President që në vitin 2002: “Po, ka qenë një punë e palodhshme e imja dhe e stafit tim. Kemi arritur suksese dhe objektiva historikë për ne. Tani jemi në një fazë të vështirë, të rikonfirmojmë sukseset që kemi arritur deri më tani.

Europiani Euro2016: “Padiskutim që ishte një arritje historike, për ne dhe për popullin shqiptar. Meritë absolute kanë lojtarët dhe trajneri Xhani De Biazi, pasi bënë një punë të shkëlqyer”.

Panuçi: “Një person shumë i mirë, por ende me mentalitetin që kishte si lojtar. Nuk ishte një eksperiencë e bukur, por duhet të pranojmë se të kushdo që do të ishte pasuesi i DE Biazit, do ta kishte të vështirë”.

Edi Reja: “Reja i jep shumë prioritet faktit që çdo rrezik duhet shamgnur. Karriera e tij flet vetë”, përfundoi Duka.

Ndërkohë, kompanitë e basteve në Itali i janë futur punës duke ofruar kuota për trajnerin e ardhshëm të Romës. Ndër opsionet e ofruara është dhe ish-trajneri i kombëtares shqiptare, Kristian Panuçi.

Koeficenti që Panucci të emërohet trajneri i Romës është 67. Vetëm Serse Kosmi dhe Françesko Toti kanë një kuotë më të lartë, përkatësisht  126 (Kosmi) dhe 101 (Toti). Riemërimi i Ranierit ose kuotohet 56, të njëjtin koeficient  ka dhe Zhoze Murinjo.

Favoritët janë Luçiano Spaleti (15), Xhixhi Di Baxhio (12), De Zerbi (1.85). Opsioni më i mundshëm në listë i takon Paolo Fonsekës, trajneri portugez i Shaktar Doneckt ka një koeficient prej 1.4.

Ekipi nga jugu i Italisë është prej disa vitesh në pronësi të pronarit të Lacios Klaudio Lotito dhe drejtori i sportiv Igli Tare luan një rol kryesor edhe në vendimmarrjet e këtij klubi.

Sipas asaj që shkruajnë mediet italiane, Tare po negocion për ndërprerjen konsensuale të kontratës së trajnerit të tanishëm Anxhelo Greguçi. Në listën e trajnerëve që synohen për sezonin tjetër janë dhe emra si Alesandro Nesta ose ish-trajneri i Xhenoas, Ivan Juriç.

Në një lidhje direkte me emisionin “Zona Gol”, Agolli sqaroi arsyet që e çuan në marrjen e këtij vendimi, ndërsa komentoi dhe gjendjen e kombëtares dhe klubin e zemrës: Tiranën.

KARRIERA NË SHBA – “Ishte një vendim që u mor për një arsye komplekse. Familja ime jeton prej vitesh këtu”.

EKSPERIENCA NË AMERIKË – “Ka shumë ndryshime që nga sistemi që funksionojnë kampionatit. Këtu ka liga të ndryshme, ku më e madhja është “MLS”. Janë kampionate të ndara . Ambienti është paska amerikan, këtë e them në sensin pozitiv. Stërvitja fillon dhe mbaron duke qeshur, në Azerbajxhan kishte më shumë disiplinë dhe seriozitet, ndoshta ky është mentaliteti këtu”.

SHKARKIMI I PANUÇIT I VONUAR ? – “Mendoj se Federata mendon gjithmonë për të mirën e skuadrës. Mendoj se ishte vendimi i duhur që iu dha besim trajnerit, më pas rezultatet negative treguan se duhej ndryshim. Shpresoj që ai të ketë marrë mësime për të ardhmen e tij, nëse do të vijojë të jetë trajner”.

GABIMI I PANUÇIT – “Unë kam luajtur për 14 vite me skuadrën kombëtare. Ekipi ka pasur disiplinë. Shumica e lojtarëve janë rritur në shtete si Zvicra, Gjermania e Greqia dhe janë rritur me profesionalizëm. Gjatë epokës së De Biazit nuk kemi pasur probleme disipline, nuk mendoj se disiplina ishte diçka që po i ngacmonte skuadrës”.

BULKU TRAJNER I KOMBËTARES – “Bulkun e kam më shumë se shok. Jemi rritur bashkë e kemi kaluar vështirësi e momente të mira. I uroj sa më shumë suksese në detyrën e re. Është një njeri që ka shumë eksperiencë”.

TIRANA – “Me ardhjen e Ardi Memës e kam ndjekur pak më shumë. Skuadra më është dukur mirë me trajnerin e ri. Tirana është një skuadër që më ka dhënë shumë. Më ka dhënë atë egon që ka karakteristikë kjo skuadër, pa atë nuk besoj që do të arrija të fitoja as shumë në karrierën time. Çdo lojtar që del nga kjo skuadër ka diçka ekstra. Edhe nëse nuk e luaj një ndeshje të fundit me Tiranën, nuk kam pse të kem pishmane, kam fituar tituj e superkupa aty”.

PARTIZANI – “Mendoj se Partizani e ka merituar atë që ka arritur deri tani. Është një skuadër që ka treguar stabilitet gjatë të gjithë vitit. E meriton plotësisht vendin e parë”.

ARENA KOMBËTARE – “Mezi po e pres ndërtimin e stadiumit. Do t’i japë një imazh tjetër ekipit kombëtar. Tifozët do të jenë shumë pranë fushës dhe kjo do të jetë një armë plus për ne”.

“Akoma nuk kemi një trajner të zgjedhur. Bulku dhe Mema ishin një zgjidhje emergjente për atë ndeshje dhe tani. Shkarkimi nuk ishte faret i papritur. Vendimi u mor në varësi të performancës ndaj Turqisë. Aty u vërtetua se nuk kishte mundësi për ta inkurajuar më ekipin. Shprehja e ekipit dhe atmosfera nuk është se ka qenë e pranueshme. Ishte një kimi që nuk shkonte”.

LOJA NË ANDORRË – “Jo për faktin se Panuçi i kishte bërë mos të ishin të lirë, por për faktin se futbollistët ndjenë më shumë përgjegjësi, pasi nuk kishin një “timonier” zyrtar, por një timonier të improvizuar. Dua ta përgëzoj Bulkun dhe Memën, bënë maksimumin”.

MOMENTI I SHKARKIMIT – “Për të qenë i sinqertë kemi qenë në diskutim me stafin teknik të federatës dhe e lamë që ta diskutonim pas ndeshjes me Turqinë. Vendimi u mor në bashkëpunim me stafin. E mora në mëngjes dhe i thashë: Mister situata është e vështirë. Ai më tha merr vendimin që duhet. E takova në hotel”.

TRAJNERI I RI – “Tani realisht nuk kemi marrë një propozim ose kemi bërë një ofertë për të gjithë teknikët që kam lexuar në media. Unë kam kontaktuar vetëm Edi Rejën në stadium, edhe një trajner tjetër italian Kalori, por ishte diçka rastësore”.

BESNIK HASI –“Ne ja kemi propozuar njëherë Hasit ekipit kombëtare, 6 ose 7 vite më parë, para se të vinte De Biazi. Është një trajner shumë i mirë mund të jetë kandidat. Rikthimi i De Biazit? Jo nuk e besoj.”

DONADONI – “Trajner shumë i mirë, nuk e di nëse është i gatshëm të vijë në Shqipëri dhe a është i gatshëm të pranojë ofertën tonë. Donadoni do të më pëlqente, por është një kandidat që e kam parë nëpër media, nuk e di nëse ai është i interesuar për këtë gjë. Nëse po me kënaqësi.

BUXHETI PËR TRAJNERIN – “Buxheti jonë vjetor është 200-250 mijë euro. De Biazi ishte një trajner i mirë dhe më këtë buxhet paguhej.”

MUNDËSI PËR RRITJEN E BUXHETIN – “Nëse ndërhyn kryeministri po. Ka shumë shtete që paguajnë trajenët. Bëj shaka (qesh), nuk kam kontakt me kryeministrit, thjesht një batutë”.

I HUAJ APO SHQIPTAR –“Nuk mund të them se do të jetë i huaj ose shqiptar. Një trajner shqiptar ka një plus, pasi njeh ambientin dhe mentalitetin e lojtarëve dhe opinionit sportiv. Nuk mendoj se kemi ende trajner që mund të ndërtojnë ekipe me pretendime për evente ndërkombëtare”.

GJENDJA E KOMBËTARES – “Kombëtarja ka potencial për më shumë. Asnjëherë nuk kemi pasur në ekip pesë futbollistë të Serie A. Tani të gjithë futbollistë luajnë në ndryshim nga viti i kaluar. Kjo ishte një ndër arsyet që u zhgënjyem në ndeshjen ndaj Turqisë, pasi prisnim më shumë”.

FUTBOLLISTËT NGA KOSOVA – “Çdo futbollist është i lirë të luajë ku të dojë. I fundit është Ismajli që ka zgjedhur të vazhdojë me ne”.

KAMPIONAT I PËRBASHKËT SHQIPËRI-KOSOVË “Për sa kohë ka dy shtete, ka dy kampionate. Gjithsesi kjo nuk të ndalon që të bësh turne të tjera. Ka kohë që ne bëjmë një kupë, por që nuk është bërë në nivelin e duhur. E kam fjalën për Kupën Pavarësia, mund ta zhvillojmë dhe ta bëjmë në një kompeticion më të mirë.”

KAMPIONATI – “Kampionati po vjen drejt fundit dhe si çdo kampionat që vjen drejt fundit ka akoma më shumë përplasje”.

INFORMALITETI NË FUTBOLL  – “Futbolli shqiptar është si pjesa tjetër e ekonomisë shqiptare. Një vend që e ka 60% të biznesit informal, nuk ka se si të ketë futboll formal”.

OBJEKTIVAT E KOMBËTARES – “Objektivi jonë mbetet për të qenë të dytët në grup. Siç humbëm në Shkodër, mund të fitojmë në Shqipëri. Asnjë ekipi nuk do i shkojë vaj, qoftë edhe me Andorrën”.

INVESTIMET – “Për të pasur një futboll që të konkurrojmë ne nivelet që ne pretendojmë duhen investime nga pushteti qendror dhe vendor. Në Shqipëri janë rikonstruktuar ato ambiente që kanë ngelur. Na duhen 10-fish më shumë fusha sportive për të plotësuar nevojat”.

INAUGURIMI I STADIUMIT – “Objektivi është që luajmë në qershor kundër Moldavisë, por është diçka e vështirë. Në marrëveshjen me kompaninë është  e shkruar që ndërtimi mbaron në qershor, nëse jo do luajmë në shtator”.

