48-vjeçari studion Atletikon e Madridit, sidomos kur nuk kanë topin në qarkullim, shijon në maksimum Atalantën e Gasperinit, adhuron tipat si Gatuzo dhe frymëzohet nga historitë e djemve të fortë shqiptarë.

Në një prononcim për “Gianlucadimarzio.com”, Tramexani, i cili mban në profilin e tij në “Whatsapp” shprehjen në shqip: Shqipëria ka një zemër t’madhe, tregon kuptimin e saj dhe i rikthehet edhe njëherë kujtimeve të paharrueshme të provuara në tokën e shqiponjave.

“Do të thotë se sa zemër të madhe kanë shqiptarët. 5 vitet atje kam përjetuar emocione të forta. Nga fushat e pluhurosura ku kemi zbuluar talente të konfirmuar sot, te tregimet e djelmoshave që kishin parë skena të tmerrshme. Djem të rritur në varfëri dhe luftë, midis vrasjeve dhe fatkeqësive. Euro 2016 ishte historike, por historitë e atyre djemve janë më të rëndësishme”, përfundon Paolo Tramexani.

Në një prononcim për “MC Sport”, 48-vjeçari është ndalur te Juventusi dhe Milani. Ai dëshiron të shohë Xhan Piero Gasperinin në stolin e bardhezinjve. Trajneri i ka befasuar të gjithë me punën e madhe dhe futbollin holandez që po zhvillon me Atalantën e tij dhe e meriton një pankinë të madhe.

Nga ana tjetër trajneri i Milanit. Rinos ia vlerëson shumë punën, sidomos sinqeritetin dhe ndershmërinë. Situata është e komplikuar, por Tramexani shpreson që Gatuzo të vazhdojë të drejtojë Milanin, pasi futbolli ka nevojë për njerëz real si kalabrezi.

JUVENTUSI – “Mendoj se Gasperini do të ishte zgjedhja më e mirë për stolin e Juventusit, duke parë se çfarë ka bërë në vitet e fundit. Është italian, e njeh mirë futbollin tonë dhe e meriton një mundësi të tillë. Nuk do të ishte aspak rrezik, pasi Gasperini është më i miri në rritjen dhe përmirësimin e lojtarëve.”

GATUZO – “Rino ka krijuar një eksperiencë të madhe dhe Milani është shtëpia e tij. Nuk shoh ndonjë trajner tjetër që mund t’i sillte kuqezinjtë deri në këtë pikë. Ai ka bërë një punë të mirë dhe nuk e hedh poshtë mundësinë që të vazhdojë edhe sezonin tjetër me Milanin. E vlerësoj shumë sinqeritetin e tij, është shumë transparent dhe i ndershëm me veten. Futbolli ka nevojë për më shumë njerëz të vërtetë si Rino.”

???????? ??????????? ?? Paolo #Tramezzani ????? ?? ???? ??? 2020.
?? https://t.co/3r4s5ugBPL pic.twitter.com/eTEj0lEgBs

— APOEL FC (@apoelfcofficial) March 1, 2019

Me kontratën e re ish-ndihmësi i De Biazit do ta drejtojë klubin qipriot deri në verën e 2020-ës. Kjo nuk është eksperienca e parë e Tramexanit si trajner, pasi më parë ka qenë në krye të bankinave të Luganos e Sionit në Superligën zvicerane.

MENDIMI PËR TRAMEXANIN – “Kemi punuar së bashku për shumë vite. Bëhet fjalë për një person shumë të mirë dhe një njeri me karakter të jashtëzakonshëm. Një nga trajnerët më të mirë me të cilët kam punuar. Ishte shumë i rëndësishëm në atë që kombëtarja jonë bëri. Mendimi im është shumë pozitiv. Ai është një trajner që punon 24 orë në fushë dhe është i përkushtuar në atë që bën. Mendoj se Tramexani në 5-6 vjet do të jetë një nga trajnerët më të mirët në Europë”.

RAPORTI ME FUTBOLLISTËT – “Arrin të marrë 100% të lojtarëve. Sjella e tij ishte e pashoqe për mua dhe shokët e skuadrës. Kjo është më e rëndësishmja për mua në futboll.  Kur trajneri ka mënyrën për të kontrolluar dhomat e zhveshjes dhe për t’u imponuar respekt lojtarëve, mund të arrijë shumë”.

FILOZOFIA E TIJ – “E thashë, ai mund t’u nxjerrë lojtarëve më të mirën. Gjithashtu është i shkëlqyer në anën taktike dhe në leximin e lojës. Për këtë ra në pah te kombëtarja jonë. Sepse, kur je pas De Biazit, mund të shohësh më qartë. Kishte përgjegjësi të mëdha nga trajneri ynë dhe bëri punë të mirë. A është agresiv? Varet nga grupi i lojtarëve që ka. Por, po, mendoj se ka një strategji agresive”.

PËRBALLIMI I PRESIONIT – “E njoh APOEL-in shumë mirë dhe e di çfarë do të thotë të drejtosh një ekip si ai. Ai do të bëjë një punë të madhe. Mendoj se APOEL-i dhe Tramexani mund ta marrin titullin. Mendoj se do të ketë sukses në APOEL”.

MESAZHI – “Jam një tifoz i tij dhe do ta ndjek atë. Dua që t’u shkojë mirë dhe uroj më të mirat për të. Jam i sigurt që do ia dalë”.