“Është diçka e veçantë. Jam gëzuar shumë për ftesën. Është hera e parë që luaj në Kosovë. Do luaj me Currin në qendër të mbrojtjes. Më kishte marrë shumë malli të luaja me të”.

Kauza e bamirësisë –“Janë shumë shoqata dhe njerëz në Kosovë, Maqedoni dhe Shqipëri që po bashkohen bashkë për të ndihmuar njerëzit që janë në nevojë. Pavarësisht sa sukses kemi është mirë që po tentojmë t’i ndihmojmë këta njerëz”.

Si i keni parë ndeshjet e Kosovës në kohët e fundit ?

“Me lot gëzimi. Normalisht, jam kosovar, prindërit e mi janë lindur e rritur këtu. Më behet qejfi që çunat po i zbatojnë mirë urdhrat e trajnerit.

Ka ndopak lakmi në kuptimin pozitiv?

“Jo aspak. Jam mirënjohës për të gjitha të mirat që më ka dhënë Zoti. Më ka shpërblyer me shumë gjëra. Edhe me Shqipërinë kemi arritur shumë gjëra të mira, besoj se të gjithë këta që po gëzohen tani për Kosovën janë gëzuar disa vite më parë për kuqezinjtë. Normalisht si kosovar ke dëshirë dhe ti ta veshësh atë bluzën, por kjo është diçka normale”.

Ndryshim midis Panuçit dhe Rejës?

“Fitorja flet vetë. Në futboll është një sport ku flet rezultati. Me Panuçin kemi luajtur më shumë në mbrojtje, e kam të vështirë të flas tani. Kam shumë respekt për Panuçin dhe kam frikë mos keqkuptohem. Edhe ai ka kontribuar shumë për kombin tonë”.

Ndërkohë, kompanitë e basteve në Itali i janë futur punës duke ofruar kuota për trajnerin e ardhshëm të Romës. Ndër opsionet e ofruara është dhe ish-trajneri i kombëtares shqiptare, Kristian Panuçi.

Koeficenti që Panucci të emërohet trajneri i Romës është 67. Vetëm Serse Kosmi dhe Françesko Toti kanë një kuotë më të lartë, përkatësisht  126 (Kosmi) dhe 101 (Toti). Riemërimi i Ranierit ose kuotohet 56, të njëjtin koeficient  ka dhe Zhoze Murinjo.

Favoritët janë Luçiano Spaleti (15), Xhixhi Di Baxhio (12), De Zerbi (1.85). Opsioni më i mundshëm në listë i takon Paolo Fonsekës, trajneri portugez i Shaktar Doneckt ka një koeficient prej 1.4.

“Gjatë vitit të kaluar kam qenë i dëmtuar gjatë disa grumbullimeve të kombëtares, ndërsa në raste të tjera mbeta jashtë prej vendimeve të ish-trajnerit. Gjithsesi, këto mbeten gjëra të së shkuarës, tani jam

“Ndihet ndryshimi. Shikohet në lirshmërinë e stafit dhe të lojtarëve. Ndihemi mirë me trajnerin. Kemi krijuar një raport të mirë në fillim. Ka më pozitivitet dhe harmoni midis nesh. Mendoj se po vazhduam këtu jemi në rrugën e duhur”.

“Gjatë stërvitje që kemi bërë deri tani kemi praktikuar skemën 3 – 5 – 2. Kjo skemë na bën mirë ne sulmuesve. Shpresoj që kur ta praktikojmë këtë skemë në ndeshje të rezultojë pozitive”.

“Kam një kontratë 3-vjeçare me Akhisarin, por tani jam në grumbullim me kombëtaren dhe duhet të fokusohem vetëm te kjo gjë”, përfundoi Cikalleshi.

Sipas ish-trajnerit të kombëtares kjo është gjëja e parë që duhet të qartësojë presidenti Xhejms Palota pasi pa një projekt, çdo trajner do ta ketë të vështirë sipas italianit.

Cilin do zgjidhja për stolin verdhekuq? Si fillim duhet të kuptojmë projektin që ka klubi. E them këtë sepse mund të zgjedhësh cilindo trajner, por nëse nuk je i qartë mbi atë se çfarë kërkon të bësh, gjithçka vështirësohet, edhe sikur në stol të kesh emrin më të mirë në botë.

Me fanellën e Milanit, ish-trajneri i kombëtares kuqezi startoi dy herë në finalet e Champions League, duke qenë asaj kohe lojtari më i ri që e bën diçka të tillë. Në 1995-ën, Panuçi ishte 22-vjeç, por duket se ky rekord nuk do i takojë më italianit.

Arnold ka qenë një nga lojtarët më të mirë të Liverpulit këtë sezon dhe si mbrojtës i djathtë, ka dhënë plot 15 asiste. Interesant është fakti se si Panuçi, ashtu dhe Arnold, e kanë startuar finalen si mbrojtësa të djathtë, duke pasur rol të njëjtë në fushën e lojës. Pas finales së humbur kundër Real Madridit sezonin e shkuar, Arnold do të shpresojë të një histori ndryshe përballë Totenhemit, finale që luhet me 1 qershor në “Wanda Metropolitano”.

Së fundmi, tekniku italian bëri disa komente mbi raportin që ekziston midis Luçiano Spaletit dhe Mauro Ikardit, ndër të tjera Panuçi diskutoi dhe mbi opsionet e së ardhmes të ketyra dy figurave të rëndësishme të klubit të Interit.

“Ne nuk mund të futemi në çështje brenda familjes, por kapiteni duhet të jetë dikush që të tregojë vlerat e tij kur futet në dhomën e zhveshjes. Personalisht besoj se nëse Spaleti vazhdon të jetë trajneri i Interit, do të jetë e vështirë që Ikardi të qëndrojë”.

“Kam punuar me Luçianon kur kam qenë lojtarë. Është një ndër më të mirët. Këtë sezon mund të qortohet vetëm për eliminimin në fazën e grupeve të Champions-it. Një njeri si Spaleti fillon të ndryshojë vetëm nëse fillon të ketë probleme me dhomën e zhveshje. Nëse do të vijë Konte, ai do të ketë bërë gati një listë shpenzimesh. Të mos harrojmë refuzoi Real Madridin”.

“Nëse ai ikën në Torino, kush do të largohet. Duhet një emër. Dibala për shembull. Por Juventusi në këto momente ka në nevojë mbi të gjitha për një mbrojtës. Ikardi është një lojtar i madh, që gjithmonë ka lënë shenjë në fushë”.

Ekipi nga jugu i Italisë është prej disa vitesh në pronësi të pronarit të Lacios Klaudio Lotito dhe drejtori i sportiv Igli Tare luan një rol kryesor edhe në vendimmarrjet e këtij klubi.

Sipas asaj që shkruajnë mediet italiane, Tare po negocion për ndërprerjen konsensuale të kontratës së trajnerit të tanishëm Anxhelo Greguçi. Në listën e trajnerëve që synohen për sezonin tjetër janë dhe emra si Alesandro Nesta ose ish-trajneri i Xhenoas, Ivan Juriç.

Në një lidhje direkte me emisionin “Zona Gol”, Agolli sqaroi arsyet që e çuan në marrjen e këtij vendimi, ndërsa komentoi dhe gjendjen e kombëtares dhe klubin e zemrës: Tiranën.

KARRIERA NË SHBA – “Ishte një vendim që u mor për një arsye komplekse. Familja ime jeton prej vitesh këtu”.

EKSPERIENCA NË AMERIKË – “Ka shumë ndryshime që nga sistemi që funksionojnë kampionatit. Këtu ka liga të ndryshme, ku më e madhja është “MLS”. Janë kampionate të ndara . Ambienti është paska amerikan, këtë e them në sensin pozitiv. Stërvitja fillon dhe mbaron duke qeshur, në Azerbajxhan kishte më shumë disiplinë dhe seriozitet, ndoshta ky është mentaliteti këtu”.

SHKARKIMI I PANUÇIT I VONUAR ? – “Mendoj se Federata mendon gjithmonë për të mirën e skuadrës. Mendoj se ishte vendimi i duhur që iu dha besim trajnerit, më pas rezultatet negative treguan se duhej ndryshim. Shpresoj që ai të ketë marrë mësime për të ardhmen e tij, nëse do të vijojë të jetë trajner”.

GABIMI I PANUÇIT – “Unë kam luajtur për 14 vite me skuadrën kombëtare. Ekipi ka pasur disiplinë. Shumica e lojtarëve janë rritur në shtete si Zvicra, Gjermania e Greqia dhe janë rritur me profesionalizëm. Gjatë epokës së De Biazit nuk kemi pasur probleme disipline, nuk mendoj se disiplina ishte diçka që po i ngacmonte skuadrës”.

BULKU TRAJNER I KOMBËTARES – “Bulkun e kam më shumë se shok. Jemi rritur bashkë e kemi kaluar vështirësi e momente të mira. I uroj sa më shumë suksese në detyrën e re. Është një njeri që ka shumë eksperiencë”.

TIRANA – “Me ardhjen e Ardi Memës e kam ndjekur pak më shumë. Skuadra më është dukur mirë me trajnerin e ri. Tirana është një skuadër që më ka dhënë shumë. Më ka dhënë atë egon që ka karakteristikë kjo skuadër, pa atë nuk besoj që do të arrija të fitoja as shumë në karrierën time. Çdo lojtar që del nga kjo skuadër ka diçka ekstra. Edhe nëse nuk e luaj një ndeshje të fundit me Tiranën, nuk kam pse të kem pishmane, kam fituar tituj e superkupa aty”.

PARTIZANI – “Mendoj se Partizani e ka merituar atë që ka arritur deri tani. Është një skuadër që ka treguar stabilitet gjatë të gjithë vitit. E meriton plotësisht vendin e parë”.

ARENA KOMBËTARE – “Mezi po e pres ndërtimin e stadiumit. Do t’i japë një imazh tjetër ekipit kombëtar. Tifozët do të jenë shumë pranë fushës dhe kjo do të jetë një armë plus për ne”.

“Akoma nuk kemi një trajner të zgjedhur. Bulku dhe Mema ishin një zgjidhje emergjente për atë ndeshje dhe tani. Shkarkimi nuk ishte faret i papritur. Vendimi u mor në varësi të performancës ndaj Turqisë. Aty u vërtetua se nuk kishte mundësi për ta inkurajuar më ekipin. Shprehja e ekipit dhe atmosfera nuk është se ka qenë e pranueshme. Ishte një kimi që nuk shkonte”.

LOJA NË ANDORRË – “Jo për faktin se Panuçi i kishte bërë mos të ishin të lirë, por për faktin se futbollistët ndjenë më shumë përgjegjësi, pasi nuk kishin një “timonier” zyrtar, por një timonier të improvizuar. Dua ta përgëzoj Bulkun dhe Memën, bënë maksimumin”.

MOMENTI I SHKARKIMIT – “Për të qenë i sinqertë kemi qenë në diskutim me stafin teknik të federatës dhe e lamë që ta diskutonim pas ndeshjes me Turqinë. Vendimi u mor në bashkëpunim me stafin. E mora në mëngjes dhe i thashë: Mister situata është e vështirë. Ai më tha merr vendimin që duhet. E takova në hotel”.

TRAJNERI I RI – “Tani realisht nuk kemi marrë një propozim ose kemi bërë një ofertë për të gjithë teknikët që kam lexuar në media. Unë kam kontaktuar vetëm Edi Rejën në stadium, edhe një trajner tjetër italian Kalori, por ishte diçka rastësore”.

BESNIK HASI –“Ne ja kemi propozuar njëherë Hasit ekipit kombëtare, 6 ose 7 vite më parë, para se të vinte De Biazi. Është një trajner shumë i mirë mund të jetë kandidat. Rikthimi i De Biazit? Jo nuk e besoj.”