EMRI I STADIUMIT – “Emri i stadiumit do të komercializohet, në mënyrë që të japim të ardhura stadiumit. Së shpejti do të fillojmë procedurat. Këtu në këtë vend po diskutohet të kemi këtë emër e këtë, por këtë praktikë bëjnë dhe në Gjermani si për shembull “Allianz Arena”.

“Të them të drejtën ishte një lajm që nuk e prisja kurrë. Padiskutim që isha i lumtur. Nuk mendoj me epitetin: ‘Jam trajneri kombëtares’. Them qe më është ngarkuar një detyrë, një detyrë e vështirë, por do mundohem të bëj maksimumin së bashku me çunat”.

“Janë rezultatet që vendosin për trajnerët në të gjithë botën jo vetëm këtu. Kam marrëdhënie si me De Biazin si me Paolo Tramexanin, pasi kam qenë lojtar dhe më pas ndihmës i tyre. Është normale që miqtë dhe shokët t’i telefonosh, siç do telefonoj dhe Panuçin. Formacioni? Do ta shikoni në fushë”, tha Bulku.

VENDIMI – “Prisnim që të kishte një energji ndryshe skuadra, një paraqitje ndryshe në ndeshjen e parë. Kuptohet se ishte një ndeshje e rëndësishme për të gjithë edicionin. Kjo është një arsye pse menduam që edhe pas një  “Nation League” jo shumë të suksesshme të vazhdonim me Panuçin, sepse ndoshta të krijonte atë njohjen e duhur në skuadër dhe diçka do të ndryshonte. U pa një skuadër pothuajse inekzistente ndeshjen e parë, që na çoi në një vendimmarrje le të themi të detyrueshme për të ndryshuar diçka. Dhe ajo që mund të ndryshonim ishte pikërisht trajneri.”

Të gjithë në njëfarë mënyre jemi përgjegjës, qoftë dhe unë që kam emëruar Panuçin, qoftë skuadra, që duhej të demonstronte diçka më shumë në fushë. Besoj se edhe ai vetë do të dëshironte të bënte më shumë e të arrinte më shumë. Ishte eksperienca e tij e parë si trajner i një përfaqësueseje, por nuk arriti, nuk arriti të merrte maksimumin që mund të japim.

Për shumë arsye e ndërpremë këtë marrëdhënie për të menduar më shumë për të ardhmen dhe do të mendojmë më gjatë për ndeshjet e qershorit, në të cilët kush do që të jetë stafi do të ketë kohë për ta përgatitur skuadrën, pasi atëherë do të kemi mundësi për ta grumbulluar skuadrën rreth dy-tre javë.

EDI REJA DHE TRAJNERI I RI – “Edi Rejan e kam takuar në stadium pas ndeshjes, kishte ardhur për punët e tij, për të vëzhguar disa futbollistë. Nuk di ta them tanët apo të Turqisë. Nuk kam menduar asgjë se kush do të jetë trajner i Shqipërisë. Pas ndeshjes me Andorrën do të mendojmë për teknikun që i duhet skuadrës së bashku me stadin teknik të federatës. Nuk është një gjë e lehtë”, përfundoi Duka.

“Ekipi që fitoi më shumë fitoren ishim ne. Ishte një ndeshje e egër, por pas golit ditëm si të menaxhonim lojën për pjesën e mbetur të ndeshjes”

“Siç e thashë dhe më parë Shqipëria ka lojtarë shumë të mirë brenda saj. Nga ajo që pashë në fushë kuptova se lojtarët nuk ishin të qetë, jam i sigurt se në të ardhmen do të jetë një kundërshtar i fortë”.

“Duke përfituar nga lojtarët me eksperiencë fituam. E kontrolluam lojën dhe shpresoj të kemi vazhdimësi. Lojës së fortë të kundërshtarit iu përgjigjëm mjaft mirë. Ishte një fitore e rëndësishme.

“Më është dhënë një detyrë dhe duhet ta bëj sa më mirë. Kemi detyrime ndaj popullit turk. Sa i takon ndeshjes me Moldavinë, do të ketë ndryshime. Lodhja bën të veten, ndeshjet janë afër”.

“Nuk isha i sigurt me sa mbrojtës do luante kundërshtari. Kishin ndryshuar dhe i kisha marrë masat. E dinim që kundërshtari del shpejt në kundërsulm. Nuk lejuam që Shqipëria të kishte raste. Morëm 100% nga lojtarët që ishin në fushë. Duhet të shmangim disa gabime në pasime. Formacioni dhe si do luajmë, me një ose dy sulmues, varet nga kundërshtari”.

Emre? “E uroj kapitenin, na ndihmoi shumë. Ishte një lider. Edhe Jilmaz dhe të tjerët na ndihmuan shumë. Kishim folur me të dhe i kishim kërkuar të ishte lider. E uroj për lojën dhe për udhëheqjen e skuadrës. Nuk ka ndonjë gjë serioze, kishte një shqetësim dhe e zëvendësova që të mos rrezikonim”.

Vetë trajneri nuk bëri asnjë reagim pas koreve ofenduese duke i qëndruar i qetë.

“Panuçi më duket pak i largët me lojtarët. Edhe tipi i tij si futbollist nuk ka qenë perfekt. Mënyra e sjelljes së tij, nuk ka arritur që të ketë një komunikim që të bëjë për vete lojtarët. Edhe Simeone ka pasur një karakter të ngjashëm me Panuçin si futbollist, por tani si trajner dallohet që ka një lidhje të fort me skuadrën e tij, ndërsa ky jo”.

“Ai ka thënë se do të grumbullohen lojtarët me më shumë minuta, por nuk ka qenë shumë i drejtë në këtë aspekt. Ka pasur dallime dhe këtu ka dalë i paqartë. Më kujtohet rasti i Alijit që është thërritur disa muaj më parë kur ishte pa skuadër, ndërsa kemi pasur lojtarë të tjerë që kanë luajtur më shumë se futbollistët e tjerë dhe nuk janë grumbulluar. Pra ka një dallim me atë që thotë trajneri dhe atë që realizon”.

SKEMA – “Në kohën e De Biazit përdornim skemën 4 – 3 – 3, por në të vërtetë ishte një vendosje 4 – 5 – 1. Loja sulmuese është më vështirë për t’u bërë se sa loja e lehta. Është më e lehtë të shkatërrosh se sa të ndërtosh”.

REPARTI MË I MIRË – “Mbrojtjen duhet ta kemi më të mirë, pasi lojtarët që kemi në mbrojtje aktivizohen me minuta të plota në kampionatin italian. Aty kemi pasur probleme për shkak të harmonizimit”.

ASPIRATAT – “Mendoj se lojtarët duhet të jenë më të rezervuar me deklaratat e tyre. Fitoren të gjithë e duam, por secili duhet të jetë me këmbë në tokë. Ne shpesh humbim ekuilibrat gjatë ndeshjes, nuk arrijmë të vendosemi mirë ose të mbajmë topin për distanca të gjata kohore.”

“Në fazën e kualifikueseve të “Euro 2016” ne nuk ishim skuadër më e mirë se Serbia dhe Danimarka, por ndodhën disa situata që shkuan në favorin tonë. Nëse mendojmë se do të jemi dy herë me fat  e kemi shumë gabim”.

BREZI MË I MIRË I KOMBËTARES –“Brezi i viteve 2000 me lojtarë si Strakosha, Rraklli, Murati, Xhumba, Fakaj, Kola, Lala, Shulku, Haxhi etj. Ishin një grup shumë mirë që më jep shumë nostalgji. Më pëlqen dhe brezi i viteve 80-të, ishte një grup bio. Ata erdhën nga kombëtarja shpresa, ku ishin në tetëshen me të mirë të Europës. Fatkeqësisht ata u ndodhën në një kohë tjetër”.

STRAKOSHA – “Për mua Strakosha është një lojtar i rëndësishëm në kombëtaren e Shqipërisë, pasi është portieri titullar dhe e tashmja dhe e ardhmja e portës së kombëtares. Për mua është një vendim i drejtë, por i marrë nga njeriu i gabuar”.

 “Vendimi i drejtë, sepse disiplina është një mjetet për rregulluar marrëdhëniet brenda një ekipi me 25 djem. Problemi është, që për të krijuar një frymë në një skuadër ka disa elementë. Mua nuk më pëlqejnë shumë gjëra që po bën trajneri, qoftë lista, qoftë mënyra e lojës. Lojtari duhet të ishte më i kujdesshëm, duke ditur natyrën e trajnerit. Nuk besoj se trajneri do të jetë çmendur dhe ndoshta është faji i lojtarit”.

GJENDJA E KOMBËTARES – “Mua më duket se kemi shpenzuar dy vite dhe tani jemi në një pikë të asgjëje.  Pavarësisht problemeve, këto dy vite mund të na kishin vlejtur, pasi do kishim fituar kthjelltësinë e nevojshme për të nisur një rrugëtim të ri. Unë e shikoj që atij i mungon kthjelltësia, nuk ka një logjikë në zgjedhjet dhe listat e tij”.

“Ai ka të drejtë kur thotë se pas 2016-ës mund të kemi krijuar një perceptim të gabuar të skuadrës. Por ama para atij evropiani u renditëm të dytët të grup që më pas u kualifikuam, ndërsa më pas dolëm në vend të tretë në eliminatoret e Botërorit. Nuk mund të themi tani se synojmë vendin e katërt në grup. E di që është e vështirë, por në vend të katërt nuk ka logjikë, pasi vijmë nga vendi i tretë”.

REAGIMI I LENJANIT – “Nuk jam dakord me statusin që ka bërë lojtari. Lenjani ka pasur raste që ka qenë pa ekip ose pa minuta dhe është marrë në kombëtare. Në një moment trajneri mund të vendosë të marrë një lojtarë tjetër dhe kjo është  e drejta e tij. Ai është djalë i pjekur dhe profesionist. M’u duk diçka e nxituar. Ai ka qenë pjesë e rëndësishme e kombëtares që u kualifikua në Europian”, tha Jupi.

“Tani e kemi skuadrën e gatshme. Në të shkuarën kemi pasur shumë mungesa, dëmtimet kapën deri në 80% të skuadrës. Më gëzon fakti që tani 99% e grupit marrin minuta të kënaqshme. Gjithsesi para pak orësh mu njoftua se kemi një problem me një ndër lojtarët e grumbulluar. Situata e tij është në pikëpyetje. Të dielën do të vijë në Shqipëri e do të kryejë analizat mjekësore. Emrin nuk mund ta bëj të ditur për momentin”.

“Sukses do të konsideroheshin gjashtë pikët, por edhe nëse marrim katër pikë besoj se mund të quhet një rezultat pozitiv, pasi Turqia është një kundërshtar shumë i fortë. Po të nisemi me tri pikë nga ndeshje me Turqinë do të shkojmë me moral të lartë drejt Andorrës. Nuk jam dakord që ta nënvlerësojmë Andorrën, në futbollin modern diferencat janë zvogëluar shumë”.

