pezullohet nga klubi, do të mbetej vetëm Frenk Kesi si mesfushor. Hose Mauri është një alternativë, ndërsa mesfushori tjetër mbetet të zgjidhet një mes Bertolaçit ose Montolivos. Gatuzo dhe Milani duken në hall…

Pjesa e parë u karakterizua me raste nga të dyja palët. Një veprim individual i Susos i jep avantazhin Milanit, ndërsa në fraksionin e dytë të lojës Borini dyfishon avantazhin, por Bolonja përgjigjet pesë minuta më vonë me Destron.

Në minutën 77-të, Paketa tradhtëohet nga nervat duke shtyrë arbitrin pas një kartoni të verdhë prej të cilit humbi ndeshjen e radhës ndaj Fiorentinës. Gjithsesi për fatin e mirë të Milanit, Bolonja nuk mundi ta shfrytëzonte siç duhej avantazhin numerik, kjo dhe falë disa pritjeve fantastike të Donarumës. Në fund nervat kapën dhe lojtarët e Bolonjës që morën dy kartonë të kuq për shkak të protestave ndaj  arbitrit.

Një tjetër moment pikant i këtij takimi ishte një debat në stol midis Bakajokos dhe Gatuzos, një episod ky që nuk i shpëtoi regjisë italiane.

Milan 2 – 1 Bolonja
Shënues: Suso 37’, Borini 68’ / Destro 82’

Nëse në portë shqetësimi është i vogël, sepse është Reina, dëmtimi i brazilianit është një makth më vete. Tuttoport raporton se talenti i afruar në janar ka pësuar një ndrydhje serioze në kavilje dhe do të mungojë nga 20 deri në 40 ditë.

Kjo do të thotë se Gatuzo humbet një ndër lojtarët më në formë në vitin 2019 dhe do të duhet të bëjë pa një ndër të paktët lojtarë cilësorë në ndeshjet kundër Juves, Lacios e Parmës. Kështu gara për vendin e katërt bëhet edhe më e vështirë. Sigurisht Milani nuk do të tërhiqet deri në fund.

Vinisius Zhunior është grumbulluar për herë të parë me Brazilin, pasi po bën një sezon fantastik me Realin e Madridit, edhe pse në një moshë shumë të re. Po ashtu, edhe Paketa është grumbulluar në kombëtare, pasi po shkëlqen me fanellën e Milanit. Edhe Filipe Anderson është një emër surprizë, por ylli i Uest Hemit është një ndër lojtarët më të mirë në Premier Ligë.

Lista e Brazilit:
Portierë: Alison (Liverpul), Ederson (Man. Siti) Ueverton (Palmeiroa)

Mbrojtës: Fabinjo (Liverpul), Alvesh (PSG), Danilo (Man. Siti), F. Luiz (Atletiko), Sandro (Juventus), Militao (Porto), Markinjos (PSG), Miranda (Inter), T. Silva (PSG)

Mesfushorë: Alan (Napoli), Artur (Barcelona), Kasemiro (Real Madrid), Kutinjo (Barcelona), Paketa (Milan), F. Anderson (Uest Hem)

Sulmues: Everton (Gremio), Firminjo (Liverpul), Zhezus (Man. Siti), Riçarlison (Everton), Vinisius (Real Madrid)

Leonardo ka nisur punën për të sjellë një tjetër talent brazilian në Milani dhe aktualisht, po studion dy emra. I pari është Rodrigo Durado, i cili luan për Internacionalin. Mesfushori është 24-vjeç, por me kontratën e tij që skadon në 2020, do të ishte një blerje e lirë për Milanin.

Përveç Durados, Leonardo po studion edhe sulmuesin Everton, i cili mbron ngjyrat e Gremios. 22-vjeçari po kërkohet edhe nga Mançester Siti dhe disa skuadra gjermane, por Milani mbetet ekipi favorit për të siguruar firmën e tij.

Lajmi është konfirmuar nga media braziliane “globoesporte”, që raporton se 21-vjeçari pritet t’i nënshtrohet analizave mjekësore dhe më pas gjithçka do të bëhet zyrtare.

Paketa luan si mesfushor qendre dhe është cilësuar si lojtari më i mirë i kampionatit brazilian gjatë këtij viti, jo më kot është thirrur grumbulluar dy herë me kombëtaren e Brazilit. Milanit iu desh të mposhte konkurrencën e PSG-së dhe Barcelonës, që treguan interes të madh për brazilianin

Paketa, i cili luan me Flamengon, cilësohet si një ndër futbollistët më premtues të futbollit brazilian. Mesfushori 21-vjeçar ka fituar dhe vëmendjen e trajnerit të “Seleçaos”, Tite, i cili e ka ftuar atë në dy grumbullimet e fundit të pesë herë kampionëve të botës.

Mbetet për t’u parë nëse Leonardo do t’ia dalë ta bindë bashkëkombësin e tij, që në muajt e fundit është vënë në “lupën” e shumë klubeve elitare në Europë, ndër to dhe Mançester Siti. Operacioni për të sjellë Paketën në Milano, mund t’i kushtojë skuadrës së Milanit deri në 40 milionë euro.