Sulmi është i përbërë nga shumë emra të mëdhenj, por njëri do të largohet. Gonzalo Higuain ka qenë kandidati kryesor gjatë kësaj periudhe, por bardhezinjtë nuk duan ta “falin” argjentinasin.

Dëshira e tij e madhe për të qëndruar dhe për të treguar se vlen e ka bindur Sarrin t’i japë një shans. Goli i djeshëm kundër Totenhemit tregoi se Pipita nuk i ka humbur reflekset e “vrasësit” brenda zonës.

E nëse për Higuain rriten shanset e qëndrimit, ai që mund të përgatisë valixhet është Paulo Dibala. PSG dhe Mançester Junajtid janë dy klubet e interesuara për 25-vjeçarin sipas Corriere dello Sport.

Për të nisur bisedimet me Juven nevojiten të paktën 80 milionë euro. Një shumë që nuk është aspak problem për dy klubet. PSG është pranë shitjes së Nejmar dhe e sheh Dibala si pasardhësin e tij.

Edhe Junajtid pritet të shesë Lukakun dhe Pogba, ndërsa Solskjaer e pëlqen shumë fantazistin e Juventusit. Dibala është akoma me pushime dhe gjithçka do të sqarohet kur t’i bashkohet ekipit. Ai do të bisedojë me Mauricio Sarrin për të kuptuar më shumë idenë e tij të lojës dhe faktin nëse beson te kualiteti i “La Joya”.

Vetë mesfushori dëshiron të largohet nga Mançester Junajtid. Në garë për të është edhe Reali i Madridit, por spanjollët duan të shesin Garet Bejl në fillim.

Sipas raportimeve të mediave angleze, Juventusi i ka ofruar “Djajve të Kuq” Paulo Dibala dhe Aleks Sandro për Pogbanë. Një ofertë tepër interesante për klubin nga Mançesteri, ndërsa bardhezinjtë konfirmojnë dëshirën e madhe për të rikthyer në ekip kampionin e botës.

Pas disa kohësh qetësi, tashmë duket se zërat kanë nisur përsëri. Sipas mediave italiane, klubet kanë nisur bisedimet për një shkëmbim të mundshëm.  Gjithsesi, pavarësisht bisedimeve mes klubeve, thuhet se Dibala e ka hedhur poshtë një kalim të mundshëm tek Interi.

Raportimet e fundit në media bëjnë me dije se argjentinasi nuk kërkon të kalojë në ekip tjetër në Itali dhe se do të largohej nga “Zonja e Vjetër” vetëm nëse transferohet jashtë. Gjithashtu, 25-vjeçari do të ketë një takim ditët e ardhshme me drejtuesit Nedved e Paratiçi për të vendosur mbi të ardhmen e tij.

]]> https://sportekspres.com/shkembimi-ikardi-dibala-lajme-te-reja-nga-italia/feed/ 0 https://sportekspres.com/dibala-ben-gati-valixhet-zbulohet-destinacioni-i-ri/ https://sportekspres.com/dibala-ben-gati-valixhet-zbulohet-destinacioni-i-ri/#respond Mon, 15 Apr 2019 21:59:53 +0000 http://sportekspres.com/?p=256263 Paolo Dibala është ndër të vetmit që ndoshta nuk është i kënaqur te Juventusi. Kjo për faktin se argjentinasi po zhvillon një ndër sezonet më të dobët të karrierës së tij.

Minutat jo të plota, sidomos edhe paraqitjet e fundit kanë bërë që edhe vetë drejtuesit bardhezi ta mendojnë seriozisht shitjen e “La Joya”, i cili vlerësohet gati 100 milionë euro.

Sipas raportimeve të fundit nga mediat italiane, duket se Bajerni është futur vrullshëm në garë dhe kërkon të nisë bisedimet me Juventusin për të marrë Dibalan drejt Mynihut.

25-vjeçari thuhet se nuk mund ta refuzojë një kalim në Gjermani dhe në një klub si Bajerni, ku do të ishte një ndër lojtarët kyç të ekipit. Gjithsesi, mbetet për t’u parë se si do të shkojnë bisedimet mes dy klubeve për gjetjen e një marrëveshje që do të kënaqte palët.