GUIDARA – “Po presim një përgjigje. Trajneri ka folur me agjentin, por për momentin kemi ende punë me dokumentet. Nëse do të thërritet shpresoj që të kemi një përgjigje pozitive”.

Megjithatë, fakti që 23-vjeçari luan në kampionatin suedez ka sjellë një disavantazh të madh për Binakun. Problematika qëndron te formati i kampionatit pranverë-dimër që përdoret në të gjitha vendet nordike.

Në vitin aktual, Binaku ka luajtur vetëm 90 minuta në një takim kupe, ndërsa sezoni ri i “Allsvenskan” fillon gjatë muajit prill. Mbetet për t’u parë se cili do të jetë vendimi i trajnerit Panuçi për mëngjarashin e kombëtares sonë.

Ndërkaq, alternativat e tjera për këtë rol nuk janë të pakta. Ermir Lenjani dhe Besir Demiri janë më favoritët pasi janë ftuar më parë nga trajneri i kombëtares sonë, ndërsa një opsion tjetër është Naser Aliji, i cili është rikthyer të luajë rregullisht në Rumani me Dinamon e Bukureshtit.

Krahas përballjes së nesërme, dy lojtarët e kombëtares sonë do të kenë mundësi të aktivizohen dhe në dy takime të tjera para shpalljes së listës së Panuçit për ndeshjet e kualifikuese të “Euro 2020” kundër Turqisë dhe Andorrës, që do të zhvillohen më datë 22 dhe 25 mars.

Balaj ka qenë një ndër lojtarët më të grumbulluar nga Panuçi dhe me shumë gjasa ftesa për sulmuesin shkodran nuk do të mungojë as kësaj radhe.

Ndërkohë, situata me Roshin është krejt ndryshe. Mesfushori fierak ka pak javë që është kthyer në stërvitje të plotë me grupin pas një dëmtimi që e la jashtë fushave prej më shumë se pesë muajsh. Këto javë do të jenë vendimtare për të parë nëse 27-vjeçari do t’ia dalë të rikthehet në radarin e kombëtares.

LORET SADIKU – “Sadikun e kam marrë në telefon, më tha që duhet të mendohem, më pas nuk është bërë i gjallë. Për mua futbollistët duhet ta kenë dëshirë për të ardhur në kombëtare. Dua shqiptarë të vërtetë dhe seriozë, të cilët duan të shkojnë në Europë. Nëse nuk janë të tillë nuk dua t’i shikoj këto lloj shqiptarësh”.

KAMPIONATI SHQIPTAR – “Kur të jetë mundësia për të parë lojtar të kampionatit shqiptar do ta bëj.  Siç e dini unë kam një ndihmës, Ervin Bulkun, që merret me kampionatin shqiptar. Në të shkuarën kam marrë lojtarë nga kampionati shqiptar, por unë udhëtoj gjatë gjithë kohës nëpër Europë për të parë futbollistë”.

PËRSHTYPJE – “Po, ka lojtarë në sulm të Partizanit që janë lojtarë cilësorë dhe të shpejtë, Kastrioti bëri gjithashtu një lojë të mirë. Lojtarët e kampionatit shqiptar duhet të bëjnë kujdes kur bëjnë kalimin në Europë.  Nga lojtarët që u larguan vitin e kaluar Guri luan pak, Abazaj nuk luan fare, Lilaj është i vetmi që luan nga ata, ndërsa Gavazaj ka pasur lodhje”.

“Në fund të majit kur të mbarojnë kampionatet do të bëjmë një tjetër grumbullim, pasi në qershor kemi ndeshjen kundër Islandës”.

ASANI – “Asani është një lojtar shumë i fortë në lojën një kundër një”.

NDOJ – “Është një lojtar që ka shumë për të përmirësuar. Është shumë i ri. Ka një potencial të madh. Unë besoj se do bëhet një lojtar kyç i kombëtares shqiptare”.

REFLEKTIMET – “Mbi të gjithë kjo pauzë, më ka shërbyer për të reflektuar.  Jam munduar të njoh më mirë lojtarët e mi. Po mundohem të rikuperojmë lojtarë shumë të rëndësishëm si Sadiku, Roshi dhe Abashi dhe Cikalleshi, i cili shënoi tani, por vinte nga një periudhë 6-mujore ku nuk po shënonte”.

“Në këtë një vit e gjysmë e kishim thënë se do të kryhen eksperimente nga të cilat nuk morëm rezultatet e duhura. Koha për të punuar me kombëtaren është shumë e shkurtër. Tani do të punojmë me një bazë prej 22 lojtarësh, ku do të fokusohemi në lojën mbrojtëse”.

“Natyrisht që tani do të punojmë me një grup prej 18 lojtarësh. Gjithmonë do të jemi në kërkim të emrave të rinj, si për shembull Durmishaj që po shënon, kemi dhe lojtarë të tjerë të që po bëjnë mirë nëpër kampionatet evropiane. Grupin e kemi, të tjerët që do të vijnë duhet të bëjnë diferencën”.

GRUPI – “Gjatë “Nations League” vura re se kur skuadra hapej në lojë hasnim shumë vështirësi në mbrojtje. Kemi një grup shumë të vështirë. Ekipi si Franca, Islanda dhe Turqia kanë qenë të gjithë pjesë e  Euro 2018”.

SERIOZITETI – “Futbolli ka rregulla. Ka dy mënyra për të punuar, mirë ose keq. Jashtë stërvitjes unë jam një njeri shumë i lirshëm me futbollstiët, por në futboll. Nëse duam të përfaqësojmë një shtet të madh duhet të jemi të gjithë serioz. Gjithmonë do punoj me shumë seriozitet dhe profesionalizëm.

DUKA NË UEFA – “Ai ka arritur diçka të jashtëzakonshme,duke u bërë pjesë e Komitetit Ekzekutiv, të gjithë shqiptarët duhet të jenë krenarë. Po bëhen zyrat e reja, po bëhet një punë e mirë. Ishte një ditë shumë e bukur për Shqipërinë.”

TOMAS GUIDARA – “Gjendja është e tillë unë kam folur me lojtarin, pasi ai ka prejardhje arbëreshe. Është një lojtar me kualitet që luan si mbrojtës krahu. Federata po bisedon me të dhe familjen e tij. Teorikisht ai mund të marrë pasaportën shqiptare, po presim procedurat. Më ka thënë se është shumë i gatshëm për të luajtur për kombëtaren shqiptare. Por duhet të presim, pasi në të shkuarën kam folur me lojtarë që më kanë thënë po, por në fund kanë luajtur për shtete të tjera” , përfundoi Panuçi.

ANËT POZITIV – “Dihej që nuk ka qenë një situatë shumë e mirë nga ana futbollistike, pasi nuk jam aktivizuar për një kohë relativisht të gjatë. Nuk besoj se ka qenë vetëm për shkakun tim, për faktin se kam qenë disi edhe i pafat në disa raste, për shkak të dëmtimeve që më kanë lënë disi pas. Do ta quaja një eksperiencë të bukur sepse kam mësuar shumë gjëra që nuk i dija dhe them se kam bërë para”.

FAKTORËT – “Nuk mund të them se jam penduar. Përkundrazi, jam shumë i lumtur sepse kam mësuar shumë gjëra dhe është një hap shumë i madh kalimi nga Luftëtari te Anderlehti, është diçka që nuk i ndodh kujtdo dhe nuk jemi mësuar ta shohim në kampionatin shqiptar. Klima është e ndryshme, ambientimi për ne nuk ka qenë shumë i thjeshtë, por tani e kam lënë gjithçka pas krahëve, pasi kam afro 6 muaj aty dhe besoj se ka qenë një eksperiencë e bukur dhe ambientimi ka shkuar mirë. Tani duhet të shohim”.

LËVIZJA E MUNDSHME – “Me ardhjen e trajnerit të ri do të vijoj të punoj fort, që të jem në syrin e atij, të vijoj të punoj fort dhe të më aktivizojë. Duhet të jap më të mirën gjatë fazës përgatitore në janar dhe të shpresojmë më pas. Mund të mendoj edhe për një ekip tjetër, për t’u larguar në formë huazimi, pasi siç dihet unë kam kontratë edhe 3 vite të tjera me Anderlehtin. Duhet të flas me drejtuesit, por duhet që t’ia lëmë kohës”.

DEBATI ME TRAJNERIN – “Shpesh herë trajnerët kanë të drejtë, por unë nuk është se thash diçka apo bëra ndonjë gabim. Unë thjeshtë thash mendimin tim kur u pyeta nëse jam ndihmuar apo jo. Unë nuk jam ndihmuar kurrë nga asnjë njeri nga ana sportive. Çdo gjë e kam arritur vetë, pasi kam luftuar dhe kam këmbëngulur për çdo gjë. Normalisht se çdo futbollist ka temperament dhe mund ta kem ekzagjeruar pak me atë çka kam thënë. Besoj se ka qenë një periudhë e keqe për Kombëtaren, por ne jemi Shqipëria dhe kam besim se do luftojmë dhe do e lëmë pas krahëve këtë moment”.

SUPERIORJA – “Situatën te Luftëtari e shikoj akoma dhe më të vështirë, pasi është larguar Rroca, edhe Shkurtaj besoj se do të largohet. Them se do jetë e vështirë që të përsëritet ajo që ka kaluar vitet e shkuara. Më pëlqen loja që bën Teuta, pasi më ngjason me lojën që bënte Luftëtari sezonin e kaluar, pasi ka lojtarë të rinj, me dëshirë për sukses dhe janë të bashkuar. Partizani ka bërë mirë deri diku, por edhe Skënderbeu dhe Kukësi janë gjithnjë aty dhe ka kohë. Distancat janë të vogla. E shoh më të egër luftën për mbijetesë”.

SKUADRA E ZEMRËS – “Unë jam tifoz i Tiranës, si unë ashtu dhe e gjithë familja ime. Kur kam qenë i vogël e ndiqja në stadium Tiranën. A mund të jem pjesë e bardhebluve në të ardhmen? Pse jo, ka tifozë të mrekullueshëm edhe është një klub shumë i madh dhe më pëlqen vërtetë”.

Sipas asaj që shkruhet nga ““Il Messaggero”, Pnauçi mund të braktisë Shqipërinë për të marrë drejtimin e Romës. Di Françesko është në fije të perit dhe performancë e skuadrës ka qenë tepër zhgënjyese. Drejtuesit po mendojnë për pasuesin e tij dhe në skenë ka dalë emri i teknikut të Kombëtares së Shqipërisë.

Mundësitë janë reale, pasi siç dihet trajneri ka raporte të mira me presidentin e kryeqytetasve, ndërsa në të shkuarën ka dhënë kontributin e tij dhe si futbollist ndaj e njeh mjaft mirë ambientin. Panuçi ka kontratë deri në fund të vitit të ardhshëm, por ky ngacmim nga Roma mund të bëjë që të kërkojë një divorc të parakohshëm me Shqipërinë.

