panionios

Zyrtare, Durmishaj transferohet te gjiganti grek

Sport Ekspres — Tue, 18 Jun 2019 18:59:26 +0000

Fiorin Durmishaj është larguar nga skuadra e Panionios dhe ka nënshkruar për gjigantin grek, Olimpiakos. Sulmuesi i lindur në Tiranë bëri një sezon shumë pozitiv me Panionos, ku në 27 ndeshje në kampionat, shënoi 6 gola.

Paraqitjet e tij kanë bërë që Olimpiakos të sigurojë kartonin e tij, duke e parë si lojtarin e duhur për të ardhmen. 22-vjeëari ka luajtur për Shqipërinë U21 disa takime, por zgjodhi kombëtaren e e Greqisë për të përfaqësuar, duke u grumbulluar tre herë, por duke mos luajtur asnjë minutë.

VIDEO | Durmishaj i pandalshëm, ndëshkon edhe gjigantët e PAOK

Sport Ekspres — Wed, 27 Feb 2019 18:10:39 +0000

Sulmuesi shqiptar, Florin Durmishaj po kalon sezonin e tij më të mirë në karrierë. 22-vjeçari vazhdon të shënojë dhe të jetë i rëndësishëm për skuadrën e Panionios. Në takimin e sotëm në Kupën e Greqisë përballë PAOK-ut, skuadër që është favorite për t’i shkuar deri në fund këtij kompeticioni, Durmishaj ka shënuar.

Futbollisti kuqezi barazoi shifrat për skuadrën e tij, vetëm 2 minuta pasi e panë veten në disavantazh. Në minutën e 34’, Durmishaj ndëshkon PAOK-un dhe bën që i gjithë stadiumi i vendasve të heshtë. Ky gol është shumë i rëndësishëm sa i takon kualifikimit, pasi në ndeshjen e parë, Panionios ka triumfuar 1-0.

Kupa e Greqisë

PAOK – Panionios 1-1
Bisevar 32’ / Durmishaj 34’

Gati milionat për shqiptarët, Mihaj dhe Rashica në radar

Sport Ekspres — Thu, 14 Feb 2019 15:43:30 +0000

Enea Mihaj dhe Milot Rashica janë dy lojtarët shqiptarë që po shkëlqejnë me skuadra e tyre. Mbrojtësi 20-vjeçar, i cili luan për Panionios, ka qenë një nga futbollistët më të mirë në Greqi këtë sezon dhe ka tërhequr vëmendjen e skuadrave të kreut.

PAOK-u është ekipi i interesuar për mbrojtësin e kombëtares dhe pritet një ofertë zyrtare për shërbimet e tij. Skuadra e PAOK-ut është favorite absolute për të fituar titullin kampion këtë sezon dhe synon të bëjë të njëjtën gjë edhe sezonin e ardhshëm. Në rast të një ofertë të kënaqshme për Panionios, Mihaj do të nënshkruante për kryesuesit e kampionatit në Greqi.

Edhe për Rashicën po përgatitet një ofertë konkrete. Skuadra e Kristal Palas në Premier Ligë me shumë gjasa do të humbasë shërbimet e yllit Uilfrid Zaha dhe zëvendësuesi e tij do të jetë Rashica. 22-vjeçari ka qenë i shkëlqyer për Verderin këtë sezon në Bundesligë dhe Palas ka shfaqur interes. Në rast kalimi në Premier Ligë, Rashica do i bashkohej dy kosovarëve të tjerë, Arijanet Muriç dhe Florian Hadërgjonajt.

VIDEO | Durmishaj ndëshkon PAOK-un, Panionios fiton me përmbysje

Sport Ekspres — Wed, 06 Feb 2019 19:04:52 +0000

Sulmuesi shqiptar Fiorin Durmishaj ka qenë një ndër protagonistët e takimit të parë të çerekfinales së Kupës së Greqisë midis Panioniosit dhe PAOK-ut. Skuadra e futbollistit vlonjat përmbysi kryesuesit e kampionatit grek.

PAOK-u doli i pari në avantazh me anë të polakut sviderksi në minutën e 59-të. Durmishaj ishte iniciatori i përmbysjes së skuadrës së tij, teksa barazoi shifrat e takimit në minutën e 74-të, ndërsa golin e fundit të takimit e shënoi Stavropulos në minutën e parë të kohës shtesë.

Ndeshja e kthimit në Selanik do të zhvillohet pas tri javësh. Ky ishte goli i dhjetë sezonal për Durmishajn, i cili krahas katër golave të Kupës ka regjistruar gjashtë golat në kampionati grek.