Panenka

VIDEO | 43 vite më parë lindi “Panenka”, a është kjo penalltia më e shëmtuar?

Sport Ekspres — Thu, 20 Jun 2019 17:03:24 +0000

Në vitin 1976, Antonin Panenka shënoi penalltinë më të bukur dhe më të veçantë, duke mposhtur portierin kundështar me një parabol në qendër të portës dhe duke krijuar një trend. Ky lloj ekzekutimi penalltie mori emrin e legjendës hungareze dhe sot, njihet me emrin “Panenka”.

Në 43 vitet e fundit, janë të shumtë futbollistët që kanë shënuar me një penallti të tillë. Emra si Mesi, Ronaldo, Nejmar, Hazard dhe Pirlo janë vetëm disa nga yjet e futbollit që kanë pasur guximin të provojnë një ekzekutim të tillë.

Në 43-vjetorin e krijimit të këtij ekzekutimi, “Goal” ka shpërndarë videon e një realizimi të një Panenka, por është e vështirë të vendosësh nëse është penalltie më e bukur apo më e shëmtuar. Gjithsesi, një gjë është e sigurtë, nëse lojtari që ka ekzekutuar do ta humbiste penalltinë, një gjobë do të ishte minimumi që do të merrte…

#OnThisDay – 1976

Antonin Panenka introduced the world to a new style of penalty ?

Is this the best/worst Panenka ever?pic.twitter.com/DrWsve6CIB

— Goal (@goal) June 20, 2019

VIDEO | Tentoi “Panenka”, ylli shqiptar bëhet qesharak në Angli

Sport Ekspres — Wed, 13 Mar 2019 21:18:26 +0000

Bersant Celina ka “pushtuar” rrjetet sociale, pasi në takimin e sotëm mes skuadrës së tij, Suonsi, kundër Uest Brom, nuk arriti të shënoj nga pika e bardhë e penalltisë. Jo vetëm kaq, por numri 10 i skuadrës uellsiane tentoi të shënojë me “Panenka”, duke djallosur gjithçka.

Këmba e tij mbështetësë rrëshket në momentin e fundit dhe topi nuk lëviz asnjë metër. Skuadra kundërshtare arrin të largojë sferën nga zona e rreptësisë dhe Suonsi shpërdoron një shans të artë. Celina ka qenë një nga lojtarët më të mirë në “Championship” këtë sezon, pasi ka qenë lojtari më i rëndësishëm për Suonsin, por pas gafës së sotme, të gjithë e kanë kritikuar.

Ramsej në histori, “Panenka” aty ku lindi penalltia e famshme

Sport Ekspres — Mon, 12 Jun 2017 11:01:24 +0000

Aron Ramsej shënon dhe ndonjë personalitet i famshëm nëpër botë ndahet nga jeta brenda 24 orësh: tashmë legjenda urbane që qarkullon në internet është kthyer thuajse në një të vërtetë të pakundërshtueshme.

Në fakt, mesfushori i Uellsit shënoi dje në Serbi dhe ende mallkimi i tij nuk ka goditur, por goli i shënuar me 11-metërsh në Beograd është i rrallë dhe historik.

Ylli i Arsenalit shënoi nga pika e bardhë me një ftohtësi të akullt, duke gjuajtur në stilin e famshëm “Panenka” dhe duke mashtruar totalisht portierin serb.

?: Aaron Ramsey put Wales ahead vs. Serbia with a magnificent panenka penalty. Ice in his vein. #afc pic.twitter.com/kkM5OKcXep

— afcvideo (@afcvideo) June 11, 2017

Ajo që e bën historike 11-metërshin e Ramsejt është se shënoi në të njëjtin stadium ku u shënua edhe penalltia legjendare e shënuar nga Antonín Panenka në vitin 1976.

Sulmuesi i Çekosllovakisë në atë kohë mposhti gjermanin Sep Majer në Kampionatin Europian 1976, pikërisht në stadiumin “Rajko Mitic”.

A e dinte Ramsej që po përsëriste historinë? Nuk dihet ende, por të shënosh një penallti
“alla Panenka”, në shtëpinë e Panenkës, në një sfidë tepër delikate, mes mijëra serbësh gati për të pushtuar fushën, nuk është diçka që ndodh çdo ditë.