GRUPI I EURO 2020 – “Franca është skuadra favorite në grupin tonë. Ne na duhet të bëjmë diçka të veçantë për të mundur Islandën dhe Turqinë. Ndeshjet do të jenë shumë të vështira, por rëndësi ka që të rikuperojmë të gjithë grupin e lojtarëve dhe më pas na mbetet të luftojmë”.

GJENDJA E KOMBËTARES  – “Situata është shumë e keqe. Kemi humbur shumë lojtarë. Viti 2018 ka qenë një seri miqësoresh dhe më pas disa ndeshje të “Nations League”. Po mundohemi të ndërtojmë një grup që të jetë i aftë për të mundur Turqinë dhe Islandën.

FUNDI I KARRIERËS SI LOJTAR – “Vitin e fundit të karrierës  sime e kam kaluar te skuadra e Parmës. Mbaj mend që nuk zgjohesha me të njëjtin entuziasëm e dëshirë. Kur ndodhi kjo e kuptova që duhet ta lija sportin”.

SKUADRA E ZEMRËS – “Kur isha fëmijë isha një tifoz i Interit, kjo për shkak se miqtë e mi më të rritur ishin me atë skuadër. Më pas kur fillova të isha pjesë e futbollit profesionist çdo ndryshoi”.

RAPORTI ME DUKËN – “Për mua ka qenë një vit shumë i vështirë. Ai më ka mbështetur dhe mes nesh ka pasur gjithmonë sinqeritet. Ai e ka kuptuar se nëse do të kishim të gjithë grupin do ishim konkurrues, nga mungesat kemi vuajtur shumë. Punoj çdo ditë për të shpërblyer besimin e tij.

MENTALITETI SHQIPTAR – “Duka ma ka bërë të qartë si funksionon futbolli këtu. Unë nuk doja ta ndryshoja këtë mentalitet. Në çdo fushë të jetës gjërat mund t’i bësh ose mirë ose keq. Nuk ka një rrugë të ndërmjetme. Ai dhe djemtë më kanë ndihmuar të kuptoj shumë gjëra. Po mundohen të risjell profesionalitetin, sepse vetëm me profesionalizëm mund të arrish rezultate të mëdha”.

PRESIONI I MEDIAVE – “Jam mësuar me presionin, por kur skuadra nuk ka rezultate unë vuaj. Për median kam pasur gjithmonë respekt”.

DIKTATORI ? – “Më kanë thënë shpesh se jam diktator për shkak të rregullave që unë vendos. Në çdo familje ka rregulla. Kemi shumë përgjegjësi, duhet të bëjmë maksimumin për t’i dhënë kënaqësi popullit shqiptar”, tha Panuçi.

Trajneri Kristian Panuçi ka folur për “TV Klan”, duke komentuar shortin, për të cilin ai shfaqet i kënaqur dhe beson se skuadra kuqezi mund të garojë për një nga dy vendet e para. Nuk mund të lihej jashtë vëmendjes dhe besimi i presidentit Duka. Italiani në këtë pikë duket se ka shumë konsideratë për numrin një të FSHF-së.

Pas kaq ditësh nga shorti i Europianit dhe me një gjykim më të ftohtë, a ka ndonjë gjë që e keni rimenduar?
Jam i kënaqur me shortin. Kemi një grup ku kemi mundësi me Turqinë dhe Islandën. Sigurisht që jam ende i të njëjtit mendim që kam nevojë për të gjithë futbollistët për të provuar t’ia dalim. Turqinë në miqësore e mundën, Islanda është ekip fizik, është një grup i vështirë për vendin e dytë por Shqipëria mund të tentojë.

Pse mendon se do të kemi mundësi me Turqinë dhe Islandën?
Luçesku po vazhdon me rinovimin e skuadrës. Është e një skuadër e ndërlikuar, por fusha na tregoi se kemi mundësi. Mund të shkojë në Europian Turqia, Islanda apo Shqipëria. Do të shohim dhe do të kërkojmë të jemi më të zotë se ata.

Sa i përket asaj që është thënë në media mbi ashpërsinë tuaj mbi polemikat, a mendoni të ndryshoni diçka në planin personal?
Kam gjetur gjithnjë shumë negativitet, mbi këtë replikoj. Ndoshta jap përshtypjen e polemikut, por duhen analizuar dinamikat e ngjarjeve. Por për mua e rëndësishme të kem gjithë skuadrën. Nuk shoqërohem me gazetarët, por kjo nuk do të thotë se nuk kam respekt për ju.

Lojtarët kanë sjellë në vëmendje ndryshimet e shpeshta të formacionit dhe rreshtimit. Do të vazhdojë e njëjta histori?
Kur ke mungesa lojtarësh është e vështirë të bësh skuadër. Unë e kam në mendje skuadrën dhe kam folur edhe me presidentin. Duhet të kujtoni se kam provuar 20-21 lojtarë të rinj. Por janë lojtarët ata që vendosin se cili do të grumbullohet me atë që tregojnë në fushë. Prej një viti për shkak të mungesave ideja ime nuk ka funksionuar.

A keni shtylla në skuadër ku mbështeteni?
Grupi i lojtarëve është me mua. Tek unë kanë gjetur një mik. Ka pasur lojtarë që nuk luajnë në skuadrat e tyre dhe unë i kam ndihmuar duke i grumbulluar. Por unë e di se çfarë duhet bërë për të fituar dhe këtë dua të transmetoj. Kjo bëhet gjatë stërvitjeve. Aty duhet të djersinë sepse kemi përgjegjësinë e një kombi. Po flasim për kombëtaren, të gjithë duhet të jenë krenarë që bëjnë pjesë.

Si ia mbushët mendjen presidentit për të qëndruar?
Duka e kuptoi që ishim në vështirësi, ai e di që skuadra është me mua. Kam fatin të kem një president me nivel intelektual më lart se mesatarja.

Këtë sezon kualifikues mendoni se duhet të jeni më shumë i pranishëm në Shqipëri, për lojtarët e Superligës?
Faji nuk është i imi, është i Bulkut që nuk më thërret (qesh). E gjithë federata kërkon lojtarë të zotë por duhet parë nëse zgjedhin Shqipërinë. Është grupi që mund të bëjë gjëra të rëndësishme. Nëse nuk përpiqemi të gjithë së bashku lojtarë, federate, tifozë dhe gazetarë për të shkuar në europian atëherë nuk do t’ia dalim.

Numri një i Federastës Shqiptare të Futbollit analizoi dhe ecurinë e trajnerit Kristian Panuçi, duke veçuar arsyet se pse ai i besoi projektit të tij. Duka po ashtu nuk la jashtë vëmendjes edhe temën e mbylljes së basteve.

President, si e komentoni shortin për Shqipërinë?
Nuk ka grupe të lehta, të gjitha grupet janë të balancua në një lloj mënyre, me skuadra shumë të forta, mesatare dhe me më pak të forta. Mund të ishte dhe më keq, nëse do të qëllonim në një grup me Gjermaninë dhe Holandën, që ta bëjnë të pamundur objektivin. Jemi në një grup ku mund të pretendojë kemi kundërshtarë me të cilët mund të luajmë, mund të arrijmë një vend fitues, vendin e parë ose të dytë.

Ka ndonjë përfitim që ne do të ndeshemi me Francën, sa i përket të drejtës televizive?
Nuk ndryshon asgjë. Të drejtat e transmetimit janë të grumbulluara nga UEFA dhe shpërndahen në një mënyrë të përcaktuar. Nuk ka të bëjë me ekipet e mëdha apo të vogla në short. I vetmi interes është ai sportiv, ku mendon se është më e kalueshme apo më pak e kalueshme.

Sa shanse kemi të kualifikohemi?
Pas kualifikimit në 2016 bëhet akoma dhe më e vështirë, pasi e ka vendosur aty stekën. Të gjithë kërkojnë që ne të jemi pjesëmarrës vazhdimisht, por ne mbetemi një përfaqësuese modeste, edhe pse kemi filluar të bëjmë mirë dhe duhet të vlerësojmë çdo kundërshtar. Sytë të gjithë i kanë tek Islanda dhe Turqia, por për mua duhet të vlerësohet dhe Andorra shumë, pasi vlejnë sa pikët ndaj Francës dhe mund t’i humbësh nëse do të shkosh në fushë me mendje që i ke të fituara. Duke punuar seriozisht dhe duke pasur në dispozicion të gjithë ekipin, pasi dihet që në 2018 kemi pasur shumë mungesa.  Edhe një ekip i madh, po marr rastin e Barcelonës nëse i heqim Mesin mund të humbasë një ndeshje me Zhironën. Ne kemi pasur 4-5 mungesa dhe kjo gjë do të reflektohej edhe në fushë.

E ndiqini përfaqësuesen e Kosovës?
Patjetër që po. Ndjek çdo përfaqësuese në Europë dhe në Botë, por akoma dhe më shumë skuadrën e Kosovës sepse e ndjej pas Shqipërisë.

Çfarë ju bindi që e rikonfirmuar Panuçin?
Nuk mund të them se ishte një zhgënjim. Sa më lart të ngjitesh aq më e vështirë bëhet. Pritshmëritë janë të mëdha kur merr pjesë në Europian dhe më pas renditesh në vendin e tretë në një grup me Italinë dhe Spanjën. Kishte specifikat e veta, edhe komepticioni dhe grupi jonë që ishte me tre, mjaft i vështirë, për të rikuperuar qoftë dhe një gabim. Shqipëria mbeti në Ligën C, çka tregon se nuk ishim një prej skuadrave më të këqija të ligës.

Nuk ishte i njëjti besim edhe për trajnerët e skuadrave të moshave që u ndryshuan?
Ndryshimet nuk ishin emocionale apo pas një rezultati jo të mira. Nuk ishte një ndryshim i menjëhershëm. I kanë pasur mundësitë për të punuar akoma dhe më shumë, për të marrë rezultate. Kur nuk kanë ardhur rezultatet dhe performanca nuk ka qenë e duhur, patjetër që ka pasur ndryshime. Stafi aktual ka vetëm një vit në krye të Kombëtares. Nuk ka pasur të gjithë potencialin e mundshëm. Them se ka vend për përmirësim dhe unë kam kritikat e mia, por jo deri aty sa për të ndryshuar diçka. Jemi para një kompeticioni shumë të rëndësishëm dhe nuk kemi kohë për eksperimente, pasi në mars kemi ndeshjet e para zyrtare.