Në Itali flasin për klane në ekip, si dhe po lakohen emra të ndryshëm për ta zëvendësuar sulmuesin. Nga shitja e tij zikaltrit do të përfitonin goxha, pasi bëhet fjalë për një operacion merkatoje që vërtitet te 100 milionë eurot. Me kaq para Interi mund të bënte lëvizje të tjera, por mbetet për t’u parë se çfarë do të ndodhë.

Së fundmi “La Stampa” në Itali raporton se nëse Ikardi largohet nga Interi, atëherë pasuesi i tij do të jetë sulmuesi boshnjak Edin Xheko. Aktualisht pjesë e Romës, shtatlarti ka një kontratë deri në verën e vitit 2020. Rinovimi nuk po vjen dhe verdhekuqtë normalisht do kërkojnë të përfitojnë dhe shitja e tij është vendimi i duhur për ta.

SKENARI TJETËR – “Repubblica” në krahun tjetër shkruan për një lëvizje të bujshme. Sipas gazetës italiane, Bepe Marota po punon që të arrijë një marrëveshje me Juventusin. Ikardi do të merrte rrugën për në Torino, kurse në drejtimin e kundërt pritet të marrë rrugën Paolo Dibala.

Interi e pëlqen ish-futbollistin e Palermos dhe kjo është një mundësi e mirë për të arritur tek ai. Me Ikardin që nuk është i lumtur në Milano, ndarja shikohet si opsioni më i mirë. Me këët situatë të krijuar së fundmi, raporti mes sulmuesit dhe lojtarit vështirë të normalizohet.

Në përballjen ndaj skuadrës modeste të Frozinones, mëngjarashi i Juventusit u rikthye të shënojë pas më shumë se tre muajsh pritje (goli i fundit të Serie A ishte ndaj Kaljarit më 3 nëntor). Goli ishte fantastik, një goditje nga rreth 30 metra që gjeti trekëndëshin e portës së kundërshtarëve.

JUVENTUS 3 – 0 Frozinone
Shënues: Dibala 5′, Kedira 16′, Ronaldo 63′

Goli i argjentinasit hapi takimin  me Juventusin që e pati fare të thjeshtë  të mundte Frozinonen me rezultatin 3 – 0. Paraqitje krejtësisht dominuese, fiks ajo që i duhej skuadrës para përballjes në Champions ndaj një kundërshtari për t’u pasur frikë si Atletiko Madrid.

Mançester Junajtid dhe Çelsi thuhet se kanë shfaqur interes, por sipas gjigantes spanjolle “AS”, Real Madrid është klubi që e monitoron gjendjen e lojtarit dhe presidenti i klubit madrilen, Florentino Perez është i gatshëm të paguajë plot 120 milionë euro.

Gjithashtu, thuhet se Juventus mendon një shkëmbim të lojtarit me Marselon ose Hames Rodrigez, ky i fundit momentalisht është i huazuar te Bajerni i Mynihut. Gjithsesi, siç raportohet, klubi spanjoll nuk është i gatshëm për një shkëmbim. Mbetet për t’u parë nëse argjentinasi do të lërë “Allianz Stadium” për të kaluar në “Bernabeu”.

Argjentinasi, edhe pse nuk shënoi, doli mes duartrokitjeve në minutën e 72-të të takimit. Gjithsesi ishte protagonist, pasi nga këmbët e sulmuesit shtatshkurtër erdhi asisti i golit të parë të takimit. Në fundin e pjesës së parë, Dibala krosoi nga një goditje dënimi dhe Mori me kokë e dërgoi topin në rrjetë.

Fillimi i takimit ishte i mirë për Meksikën, teksa goditi tranversën me Himenez dhe më pas në një moment tjetër portieri Markezin u bë shpëtimtar. Dibala provoi disa herë të shënonte, ndërkohë që në një rast shërbeu për Lautaro Martinez. Futbollisti i Interit me kokë u ndal nga portieri pak metra me portën.

Në të dytën Argjentina kërkoi golin e qetësisë dhe krijoi disa raste, por ishin vetë meksikanët që e dërguan topin në rrjetë. Një krosim i ulët nga e djathta u devijua nga Brizuela dhe vendasit e panë veten në avantazh të dyfishtë.

