Trajneri i ri i Romës Poalo Fonseka është angazhuar vetë për të bindur argjentinasin Gonzalo Higuain. Sipas “Gazzeta Dello Sport”, tekniku portugez ka pasur një bisedë telefonike me “El Pipitën”, ku është munduar ta joshë që t’i bashkohet projektit të tij.

Transferimi i 31-vjeçarit në kryeqytet ka ende shumë pengesa. Paga prej 7 milionë eurosh në sezon ëhstë e papërballueshme nga financat e Romës, ndërsa në të njëjtën kohë duhet gjetur gjuha e përbashkët me drejtuesit e Juventusit.

Gjithsesi, lajmet që lidhin Romën me Higuain e bëjnë të qartë faktin se verdhekuqtë po kërkojnë një zëvendësues për Edin Xhekon. Boshnjaku ka dhe një vit kontratë në kryeqytet, por dita ditës po përflitet gjithmonë e më shumë për një kalim te tij tek Interi ose në kampionatin kinez.

Megjithatë, zyrtarizimi është ende larg për shkak se Fonseka është nën kontratë me klubin ukrainas Shaktar Doneckt. Miliardieri Rinat Ahmetov nuk pranon ta lëshojë trajnerin me kosto 0.

Fonseka ka një klauzolë largimi prej 5 milionë eurosh, por përfaqësuesit e trajnerit janë të bindur se do t’i dalin të bindin pronarin e Doneck për të arritur një marrëveshje prej secilës tekniku portugez do të largohet pa shpenzime ekstra nga klubi italian.