Jeni i kënaqur me Panuçin deri tani, pavarësisht rezultateve?
Jo, duke qenë se mbahen mend rezultatet, duke qenë se rezultatet nuk kanë qenë edhe aq të kënaqshme. Me të drejtë njerëzit presin rezultat dhe kërkojnë që të shënjestrojnë atë që nuk e merr rezultatin. Në futboll shënjestrohet gjithnjë atë që nuk jep rezultatin. Në futboll zakonisht shënjestrohet trajneri, pasi është e vështirë që ta ndryshosh skuadrën. Në kushtet që jemi them se kemi marrë vendimin e duhur.

Pas largimit të Canës, duket se ka një debat të hapur për shiritin e kapitenit…
Kemi zgjedhur një kapiten, siç duhet është Mërgim Mavraj, Hysaj është i dyti, por kemi dhe një të tretë.

Kalojmë pak te kampionati ynë, ka pasur shumë akuza për blerje e shitje ndeshjes…
Ku ka gjë këtu në Shqipëri që nuk akuzohet për blerje dhe për shitje. Shqipëria ka krizë besimi në çdo aktivitet, akoma dhe më shumë në një lojë. Kam dëgjuar njerëz që luajnë skedona e baste nja një mijë apo nga dy mijë lekë dhe kur e humbasin thonë e shiti Mesi dhe Ronaldo. Nuk them se nuk ka vend për përmirësim, pro jo për të errësuar me gjuhën e një bastexhiu të rëndomte.

Mund të ulet ky fenomen tani që do të mbyllen pikat e basteve?
Pikat e basteve do të mbyllen aq sa është ndaluar pirja e cigareve në lokale.

Kemi parë shumë herë që Komisioni i Disiplinës mbyll dyert e stadiumeve, është një tregues i dhunës në futbollin tonë?
Ne duhet të kemi një nivel të kulturuar, ku të vijnë edhe femrat. Duhet të mbajmë përgjegjësi ne që të krijojmë një klimë të pranueshme. Nuk mund ta etiketoj kampionatin si një kampionat të dhunshëm.

Ka pasur ndonjë moment të vështirë Duka apo ndonjë dështim gjatë periudhës që drejton FSHF-në?
Nëse nuk dështon, nuk arrin të bësh sukses. Gabimet dhe pengesat të bëjnë që të mësosh dhe të ecësh para dhe mbase të arrish dhe te suksesi.

Deputeti Braçe ka dalë shumë herë kundër jush….
Nuk është vetëm Braçe që është kundërshtar, pastaj kritika do të ketë për çdo person që bën një detyrë publike. Nga të gjitha kritikat nëse ka diçka që duhet ta korrigjosh, duhet të korrigjohet. Duhet t’i marrim me sportivitet.

Si e komentoni largimin e policisë së shtetit nga shkallët e stadiumit?
Nuk ka qenë një kërkesë e jona dhe nuk kemi qenë shumë pro vendimit të marrë nga shteti në lidhje me largimin e policisë së shtetit. Jemi munduar që të bëjmë më të mirën. Nuk është koha që të bëjmë krahasime me Anglinë, apo Spanjën. Ne e kemi të vështirë.

De Biazin e shohim gati çdo ndeshje në stadium kur luan Kombëtarja, si rrallë ndonjë trajner. Mund të themi se është një dashuri e madhe në mes e pakushtëzuar?
Suksesin më të madh të jetës së tij e ka arritur me Shqipërinë dhe ndihet mirë. Shqiptarët e respektojnë shumë pasi ne arritëm rezultate historike me të. përderisa ndihet mirë dhe nuk ka angazhimet e tij të tjera, vjen e sheh ekipin, takon miqtë e tij.

Ka pasur keqardhje kur u largua ish-trajneri, pse erdhi kjo lëvizje?
Them se ishte fundi i një cikli. Kishte nisur një edicion tjetër jo aq i suksesshëm. Ishte një marrëveshje e dyanshëm, por një konsensus që ky bashkëpunim të ndërpritet dhe të vijë dikush tjetër.

Mund të kemi një rikthim të De Biazit në të ardhmen?
Është një diskutim që nuk na çon aksin sot. Kemi një trajner dhe një staf të kompletuar gati për të nisur një kompeticion të ri.

Që pas konfirmimit të Panuçit nga ana e Dukës, nuk është se ka pasur ndonjë emër që është përfolur për stolin e Kombëtares, por në FSHF duan që të mos lënë aspak vend për aludim, duke theksuar dhe një herë se besimi te Panuçi është maksimal.

“Nisur nga disa spekulime dhe lajme abuzive që kanë qarkulluar në disa media orët e fundit, Federata Shqiptare e Futbollin dëshiron t’iu informojë se nuk është aspak e vërtetë që jemi në kërkim të një trajneri të ri për Kombëtaren Shqiptare të Futbollit.”

“FSHF është duke punuar dhe bashkëpunuar maksimalisht me trajnerin Panuçi për të arritur rezultate sa më të larta në kualifikueset për Kampionatin Europian 2020”, përfundon reagimi i FSHF.

Sot, “TV Klan” kishte programuar një intervistë me presidentin e Federatës Shqiptare të Futbolli, Armand Dukën, por rastësisht në ambientet e FSHF-së kishte rastisur me trajnerin kuqezi. Panuçi është parë në jo pak raste nervoz në konferencat për shtyp, por nuk i kursen dhe ngacmimet me gazetarët, diçka që duket se nuk e bën vetëm kur del zyrtarisht por edhe kur i takon gazetarët rastësisht.

Duke dalë nga zyrat e FSHF-së, Panuçi ka thumbuar gazetarin e “TV Klan”, duke e këshilluar që ta pyesë presidentin Duka se pse nuk e kishte dëbuar atë nga stoli kuqezi. Një sjellje aspak e hijshme, pasi nuk i takon një trajneri që të merret me gazetarët, aq më tepër kur nuk ishte një mision i televizionit për të marrë prononcim nga 45-vjeçari. “Pyetja që duhet t’i bësh presidentit është: ”Pse nuk e dëbove Panuçin, një pyetje që e bëjnë të gjithë dhe që është në modë këto ditë”.

“Do punojmë për të shënuar. Në Izrael kemi pasur shumë raste. Uroj që të marrim një rezultat pozitiv”.

“Që kur kam qenë këtu i kam inkurajuar lojtarët. Nuk i ka kërkuar kapitenit që të mbajë ekuilibrin, por nesër do të synohet fitorja”.

“Grezda është stërvitur gjatë gjithë javës dhe dje donte që të luante, por e lash jashtë. Ndoj ka sërish disa probleme”.

“Do të rikthehet Shqipëria fuqishëm. Ju i referoheni vetëm te ndeshjet me Ukrainën dhe Kosovës”.

“Do e shikoni nesër nëse do të luajë Balaj. Nëse do të ndikojë për pjesëmarrjen e tifozerisë do të jetë në fushë, por nuk e kam vendosur ende”.

“Nuk e ka thënë Duka që  kjo ndeshje vendos fatin tim”.

“Unë e bëj punën time me shumë seriozitet dhe nuk vihem nën presion nga mediat. Duhet të shënojmë një gol më shumë”.

“Skuadra duhet të komunikojë më shumën në fushë. Nëse do të përmirësohet kjo gjë do të bëjmë mirë. Do ta shohim nesër se si do të sillen në fushën e lojës dhe kjo do të ndikojë shumë në rezultatin e  ndeshjes”.

Zëvendësuesit e Bashës dhe Hysaj? “Formacionin do e shikoni nesër. Uroj mos të gaboj”.

“Nuk është e vërtetë që skuadra është dorëzuar. Ka qenë një ndër ndeshjet më të mira të luajtura, krahasuar dhe me fitoren në Turqi. Flasim për ndeshjen në Izrael. Njëri prej golave ka qenë pozicion jashtë loje”.

Panuçi është shfaqur mjaft i nervozuar në daljet për mediat, ndërsa edhe në skuadër nuk duket se klima është më e mira e mundshme. Presidenti i FSHF-së, Armand Duka ka komentuar sot për mediat dhe situatën ku ndodhet skuadra, por njëkohësisht ka folur dhe për trajnerin. Presidenti është i qartë dhe thekson se një fitore do të shpëtonte edicionin, por në anën tjetër veçon se bilancet për italianin do të bëhen pas ndeshjeve të këtij muaji. Nënkuptohet se nëse do të dështojmë ndaj Skocisë, e ardhmja e Panuçit në krye të stolit kuqezi mund të vihet në pikëpyetje.

“Stadiumi i ri do të jetë gati në mars me shumë mundësi. Na duhet marrim fitore me Skocinë. Nuk do të ishte një edicion i dështuar nëse do ia dilnim. Nuk duhet të harrojmë që kemi shumë mungesa dhe është një problem jo i vogël. Bilanci për Panuçin do të bëhet pas dy ndeshjeve që kemi, nuk mund të flasim që tani. Të presim dhe shortin e kualifikueseve të Europianit”.

Vetë tekniku italian e ka bërë të ditur diçka të tillë, duke njoftuar se lojtari duhet të vendosë sot. 21-vjeçari po bën mirë, pasi këtë edicion është një titullar fiks dhe ka shënuar edhe tre gola. Manaj ka pasur probleme të vogla, çka e kanë detyruar stafin teknik që të mendojë një alternativë.

Gjasat janë që sulmuesi kryeqytetas të jetë lojtari më i ri kuqezi. Lajm i mirë ky, duke marrë në konsideratë faktin se sulmi ka qenë deri më tani reparti që kemi hasur më shumë probleme.

Trajneri theksoi se nuk e di nëse ka probleme, apo ftesa e Greqisë e tundon, por vuri ultimatumin e tij se lojtari duhet të vendosë brenda 24 orëve të ardhshme: “Nuk e di cili është problemi më Greqinë, apo që ata e kanë kërkuar. Une kam folur me Bushin rreth tij dhe e presim në 24 orët në vazhdim. Problemin me ushtrinë, që nuk mund të dalë nga Greqia, nuk e di“.

Ju gëzon fakti se Grezda, Kaçe, Gjimshiti etj po kalojnë një moment të mirë duke shënuar dhe duke luajtur mirë?
Pa dyshim që jam i kënaqur që Grezda e Kaçe kanë gjetur atë motivim për ndeshjen e ardhshme. Grezda është shumë më mirë se një muaj më parë dhe presim që të jenë së bashku me ekipin me entuziazmin e tyre.

Jeni penduar që e thirrët Loret Sadikun?
Lidhur me Sadikun, unë e kisha grumbulluar, e kisha thirrur për këto dy ndeshje. Më ka nisur mesazh dhe kam kontaktuar me të. Më tha se nuk ndihej në 100% dhe ka pasur disa probleme. Pasi më tha këtë gjë, i thashë që të mos bashkohet në këto ndeshje, nëse nuk është në formën e tij më të mirë. Më pas thirra Kaçen, pasi edhe Ramadani pati një dëmtim. Sadiku është pjesë e planeve tona për të ardhmen.