DONADONI – “Trajner shumë i mirë, nuk e di nëse është i gatshëm të vijë në Shqipëri dhe a është i gatshëm të pranojë ofertën tonë. Donadoni do të më pëlqente, por është një kandidat që e kam parë nëpër media, nuk e di nëse ai është i interesuar për këtë gjë. Nëse po me kënaqësi.

BUXHETI PËR TRAJNERIN – “Buxheti jonë vjetor është 200-250 mijë euro. De Biazi ishte një trajner i mirë dhe më këtë buxhet paguhej.”

MUNDËSI PËR RRITJEN E BUXHETIN – “Nëse ndërhyn kryeministri po. Ka shumë shtete që paguajnë trajenët. Bëj shaka (qesh), nuk kam kontakt me kryeministrit, thjesht një batutë”.

I HUAJ APO SHQIPTAR –“Nuk mund të them se do të jetë i huaj ose shqiptar. Një trajner shqiptar ka një plus, pasi njeh ambientin dhe mentalitetin e lojtarëve dhe opinionit sportiv. Nuk mendoj se kemi ende trajner që mund të ndërtojnë ekipe me pretendime për evente ndërkombëtare”.

GJENDJA E KOMBËTARES – “Kombëtarja ka potencial për më shumë. Asnjëherë nuk kemi pasur në ekip pesë futbollistë të Serie A. Tani të gjithë futbollistë luajnë në ndryshim nga viti i kaluar. Kjo ishte një ndër arsyet që u zhgënjyem në ndeshjen ndaj Turqisë, pasi prisnim më shumë”.

FUTBOLLISTËT NGA KOSOVA – “Çdo futbollist është i lirë të luajë ku të dojë. I fundit është Ismajli që ka zgjedhur të vazhdojë me ne”.

KAMPIONAT I PËRBASHKËT SHQIPËRI-KOSOVË “Për sa kohë ka dy shtete, ka dy kampionate. Gjithsesi kjo nuk të ndalon që të bësh turne të tjera. Ka kohë që ne bëjmë një kupë, por që nuk është bërë në nivelin e duhur. E kam fjalën për Kupën Pavarësia, mund ta zhvillojmë dhe ta bëjmë në një kompeticion më të mirë.”

KAMPIONATI – “Kampionati po vjen drejt fundit dhe si çdo kampionat që vjen drejt fundit ka akoma më shumë përplasje”.

INFORMALITETI NË FUTBOLL  – “Futbolli shqiptar është si pjesa tjetër e ekonomisë shqiptare. Një vend që e ka 60% të biznesit informal, nuk ka se si të ketë futboll formal”.

OBJEKTIVAT E KOMBËTARES – “Objektivi jonë mbetet për të qenë të dytët në grup. Siç humbëm në Shkodër, mund të fitojmë në Shqipëri. Asnjë ekipi nuk do i shkojë vaj, qoftë edhe me Andorrën”.

INVESTIMET – “Për të pasur një futboll që të konkurrojmë ne nivelet që ne pretendojmë duhen investime nga pushteti qendror dhe vendor. Në Shqipëri janë rikonstruktuar ato ambiente që kanë ngelur. Na duhen 10-fish më shumë fusha sportive për të plotësuar nevojat”.

INAUGURIMI I STADIUMIT – “Objektivi është që luajmë në qershor kundër Moldavisë, por është diçka e vështirë. Në marrëveshjen me kompaninë është  e shkruar që ndërtimi mbaron në qershor, nëse jo do luajmë në shtator”.

EMRI I STADIUMIT – “Emri i stadiumit do të komercializohet, në mënyrë që të japim të ardhura stadiumit. Së shpejti do të fillojmë procedurat. Këtu në këtë vend po diskutohet të kemi këtë emër e këtë, por këtë praktikë bëjnë dhe në Gjermani si për shembull “Allianz Arena”.

“Të them të drejtën ishte një lajm që nuk e prisja kurrë. Padiskutim që isha i lumtur. Nuk mendoj me epitetin: ‘Jam trajneri kombëtares’. Them qe më është ngarkuar një detyrë, një detyrë e vështirë, por do mundohem të bëj maksimumin së bashku me çunat”.

“Janë rezultatet që vendosin për trajnerët në të gjithë botën jo vetëm këtu. Kam marrëdhënie si me De Biazin si me Paolo Tramexanin, pasi kam qenë lojtar dhe më pas ndihmës i tyre. Është normale që miqtë dhe shokët t’i telefonosh, siç do telefonoj dhe Panuçin. Formacioni? Do ta shikoni në fushë”, tha Bulku.

VENDIMI – “Prisnim që të kishte një energji ndryshe skuadra, një paraqitje ndryshe në ndeshjen e parë. Kuptohet se ishte një ndeshje e rëndësishme për të gjithë edicionin. Kjo është një arsye pse menduam që edhe pas një  “Nation League” jo shumë të suksesshme të vazhdonim me Panuçin, sepse ndoshta të krijonte atë njohjen e duhur në skuadër dhe diçka do të ndryshonte. U pa një skuadër pothuajse inekzistente ndeshjen e parë, që na çoi në një vendimmarrje le të themi të detyrueshme për të ndryshuar diçka. Dhe ajo që mund të ndryshonim ishte pikërisht trajneri.”

Të gjithë në njëfarë mënyre jemi përgjegjës, qoftë dhe unë që kam emëruar Panuçin, qoftë skuadra, që duhej të demonstronte diçka më shumë në fushë. Besoj se edhe ai vetë do të dëshironte të bënte më shumë e të arrinte më shumë. Ishte eksperienca e tij e parë si trajner i një përfaqësueseje, por nuk arriti, nuk arriti të merrte maksimumin që mund të japim.

Për shumë arsye e ndërpremë këtë marrëdhënie për të menduar më shumë për të ardhmen dhe do të mendojmë më gjatë për ndeshjet e qershorit, në të cilët kush do që të jetë stafi do të ketë kohë për ta përgatitur skuadrën, pasi atëherë do të kemi mundësi për ta grumbulluar skuadrën rreth dy-tre javë.

EDI REJA DHE TRAJNERI I RI – “Edi Rejan e kam takuar në stadium pas ndeshjes, kishte ardhur për punët e tij, për të vëzhguar disa futbollistë. Nuk di ta them tanët apo të Turqisë. Nuk kam menduar asgjë se kush do të jetë trajner i Shqipërisë. Pas ndeshjes me Andorrën do të mendojmë për teknikun që i duhet skuadrës së bashku me stadin teknik të federatës. Nuk është një gjë e lehtë”, përfundoi Duka.

Paraardhësi i Panuçit, Xhani De Biazi ka bërë një punë shumë të mirë në kombëtaren tonë, madje ishte ai që ndërtoi skuadrën që arriti edhe në “Euro2016”, një sukses historik. De Biazi qëndroi 50 ndeshje në krye të Shqipërisë dhe ka një bilanc të kënaqshëm.

19 fitore, 11 barazime dhe 20 humbje: Një baraspeshë totale. Mos të harrojmë që De Biazi ka pasur shumë sfida të vështirë të cilat i ka fituar. 0-1 kundër Portugalisë, 0-3 kundër Izraelit, 1-0 kundër Francës dhe disa suksese të tjera. Me përqindje, De Biazi ka triumfuar në 38% të rasteve, një përqindje shumë më e mirë se ajo e Panuçit, i cili ka fituar vetëm 26.6% të ndeshjeve që ka drejtuar.

Panuçi në krye të Shqipërisë:

Ndeshje – 15
Fitore – 4
Barazime – 2
Humbje – 9
Përqindja e fitoreve – 26.6%

De Biazi në krye të Shqipërisë:

Ndeshje – 50
Fitore – 19
Barazime – 11
Humbje – 20
Përqindja e fitoreve – 38%

De Biazi bëri një mrekulli, edhe për faktin se u shqiptarizua, ndërsa Panuçi mbeti një “gjeneral” që nuk i kuptoi kurrë as ushtarët e tij dhe as popullin shqiptar, që në mënyrë të bujshme e ka ofenduar në dy ndeshjet e fundit, diçka pa precedent te Shqipëria dhe ndoshta në gjithë botën.

Humbja kundër Turqisë ishte sinjali më i qartë se nuk kemi të ardhme, për faj të Panuçit dhe fajin tonë, sepse kemi bërë një çorbë të madhe pas Euro 2016, duke mos e kuptuar se rinovimi gradual duhej bërë me këmbë në tokë, duke mos premtuar sërish ëndrra dhe duke punuar për të prodhuar vetë talentet që më parë ia rrëmbenim Kosovës motër.

Pas ndeshjes kundër Turqisë Duka ka qëndruar për dy orë brenda stadiumit Loro Boriçi, i zemëruar, i zhgënjyer, ndoshta duke menduar lëvizjen e radhës.

Në ambientet e brendshme të stadiumit Duka ka takuar trajnerin italian Edoardo Reja, një veteran i stolit në Serinë A, ku ka drejtuar shumë klube, edhe Napolin e Lacion. Eksperienca nuk i mungon, një stol kombëtareje po.

Një babaxhan, që rrallë grindet me ndokënd, ndoshta Reja do ishte zgjedhja ideale për Shqipërinë e tronditur keq. Shkumbin Qormemeti ishte krah tij në Loro Boriçi, jo rastësisht. Ashtu si takimi me Dukën, jo rastësor.

Në minutën e 21’, Gjimshiti dhe Xhaka nuk merren vesh me njëri-tjetrin dhe Turqia ndëshkon. Jilmaz merr një pasim të mirë nga Tosun dhe godet menjëherë nga brenda zonës, duke kaluar në avantazh miqtë. Kombëtarja jonë u shokua për disa minuta, por sërish tentoi të reagonte dhe t’i afrohet portës.

Uzuni bëri shumë mirë dhe u shfaq dy herë para portës së Turqisë. Fillimisht, sulmuesi nuk kontrollon mirë një pasim perfekt nga Hysaj, ndërsa në rastin e dytë gjuan me të majtën, por pret portieri mik. Në pjesën e dytë, ritmi i tanëve ra ndjeshëm dhe Turqia ndëshkoi sërish.

Mesfushori i Milanit, Hakan Çalhanoglu shënon një supergol, duke marrë topin nga mesi i fushës dhe duke shënuar një gol shumë të bukur. Ky gol i preu gjunjët lojtarëve kuqezi, që nuk arritën më të reagonin dhe sfida u mbyll 0-2 në favor të Turqisë.