BOMBA – Edhe pse synimi nuk ishte të bënte polemika, vështirësia e bashkëjetesës u konfirmua nga vetë Dibala për “Sky Sport”: “Shënoj pak? Më tepër se golat, kërkoj të ndihem mirë në fushën e lojës. Është e natyrshme që kur një sulmues nuk shënon, e kritikojnë. Por, po e godas portën më pak se sezonin e kaluar, edhe pse më pëlqen të provoj goditjet. Kristiano na merr shumë nga goditjet që bëjmë, sepse ai tenton më tepër, por për mua ka rëndësi të fitojë ekipi”.

LOJA – Fjalët e sulmuesit argjentinas janë lehtësisht të konfirmuara edhe nga statistikat e katër ndeshjeve ku Dibala dhe Ronaldo kanë luajtur përkrah dhe tregojnë sesi në fushë është Dibala ai që kërkon të japë asistin për yllin portugez dhe jo e kundërta. Kjo ndodhte edhe te Reali i Madridit, kur CR7 kishte përkrah emra si Bejl dhe Benzema. Edhe sulmuesit e Juventusit duket se e kanë pranuar, që në hirearkinë e sulmit, Kristiano Ronaldo do të jetë gjithmonë i pari.

Për Dibala duhet pritur pjesa e dytë për të pasur ndonjë minutë, pasi Alegri ka ndryshuar sërish dhe argjentinasi nuk është projektuar titullar. Ronaldo në sulm do të mbështetet nga Manxhukiç dhe Bernardeski.

Në portë është programuar Shezni dhe para tij pozicionohen Bonuçi e Kielini. Kanselo dhe Aleks Sandro janë “zotë” të krahëve, kurse për mesfushën janë përzgjedhur Matuidi, Pjaniç dhe Emre Çan. Ndërkohe te Napoli nuk mund të mungojë Hysaj në formacion.

“Skuadra ishte e përgjegjshme dhe e matur dhe kjo është një shenjë e mirë. Pjesën e parë luajtëm mirë, ndërsa në të dytën kemi ruajtur mirë hapësirat. Jam i lumtur, po rritemi dhe jemi në rrugë të mbarë. Është e gjatë, ndërkohë që të shtunën kemi një ndeshje direkte me Napolin dhe do të jetë nja takim i bukur”.

Fjalë të mira nga Alegri edhe për Kristiano Ronaldon, i cili nuk arriti dot që të shënojë një tjetër gol në Serinë A. “I ka munguar vetëm goli. Mos të harrojmë se këtu në Itali kampionati është më i vështirë. Jam i kënaqur me atë që po bën në fushë”.

DIBALA – Trajneri i Juventusit vlerësoi edhe paraqitjen e Dibala, i cili u rikthye pas disa muajsh te goli. Një çlirim për argjentinasin. “Mendoj se goli mund të më japë besimin që kam pasur gjithmonë. Kam punuar për ndeshje të tilla dhe për të dhënë më të mirën time për skuadrën. Mendoj se nuk kemi bërë ndeshje të këqija, por niveli është i lartë dhe tifozët duan gjithmonë e më shumë”, u shpreh për DAZN Dibala.

“Juve më e fortë se kurrë? Kjo do të shihet në fund të sezonit. Me ardhjen e Kristiano Ronaldos ka më shumë entuziazëm. Por duhet të qëndrojmë me këmbë në tokë, pasi është vetëm fillimi. Skuadra po luan mirë dhe është e bukur për t’u parë. Napoli? Një fitore me ta do të ishte shumë e rëndësishme për kampionatin”, tha mes të tjerash sulmuesi i Juventusit.

Siç bëhet me dije nga klubi i Juventusit, sulmuesi argjentinas Paolo Dibala ka pësuar një lëndim në këmbën e tij të majtë. Edhe pse klubi kërkon që të qetësojë tifozët, duke theksuar se nuk bëhet fjalë për një dëmtim serioz, transferta në Spanjë është pas dy ditësh dhe me shumë mundësi 24-vjeçarit do t’i duhet ta ndjekë ndeshjen nga tribuna.

Gjithsesi, lojtari dhe stafi mjekësor po punojnë në mënyrë intensive që sulmuesi të jetë i gatshëm për këtë ndeshje. Dëmtimet nuk po i ndahen “Zonjës së Vjetër” pasi më herët në infermieri kanë përfunduar dhe De Shiljo dhe Barzali.