Çfarë duhet të bëjmë ndryshe këtë herë që të marrim rezultat pozitiv ndaj Skocisë?
Sa i përket ndeshjes me Skocinë, e merituam humbjen, sepse nuk luajtëm mirë dhe vuajtëm agresivitetin e kundërshtarit. Këtu do të jetë ndryshe, pasi luajmë mirë si pritës. Me Izraelin luajtëm mirë, por nuk morëm rezultatin që pretendonim. Kemi pësuar 3 gola në goditjet standarde, me gabime fëmijërore. Më duket sikur merrem me një skuadër të shurdhër, ku duhet të përsëris të njëjtën këshillë gjatë gjithë kohës.

Sa të vështira janë llogaritë në grupin tonë?
Është shumë e rëndësishme për ne kjo ndeshje. Duhet të shënojmë gol dhe kjo është shumë e rëndësishme. Duhet të kemi nivelin e lojës që nisëm me Izraelin. Luajtëm më mirë edhe se fitorja me Turqinë. Nuk mjafton kjo që po bëjmë, duhet të jemi më të egër në lojën e fushës, pasi ekipet në Europë janë të egra dhe oportunistë dhe nuk duhet t’i shpërdorojmë raste që na krijohen.

Si mund ta ndryshojmë këtë skuadër “të shurdhër”?
Edhe pse kemi më shumë se 1 vit që nuk grumbullojmë një ekip të konsoliduar, kemi gjetur lojtarë si Uzuni dhe Grezda, të cilët janë në formë. Skocia ka mungesa, si kapiteni. Ata mund të luajnë dhe me 4-4-2, por ne do mundohemi të përshtatemi. Basha dhe Hysaj janë të skualifikuar, ndërsa Veseli nuk aktivizohet. Izraeli luajti shumë mirë dhe mori fitore, ne luajtëm mirë ndaj Izraelit dhe them se kemi shanse reale për të bërë një ndeshje të mirë dhe për të marrë një fitore.

Si ka mundësi që një lojtar si Kaçe është një alternativë e 26-të?
Duke parë minutat që ka çdo lojtar, në rastin e Kaçes ka një mosaktivizim në 5 ndeshjet e fundit në mënyrë konstante. Në këndvështrimin tim, çështja nuk është Kaçe. Nuk duhet të themi se thirret dikush, dhe pse nuk vjen ai tjetri. Kajën nuk e mora, sepse nuk është aktivizuar. Unë shoh minutat se sa luajnë në ekipet e tyre.

Sa e rëndësishme është ndeshja me Skocinë për Panuçin dhe projektin e tij në Kombëtaren shqiptare dhe votëbesimin nga Federata?
E rëndësishme është të fitojmë ndeshjen. Sa i përket komunikimit, unë flas qetë me ta. Nëse humbasim me ta do të bëhet e vështirë për të gjithë, për ekipin, për mua, për tifozët dhe futbollin në tërësi. Rezultatet janë përgjegjësia ime. Nëse shohim ndeshjet e fundit, kemi bërë gola dhuratë dhe kualifikimin ua kemi bërë ne dhuratë kundërshtarëve.

Mungesa e vazhdimësisë…
Duke kujtuar ndeshjet me Ukrainën dhe Kosovën kemi pasur 12 mungesa, 7 prej të cilëve ishim pushim. Me këto mungesa në mars ne duam t’iu rikuperojmë si Sadiku, Roshi. Nëse kemi probleme me lojtarët do të reflektohet dhe në Kualifikueset e Europianit. E konsideroj të padrejtë që të kërkohet fajtori te unë duke parë që kemi pasur kaq shumë mungesa. Kemi sërish mungesa. Kemi kapur një standard. Bëmë lojë të mirë me Izraelin dhe do të vijojmë sërish.

Çfarë duhet të ndryshojmë?
Unë flas gjatë gjithë kohës me lojtarët dhe do ta bëj këtë gjë edhe në vazhdim. Do u përshkruaj rëndësinë e kësaj ndeshje, pasi mund të luajmë në gjysmëfinale, nuk duhet harruar. Duhet t’i fitojmë këto dy ndeshje. E theksoj se ne duhet të flasim jo vetëm në stërvitje por dhe në fushë e më pas të shurdhohemi në fushë. Mund të pyesni Bulkun që unë i them se është shumë e rëndësishme që të kemi komunikim me lojtarët, për të mos më rënë mua të gjitha fajet, edhe pse unë jam mësuar ardhshme që t’i marr përsipër.

Cili është shqetësimi më i madh para kësaj ndeshje?
Në vijim të stërvitjes dhe taktikave tona me Izraelin funksionoi skema. Komunikimi është problemi më i madh, flas për atë që japim në fushë. Është bërë problem shiriti i kapitenit. Është çështje autoriteti dhe pranimi nga lojtarët e grupit. Nuk kanë rëndësi emrat ne veçanti. Ai duhet të karikojë lojtarët, duhet të jetë si lider. Nuk duhet të jetë si me Izraelin kur goditëm 29 herë dhe nuk bëmë asnjë gol, ndryshe nga kundërshtari që shfrytëzoi rastet. nuk duhet të konsiderohet sjellja ime si diktatoriale, por si një përpjekje për të ndihmuar grupin. Nuk duhet harruar që në ndeshjen me Norvegjinë u ndëshkuam nga një goditje këndi. U them lojtarëve të komunikojnë në fushë. Jemi stërvitur në goditjet standarde dhe do e rris angazhimin, pasi nuk kanë mjaftuar 30 minuta.

Si qëndron e vërteta e Mavrajt…
Nuk është kushtëzim, apo problem nga ana ime. Është problem i Federatës Greke, pasi është FIFA që cakton datat dhe përkon me grumbullimin e Kombëtareve.

Cilat janë pritshmëritë tuaja për ndeshjen e radhës?
Bëmë një ndeshje të mirë me Izraelin dhe isha i bindur që do bënim atë paraqitje. Uroj që sulmuesit të arrijnë të zhbllokohen dhe të shënojnë. Grezda bëri një ndeshje të mirë, Uzuni ka shënuar po ashtu disa gola, por varet dhe nga lojtarët. Nuk mund të bëj parashikime, por pritshmëria është e lartë.

Mund të jetë një pikë kthese kjo sfidë, por nëse ndodh e fundit çdo të ndodhë?
Gjëja më e rëndësishme është që rikuperimi i lojtareve është në rrugën e duhur. Kemi 25 lojtarë nga të cilët shumica, apo disa prej tyre nuk luajnë. Ky është problem më vete. Punën që bëj e bëj me pasion dhe devotshmëri. Jam komentuar si i ashpër dhe jam munduar që të bëjë hapa pas, por performanca dhe puna për skuadrën është parësore.

Në mungesë të Hysajt mund të luajmë me tre pas?
Nuk do të luajmë me tre, nuk e kam si opsion. I kemi kandidaturat për të zëvendësuar Hysajn. Kemi Veselin, Balliun, por kemi përgjigje joprofesionale nga Metzi për këtë të fundit. Nuk e dimë nëse do të vijë apo jo, pasi klubi do njoftim 14 ditë para. Sipas situatës do të vendosim nëse do të ftojmë dikë tjetër apo jo.

Mund të ishte momenti që të rikthehej Ajeti dhe Qaka, duke qenë se kanë minuta?
Qaka duhet të ketë rritje profesionale, për të qenë në arenën ndërkombëtare me Kombëtaren e Shqipërisë.

Ju duket i besueshëm arsyetimi i Sadikut?

Unë kam biseduar me të dhe është e pamundur nëse më gënjen apo jo. E kuptoj se mbase nuk e ka menduar rëndësinë e të luajturit me Kombëtaren. Ka dallim mes klubit dhe Kombëtares. Nëse preferon të ekspozohet me ekipin e tij është tjetër gjë. Do bëja të pamundurën, po të isha unë. Ai nuk ka thënë jo, do e mendoj më tha. Nëse do isha unë në vendin e tij do gjeja dhe mënyrën më absurde për t’u bashkuar me Kombëtaren.

Çfarë po ndodh me Cikalleshin?
E kam thirrur kur ka qenë në formë. Ka një mangësi aktivizimi. Kur ka qenë mirë e kam grumbulluar.

24-vjeçari shërbeu saktë në ndeshjen e mbrëmshme nga krahu i majtë, duke i dhënë mundësinë Abuhatzeras që të shënonte golin e avantazhit me koke. Ishte asisti i katërt për mesfushorin e lindur në Ohër për këtë sezon. Ahmedi po ashtu ka mundur që të realizojë dhe një gol në 8 ndeshjet që ka zhvilluar deri më tani.

Nuk i ka mjaftuar ky gol skuadrës së lojtarit kuqezi, pasi miqtë kanë përmbysur rezultatin. Edhe pse është ndeshja e tretë radhazi që Ahmedi po jep kontributin e tij, Panuçi nuk po kujtohet për të edhe pse lojtari po bën mjaft mirë.

RRENGU I AGJENTIT –“ Isha duke gatuar, kur agjenti më mori. Ai më tha se Kristian Panuçi më kishte hedhur një sy dhe nuk i kisha pëlqyer: ‘Ai nuk do të marrë, nuk të vlerëson’, më tha agjenti. U shtanga dhe s’kisha as motiv të mbaroja ushqimin që po gatuaja. Por, pas një ndalese të shkurtër ai filloi të qeshte”.

“Pastaj më shpjegoi se do të grumbullohesha për dy ndeshje me kombëtaren dhe se i kisha pëlqyer me paraqitjet e mia te Livingstoni. Po e prisja ftesën e kombëtares. Kisha pasur një bisedë me trajnerin e Shpresave dhe ai më kishte thënë se më kishte rekomanduar tek ekipi i parë. Natyrisht që kisha dyshime, pasi ndoshta trajneri mund të kërkonte që të shikonte pak më shumë nga unë”.

“Ishte e pabesueshme të isha pjesë e kombëtares. Normalisht jam pak i mërzitur që nuk luajta, por ishte një eksperiencë e mahnitshme nga e cila mund të merren shumë gjëra pozitive. Në ekip ka lojtarë të mëdhenj që luajnë në kampionatet më të mira, si Elseid Hysaj dhe vëllai i Granit Xhakës, Taulanti. Të jem i sinqertë, ishte si një botë tjetër për mua”.

MINUTAT – “Jam ambientuar mirë në skuadër. Në fillim të sezonit po merrja shumë minuta, por tani më duhet të vazhdoj të punoj fort në stërvitje, që të rikthehem pjesë e formacionit”, përfundoi Kaja.

“Ne kishim shanset tona, krijuam raste dhe them se e merituam fitoren. E dinim se do të jetë e vështirë që të shënonim ndaj një skuadre si  Jordania, pasi ata do të luanin në mbrojte.  Ishte e vështirë për ne që të depërtonim dhe skuadra u tregua disi konfuze në disa momente”.