E premte, 22 mars 2019
Stadiumi “Loro Boriçi”, Shkodër

Shqipëri – Turqi   0-2
Jilmaz 21′, Çalhanoglu 54′

Shqipëria: Berisha, Balliu (Sadiku 58’), Hysaj, Veseli, Gjimshiti, Ismajli, Memushaj, Xhaka, Abrashi, Uzuni, Balaj (Grezda 58’) Trajner: Kristian Panuçi

Turqia: Gynok, Gonyl (Çelik 46’), Demiral, Ayhan, Kaldirim, Emre (Tokoz 65′), Jokushlu, Tekdemir, Çalhanoglu, Tosun, Jilmaz Trajner: Senol Gynesh

Kartonë të verdhë: Balliu 39’, Ismajli 45+2’ , Xhaka 86′ / Tosun 30’, Jokushlu 47′

EPISODET

90+’ Mbyllet sfida në “Loro Boriçi”, Shqipëria mposhtet nga Turqia

80’ Turqia qarkullon topin, minutat po kalojnë në favor të tyre

69’ Bie ritmi i lojës, Memushaj provon të ndryshojë diçka, por goditja e mesfushorit të Pesakarës shkon shumë larg kuadratit

54’ Shënon sërish Turqia. Çalhanoglu bën gjithçka vetë dhe shënon një supergol, duke mposhtur për herë të dytë Berishën

46’ Starton pjesa e dytë pa ndryshime, Panuçi i beson formacionit fillestar

45+4’ Mbyllet pjesa e parë. Dominim i Shqipërisë, por ndodhemi në disavantazh

37’ Sërish Uzuni shfaqet rrezikshëm. Sulmuesi kuqezi bën gjithçka mirë nga krahu i djahtë, futet në qendër dhe godet me të majtën, por pret portieri mik

33’ Tjetër rast i mirë për Shqipërinë. Hysaj jep një pasim perfekt nga krahu i djathtë, Uzuni është i lirë brenda zonës por nuk e kontrollon dot topin. Digjet një tjetër shans për tanët

21’ Gol Turqia. Gjimshiti dhe Xhaka humbasin një top të thjeshtë dhe Turqia na ndëshkon. Tosun pason për Jilmaz, i cili mposht Berishën nga një distancë relativisht e afërt

20’ Tjetër shans i artë për tanët. Balaj shërben mjaft mirë me kokë vrapimin e Balliut, i cili gjendet i vetëm përballë portierit, gjuan por ndalet. Portieri i Turqisë na mohon golin

14’ Rast ideal për Balajn. Sulmuesi kuqezi del i vetëm përballë portierit pas një aksioni perfekt dhe mundohet t’i afrohet portierit, duke e humbur momentin.

3’ Rasti i parë i takon kuqezinjve tanë. Xhaka kroson mirë nga një goditje dënimi, topi mbetet në zonën turke dhe Ismajli përfiton, duke goditur me kokë. Gjuatja e mbrojtësit shkon ngjitur me shtyllën e portës

1’ Fillon takimi në “Loro Boriçi”, atmosferë e zjarrtë në stadium

“Panuçi më duket pak i largët me lojtarët. Edhe tipi i tij si futbollist nuk ka qenë perfekt. Mënyra e sjelljes së tij, nuk ka arritur që të ketë një komunikim që të bëjë për vete lojtarët. Edhe Simeone ka pasur një karakter të ngjashëm me Panuçin si futbollist, por tani si trajner dallohet që ka një lidhje të fort me skuadrën e tij, ndërsa ky jo”.

“Ai ka thënë se do të grumbullohen lojtarët me më shumë minuta, por nuk ka qenë shumë i drejtë në këtë aspekt. Ka pasur dallime dhe këtu ka dalë i paqartë. Më kujtohet rasti i Alijit që është thërritur disa muaj më parë kur ishte pa skuadër, ndërsa kemi pasur lojtarë të tjerë që kanë luajtur më shumë se futbollistët e tjerë dhe nuk janë grumbulluar. Pra ka një dallim me atë që thotë trajneri dhe atë që realizon”.

SKEMA – “Në kohën e De Biazit përdornim skemën 4 – 3 – 3, por në të vërtetë ishte një vendosje 4 – 5 – 1. Loja sulmuese është më vështirë për t’u bërë se sa loja e lehta. Është më e lehtë të shkatërrosh se sa të ndërtosh”.

REPARTI MË I MIRË – “Mbrojtjen duhet ta kemi më të mirë, pasi lojtarët që kemi në mbrojtje aktivizohen me minuta të plota në kampionatin italian. Aty kemi pasur probleme për shkak të harmonizimit”.

ASPIRATAT – “Mendoj se lojtarët duhet të jenë më të rezervuar me deklaratat e tyre. Fitoren të gjithë e duam, por secili duhet të jetë me këmbë në tokë. Ne shpesh humbim ekuilibrat gjatë ndeshjes, nuk arrijmë të vendosemi mirë ose të mbajmë topin për distanca të gjata kohore.”

“Në fazën e kualifikueseve të “Euro 2016” ne nuk ishim skuadër më e mirë se Serbia dhe Danimarka, por ndodhën disa situata që shkuan në favorin tonë. Nëse mendojmë se do të jemi dy herë me fat  e kemi shumë gabim”.

BREZI MË I MIRË I KOMBËTARES –“Brezi i viteve 2000 me lojtarë si Strakosha, Rraklli, Murati, Xhumba, Fakaj, Kola, Lala, Shulku, Haxhi etj. Ishin një grup shumë mirë që më jep shumë nostalgji. Më pëlqen dhe brezi i viteve 80-të, ishte një grup bio. Ata erdhën nga kombëtarja shpresa, ku ishin në tetëshen me të mirë të Europës. Fatkeqësisht ata u ndodhën në një kohë tjetër”.

Sulmi i Turqisë, a i friket Shqipëria?

PANUÇI – “Sulmi i Turqisë është shumë e fortë, por mbrojtësit tanë janë shumë cilësorë. Luajnë në ekipe shumë të forta dhe të njohura, prandaj do të jetë një përballje që mund ta fitojmë. Më kënaq dhe një 1-0”.

HYSAJ – “Ne luajmë të gjithë në Serie A dhe në çdo ndeshje kemi të bëjmë me sulmues të tillë si të Turqisë. Jemi stërvitur për çdo detaj dhe nuk do të kemi shumë rreziqe në prapavijë”.

Kush është pika më e fortë e Turqisë?

PANUÇI – “Është e vërtetë që Turqia është skuadër shumë e fortë, por nëse lojtarët futen në fushë për të dhënë maksimumin, jam i bindur që do të marrim rezultatin e duhur”.

A ndryshon Turqia nga skuadra e një viti më parë?

PANUÇI – “Turqia ka ndryshuar totalisht, kanë një ekip të ri dhe me shumë kualitet. Është i ndryshëm edhe qëllimi i sfidës, pasi nesër luhet për kampionatin europian. Ne duhet të jemi më të mirët në fushë, në mënyrë që të fitojmë”.

Pritshmëritë konkrete dhe rezultati që synohet kundër Turqisë?

PANUÇI – “Pritshmëritë janë shumë të mëdha, duam rezultat pozitiv. Kemi kualitete, skuadra është e përgatitur. Edhe Turqia ka kualitet, por unë jam i bindur që do të arrijmë fitoren. Gjithçka mbetet për t’u parë nesër, por skuadra ime mund të marrë fitoren nëse jep maksimumin”.

Vendimi i Lenjanit, a ka shanse që ai të rikthehet siç ishte rasti i Xhakës?

PANUÇI – “Lenjani është thirrur gjashtë herë. Dy javë para grumbullimit, e kemi njoftuar, por ai tregoi mungesë respekti, jo ndaj meje, por ndaj Shqipërisë. Nuk mendoj se ka rëndësi të flitet për një letër me anë të Instagramit. Djemtë që janë gati janë të mobilizuar, të përgatitur për lojë. Nuk ka si të krahasohet me rastin e Xhakës. Taulanti është treguar super profesionist. E vetmja gjë që trajneri nuk do, është të ketë probleme me lojtarët e vet. Këto që jemi këtu, jemi shumë të komunikueshëm dhe askush nuk hap probleme”.

Janë shumë lojtarë që luajnë në skuadra të rëndësishme. Ku mendoni se ka potencial më shumë Shqipëria?

PANUÇI – “Skuadra ka shumë potencial. Ne duhet vetëm të fokusohemi kundër Turqisë dhe Islandës, Francën ta lejmë në punë të vetë. Ekipi ka lojtarë të mirë, por duhet ende shumë rrugë për të bërë.

Je një nga lojtarët që ke qenë edhe në “Euro2016”, por je dhe kapiten i kombëtares. Megjithatë, Sadiku tha që mungon diçka. Çfarë mungon sipas jush?

HYSAJ – “Nuk na mungon gjë, pasi kemi puanuar mirë dhe kemi marrrë leksionet e duhura nga ndeshja e kaluar. Do të bëjmë më të mirën tonë dhe të arrijmë edhe njëherë në atë pikë ku ishim para tri vitesh”.

Si kapiten, keni folur me Strakoshën dhe a është mërzitur ai apo jo?

HYSAJ – “Nuk është se vendosim ne se çfarë do të ndodhë. Çdokush që gabon, duhet ta paguajë gabimin. Thjesht i kam thënë të jetë i qetë dhe të marrë mësim nga kjo gjë. Është një lojtar i rëndësishëm për ne dhe shpresoj të rikthehet më i fortë”.

Çfarë ndjesie ke që je kapiten dhe a është i gatshëm Hysaj që të sakrifikohet në krahun e majtë të mbrojtjes?

HYSAJ – “Ndjesia është shumë i mirë që do të jem kapiten në vendlinjen time. Do të sakrifikoj, do të luaj dhe në krahun e majtë, pasi e kam provuar si rol edhe në ekipet ku kam luajtur në Itali. Nuk do të jetë problem”.

Duke e njohur mirë skuadrën e Romës, ju gëzon fakti që Xhengiz Ynder nuk do të luajë? Çfarë mendimi keni për futbollin turk?

PANUÇI – “Futbolli turk është si në të gjithë botën, ka rënien dhe rritjen e vetë. Sengiz Ynder nuk do të jetë nesër, një lojtar shumë cilësor dhe ndër më të mirë të Roma. Megjithatë, kanë lojtarë të tjeë shumë të mirë dhe që e ndjejnë shumë fanellën e Turqisë, që nga fillimi i takimit te himni, deri në sekondën e fundit”, përfundoi Panuçi.

LËNIA JASHTË E STRAKOSHËS – “Unë jam futbollist dhe nuk më lejohet të gjykoj një trajner kombëtareje. Në lidhje me vendimin e Strakoshës, unë e pranoj se disiplina është shumë e rëndësishme, por trajneri duhet të ishte treguar më fleksibël, duke pasur parasysh rëndësinë e dy ndeshjeve të kombëtares”.

SHKËNDIJA – “Këtë vit kampion do dalim patjetër, por shpresoj gjatë verës këtë vit që të mbërrijmë në fazën e grupeve të Europa League, ashtu siç bëri Skënderbeu. Shkëndija ka katër vite që i afrohet shumë këtij objektivi, por këtë sezon jemi më të kompletuar. Kontrata? Kam dhe një vit kontratë me Shkëndijën”, përfundoi Mici.

STRAKOSHA – “Për mua Strakosha është një lojtar i rëndësishëm në kombëtaren e Shqipërisë, pasi është portieri titullar dhe e tashmja dhe e ardhmja e portës së kombëtares. Për mua është një vendim i drejtë, por i marrë nga njeriu i gabuar”.

 “Vendimi i drejtë, sepse disiplina është një mjetet për rregulluar marrëdhëniet brenda një ekipi me 25 djem. Problemi është, që për të krijuar një frymë në një skuadër ka disa elementë. Mua nuk më pëlqejnë shumë gjëra që po bën trajneri, qoftë lista, qoftë mënyra e lojës. Lojtari duhet të ishte më i kujdesshëm, duke ditur natyrën e trajnerit. Nuk besoj se trajneri do të jetë çmendur dhe ndoshta është faji i lojtarit”.

GJENDJA E KOMBËTARES – “Mua më duket se kemi shpenzuar dy vite dhe tani jemi në një pikë të asgjëje.  Pavarësisht problemeve, këto dy vite mund të na kishin vlejtur, pasi do kishim fituar kthjelltësinë e nevojshme për të nisur një rrugëtim të ri. Unë e shikoj që atij i mungon kthjelltësia, nuk ka një logjikë në zgjedhjet dhe listat e tij”.

