panetolikos

Mihaj: Greqia ishte zgjedhja ime e parë, i veçantë debutimi me Shqipërinë

Sport Ekspres — Fri, 29 Mar 2019 11:40:15 +0000

Qendërmbrojtësi i kombëtares shqiptare, Enea Mihaj, ka dhënë një intervistë për medien greke “gazeta.gr”. Futbollisti i Panetolikosit foli mbi pranimin e ftesës për të luajtur për kombëtaren shqiptare

ÇËSHTJA E KOMBËTARES – “Është e vërtetë që në fillim dëshira ime ishte që të luaja me përfaqësuesen e Greqisë, por nuk pati interes nga ana e tyre. Shqipëria bëri përpjekje të forta për gati një vit për dhe unë e vlerësova këtë gjë, ndihem krejtësisht i justifikuar për këtë zgjedhje.”

PANETOLIKOS – “Panetolikos më mori nga Rodesi dhe më plotësoi ëndrrën time. U bëra një futbollist profesionist dhe luaj në Superligë. Çdo ditë punoj fort për skuadrën dhe vetën time, që të përmirësohem ndeshje pas ndeshje”.

MOMENTET MË TË VEÇANTA – “Do të veçoja debutimin time në ndeshjen në transfertë kundër PAOK-ut, fitoren ne Agrinio kundër Panathinaikosit dhe pjesëmarrjen në ligën e kombeve në ndeshjen ndaj Skocisë”.

Mihaj “ogur” për ekipin e tij, çfarë rekordi me të në fushë

Sport Ekspres — Sat, 02 Feb 2019 20:39:10 +0000

Enea Mihaj është një mbrojtës me shumë të ardhme dhe paraqitjet e tij në kampionatin grek të futbollit me skuadrën e Panetolikos kanë qenë shumë pozitive. 20-vjeçari bëri dhe debutimin me fanellën e Shqipërisë në fundin e vitit të shkuar, duke bërë ndeshje të mira.

Mbrojtësi ishte i pafat kur u dëmtua në sfidën kundër Jordanisë dhe mungoi plot 2 muaj. Gjithsesi, tashmë është rikthyer edhe më i fortë se më parë. Mihaj është një lojtar shumë i rëndësishëm për skuadrën greke dhe statistikat e tregojnë këtë gjë.

Me Mihajn në fushë, Panetolikos nuk njeh humbje që nga data 29 shtator të vitit të shkuar (2 fitore dhe 3 barazime). 20-vjeçari është një lider që në moshë të re në prapavijën e skuadrës greke dhe javë pas jave, por merr komplimentet e trajnerit, por dhe të tifozerisë vendase.

E bujshme | Mihaj te Benfika, transferimi thuajse i kryer

Sport Ekspres — Sat, 12 Jan 2019 08:52:59 +0000

Mbrojtësi i kombëtares kuqezi, Enea Mihaj ka bërë ndeshje shumë të mirë për ekipin grek të Panetolikos, si dhe për kombëtaren shqiptare, por një dëmtim i pësuar disa javë më parë i ndali hovin mbrojtësit 20-vjeçar.

Edhe pse ka thuajse 2 muaj që nuk luan, emri i Mihaj është lakuar në merkato dhe sipas mediave greke, mbrojtësi shqiptar është shumë pranë Benfikës. Gjiganti portugez po synon të marrë dy lojtarë te Panetolikos, Livaj dhe Mihaj.

Livaj është vetëm 17-vjeç, ndërsa Mihaj 20 dhe shihen nga Benfika si dy lojtarë që premtojnë shumë për të ardhmen. Sipas raportimeve, klubi portugez nuk synon të shpenzojë para për shërbimet e dy futbollistëve dhe shpreson te një shkëmbim me dy lojtarët e saj, Guga dhe Pedro Amaral.

Të dy lojtarët e Benfikës janë fotografuar në Greqi dhe me shumë gjasa, do të jenë lojtarë të Panetolikos, çka do të shihte Livaj dhe Mihaj të transferoheshin në Portugali, te një nga skuadrat më të mëdha në tokën luzitane.