“Kemi pak ditë kohë për t’u rikuperuar për ndeshjen e ardhshme. Na penalizuan pak dhe dëmtimet. Tani na duhet të rikuperohemi për ndeshjen me Irzaelin. Hysaj ka luajtur një muaj shumë impenjativ ashtu si dhe Basha e Memushaj. Nuk doja që ti ngarkoja shumë”.

“Skuadra luajti mirë dhe u soll mjaft në mënyrë mjaft profesionale në fushë, Mund ta kishim fituar këtë ndeshje. Vendosa që sot të luanim me tre mbrojtës ,por e them sërish që dëmtimet na kushtëzuan”.

Uzuni bëri një ndeshje të mirë dhe ka mjaft kualitet. Po ashtu edhe Grezda bëri mjaft mirë.

“Kapiteni u bë çështje ndërkombëtare. Unë fola me presidentin dhe të gjithë djemtë sepse është e rëndësishme që vendimet të merren në grup. Mos filloni të merrni lojtarët për t’i pyetur se kush do të jetë kapiten”.

“Grupi do të zgjedhë kapitenin dhe dy zëvendëskapitenë. E rëndësishme është kë ndjejnë kapiten. Unë ju dhashë këtë mundësi dhe këtë zgjidhe dhe ishin të kënaqur për këtë situatë ,por nuk do të thotë se kapiteni do të luajë gjithnjë”.

“Duke marrë shkas nga konferenca për shtyp e Panuçit, edhe orari i pazakontë, pa diskutim tregon mungesë respekti për kampionatin shqiptar. Është mungesë respekti dhe vlerësimi për kampionatin dhe për Shqipërinë.

“Më bën shumë përshtypje edhe tensioni i trajnerit në konferenca. Drejtuesi i stolit duhet të japë shembullin dhe të jetë korrekt, jo të flasë me tendenca. Aq më tepër që ai është i huaj. Po të ishte trajner shqiptar, mediat tona mund ta kishin masakruar”.

“Të them të drejtën nuk e kuptoj: edhe kur do të justifikojë mosgrumbullimin e një lojtari, çfarë deklaratash jep në një anë dhe çfarë thotë në krahun tjetër. Trajneri dikur mori Alijin që nuk luante, edhe pse të gjithë e pyetën përse e grumbulloi. Në anën tjetër, për Abazajn thotë nuk e marr sepse nuk po luan. Përse flitet me standarde të ndryshme”.

“Abazaj, Guri, Gavazaj, sapo ikën nga Shqipëria për të luajtur jashtë, u grumbulluan menjëherë në Kombëtare. Cila është arsyeja? Kohët e fundit kemi pasur një rritje të nivelit. Kjo ndodhi edhe me Uzunin dhe mendoj që bëhet fjalë për mungesën e respektit për kampionatin”.

Ish-presidenti thekon se ende në drejtimin  tij nuk ka ardhur një padi, por sa i përket gjuhës së përdorur është i bindur se gjuha që përdor tekniku italian është shokuese për familjen dhe fëmijët.

“Unë po pres të njihem me padinë sepse nuk e kam marrë ende. Jam njohur me këtë çështje vetëm nga mediat. Patjetër që unë do të respektoj procesin dhe ligjet e shtetit tim dhe të vendit tim, do ta ndjek me seriozitet në gjykatë procesin”.

“Do marr avokat. Nëse flasim për edukatë apo shpërthime emocionale, nëse do klikonit në internet dhe do shikonit fjalorin që përdor zotëria, është një fjalor që shokon çdo familje dhe çdo fëmijë”.

Kujtojmë që Panuçi kërkon një dëmshpërblim prej 100 mijë eurosh, pasi Nishani e ka quajtur “sharlatan” në një postim që ka bërë në “Facebook”.

Gjatë të gjashtë takimeve zyrtare kombëtarja jonë ka shënuar katër gola, dy ndaj Lihteshtejn një ndaj Maqedonisë dhe së fundmi një ndaj Izraelit. Ajo që bie në sy se asnjë nga katër golat nuk ka ardhur nga sulmuesit qendror ose siç njihen ndryshe “pykat”.

Kjo “fikje e motorëve” të sulmuesve nuk mund t’i përvishet vetëm Panuçit, pasi Balaj, Cikalleshi dhe Sadiku kanë pësuar një regres gjatë këtij viti, një situatë kjo, krejt e ndryshme nga ajo në të cilën ndodhej Xhani De Biazi tri vite më parë, ku të tre sulmuesit po spikasnin edhe në rang klubesh.

Shkodrani Balaj ka më shumë se një vit e gjysmë pa shënuar gol. Sadiku ka pasur një eksperiencë për t’u harruar në Spanjë dhe tani ka një rrugë të gjatë përpara vetes për t’u rikuperuar nga dëmtimi në gju. Cikalleshi e filloi mbarë tek Osmalispori, por forma e tij dhe e gjithë skuadrës pësoi rënie gjatë fundit të sezonit, ku klubi ra nga kategoria. Transferimi te Gëztepe është  një hap në drejtimin e duhur, por kavajasi s’do ta ketë aspak të lehtë të sigurojë një vend titullari.

Afrimi më i ri i kombëtares, Sindrit Guri, akoma se ka gjetur golin e parë kuqezi, ndërsa për herë të fundit ka shënuar një muaj më parë ndaj Anderlektit. Në katër takimet e fundit, Guri nuk ka arritur të gjejë rrugën e rrjetës dhe pozitat e tij si titullar mund të lëkunden.

Duhet të presim ndryshime nga ndeshja me Izraelin?

Luajmë 2 ndeshje për 3 ditë dhe do të dyshoj diçka, për një ndeshje kaq serioze dhe të rëndësishme. I kam menduar disa ndryshime, nga takimi i mëparshëm. Do i shikoni në fushë.
Mund të jetë prezenca e Agollit në fushë…

Agolli është një lojtar shumë i rëndësishëm për ne, por do ta mësoni nesër nëse do të jetë në fushë apo jo. Ka punuar mirë dhe nëse do të luajë apo jo do ta mësoni nesër. Agolli është kapiteni i skuadrës pasi ka më shumë prezenca me skuadrën përfaqësuese.

Në Skoci do të kënaqeshit dhe me një barazim?

Nuk zbresim në fushë për një pikë, por për të fituar. Do të bëjmë gjithçka për të fituar këtë ndeshje. Luajmë në një ambient të vështirë, pasi mbështetja për vendasit do të jetë e madhe. Nuk vijmë me idenë se është mundur me Belgjikën.

Me pak fjalë vini në Skoci për të fituar?

Do të provojmë të fitojmë dhe me kualitetet që kemi. Duhet ta respektojmë kundërshtarin. Është e drejta jonë që të pretendojmë të fitojmë. Në varësi të ndeshjes, pas saj mund të flasim nëse do të jemi të kënaqur me një pikë.

Sa mbani mend nga hera e fundit që keni qenë në këtë stadium?

Para shumë kohësh kam qenë këtu në një nga netët më të bukura të jetës time. Kam shënuar një nga golat më të rëndësishëm në karrierë. Shënova dhe çova Italinë në Europian. Tani është situatë tjetër, pasi jam trajneri i Shqipërisë. Ka qenë një Skoci tjetër atëherë nga kjo e sotmja. Është vështirë që të luash ndaj Skocisë që vjen e plagosur nga një humbje me Belgjikën. Duhet respektuar krenaria e kësaj skuadre.
Është një skuadër që nesër do të reagojë pas humbjes me Belgjikës. Reagimi i takon çdo futbollisti dhe i frikësohem krenarisë së lojtarëve, për të reaguar në një moment jo shumë të mirë. Është një ndeshje e vështirë, por do të luajmë me shumë kurajo. Do t’i japim goditjen e fundit një skuadre të plagosur dhe jo ta pësojmë vetë.

E keni krijuar një strategji se si mund të arrini tek suksesi?

Nëse duam të jemi kompetitive nuk mund të përsërisim gabimet që bëmë me Izraelin. Janë dy modele të ndryshme. E kam parë skuadrën dhe uroj të shkojë gjithçka mirë. Skocia është një kundërshtar që luan me topa të gjatë. Kam idenë time për ndryshimet që do të bëj. Nëse do të përsërisim gabimet teknike që ndodhën në pjesën e parë në ndeshjen e fundit atëherë do ta paguajmë shtrenjtë. Nëse do të kalojmë në disavantazh do të jetë e vështirë për të shënuar.
Qendra e mbrojtjes…

Gjimshiti dhe Veseli mund të them se jam i qetë për ta. Më kanë bindur me lojën e tyre. gabimet ndodhin në futboll. Nuk kemi të bëjmë me gabime themeltare për ndonjë budallallëk në prapavijë. Jam i kënaqur me ta dhe më bindin me lojën që bëni. Janë gabime teknike që ndodhin, siç pamë me Izraelin.

Rikthimi i Kaçes…

Kemi një problem muskulor me Lilën dhe isha i detyruar që ta zëvendësoja. Nuk është më Lila me ne. Ishte një zgjidhje emergjente. Edhe ai ka pasur probleme fizike në shpinë. Është një lojtar me personalitet dhe do të shoh në pjesën e dytë nëse do të jetë në fushë. Problemi fizik i Andi Lilës më çoi që të bëj këtë zgjidhje.

Kur trajneri vendosi se eksperimentet nuk po jepnin rezultat?

Nuk duhet të sforcoheni shumë. E kam thënë se do të bënim prova dhe në kualifikuese do të kalonim tek formacioni dhe skuadra solide., E kam thënë dhe e kam rithënë në të gjitha daljet e mia dhe nuk e di pse përdoret fjala eksperiment.

Sa i përket duelit mes Berishës dhe Strakoshës keni më dyshime?

Nuk kam pasur asnjë dyshim për momentin. Strakosha po luante dhe ishte më në formë, ndaj vendosa që të luante ai. Ata janë dy pikat më të forta. Ky është problemi më i vogël që kam.

Si mendoni se do i korrigjojmë problemet që shfaqëm sot për ndeshjen me Skocinë?

Duhet të përmirësohem në daljet tona me topin. Kemi gabuar për fajin tonë dhe jo për meritë të kundërshtarit. Unë këto lojtarë kam dhe duhet të bëjmë kujdes me daljet tona.

Sa i kënaqur jeni me debutuesit?

Jam shumë i kënaqur me tre lojtarët që hodha në fushë, pra Binaku, Gavazajn dhe Gurin.  Gavazaj më ka pëlqyer me kombinimet e ti. Po ashtu dhe Binaku me sigurinë e tij. Guri nuk i shërbeu shumë në pjesën e parë, ai është i rrezikshëm dhe e mbulon shumë zonën e rreptësisë. Nuk i dhamë mundësinë shumë. Jam i kënaqur me atë që ai dha në fushën e lojës.