“Ai ka të drejtë kur thotë se pas 2016-ës mund të kemi krijuar një perceptim të gabuar të skuadrës. Por ama para atij evropiani u renditëm të dytët të grup që më pas u kualifikuam, ndërsa më pas dolëm në vend të tretë në eliminatoret e Botërorit. Nuk mund të themi tani se synojmë vendin e katërt në grup. E di që është e vështirë, por në vend të katërt nuk ka logjikë, pasi vijmë nga vendi i tretë”.

REAGIMI I LENJANIT – “Nuk jam dakord me statusin që ka bërë lojtari. Lenjani ka pasur raste që ka qenë pa ekip ose pa minuta dhe është marrë në kombëtare. Në një moment trajneri mund të vendosë të marrë një lojtarë tjetër dhe kjo është  e drejta e tij. Ai është djalë i pjekur dhe profesionist. M’u duk diçka e nxituar. Ai ka qenë pjesë e rëndësishme e kombëtares që u kualifikua në Europian”, tha Jupi.

Në një intervistë për medien austriake “Laolo”, Vallçi tha: “Është e vërtetë që së fundmi kam pasur kërkesa nga federatat e Kosovës dhe Shqipërisë për të qenë pjesë e përfaqësueseve të tyre. Gjithsesi deri sa të zgjidhen procedurat ligjore do të jem krejtësisht i fokusuar te puna me skuadrën e Salcburgut. Kam pak kohë këtu dhe pavarësisht fillimit të mirë kam ende shumë gjëra për të mësuar”.

Qendërmbrojtësi 191 centimetra i gjatë u transferua gjatë merkatos së janarit te Red Bull Salcburg që pagoi 750 mijë euro për të blerë kartoni e tij nga skuadra modeste e Vaker Insbruk. Vallçi ka lindur në Austri dhe disponon shtetësinë austriake, por asnjëherë nuk ka qenë i grumbulluar me kombëtaret e moshave të Austrisë.

GRUMBULLIMET – “Në fakt, kjo strategjia për të synuar shqiptarët e Maqedonisë ka qenë dhe më përpara, duke parë që dhe Kosova u bë përfaqësuese. Është kritikuar shumë kjo gjë, pasi po mendohet se po i merren lojtarët një kombëtareje tjetër. Unë mendoj se lojtarët më të mirë shqiptarë, të luajnë për ekipin kombëtar, pavarësisht se çfarë kombësie kanë. Ne jemi vend i vogël dhe çdo lojtar na përforcon shumë. Mjafton një ose dy lojtarë cilësorë dhe në harkun e një edicioni, të sjellin shumë. Nëse ka lojtarë në Maqedoni ose në Greqi, që janë lojtarët më të mirë të mundshëm, kjo është diçka tjetër”.

SHQIPTARËT E GREQISË – “Nuk e mendoj se duhët të kenë një presion, pavarësisht se janë në Greqi. Durmishaj, Mihaj apo dikush tjetër, janë shqiptarë më puro se shqiptarët që janë këtu brenda, prandaj nuk ka asnjë problem nëse vijnë këtu. Nuk duhet të ndjejnë presion. Ata janë rritur në Greqi dhe kombëtarja e tyre i cilëson të tyre dhe nuk kanë faj, por ata duhet të dinë kë të zgjedhin. Janë lojtarë që duan Shqipërinë dhe do t’i bëjnë punë Shqipërisë. Kanë vështirësitë e tyre”.

PANUÇI – “Nuk ka qenë i qartë me strategjitë dhe politikat e tij. Kjo sjell paqartësi te lojtarët që vijnë. Duhet të vijnë lojtarë të rinj, por jam kundër testimeve te kombëtarja A. Janë moshat për atë punë. Stafi duhet të jetë i qartë në idetë që ka, e jo të thërrasë 20 lojtarë një herë e të mos i thërrasë më. Në këtë kuadër, Panuçi nuk ka qenë i qartë. Fillimisht, edhe De Biazi pati disa lëkundje, jo vetëm ai, po i gjithë stafi. Ne i kishim lojtarët në rrethin e De Biazit dhe nuk kishte pse të rinovohej totalisht skuadra. Gjithsesi, DE Biazi ishte shumë më i suksesshëm se Panuçi”.

DËMTIMET DHE RIKTHIMET – “Momenti i Shqipërisë është më i mirë se ai i para tri muajve. Disa lojtarë janë rikuperuar nga dëmtimet dhe disa të tjerë kanë filluar të luajnë rregullisht dhe të shënojnë. Momenti është më pozitiv se para tri muajsh. Në këtë aspekt, Panuçi është i favorizuar. Unë kam dyshime vetëm te stafi: Sa i qartë do të jetë stafi për ndeshjet? Kjo është dilema e vetme e imja”,- përfundoi Jupi.

Megjithatë, fakti që 23-vjeçari luan në kampionatin suedez ka sjellë një disavantazh të madh për Binakun. Problematika qëndron te formati i kampionatit pranverë-dimër që përdoret në të gjitha vendet nordike.

Në vitin aktual, Binaku ka luajtur vetëm 90 minuta në një takim kupe, ndërsa sezoni ri i “Allsvenskan” fillon gjatë muajit prill. Mbetet për t’u parë se cili do të jetë vendimi i trajnerit Panuçi për mëngjarashin e kombëtares sonë.

Ndërkaq, alternativat e tjera për këtë rol nuk janë të pakta. Ermir Lenjani dhe Besir Demiri janë më favoritët pasi janë ftuar më parë nga trajneri i kombëtares sonë, ndërsa një opsion tjetër është Naser Aliji, i cili është rikthyer të luajë rregullisht në Rumani me Dinamon e Bukureshtit.

Duket qartë që Panuçi është ende në kërkim të një mbrojtësi stabël për krahun e majtë të kombëtares kuqezi. Alternativat nuk janë të pakta. Për momentin mund të thuhet se Egzon Binaku është favoriti në këtë rol.

Mbrojtësi i Malmos ka qenë titullar në dy ndeshjet e fundit zyrtare të kombëtares dhe me siguri do të vazhdoj të ketë besimin e trajnerit të kombëtares. I dyti në radhë është Ermir Lenjani, i cili ka lënë pas dëmtimet dhe është rikthyer titullar te Sioni në Zvicër. Një tjetër plus për këta lojtarë është dhe fakti që kanë luajtur shpesh në formacion me pesë mbrojtës, një modul loje ky që Panuçi e pranoi se po e shqyrton si një opsion në një intervistë të dhënë pak ditë më parë.

I treti në hierarki është Besir Demiri. Mbrojtësi nga Shkupi aktivizohet prej një viti e gjysmë në Ukrainë te Mariupol, ku e ka blinduar vendin e titullarit. Megjithatë, 24-vjeçari pret ende të debutojë me kombëtaren shqiptare ku ishte grumbulluar gjatë muajit të shtatorit.

Tre opsionet e fundit janë Naser Aliji, Lorenc Trashi dhe Gledi Mici. Aliji i dha fund një periudhe 6-mujore ku qëndroi pa ekip dhe është rikthyer titullar te Dinamo e Bukureshtit në Rumani. Trashi dhe Mici luajnë në kampionate më inferiore se katër lojtarët e lartpërmendur, por të dy kanë spikatur me skuadrat e tyre që tani janë kryesuese të kampioneve përkatëse.

LORET SADIKU – “Sadikun e kam marrë në telefon, më tha që duhet të mendohem, më pas nuk është bërë i gjallë. Për mua futbollistët duhet ta kenë dëshirë për të ardhur në kombëtare. Dua shqiptarë të vërtetë dhe seriozë, të cilët duan të shkojnë në Europë. Nëse nuk janë të tillë nuk dua t’i shikoj këto lloj shqiptarësh”.

KAMPIONATI SHQIPTAR – “Kur të jetë mundësia për të parë lojtar të kampionatit shqiptar do ta bëj.  Siç e dini unë kam një ndihmës, Ervin Bulkun, që merret me kampionatin shqiptar. Në të shkuarën kam marrë lojtarë nga kampionati shqiptar, por unë udhëtoj gjatë gjithë kohës nëpër Europë për të parë futbollistë”.

PËRSHTYPJE – “Po, ka lojtarë në sulm të Partizanit që janë lojtarë cilësorë dhe të shpejtë, Kastrioti bëri gjithashtu një lojë të mirë. Lojtarët e kampionatit shqiptar duhet të bëjnë kujdes kur bëjnë kalimin në Europë.  Nga lojtarët që u larguan vitin e kaluar Guri luan pak, Abazaj nuk luan fare, Lilaj është i vetmi që luan nga ata, ndërsa Gavazaj ka pasur lodhje”.

“Në fund të majit kur të mbarojnë kampionatet do të bëjmë një tjetër grumbullim, pasi në qershor kemi ndeshjen kundër Islandës”.

ASANI – “Asani është një lojtar shumë i fortë në lojën një kundër një”.

NDOJ – “Është një lojtar që ka shumë për të përmirësuar. Është shumë i ri. Ka një potencial të madh. Unë besoj se do bëhet një lojtar kyç i kombëtares shqiptare”.

REFLEKTIMET – “Mbi të gjithë kjo pauzë, më ka shërbyer për të reflektuar.  Jam munduar të njoh më mirë lojtarët e mi. Po mundohem të rikuperojmë lojtarë shumë të rëndësishëm si Sadiku, Roshi dhe Abashi dhe Cikalleshi, i cili shënoi tani, por vinte nga një periudhë 6-mujore ku nuk po shënonte”.

“Në këtë një vit e gjysmë e kishim thënë se do të kryhen eksperimente nga të cilat nuk morëm rezultatet e duhura. Koha për të punuar me kombëtaren është shumë e shkurtër. Tani do të punojmë me një bazë prej 22 lojtarësh, ku do të fokusohemi në lojën mbrojtëse”.

“Natyrisht që tani do të punojmë me një grup prej 18 lojtarësh. Gjithmonë do të jemi në kërkim të emrave të rinj, si për shembull Durmishaj që po shënon, kemi dhe lojtarë të tjerë të që po bëjnë mirë nëpër kampionatet evropiane. Grupin e kemi, të tjerët që do të vijnë duhet të bëjnë diferencën”.

GRUPI – “Gjatë “Nations League” vura re se kur skuadra hapej në lojë hasnim shumë vështirësi në mbrojtje. Kemi një grup shumë të vështirë. Ekipi si Franca, Islanda dhe Turqia kanë qenë të gjithë pjesë e  Euro 2018”.

SERIOZITETI – “Futbolli ka rregulla. Ka dy mënyra për të punuar, mirë ose keq. Jashtë stërvitjes unë jam një njeri shumë i lirshëm me futbollstiët, por në futboll. Nëse duam të përfaqësojmë një shtet të madh duhet të jemi të gjithë serioz. Gjithmonë do punoj me shumë seriozitet dhe profesionalizëm.

DUKA NË UEFA – “Ai ka arritur diçka të jashtëzakonshme,duke u bërë pjesë e Komitetit Ekzekutiv, të gjithë shqiptarët duhet të jenë krenarë. Po bëhen zyrat e reja, po bëhet një punë e mirë. Ishte një ditë shumë e bukur për Shqipërinë.”

TOMAS GUIDARA – “Gjendja është e tillë unë kam folur me lojtarin, pasi ai ka prejardhje arbëreshe. Është një lojtar me kualitet që luan si mbrojtës krahu. Federata po bisedon me të dhe familjen e tij. Teorikisht ai mund të marrë pasaportën shqiptare, po presim procedurat. Më ka thënë se është shumë i gatshëm për të luajtur për kombëtaren shqiptare. Por duhet të presim, pasi në të shkuarën kam folur me lojtarë që më kanë thënë po, por në fund kanë luajtur për shtete të tjera” , përfundoi Panuçi.

