“Për të ndjerë që futbolli luhet më tifozë duhet pritur derbi. Jemi mësuar sivjet t’i shohim ndeshjet pa tifozë. Ishte atmosferë elektrizuese dhe bravo të dyja grupimeve. Kur nuk ka incidente, flakadane dhe tymuese janë bukuri. Nuk është ndonjë gjë e madhe se ndërpritet ndeshja 3-4 minuta. Në ndjemë se është një ndeshje mes dy ekipeve më historike në vendin tonë”.

“Nuk buzëqesh sepse nuk më pëlqeu pjesa e parë e Partizanit. Rëndësi ka që ekipi nuk humbi dhe ka rëndësi për vazhdimësinë. Tirana luajti mirë në 45 minutat e para dhe rrezikoi shumë më Ngo. Kishte raste të pastra shënimi dhe meritë ka Alban Hoxha. Tirana kishte hyrë me mendimin për të  fituar. Qenka e thënë që Tirana të mos fitojë sa të jetë Gaz Demi, sikur e ka thënë ai. Pjesë e dytë Gega bëri ndryshime dhe ndryshoi ritmi. Mensah e Duka ishin jashtë manovrës së ekipit. Jorgji nuk i dha një penallti Partizanit, e kishte para syve”, tha Pano.

Blendi Nallbani, ish-futbollist i Tiranës dhe Partizanit, tregoi se kush mund të triumfojë. Në fjalën e tij, Nallbani tha: “Unë parashikoj një ndeshje shumë të fortë, si çdo derbi, si në vitet kur luaja unë. Ka ardhur ora që të fitojë Tirana, sepse ka pesë vite që nuk e bën këtë kundër Partizanit. Jam i bindur që Tirana fiton këtë herë.”

Ndërsa Ledio Pano, ish-futbollist i Partizanit, pranoi se në këtë derbi, nuk ka asnjë skuadër favorite: “Është një ndeshje që tregon fuqinë e kampionatit, është ndeshja kryesore dhe historike për të dy ekipet. Ndryshe nga herët e tjera, besoj do të jetë nga ndeshjet më të bukura. Mund të ketë gola dhe them të fitojë më i miri. Por pa diskutim që fitorja e Partizanit në çdo lloj shifre është kënaqësi më vete”.