Pse u zëvendësua Guri?

Nuk e shërbyem Gurin në mënyrën e duhur dhe preferova Balajn për t’i dhënë më shumë thellësi. Kjo ishte arsyeja kryesore.

Cili është objektivi në Skoci dhe a e pretendojmë vendin e parë?

Kur humbet je nën tokë, ndërsa kur fiton mund të shkosh shumë lart. Jam i qetë, duhet të jemi të ekuilibruar dhe me këmbë në tokë. Pas ndeshjes në Skoci do të mendohemi dhe të kuptojmë se cili është objektivi ynë.

Presidenti Duka ka deklaruar se synojmë vendin e parë, e dini këtë gjë ju?

Ne do provojmë, por duhet të punojmë dhe të lodhemi shumë.

Pse e keni hedhur në gjyq presidentin Nishani?

Natyrisht, çdo gjë ka një shpjegim, që njerëzit duhet të tregohen dhe të shfaqen të edukuar dhe të flasin me korrektesë.

Keni folur me presidentin Duka për këtë zgjedhje?

Këto janë punët e mia nëse kam folur me presidentin Duka.

Keni dilema për formacionin apo e keni të qartë se kush do të luajë nesër?

Skuadra ndihet mirë. Kemi punuar mirë dhe jemi të gatshëm për të përballuar ndeshjen me Izraelin ditën e nesërme.

Pse nuk janë thirrur Ramadani dhe Kaçe, duke qenë se kanë pasur minuta në këmbë?

Natyrisht, për shkak të emergjencës kam thirrur lojtarë që nuk kanë pasur minuta. Basha, Lilaj dhe Ramadani kam zgjedhur eksperiencën në raport me minutazhin e munguar. Sa i përket Kaçes, nuk besoj se ka luajtur aq sa thoni ju, Nuk jeni të mirinformuar.

A mund të jenë këto dy ndeshje me Izraelin dhe Skocinë vendimtare për të ardhmen tuaj?

Nuk është një pyetje për mua, por për presidentin. Unë jam këtu për të përgatitur skuadrën për ndeshjet me Izraelin dhe Skocinë.

Do ta shohim nesër Shqipërinë e vërtetë, atë që ju keni thënë pa eksperimente?

Urojmë shumë që nesër të fitojmë. Jemi përgatitur për këtë gjë. Uroj që të rikthemi tek performanca e mirë dhe tek fitoret.

Keni përdorur 8 formacione të ndryshme, do të shohim një të ri nesër?

Do ta shohim nesër se kush do të luajë. Kemi punuar shumë tek lojtarët me eksperiencë. Do të shohim nesër se çfarë ka ndryshuar.

Skuadra ka pësuar 7 gola në ndeshjet e fundit a është atmosfera e duhur për një ndeshje kaq të rëndësishme?

Natyrisht që në dy ndeshjet e fundit kemi eksperimentuar. Me rikthimin e shumë lojtarëve titullarë do të kemi një performancë më të mirë në fushë.

Nuk e kaluan Qaka dhe Ramadani provën për të qenë pjesë në këtë grumbullim?

Për momentin kam grumbulluar lojtarë të tjerë. Janë pjesë grupit dhe ata. Jam bazuar shumë tek përvoja me këtë start.

A ka folur me kolegët e tij në Itali për dy ndeshjet që Izraeli ka zhvilluar me Italinë?

Nuk kam biseduar me kolegë, por kam parë shumë video. Të dyja ndeshjet i kam ndjekur. Skuadra ka ndryshuar, ka ardhur një trajner i ri dhe kemi pak informacion për këtë skuadër.

Të hënën Shqipëria luan dhe me Skocinë, çfarë mendon për këtë përfaqësuese dhe çfarë kujtimesh ka kur ai i ka shënuar kësaj përfaqësuese në vizitën e tij të fundit?
Nuk mendoj për ndeshjen me Skocinë, por vetëm tek ndeshjes me Izraelin. Unë do mendoj që nga e shtuna për atë ndeshje. Të shtunën mund të flasim për atë ndeshje.

Njeh ndonjë lojtar në mënyrë specifike ndonjë futbollist të Izraelit që mund të bëjë diferencën?

Për ne do të jetë një ndeshje shumë e rëndësishme dhe e vështirë. Kanë lojtarë shumë të fortë. I njoh, pasi i kam studiuar. E kam parë për shumë kohë. Ne kemi mënyrë tonë për t’u përballur. Ndeshje shumë e fortë, e rëndësishme dhe vështirë.

E njihni trajnerin e ri të Izraelit?

E njoh trajnerin austriak të Izraelit, që kur ka qenë në Amerikë apo me ekipin Olimpik. I uroj sukses nesër, pasi është premiera e tij edhe pse e kam kundërshtar.

Anton Cicani

Të gjithëve na ka ndodhur të gabojmë, të paktën njëherë në jetën tonë! Të falësh është njerëzore, sidomos nëse merr parasysh shumë faktorë dhe nëse mundohesh të kuptosh se çfarë vërtet ka ndodhur. Mes Kristian Panuçit dhe Taulant Xhakës (“do të flas me datë 28 gusht, kur edhe të dal në konferencë”, tha trajneri i Shqipërisë për “Sport Ekspres”) raporti nuk është prerë në mënyrë përfundimtare dhe palët, madje, kanë rinisur kontaktet për t’u takuar, këtë herë, vërtet dhe ajo ashtu si ndodhi në Zvicër, pas ndeshjes së Bazelit. Një ndeshje që prishi planet e Xhakës, por edhe të trajnerit Italian, i cili ishte shoqëruar nga Ervin Bulku. Sigurisht, edhe nervozizmi në mes dhe një surprizë e pakëndshme nga trajneri, që vendosi që lojtarët të cilët nuk luajtën të dilnin në stërvitje në fushë, pasi ndeshja mbaroi. E megjithatë, asgjë s’ka mbaruar dhe do të ketë një tjetër takim, përpara se të vijë edhe data e 28 gushtit, kur edhe Panuçi të dalë në konferencë për shtyp përpara medieve sa i përket ndeshjes me Lihtenshtejnin, në “Elbasan Arena”.

Ngjarja – Më 30 korrik, Panuçi dhe Bulku udhëtuan drejt Bazelit, pasi kishin qëndruar në Zyrih… Objektivi ishte takimi me Taulant Xhakën, me të cilin kishte komunikuar ish mesfushori i Tiranës, duke rënë dakord se pas ndeshjes, në një hotel pranë qytetit, do të ndodhte edhe takimi dhe ballafqimi. Pas ndeshjes së fituar nga Bazeli ndaj Luzernës, megjithatë, pasi kanë pritur dy orë dhe pasi telefoni i Xhakës rezultonte i fikur, Panuçi dhe Bulku janë kthyer në Zyrih, aty ku janë takuar me Burim Kukelin dhe më pas të nesërmen janë nisur drejt Shqipërisë.

Reagimi – Menjëherë pas kësaj ngjarje, që u bë publike ekskluzivisht nga “Sport Ekpres” atë ditë, ishte Xhaka ai që reagoi në rrjetet sociale, në facebook, pasi nuk pranoi të fliste me gazetën, ashtu sikurse s’e bëri edhe Panuçi. Ja version i tij: “Të nderuar Tifozë dhe i nderuar Opinion publik. Gjithçka që sot shkruhet në media nuk është e vërtetë. Unë nuk dua të merrem me detaje, por dua të them hapur publikisht, që me trajnerin Mister Panuçi kam pas kontakt pozitive. Unë Taulant XHAKA jam gati edhe do jem gjithmonë gati për kombëtaren kuqezi. Une do jem gjithmonë i gatshëm për kombëtaren. Në çdo kohë do jem aty dhe Kurrë nuk e kam menduar dy herë këtë vendim. Jam krenar që perfaqësoj kombëtaren kuqezi. Falënderoj trajnerin per interesimin edhe angazhimin. Me Respekt Taulant XHAKA”

Vendimi – Pas asaj që ndodhi, Panuçi mori vendim që s’do ta thërriste për sfidën ndaj Lihtenshtejnit, teksa priste të paktën ndjesën e lojtarit dhe një sqarim. Madje, nëse s’do të kishte më komunikim mes të dyve, atëherë Taulanti mund edhe ta kishte mbyllur me kombëtaren.

Sqarimi – Por, pikërisht në këtë moment kritik dhe delikat, ka ardhur edhe prapakthehu i Xhakës, që ka kontaktuar dhe kërkuar një takim të dytë, këtë herë, që do të zhvillohet po në Zvicër, por për të sqaruar se e gjitha ishte një ngatërresë dhe mosdëshirë nga ana e tij për të veshur fanellën kuqezi. Panuçi e ka pritur mirë dhe kërkon të dijë më shumë.

Versioni – Sipas asaj që ka arritur të mësojë “Sport Ekspres”, Taulant Xhaka i ka rrëfyer miqëve të afërt se çfarë ndodhi realisht atë ditë dhe pse nuk u zhvillua takimi me Panuçin dhe Bulkun. Sipas Xhakës, mesazhet ishin shumë të paqarta, teksa trajneri i Bazelit vendosi që pas ndeshjes me Luzernën të nxirrte në stërvitje atë dhe të tjerët që nuk luajtën. Telefoni i Taulantit qëndronte në dhomat e zhveshjes, ndërsa në fushë, teksa stërvitej, pati edhe një debat me një tifoz, që i thërriste nga tribuna. i nervozuar, ai ka dalë dy orë pas ndeshjes jashtë stadiumit, ndërsa më pas ka hapur edhe telefonin, duke parë mesazhet e Bulkut. “Nuk e kuptova mesazhin, sinqerisht. Pastaj, kur dola nga stadium, ishte vonë dhe ata kishin ikur…”, mësohet t’I ketë thënë miqëve Xhaka. Ndërkohë, Panuçi pret një sqarim dhe këtë herë duke mos marrë parasysh asgjë.

Momenti i hidhur, Xhaka luan vetëm 7 minuta

Vetëm 7 minuta ka luajtur dje Taulant Xhaka me fanellën e Bazelit. Mesfushori i Shqipërisë, siç duket, do të ketë raporte jo edhe aq të mira me trajnerin Viki, teksa është zgjedhur zëvendës kapiten i dytë pas çekut Sushi dhe qendërmbrojtësit Lang. Në fakt, trajneri sakaq ka preferuar që përpara ta mbajë shiritin Lang dhe kjo ka acaruar Xhakën, që e ka shprehur këtë gjë me indinjatën e tij. Kështu, pasi ndaj Luzernës u la në stol për 90’, dje ai e nisi nga pankina dhe mori vendin e Van Vonsvinkelit.