HYSAJ – “Sigurisht, të mos aktivizohesh është gjithmonë një problem. Elsi është një lojtar që punon shumë, futbollist ekspert me shumë eksperiencë dhe një djalë pozitiv, dhe uroj që të luaj ndonjë ndeshje deri në fund të sezonit, që të paktën të jetë në gjendje për të luajtur në grumbullimin e ardhshëm. Sigurisht të luash dy ndeshje në tre ditë është edhe ai i rëndësishëm për ne. Unë në fakt gjithmonë jam munduar t’i ndihmoj të gjithë. Unë kam folur me të dhe është i kënaqur tek Napoli, por një futbollist ndihet mirë kur luan. Napoli do të ketë shumë ndeshje për të luajtur, megjithatë të ardhmen e tij e di vetëm ai dhe menaxheri i tij”. 

GJIMSHITI – “Gjimshiti është një lojtar i mirë dhe tani po aktivizohet dhe po bën paraqitje të mira tek Atalanta duke u përmirësuar shumë. Kjo disi si të them më vë në dyshim nëse do të më duhet të luaj me 3 apo me 4 mbrojtës. Ne si skuadër kemi karkteristikat për të luajtur edhe me tre mbrojtës, por do të thotë që të heqim një nga sulmi. Gjithsesi, më vjen mirë që ai po luan pasi në këto momente kemi edhe Mavrajn të skualifikuar dhe kjo është shumë e rëndësishme”.

MAVRAJ – “Zgjedhjet e Mavrajt janë ato që ai bën vetë, unë gjithmonë kam bërë zgjedhje pa parë moshën, ku luan apo kush je dhe si e ke emrin. Unë besoj se e kam ndihmuar shumë, pasi ishte një vit pa luajtur fare dhe unë e grumbullova. Vendosi të kthehet në Gjermani dhe unë e shoh që aktivizohet, por për të nuk duhet të mendojmë tani është i skualifikuar për 3 ndeshje. I uroj që të jetë mirë dhe të mbaj formën, për të ardhmen të shohim”.

NDRYSHIMET – “Një muaj e gjysmë gati më parë pata thënë që do të bëjmë disa eksperimente dhe do të provojmë gjëra të reja. Mund të përmendim që kanë debutuar 22-23 lojtarë të rinj, por në kombëtare mbetet shumë pak kohë për të punuar. Është e nevojshme që të marrim maksimumin dhe sigurisht unë diçka duhet të ndryshoj. Është faji im, se u mundova që t’i jap një ide kësaj skuadre, por me sa duket nuk ka kohë për t’i dhënë një ide, kemi kohë vetëm për të bërë gjërat mirë. Besoj se do të ndryshojmë diçka duke filluar që nga mënyra e stërvitjes”.

PANKINA E SHQIPËRISË – “Unë jam shumë i kënaqur që jam trajner i Shqipërisë. Sigurisht nuk jam i kënaqur për rezultatet e vitit 2018, por jam krenar që jam trajner i këtij vendi. Një gjë është e sigurt, që kur zgjodha pankinën e Shqipërisë ishte një nga pankinat më të vështira në Europë që mund të zgjidhje. Kjo për faktin që më parë ishte kualifikuar në Kampionatin Europian, në këto kushte e merr ose një i çmendur ose një që beson. Dhe unë jam ende i bindur që kjo skuadër mund të bëjë ende shumë mirë”.

LOJTARË TË RINJ – “Po shohim disa emra të rinj, por jo shumë, pasi grupi bazë është. Kam ardhur këtu të shoh ndeshje të kampionatit shqiptar dhe javën tjetër do të udhëtoj nëpër Europë. Në të vërtetë grumbullimet nuk i bëj unë, por i bëjnë vetë lojtarët. Cikalleshi po bën gola, Durmishaj gjithashtu, Abrashi po rikthehet nga dëmtimi, po i ndjekim”.

OBJEKTIVI – “Synimi është që të bëjmë diçka speciale. Ne jemi grupi i katërt, kemi përpara Turqinë, por edhe Islandën, për të shkuar më tej duhet të bëjmë diçka speciale dhe unë jam i bindur që kemi mundësi. Ndeshja e parë me Turqinë është shumë e rëndësishme pasi ajo mund të na japë një tjetër ekuilibër në grup. Nga Liga e Kombeve, sado negative mund ta quaj, pati edhe një aspekt pozitiv që më shërbeu mua për t’u njohur e për të mësuar më shumë. Preferoj të shoh aspektin pozitiv të gjërave, e shkuara nuk kthehet më”.

Gjëja speciale dhe objektivi është që të renditemi mes dy të parave në këtë grup për t’u kualifikuar, por nuk duhet të harrojmë realitetin dhe të kuptojmë që Shqipëria është në vend të katërt në këtë grup. Nëse do t’ia dalim dhe unë jam i bindur që munde t’ia dalim, atëherë të gjithë jemi të kënaqur, nëse nuk ia dalim dhe Presidenti nuk është i kënaqur Panuci ikën në shtëpi. Por, kjo është gjëja e fundit që mendoj. E rëndësishme është që të bëjmë maksimumin”.

E ARDHMJA – “Nuk më ka telefonuar asnjëherë askush. Nëse nesër do të më telefonojnë Real Madrid, PSG, Partizani apo Kukësi, një sekondë më pas unë do të telefonoj direkt presidentin sepse me të kam një raport shumë korrekt. Por, nuk më ka telefonuar askush. Unë jam shumë i kënaqur që ne vazhduam bashkë përpara, besoj edhe Presidenti që gjithmonë më ka mbështetur dhe më ka mbrojtur. Duhet të them që unë nuk kam as median pas vetes, por jam një njeri serioz dhe Presidenti e di këtë. Sigurisht unë gabova, por nuk besoj që ka njeri që nuk gabon”. 

DUKA – Zgjedhja e fundit e Presidentit të federatës në Komitetin Ekzekutiv të UEFA-s është një lajm shumë i mirë për Shqipërinë dhe për Federatën Shqiptare të Futbollit. Kjo tregon se sa po rritet Shqipëria. Ai është një njeri që e do shumë federatën dhe është një njeri shumë ambicioz. Brenda kësaj periudhe fushate më tepër ka udhëtuar ai se sa një agjenci udhëtimesh. E dëshironte shumë këtë post dhe e arriti, për këtë duhet të jemi të gjithë krenarë për Presidentin tonë. Në rastin tim jam krenar për një mik sepse Duka është edhe një mik dhe unë jam shumë i kënaqur për të”,- u shpreh Panuçi.

Përveç tifozerisë së të dyja skuadrave, të pranishëm në stadiumin kryeqytetas kanë qenë dhe trajneri i kombëtares shqiptare, Kristian Panuçi dhe ndihmësi i tij, Ervin Bulku. Tekniku italian po studion disa lojtarë, kryesisht ato të Partizanit, për t’i grumbulluar me kombëtaren kuqezi.

“Në Glasgou fryn një erë e ftohtë dhe bie shi pa pushim, por tani kam filluar të njoh qytetin dhe më pëlqen, sidomos njerëzit. Dy muaj shumë të vështirë, sepse të tjerët ishin në formë, kurse unë nuk kisha luajtur asnjë ndeshje. Ndeshjet e kombëtares më ndihmuan që të kapja ritmin e garës”.

Xherrard: “Profesionist i vërtetë, modest, shpeshherë luan në stërvitje me ne. Kur humbasim ndonjë ndeshje, më mirë të mos dalim në rrugë atë ditë, por fatmirësisht këtu luhet çdo tre dite dhe gjithçka harrohet shpejt (qesh).

Hera e parë që luajta si titullar, shënova dy gola dhe u zgjodha si lojtari i javës. Ishte vërtetë një ndjenjë e paharrueshme, por gjithsesi do të zgjidhja të fitoja kampionatin sesa të realizoja gola”.

“Defo? Një mit, e ndiqja në televizor te Totenhami, por kemi role të ndryshme.

Panuçi dhe kombëtarja: “Viti i kaluar nuk ka qenë nga më të mirët, por këtë vit duhet të mësojmë nga gabimet dhe të arrimë kualifikimin në Evropian. Panuçi nuk ka pasur faje, e çmoj se është profesionist i vërtetë”.

Kualifikimi në Evropian: “Nuk mendoj se është i vështirë, përveç Francës, është një grup i miksuar mirë, ku secili mund të fitojë me tjetrin”,- u shpreh sulmuesi 23-vjeçar.

GRUPI I EURO 2020 – “Franca është skuadra favorite në grupin tonë. Ne na duhet të bëjmë diçka të veçantë për të mundur Islandën dhe Turqinë. Ndeshjet do të jenë shumë të vështira, por rëndësi ka që të rikuperojmë të gjithë grupin e lojtarëve dhe më pas na mbetet të luftojmë”.

GJENDJA E KOMBËTARES  – “Situata është shumë e keqe. Kemi humbur shumë lojtarë. Viti 2018 ka qenë një seri miqësoresh dhe më pas disa ndeshje të “Nations League”. Po mundohemi të ndërtojmë një grup që të jetë i aftë për të mundur Turqinë dhe Islandën.

FUNDI I KARRIERËS SI LOJTAR – “Vitin e fundit të karrierës  sime e kam kaluar te skuadra e Parmës. Mbaj mend që nuk zgjohesha me të njëjtin entuziasëm e dëshirë. Kur ndodhi kjo e kuptova që duhet ta lija sportin”.

SKUADRA E ZEMRËS – “Kur isha fëmijë isha një tifoz i Interit, kjo për shkak se miqtë e mi më të rritur ishin me atë skuadër. Më pas kur fillova të isha pjesë e futbollit profesionist çdo ndryshoi”.

RAPORTI ME DUKËN – “Për mua ka qenë një vit shumë i vështirë. Ai më ka mbështetur dhe mes nesh ka pasur gjithmonë sinqeritet. Ai e ka kuptuar se nëse do të kishim të gjithë grupin do ishim konkurrues, nga mungesat kemi vuajtur shumë. Punoj çdo ditë për të shpërblyer besimin e tij.

MENTALITETI SHQIPTAR – “Duka ma ka bërë të qartë si funksionon futbolli këtu. Unë nuk doja ta ndryshoja këtë mentalitet. Në çdo fushë të jetës gjërat mund t’i bësh ose mirë ose keq. Nuk ka një rrugë të ndërmjetme. Ai dhe djemtë më kanë ndihmuar të kuptoj shumë gjëra. Po mundohen të risjell profesionalitetin, sepse vetëm me profesionalizëm mund të arrish rezultate të mëdha”.

PRESIONI I MEDIAVE – “Jam mësuar me presionin, por kur skuadra nuk ka rezultate unë vuaj. Për median kam pasur gjithmonë respekt”.

DIKTATORI ? – “Më kanë thënë shpesh se jam diktator për shkak të rregullave që unë vendos. Në çdo familje ka rregulla. Kemi shumë përgjegjësi, duhet të bëjmë maksimumin për t’i dhënë kënaqësi popullit shqiptar”, tha Panuçi.

Italiani tashmë është i larguar, pritet vetëm zyrtarizimi, por ndërkohë duhet menduar për të ardhmen dhe duhet bërë zgjedhja e duhur, për të dalë nga qorrsokaku.

Ndërkaq, specialistët dhe trajnerët e futbollit japin mendimet e tyre për momentin e kombëtares dhe një ndër trajnerët e Superiores, kampion një vit më parë, Ernest Gjoka, për “SportEkspres.com” ka analizuar situatën dhe ka dalë paksa kundër rrymës, duke mos u bashkuar me korin e kritikave dhe duke parë nga e ardhmja, me besimin e kombëtarja mund të rigjejë rrugën drejt sukseseve të viteve të shkuara.

