Celina….what a goal! pic.twitter.com/qGqXgBwIcl

— Swans Analytics (@SwansAnalytics) July 20, 2019

22-vjeçari zhbllokoi takimin me një ekzekutim perfekt të një goditje dënimi. Celina ia doli të dërgonte topin trekendësh me një goditje të fuqishme nga rreth 30 metra. Pak minuta më vonë mesfushori me tipare sulmuese ia shënon sërish.

Zhvendosemi në Rumani ku Enriko Papa ka shënuar golin e parë në sezonin e ri të kampionatit rumun. Goditjet nga largësia kanë qenë gjithmonë një specialitet i kuçovarit, i cili pati rastin ta tregonte këtë gjë ditën e djeshme teksa çoi në 4 – 1 rezultatin e fitores së Botosanit ndaj Voluntarit.

SUPERIORJA – “Liga I ka një nivel të mirë dhe lojtarë cilësorë, si rumunët ashtu edhe të huajt. Edhe në Shqipëri ka lojtarë të mirë, por niveli nuk është si këtu. Gjithashtu edhe kushtet e stërvitjes nuk janë më të mirat atje. Megjithatë Shqipëria ka pasur ekipe si Skënderbeu, Kukësi e Tirana që kanë marrë pjesë në garat ndërkombëtare. Nga viti në vit futbolli në Shqipëri po rritet”.

PROBLEMET – “Pata probleme në janar. Para se të ndryshohej trajneri, kisha arritur të shënoja ndaj FCSB. Kur ndryshoi trajneri donin të më dërgonin te Petrolul në ligën e dytë. Nuk pranova, doja të qëndroja dhe të luftoja për një vend titullari. Tani gjithçka është në rregull. Kam luajtur dhe kemi marrë rezultate. Si ia dola? Jap gjithçka për vendin tim të punës, në stërvitje dhe në ndeshje. Kur t’i bën gjithçka, Zoti të ndihmon. Nuk donin të më merrnin në fazë, por fola me presidentin dhe i kërkova që vetëm të stërvitesha. Nuk pranoja të huazohesha. Gjithçka ndryshoi pas një miqësoreje me Ludogorets, ku ne bëmë një ndeshje të mirë. Që atëherë gjërat ndryshuan”.

QAKA DHE LLULLAKU – “Nuk i kam takuar personalisht para se të vija këtu. Thjesht i kisha dëgjuar emrat e tyre, pasi kanë luajtur për Kombëtaren e Shqipërisë. Më pas i takova këtu si rivalë, shumë lojtarë cilësorë”.

KAMPIONATI DHE LOJTARI I PREFERUAR – “Premier Liga, padiskutim. Atje luhet një futboll shumë i bukur. Edhe lojtari im i preferuar, luan në Premier Ligë. Ai është Ngolo Kante, një futbollist që marr shembull. Nuk besoj se ka futbollist që nuk e pëlqen Kanten”.

MESI APO KRISTIANO – “Mesi, sepse ai është nga një planet tjetër. Ai është Zoti i futbollit. Ronaldo është një lojtar i mirë, punon shumë, por Mesi është unikal. Idhulli im është Ronaldo, por jo Kristiano, fenomeni. Më kujtohet kur e pashë në Kupën e Botës në vitin 2002, isha fëmijë”.

OBJEKTIVI PERSONAL – “Shpresoj që paraqitjet e mia me këtë skuadër të më çojnë te Kombëtarja e Shqipërisë. Po pres me padurim që të luaj për Shqipërinë. Kjo është gjëja e vetme që kam për momentin në mendje dhe nuk do të ndalem”.

PSEUDONIMI -“Shokët e skuadrës bëjnë shaka në dhomat e zhveshjes me emrin tim. Më kanë vënë një pseudonim. Soiledis, Pataçe dhe Rodrigez më thërrasin Papu. Në greqisht do të thotë gjysh. Doktori i ekipit më thërret Papa nga Vatikani”.

TAKIMI ME PAPËN – “Nuk jam takuar me Papa Françeskun. Çfarë do i kërkoja? Mendimi i parë që do t’i thoja është që të ndihmojnë popullin në Siri dhe në Afrikë. Ka fëmijë që nuk kanë as për të ngrënë. E di që Kisha ka para dhe nëse është e mundur do doja t’i ndihmonte, pasi jemi të gjithë njerëz. Kjo pavarësisht besimit fetar”.

U duk se tre pikët ishte siguruar, por festën e Osijekut e ndërpreu ish-sulmuesi i Kukësit Mateus Lima, që me golin e tij që çoi shifrat përfundimtare në 1 – 1.

