Bajerni nis sulmin për yllin e Juventusit, shkon me ofertën e parë zyrtare

Sport Ekspres — Wed, 29 May 2019 19:11:05 +0000

E ardhmja e Paulo Dibalës te Juventusi nuk është aspak e sigurtë. Megjithëse argjentinasi pak ditë më parë i shprehu dashurinë”Zonjës”, zërat për largimin e tij vazhdojnë të gëlojnë. Bajerni i Mynihut synon të krijojë një treshe vrastare me Sane, Levandovski dhe Dibala. Sulm ky që do bënte të mos ndihej mungesa e Riberi dhe Roben. Për këtë gjermanët kanë zbarkuar në Torino me një ofertë zyrtare.

Bavarezët ofrojnë 84 milionë euro për të afruar “La Joya”. Kjo ofertë me shumë mundësi do të refuzohet nga Juventusi. Italianët e vlerësojnë kartonin e Dibalës 105 milionë euro. Shifër kjo, që është disi larg ofertës fillestare të kampionëve të Gjermanisë. Me shumë mundësi ky nuk do të jetë propozimi i fundit, por do të pasohet nga një ofertë e dytë ndjeshëm më e lartë.

Transferimi i Hames Rodrigez, shifrat dhe… Dibala

Sport Ekspres — Thu, 07 Feb 2019 08:48:03 +0000

Juventusi në Itali nuk ka rivalë, por drejtuesit mendojnë për të dominuar edhe në Europë. Për këtë duhen bërë edhe afrime me peshë. Në verë u ble Kristiano Ronaldo nga Reali i Madridit, ndërkohë që me bardhezinjtë kampionët janë të shumtë.

Prej kohësh në qendër të vëmendjes ka qenë kolumbiani Hames Rodrigez. Mesfushori i avancuar i Bajernit të Mynihut pritet të largohet nga Gjermania në verë, të paktën kështu përflitet. Juventusi e ka ndjekur prej kohësh dhe një deklaratë e babait të tij një ditë më parë nuk lë vend për shumë interpretim.

Uillson, për “Bild” deklaroi: “Hamesin e shoh shumë të heshtur te Bajerni i Mynihut dhe nuk më duket i lumtur. Juventusi do të ishte një opsion shumë i mirë për të. Ai dhe Kristiano Ronaldo janë shumë miq me njëri-tjetrin dhe ashtu si e shoh unë sot futbollin italian, kalimi te bardhezinjtë do të ishte një vendim shumë i mirë”.

SHIFRAT DHE… DIBALA – Për të arritur te Hames Rodrigez Juventusi e ka çelësin. Futbollisti 27-vjeçar menaxhohet nga Zhorzh Mendesh, i cili transferoi edhe Ronaldon në Torino. Menaxheri i njohur është gati t’i “dhurojë” edhe kolumbianin bardhezinjve dhe kjo marrëveshje mund të mbyllet për shumën e 55 milionë eurove.

Nga ana tjetër Paolo Dibala është ai që vihet në presion. Argjentinasi nga ana tjetër kërkon të tregojë vlerat e tij dhe do mundohet që deri në fund të sezonit të ndihmojë skuadrën në arritjen e objektivave. Gjasat janë që në verë ai të transferohet diku tjetër, duke parë edhe “shterpësinë” ë tij. Vetëm dy gola në 19 ndeshje janë një shifër e vogël, sidomos kur kujton se vjet realizoi 22 në Serie A.