– Gjoka, një koment për ndeshjen ndaj Skocisë, por në këndvështrimin e tifozit.

– Jam ndjerë keq, më ka ardhur shumë keq për humbjen e djeshme. Ajo që më ka shqetësuar dhe mërzitur më shumë nuk është thjesht humbja, sepse humbjet janë normale, ne nuk jemi Gjermania. Befasuese është se ekipi ynë po tregon që po bën hapa pas jo thjesht në rezultate, por mbi të gjitha në filozofinë e lojës. Asgjë nuk po funksionon dhe kjo më bën të ndihem vërtet keq.

– Një koment si trajner?

– Të jem i sinqertë, ne që jemi të kësaj fushe duhet të jemi të kujdesshëm me komentet dhe deklaratat. Është e lehtë të kritikosh, por duhet të jemi edhe pozitivë, për të ndihmuar sadopak ekipin kombëtaren, me dëshirën për të besuar se kjo situatë do të ndryshojë për mirë. Koment teknik nuk mund të bëj në këtë moment, sepse të gjithë e kanë parë ndeshjen, të shumtë janë ata që e kanë analizuar.

– Çfarë duhet bërë për të dalë nga kjo krizë?

– Duhet patjetër që skuadrës t’i zgjohet dëshira dhe në veçanti uria për sukses ,sepse në qoftë se nuk uri për të arritur sukses, atëherë ne humbim identitetin. Duhet të jemi të vetëdijshëm se Shqipëria mund të bëjë gjëra të mëdha vetëm duke vepruar si grup i bashkuar, nga skuadra, te federata, stafi drejtues e deri tek tifozët. Nuk kemi brumë të tillë që të fitojmë ndeshje me një shpikje të ndonjë lojtari, me 2-3 raste të krijuara.

– Të gjithë sulmojnë trajnerin, po skuadra sa mund të fajësohet dhe a ka cilësi e forcë mendore për të dalë nga ky moment?

– Unë shpresoj dhe besoj që kjo kombëtare ka potencialin për t’u kthyer në rrugën e duhur, por në këtë moment ka nevojë për shume dashuri e mbështetje. Ata futbollistë duhet të ndihen jo të masakruar nga të gjithë, është e lehtë t’i hedhësh poshtë në moment krize, por kombëtarja është e jona, ata djem janë tanët, në të mirë e në të keq. I kemi lavdëruar pa masë, janë kthyer në heronj, ndaj nuk është normale që t’i baltosim sapo gjërat nuk funksionojnë.

– A mjafton ndryshimi në drejtim?

– Siç e thashë edhe më lart, së pari vjen skuadra. Trajnerët janë kalimtarë, kanë një mision dhe e çojnë përpara përkohësisht, ndërsa lojtarët zbresin në fushë dhe janë aktorët kryesorë, ndaj ata kanë nevojë për mbështetje.

– Nuk e përmende asnjëherë Panuçin, ndërkohë…

– Unë dua të flas për kombëtaren, nuk dua të merrem me emra të veçantë dhe nuk është as etike të flas për Panuçin. Punën e tij e vlerësojnë rezultatet, që për fat të keq nuk janë të mira, po ashtu e vlerëson Federata Shqiptare, ajo e ka punësuar. Tifozët janë emocionalë, kanë të drejtën e vet edhe të ofendojnë ndonjëherë, kur nuk durojnë më, por gjithçka varet nga rezultatet në futboll, për të gjithë. Me zemër jam në mbështetje të ekipit, ndoshta në stol do duhej një trajner me shumë eksperiencë dhe ky është një mësim i rëndësishëm për të ardhmen, sepse Panuçi mund të jetë penalizuar edhe nga fakti që kishte shumë pak eksperiencë si trajner, përtej emrit të madh si lojtar. Pastaj edhe Shqipëria është ndryshe nga Italia, në çdo drejtim, ndaj nuk është e lehtë të përshtatesh me ambientin, mentalitetin.

Mori vëmendje të madhe situata e Loret Sadikut, i cili fillimisht ishte në listën e trajnerit Panuçi, por më pas lojtari refuzoi të grumbullohej. Nuk ishte i këtij mendimi trajneri, i cili e konsideron pjesë të skuadrës për të ardhmes, edhe pse më vonë u pajtua me idenë se justifikimi i tij se nuk ishte në formën më të mirë duket disi mashtrim, duke parë se ai është një prej lojtarëve me më shumë minuta në skuadrën e tij.

A duhet ta lusim kaq shumë Sadikun, i cili refuzon sërish? Panuçi është i qartë, por vështirë se do të ketë një tjetër shteg për Sadikun. Vetë trajneri u shpreh: “Loret Sadiku, a është vërtet me probleme fizike, kur ndërkohë është titullar gjithnjë në Turqi? Në këtë moment duhet të ruaj ekuilibrat. Nëse pastaj ndonjë lojtar më gënjen, për të mos ardhur në kombëtare, është tjetër diskutim, ndoshta nuk e kupton rëndësinë e të luajturit në kombëtare. Ai më tha që nuk është mirë fizikisht, nuk e di nëse është i lumtur që luan vetëm në Turqi dhe jo në arenën ndërkombëtare. I thashë që kombëtarja është krejt ndryshe nga të luajturit te Kasimpasa, luan kundër kombëtareve më të mira në botë. Për mua nuk është problem, zgjedhjet e mia i bëj, në heshtje, fundja 11 lojtarë do t’i gjej për t’i hedhur në fushë. Uroj ta kërkojnë Reali e Barcelona, por është e vështirë që ta shohin te Kasimpasa, është më e lehtë që ta vënë re duke luajtur për Shqipërinë. E kuptoj zgjedhjen e tij, por unë nuk jam budalla, do vija në kombëtare me motor uji, me vrap. Ai më tha që duhet të mendohet, nuk tha që nuk do vijë. Secili vepron sipas mendjes së vet”.

Ishte disi më e befasishme ajo që tha për Kamer Qakën, kur u pyet se pse nuk ishte në grumbullim. Tekniku italian ishte i qartë duke deklaruar se futbollisti në fjalë është  treguar jo shumë profesionist.  Thirrje e qartë dhe e hapur për lojtarin që në një farë mënyre nënkuptonte “duhet t’i thërrasë mendje”.

“Qaka duhet të rritet pak, për të luajtur në arenën ndërkombëtare, sepse aty duhet më shumë karakter. E kam hedhur në fushë tre herë, dy herë më ka kërkuar ndërrim pas 10 minutash. Uroj ta bëjë hapin e madh, sepse përndryshe nuk më shërben. Duhet të rritet shumë si personalitet”

Temë delikate ishte dhe ajo e Ivan Balliut. Metz ka në dorë nëse mbrojtësi dot bashkohet me skuadrën apo jo, kjo për një arsye burokratike. FIFA e ka të qartë që klubet duhet të njoftohen 14 ditë para për një lojtar që e kërkon kombëtarja, ndërsa skuadra franceze është njoftuar vetëm 13 ditë para. Do të vijë apo jo, as vetë trajneri nuk e di. Ec e merre vesh se kush e ka fajin!

Situatë jo shumë normale, me kaq shumë çështje, pasi nuk po përmendim çështjen e Mavrajt, apo mungesën e Cikalleshi, të Panuçi e kishte gati arsyetimin  tij. Mungesa e minutave tani është bërë hit në konferencat e Panuçit, i cili edhe për Kaçen luajti të njëjtën “kartë”

Kristian Panuçi e ka treguar dhe më parë se nuk pranon asnjë justifikim dhe i do të gjithë lojtarët që ditën e parë që nis grumbullimi, ose në të kundërt, dera është e hapur, Kujtojmë rastin e  Sokol Cikalleshit, i cili në verën e shkuar nuk mund të bashkohej me Kombëtaren për shkak se do të nënshkruante një kontratë të re dhe kërkoi leje disa orë, por pas kësaj kërkese tekniku italian e la jashtë liste për ato ndeshje. Po ashtu kavajasi nuk është një prej të preferuarve të trajnerit aktual.

Një ngjarje e ngjashme duket se po përsëritet, pasi Panuçi i ka kërkuar Mavrajt, që të jetë të hënën me skuadrën në stërvitje me kuqezinjtë. Aris ka kërkuar që lojtari të luajë dhe ndeshjen e të hënës dhe më pas të jetë në dispozicion të Kombëtares, por kjo gjë është refuzuar nga FSHF, gjithnjë pas negociatës me trajnerin, i cili edhe një herë tjetër do të tregojë se rregullat e tij janë të shenjta dhe përjashtim nuk bën askush, madje as kapiteni.

Vetë Mavraj e ka telefonuar Pnauçin, siç mediat fqinje raportojnë, por trajneri nuk ndryshon mendje dhe i qëndron bindjeve të tij se mbrojtësi duhet të jetë me pjesën tjetër të skuadrës. Sigurisht, duke qenë se bëhet fjalë për një ndeshje zyrtare, FIFA i jep të drejtë Kombëtareve që të vendosin nëse do i lejojnë lojtarët e tyre që të kenë ndonjë ditë më shumë leje apo jo, por kjo situatë nuk duket e mirë.

Nuk është e njëjta problematikë për Bashën, i cli për këtë ndeshje është i pezulluar dhe pa problem mund të bashkohet me skuadrën përfaqësuese.

Gjithsesi, skuadra e tij nuk ka mundur që të marrë pikë të plota, pasi skuadra e tij u ndal në barazim 2-2. Lojtari kuqezi luajti për 75 minuta dhe mori edhe karton të verdhë. Durmishaj këtë edicion ka luajtur në 10 ndeshje, ku ka shënuar edhe dy gola. Një tjetër sinjal për trajnerin Kristian Panuçi, se i duhet bërë një vend dhe atij në Kombëtaren e madhe.

Në Holandë, Arbër Zeneli është “njeriu-asist”, pasi ka dhuruar 6 herë pasime për gol. Lojtari i përfaqësueses së Kosovës i ka ardhur sërish në ndihmë skuadrës së tij Hernevenit nw takimin ndaj AZ Alkmar, duke dhënë asistin e golit të parë. 23-vjeçari shërbeu për Vlap, i cili shënoi golin e barazimit të përkohshëm. Zeneli ishte në fushë për 65 minuta.

Mërgim, ka ndryshuar diçka tani që jeni në statusin e kapitenit?
Mund të them se gjithçka është njësoj, por nuk është e vërtetë, pasi është diçka shumë speciale, sepse gjërat i sheh me një sy tjetër, me më shumë thellësi. Edhe trajneri flet ndryshe dhe detyrat i ke më ndryshe. Është performancë ime që peshon më së shumti. Uroj që të jap më të mirën dhe nesër si kapiten.

Si ndiheni më mirë me një mbrojtje me 3, me 4 apo me 5 mbrojtës?
E rëndësishme është që të funksionojmë si një skuadër kompakte. Nuk peshon shumë se çfarë sistemi do luajmë, e rëndësishme është që në fund të ketë sukses. Nuk luan rol vetëm mbrojtja, pak rëndësi ka se sa shumë mbrojtës janë.

Si është gjendja juaj fizike?
Unë jam gati për të luajtur 90 minuta. Jo vetëm për të luajtur, por për të dhënë më të mirën time për ekipin.