Pavarësisht, zhgënjimit që vjen nga mungesa e fitores, Abazaj spikati me lojën e tij nga krahu i majtë,  ku arriti t’i afrohej dy herë golit, por në të dyja rastet shtylla u bë dy herë pengesë.

https://www.youtube.com/watch?v=X_3x61aZp58

Pas Livornos, Pro Verçelit dhe Avelinos në Itali, Vajushi nuk arriti të gjente një ekip të ri në verë dhe si pasojë, ishte një lojtar i lirë për plot gjashtë muaj.

Por gjatë ditës së sotme, mesfushori 27-vjeçar i është bashkuar ekipit rumun, Botoshani. Skuadra e Enriko Papës ka udhëtuar drejt Turqisë dhe Armando Vajushi ka qenë i grumbulluar me skuadrën.

Nuk ka ende zyrtarizim nga klubi dhe mendohet se Vajushi do të duhet të kalojë disa kohë në provë te kjo skuadër. Vetë Papa ka publikuar një foto në rrjetet e tij sociale në krah të Vajushit, ku të dy janë të pajisur me uniformën e skuadrës.

Edhe Azdren Llullaku ka arritur që të marrë një fitore me shumë vlera jashtë fushe me Astran e tij në fushën e Calarashit. Skuadra e 30-vjeçarit arriti që të shënonte dy herë në 20 minuta e para dhe vendasit e patën shumë të vështirë që të ndryshonin diçka në rezultat.

Astra ndodhet vetëm 3 pikë larg gjysmës së sipërme të tabelës, ndërsa ekipi i Qakës ka grumbulluar vetëm 21 pikë pas 18 javësh. Skuadra e Papës renditet akoma dhe më poshtë në klasifikim, me vetëm 20 pikë.

Javët e fundit kanë qenë disi surreale për shqiptarin tjetër të kampionatit rumun, Kamer Qakën. Mesfushori i kombëtares shqiptare, fillimisht mori elozhet e presidentit të Steaus, Xhixhi Bekali, por më pas situtata mori një kthesë 180 gradë, me presidentin në fjalë që e caktoi si të pavlerë.

Fatmirësisht, situata ka marrë një zgjidhje. 23-vjeçari është rikthyer në huazim aty ku spikati, te skuadra e  Poli Iashit. Një zgjidhje perfekte, pasi kthehet në një ambient që e njeh, larg presionit që karakterizon një klub i madhësisë së Steauas.

Kastrioti ka qenë një nga skuadrat më aktive në tregun e verës, madje,  deri më tani krutanët kanë kryer mbi 10-të afrime cilësore. Konkretisht, lojtarë titullarë dhe të spikatur të Kategorisë së Parë, por edhe në Superiore. Ndryshimi pozitiv në radhët e krutanëve është parë edhe në ndeshjet miqësore me ekipet elitare, ku skuadra e Nikajt ka treguar se do të jetë një ekip solid dhe potent në sezonin e ardhshëm, duke synuar vetëm rikthimin në elitë. Megjithatë, drejtuesit nuk po ndalen në merkato edhe në këto ditë të fundit të tregut. Burime pranë skuadrës, bëjnë me dije se krutanët janë në bisedime me dy lojtarë që do t’i bënin shumë punë në sezonin e ri. Klubi ende nuk i ka bërë publik emrat e futbollistëve me të cilët po negociohet. Nga sa bëhet e ditur, njëri nga futbollistët është lojtar i Seria C, në Itali dhe pritet që të bëj diferencën, jo vetëm në radhët e Kastriotit, por edhe në Kategorinë e Parë.

PAPA – Mesfushori me tipare sulmuese Enriko Papa, i cili në karrierë ka luajtur me disa skuadra të Kategorisë së Parë dhe Superiores, pritet që të jetë një nga afrimet e krutanëve këto ditë. Kuçovari 24- vjeçar, është një lojtar i njohur dhe me një “CV” të pasur, pasi më parë ka luajtur për shumë skuadra me emër si: Tirana, Tomori, Butrinti. Apolonia, Teuta dhe Bylis. Sezonin e fundit, Papa ka qenë pjesë e skuadrës së Teutës së Durrësit. Krutanët në qoftë se i mbyllin me sukses bisedimet me dy lojtarët, kompletohen për sezonin e ri, të cilin e nisin më 13 shtator në sfidën e Kupës përballë Vllaznisë.

Sot, testi me Dinamon

Sot, në orën 17:00, në stadiumin “Kastrioti” do të luhet miqësorja e radhës me skuadrën e Dinamos. Në këtë sfidë, jo vetëm trajneri Krepi por edhe ai kundërshtar Allmuça, do të “kristalizojnë” formacionet dhe skuadrat e tyre në prag të sezonit të ri futbollistik.  Tekniku Samuel Nikaj kërkon të mbajë të karikuar skuadrën e tij përpara startit të sezonit të ri të Kategorisë Parë,