Jeni më të përgatitur se kundërshtari në këtë ndeshje?
Në dallim nga ndeshja e një viti më parë dhe kjo e një muaj imë parë ka ndryshuar shumë. Ishte ndeshja e parë e trajnerit të ri në Shqipëri dhe tani janë rritur e janë pak më të fortë. Idenë e trajnerit e shfaqin më mirë. Do të jetë pak më e vështirë pas fitores së fundit që bënë. E kemi analizuar mirë, trajneri na ka përgatitur mirë. Nëse kemi vetëbesim them se do të fitojmë dhe nesër. Është një ndjesi që nuk përshkruhet, kemi vetëbesim nga natyra. Me stërvitjet tona që kemi bërë them se do të mjaftojnë, edhe pse ndryshon klima apo jo. Nuk bën dallim për ne.

Do mjaftonte një fitore 1-0?
Do mjaftonte 1-0, por me 0 në fund është gjithnjë mirë për ne.

“Ne kishim shanset tona, krijuam raste dhe them se e merituam fitoren. E dinim se do të jetë e vështirë që të shënonim ndaj një skuadre si  Jordania, pasi ata do të luanin në mbrojte.  Ishte e vështirë për ne që të depërtonim dhe skuadra u tregua disi konfuze në disa momente”.

“Kemi pak ditë kohë për t’u rikuperuar për ndeshjen e ardhshme. Na penalizuan pak dhe dëmtimet. Tani na duhet të rikuperohemi për ndeshjen me Irzaelin. Hysaj ka luajtur një muaj shumë impenjativ ashtu si dhe Basha e Memushaj. Nuk doja që ti ngarkoja shumë”.

“Skuadra luajti mirë dhe u soll mjaft në mënyrë mjaft profesionale në fushë, Mund ta kishim fituar këtë ndeshje. Vendosa që sot të luanim me tre mbrojtës ,por e them sërish që dëmtimet na kushtëzuan”.

Uzuni bëri një ndeshje të mirë dhe ka mjaft kualitet. Po ashtu edhe Grezda bëri mjaft mirë.

Por, ftesa e Panuçit nuk ka qenë një lajm i mirë për skuadrën ku aktivizohet sulmuesi lushnjar, Albaseten. Kategoria e dytë spanjolle ose siç njihet ndryshe “Segunda Divizon”, nuk ka ndalesë kampionati gjatë periudhës së pushimit të kombëtareve.

Albasetes do i duhet të bëjë pa Manajn në transfertën e 12 tetorit ndaj Malagas, skuadër që mban vendin e parë në renditje. 21-vjeçari është kthyer në një titullar të padiskutueshëm tek ekipi që u transferua në këtë merkato vere. Manaj ka shënuar tre gola në katër aktivizime deri më tani dhe është golashënuesi me i mirë i skuadrës.

Menjëherë pas shënimit të golit, Uzuni zgjodhi të festonte me shqiponjë një sinjal i qartë ky se objektivi i radhës për të është kombëtarja dhe të mendosh se para një viti e gjysmë luante në Kategorinë e Parë me Apoloninë.

Në një prononcim të shkurtër pas përfundimit të ndeshjes Uzuni tha se golin ia dedikonte familjes dhe se ëndrra e tij është një ftesë në kombëtaren shqiptare. “U ndjeva një çlirim i madh për mua, pasi në ndeshjet e kaluar kam qenë i pafat. Golin ia dedikoj familjes sime. Do të punoj fort dhe do jap 100% për skuadrën. Objektivi im është të marr një ftesë nga kombëtarja e Shqipërisë, besoj se nëse vazhdoj të luaj mirë do ta realizoj këtë ëndërr timen”

https://www.youtube.com/watch?v=nRJ7cjkvB6w&feature=youtu.be

Kristina Panuçi është një emër i madh i futbollit botëror dhe sot është i ftuar special në ndarjen e çmimeve të FIFA-s, në “Royal Festival Hall”.

Tekniku italian ka qenë një nga të parët që ka mbërritur në tapetin e kuq, së bashku me Kapelon dhe Van Der Sar. Numri një stolit kuqezi nuk kishte si të mos e pranonte ftesën e nderit në një event kaq të madh.

Në lidhje me deklaratën që ka konfirmuar trajnerin: “Nuk kam bërë ndonjë reagim, por kam dhënë një mendim timin, rreth asaj që dikush e ndërtoi si një situatë. Panuçi nuk del në konferencë për të dhënë kafe, por për t’u përgjigjur dhe unë nuk di që të mos e ketë bërë diçka të tillë. Donim shumë ta fitonim atë ndeshje, edhe ai vetë do donte si çdo futbollit. I tillë është futbolli. Kemi humbur një ndeshje dhe nuk duhet ta trajtojmë si tragjedi. Edhe kur e fitoni nuk mund ta cilësosh finale. Duhet analizuar dhe dalluar problemet. Analizat bëhen dhe kur fitohet. Edhe në fitoren me Izraelin kishte probleme. Rezultati i vë kapak. Nuk duhet dramatizuar. Ishte mendimi im, është një lojë kolektive. Nuk jam i kënaqur për humbjen, por nuk mund ta dramatizoj. Kërkoj dhe nga opinion në përgjithësi, pasi edhe presioni dhe kërkesa është e madhe. Ne kërkojmë nga ata, pasi vetë ata e kanë rritur standardin”.

Shifrat e Panuçit: “Nuk janë shifrat e Panuçit, por të Kombëtares. Nuk janë rezultate e Panuçit, as të De Biazit dhe as të Dukës. Nuk më kënaqin rezultatin. Asnjë humbje nuk më kënaq. Do doja fitore dhe në Skoci. Nuk jemi Italia që nuk ka shkuar në Botëror, por kemi humbur në Skoci. Kundërshtari ka lojtarë që luajnë në Premier League dhe kanë qenë shumë herë pjesë e Kupës së Botës. Nuk thashë që Panuçi është i pagabueshëm dhe lojtarët nuk kanë gjë për të korrigjuar. Më duket se është i orkestruar ky shigjetim ndaj Panuçit”.

Atmosfera në ekip: “Këtë po tentoj të ndryshoj dhe unë. E konsideroj si një faktor shumë të rëndësishëm atmosferën. Këtë gjë duhet të bëjë një president federate, të rregullojë çdo lloj komponenti. Kam kritikuar edhe Panuçin dhe zyrën e shtypit në lidhje me mënyrën se si duhet ta informojmë publikun. I vetmi futbollist që nuk është thirrur në Zvicër ka qenë Agolli, të tjerët nuk kanë qenë të disponueshëm, ose për dëmtimin ose datat nuk ishin të lira nga FIFA dhe klubet nuk i lëshonin lojtarët e tyre. Kishte dëmtime dhe në grumbullim, u dëmtua dhe Lilaj e më pas u aktivizua Ajeti si mesfushor. Ka bërë disa gjëra të detyruara. Unë e respektoj Agollin, si të gjithë ata që punojnë në FSHF, për atë që kanë dhënë. Trajneri i ka thënë që do provojë për ta zëvendësuar dhe kur të jetë nevoja do ta thërrasë. Në shtator e ftoi. Në Elbasan të gjithë menduan se ishte zgjedhje e drejtë aktivimi i Binakut. Nëse nuk do të funksiononte do të aktivizonte një tjetër. Nuk është e vërtetë që nuk ka klimë. Nuk e kam dëgjuar dhe nuk është e vërtetë. Publiku duhet të informohet më mirë, pasi është detyrë e trajnerit dhe zyrës së shtypit që ta bëjë këtë gjë. Nuk e di se pse nuk ka marrëdhënie të mirë me gazetarët siç thoni. Ne nuk jemi në momentin më të mirë të mundshëm, por nuk mund të thuhet se kjo ka ardhur ngaqë nuk janë ftuar në ekip disa lojtarë”.

Deklaratat e Hysajt dhe Memushajt? “Ndryshimi që bëri me Skocinë ishte i njëjti që bëri në Izrael, çka funksionoi, por në Skoci nuk ndodhi kjo gjë. Ishte e njëjta lëvizje”.

A jeni penduar që keni zgjedhur Panuçin? “I kam kërkuar kohë publikut që të mos ushtrojë presion ndaj një njeriu apo ndaj një skuadre. Nuk kemi thënë bëmë mirë apo keq, jemi munduar të bëjmë më të mirën. Kemi pasur trajnerë të ndryshëm të huaj, të cilët kanë pasur të mirat dhe të këqijat e veta dhe do i gjenim 1000 gabime dhe 1000 të mira. Trajneri aktual nuk ka kaq shumë kohë sa për ta vënë kaq shumë në presion. Edhe vetë çdo trajner pasi mbaron loja, edhe pse e ka vendosur vetë ekipin në fushë dhe ka pasur vendimmarrje të plotë, sheh që mund të ketë probleme”.

Sa i shqetësuar është presidenti? “Nuk mund të flas për anën e skemave. Për asnjë ekip nuk mund të thuhet se mund të luhet me një skemë të caktuar. Skuadra ndërtohet në bazë edhe të kundërshtarit që ke përballë dhe skuadrës që ke në dispozicion. Nuk mund të luash me 4-4-2 në çdo ndeshje. Dy trajnerët kroatë që kemi pasur, Kuzhe dhe Bariç dyshonin shumë skemat gjatë 90-minutëshit dhe kjo më pëlqente. I përshtateshim realiteti dhe kundërshtarit. Nëse skemat që ai ndryshon a janë apo jo të suksesshme është një diskutim tjetër”.

Klima jo e mirë? “Futbollisti mund të jetë i pakënaqur dhe pse nuk luan. Një futbollist i diskuton me dikë nuk do të thotë se ka një problem në skuadër”.

Agolli kapiten vetëm një konferenca? “Do doja të ishte dhe një herë 25 vjeç dhe të kontribuonte dhe një herë për ekipin.  Unë do doja të luante gjithnjë”.

Raportet jo të mira mes lojtarëve dhe trajnerit: “Nuk janë të vërteta lajmet që nuk ka raporte të mira mes lojtarëve dhe trajnerëve. Nëse një futbollist që flet kështu, duhet të dijë që problemet duhet t’i zgjidhë brenda skuadrës dhe nuk besoj të jetë e  vërtetë, nëse do të dëgjoja diçka të tillë do tentoja që të riktheja harmonin. Nëse nuk do të rikthehej do të operoja me ndryshime. Lojtarët dhe mund të debatojnë, por kjo nuk duhet të dalë në media”.

Mbështetja ndaj trajnerëve: “Dua t’i mbështes trajnerët për të arritur rezultatin. U kam dhënë shanin që të ecin para bashkë me ekipin. Nuk mund të gjykosh Bogdanin me 3 ndeshje zyrtare. Nuk mund të thuash se duhet të zëvendësojmë një ish-lojtar të Kombëtares me tre ndeshje. Nuk ka pasur paraqitje të dobëta. Duhet të presim ndeshjet zyrtare “.

Biletat: “Do doja që dhe tifozët të vinin pa bileta, por të vetmet të ardhura janë nga bileta dhe të ardhurat mga e drejta televizive. Do doja që t’i hiqja, kemi tentuar që të bëjmë ndryshime në disa raste, nuk kemi vepruar në varësi të gjendjes së skuadrës. Është një kontribut i të gjithëve, vetëm për të ardhur ajo skuadër në Shqipëri shkon në 100 mijë euro, që nuk bëhen me biletat”.

Çfarë ndodh me Panuçin nëse nuk i fiton dy ndeshjet e radhës? “Dua të mendoj pozitiv, uroj të fitojmë dy ndeshjet e radhës. Ne synojmë që të dalim të parët në grup. Dëshira dhe objektivat janë gjëra të ndryshme. Do ishte fatale që dikush të thoshte nuk do fitojmë”.

“Pse vendosa të marr Panuçin? Erdhëm pas një suksesi të madh dhe kishte eufori. Skuadra kishte nevojë për një emër apo staturë apo autoritet që mund ta menaxhojë apo ta drejtojë. Ishte emër i madh i futbollit të luajtur dhe mendova se mund ta drejtojë pas atij suksesi. Nëse do të kisha një Panuç tjetër me të njëjtën karrierë si futbollist, por dhe me nja 20 vite eksperiencë do ta merrja, edhe pse nuk kam mundësi dhe buxhet për ta marrë”.

Paralelizmi me De Biazin: “Edhe me De Biazin kemi pasur një situata të tillë në dy vitet e para, ndërsa më pas situata ndryshoi”.

Panuçi ka hedhur në gjyq ish-presidentin Nishani: “Flasim për ish-presidentin tim dhe nuk do më vinte mirë që të akuzohej nga dikush. Nuk më ka pëlqyer ajo deklaratë. Nuk kemi të drejtë t’i themi dikujt sharlatan. Nuk do ja lejoja vetes që t’i thosha dikujt tjetër sharlatan. Ish-presidenti është një institucion dhe nuk është një tifoz i thjeshtë. Nuk do isha dakord që të akuzoja ish-presidentin tim”.

Një grup lojtarësh kanë dashur që të vijnë të flasin me ju, a jeni në dijeni për këtë situatë? “Nuk kam dijeni dhe do më vinte keq nëse do kishin thënë këtë gjë. Ekipi Kombëtar nuk ka senator, pavarësisht nga mosha dhe janë të barabartë për aq sa japin. Kanë dhënë shumë dhe jam i kënaqur nga kontributi i tyre”.

Trajneri nuk e ka një lider, kemi 5 kapitenë: “Mund të jetë një fazë kalimtare, por vetë trajneri së bashku me lojtarët kanë vendosur se lojtari me më shumë ndeshje në fushë të mbajë shiritin. Ai shiriti nuk të bën dhe as nuk ta heq të qenurit lider. Është e drejta e trajnerit, e parashikuar në kontratë. Nëse do isha unë trajner do të bëja Agollin gjithnjë”.

“Nuk jam i bindur se lojtarët nuk e kanë bërë 100% sepse kanë gabuar. Kjo është lojë dhe gabohet. A ka aq shumë gabime sa ta dëmtojë të qenurit trajner? Unë mendoj që jo. Nuk i ngjan edicioni edicionit. Kemi bërë paraqitje të mirë dhe në të shkuarën me skuadra të mëdha, por jemi mundur dhe me skuadra më inferiore. Ne nuk jemi në momentin më të mirë të mundshëm të viteve të fundit. Uroj që situata të ndryshojë. Kishim lojtarë pa shumë minuta dhe që nuk ishin stabilizuar. Tani, edhe sot janë aktivizuar dhe uroj që të jemi më mirë në të ardhmen”.

Ndeshja me Skocinë: “Nuk mund të futem dhe të analizoj lojtarët në mënyrë individuale. Nuk them se nuk gabuan, pasi nuk do të kishim pësuar. Nuk mendoj se futbollistë e aktivizuar nuk e meritonin të aktivizoheshin”.

Raportet me Panuçin: “Nuk kam raporte me Panuçin, e kam trajner, kam raporte institucionale me të, janë tjetër gjë raportet njerëzore. Nëse nuk do të ishim respektuar nuk do të vijonim me kontratën”.

Mbrojtja e trajnerit: “Duhet të ndihmoj ekipin kombëtar. Dua të menaxhoj situatën dhe të zbutet klima”.

Komentet: “Të drejtë kanë të japin mendimin e tyre gazetarët, specialistët dhe tifozët. Nga ana teknike dhe sportive duhet të flasin ata që janë specialistë futbolli”.

Është ndjerë fakti që Kosova ka Kombëtare më vete: “Do të kishim më shumë alternativa nëse do të ishim vetëm ne, tani kemi dy skuadra. Janë disa kualitete që po bëjnë shumë mirë atje do të ishin alternativa për ne. Jemi dobësuar”.

Kosova: “Kosova ka bërë 4 pikë. Nuk i kam parë ndeshjet pasi kemi qenë paralele. Do doja ta ndiqja në stadium. Është pretendenti kryesor për të qenë kokë grupi”.

Skuadrat zinxhir: “Në një ndeshje është mirë të fitosh dhe lojtarët rriten më shumë kur fitojnë. Objektivi i moshave është që të furnizojë skuadrën A, pasi ajo është skuadra që përfaqëson vendin. Të ndaj trajnerët e moshave për rezultate nuk kemi kohë dhe mundësi për ta bërë. FSHF i kushton shumë vëmendje skuadrave të moshës. Ka shumë më shumë angazhim se në të shkuarën”.

Largimi i Lalës: “Lala është tërhequr vetë nga ekipi Kombëtar për arsye personale, jo sportive”.

Kampionati shqiptar: “Duket shumë kompetitiv. Koha sjell zhvillim dhe ekipet janë përgatitur më mirë. Kanë cilësi. Javët e para kanë qenë të nivelit të kënaqshme dhe uroj të shkojë mirë deri në fund”.

Ligji i sportit: “Është një vendim i nxituar. Nuk jemi në kohën që duhet të largojmë policinë nga shkallët e stadiumit. Është e vështirë që të menaxhohet ndeshja vetëm me stjuardë, është e vështirë nga pikëpamja financiare. Kemi mbi 400 ndeshje në javë, duke përfshirë dhe moshat. Ky është realiteti jonë. Nuk mund të fshihemi. Luajmë në impiante ku nuk ka kushte sigurie. Ky është realiteti shqiptar, që nuk mund ta ndryshojë as Duka dhe asnjë nga ne. Duket e nxituar. E kam kundërshtuar ligjin që ditën e parë. Ky është fakt. Kemi pasur presion nga klubet, kemi bërë takime me policinë dhe kemi kërkuar që të ndryshojë kjo gjë. Nuk e kemi parë të udhës që të ndërpritet kampionati. Nuk bëhet vetëm për në Superiore. Tek moshat mund të ndodhë që një prind të godasë gjyqtarin, por këtu nuk ka asnjë ligj që ta dënojë”.

Si do të evitohen rastet për gjykimin, siç ndodh në fundin e edicioneve? “Uroj mos të ketë gabime siç nuk ka pasur këto javë. Me rritjen e futbollit duhet të rritet dhe niveli i arbitrimit”.

Megjithatë, nervozizmi i trajnerit italian e kishte origjinën jo vetëm te humbja, por edhe tek një episod i ndodhur në dhomat e zhveshjes. Sport Ekspres raportoi dje se kishte pasur të bërtitura nga Panuçi në dhomat e zhveshjes, me zërin që ushtronte deri në korridore, por nuk kuptohej qartë për çfarë bëhej fjalë realisht dhe a e kishte me ndokënd në mënyrë të veçantë.

Sot zbulohet edhe arsyeja e zemërimit të Panuçit, i cili sapo mbërriti në dhomën e zhveshjes pas fishkëllimës finale, gjeti aty disa futbollistë që ishin me telefona në duar. Lojtarët më të rinj, si Manaj apo Prenga, po postimin diçka në rrjetet sociale, një modë shumë e përhapur tashmë, me futbollistët që postojnë në Instagram foto menjëherë pas përfundimit të ndeshjeve.

Një skenë e tillë ka tërbuar trajnerin e kombëtares, i cili ka humbur qetësinë dhe ka shpërthyer, duke thënë ndër të tjera: “A jeni profesionistë, a çfarë jeni? Në vend që të ulni kokën dhe të respektoni rregullat, e keni mendjen tek Instagrami?”.

Qartësisht, diskutimi për ndeshjen kaloi në plan të dytë, pasi Panuçi u ndal te mungesa e disiplinës dhe moskokëçarja për humbjen, ndërkohë që nuk përjashtohet ndonjë masë e ashpër në të ardhmen, me ndonjë lojtar që nuk do të grumbullohet më.

Ansi, sa keq ju vjen që nuk ishit në fushë këtë ndeshje?

Nuk më vjen keq. Jam mësuar. Çdo kapiten e ka për detyrë që të paraqitet dhe të përgjigjet. Trajneri e tha mjaft saktë dhe nuk kam çfarë mund të them më tepër. Çdo lojtari që vjen në Kombëtare vjen për të luajtur. Zgjedhjet i bën trajneri. Më vjen apo jo mua keq nuk ka rëndësi. E rëndësishme është që nesër të marrim një rezultat pozitiv dhe të ecim përpara.

Keni luajtur më parë në Skoci, i keni treguar shokëve për atmosferën këtu?

Shokët e ekipit e kanë parasysh atmosferën që do jetë këtu nesër. Do jetë atmosferë mjaft e mirë për çdo lojtar. Këtë duhet ta shfrytëzojmë pozitivisht, për të dhënë akoma më shumë në lojë, duke futur pa emocione dhe për të dhënë maksimumin.

Çfarë parandjenje ka Agolli, do të jetë në fushë nesër?
Unë kam dhënë më të mirën ën stërvitje., Jam në një formë të mirë dhe më pas nuk e di. Trajneri e tha që nuk e ka zgjedhur akoma formacionin. Uroj të jem!

Komenti juaj për Binakun?
Binaku është paraqitur shumë mirë në ndeshjen e fundit, më bëri përshtypje përshtatja e këtij të riu, pasi ishte hera e parë që grumbullohej. Ishte diçka pozitive. Mund të them fjalë të mira për Gavazajn që luante ndeshjen e parë. E kaluan mjaft mirë këtë provë duke marrë dhe një fitore. Fjalë mjaft pozitive.

Kur trajneri vendosi se eksperimentet nuk po jepnin rezultat?

Nuk duhet të sforcoheni shumë. E kam thënë se do të bënim prova dhe në kualifikuese do të kalonim tek formacioni dhe skuadra solide., E kam thënë dhe e kam rithënë në të gjitha daljet e mia dhe nuk e di pse përdoret fjala eksperiment.

Sa i përket duelit mes Berishës dhe Strakoshës keni më dyshime?

Nuk kam pasur asnjë dyshim për momentin. Strakosha po luante dhe ishte më në formë, ndaj vendosa që të luante ai. Ata janë dy pikat më të forta. Ky është problemi më i vogël që kam.

Si mendoni se do i korrigjojmë problemet që shfaqëm sot për ndeshjen me Skocinë?

Duhet të përmirësohem në daljet tona me topin. Kemi gabuar për fajin tonë dhe jo për meritë të kundërshtarit. Unë këto lojtarë kam dhe duhet të bëjmë kujdes me daljet tona.

Sa i kënaqur jeni me debutuesit?

Jam shumë i kënaqur me tre lojtarët që hodha në fushë, pra Binaku, Gavazajn dhe Gurin.  Gavazaj më ka pëlqyer me kombinimet e ti. Po ashtu dhe Binaku me sigurinë e tij. Guri nuk i shërbeu shumë në pjesën e parë, ai është i rrezikshëm dhe e mbulon shumë zonën e rreptësisë. Nuk i dhamë mundësinë shumë. Jam i kënaqur me atë që ai dha në fushën e lojës.

Pse u zëvendësua Guri?

Nuk e shërbyem Gurin në mënyrën e duhur dhe preferova Balajn për t’i dhënë më shumë thellësi. Kjo ishte arsyeja kryesore.

Cili është objektivi në Skoci dhe a e pretendojmë vendin e parë?

Kur humbet je nën tokë, ndërsa kur fiton mund të shkosh shumë lart. Jam i qetë, duhet të jemi të ekuilibruar dhe me këmbë në tokë. Pas ndeshjes në Skoci do të mendohemi dhe të kuptojmë se cili është objektivi ynë.

Presidenti Duka ka deklaruar se synojmë vendin e parë, e dini këtë gjë ju?

Ne do provojmë, por duhet të punojmë dhe të lodhemi shumë.