Kjo ka bërë që Roma të akuzojë UEFA-n dhe presidenti Xhejms Palota nuk përmbahet: “Vitin e shkuar kërkuam VAR në Champions, sepse na shkatërruan gjysmëfinalen, ndërsa kundër Portos na vodhën sërish, edhe pse ishte VAR. Shik u rrëzua në zonë, VAR e tregon qartë, por nuk jepet asnjë. U lodha nga ky m*t. Dorëzohem”.

JP: “Lo scorso anno abbiamo richiesto il VAR in UCL perché ci avevano rovinato la semifinale e questa sera, nonostante ci fosse, siamo stati derubati. Schick è stato atterrato in area, il VAR lo dimostra, e non viene fatto niente. Sono stufo di questa merda. Non ho più parole!” pic.twitter.com/uHqgJqGKsi

— AS Roma (@OfficialASRoma) March 7, 2019

MANOLAS – Edhe mbrojtësi grek i Romës, Kostas Manolas, është i tërbuar me arbitrin: “Jemi të hidhëruar, sepse patëm shanse për të barazuar, ndërsa më pas na u dha një penallti kundër me VAR. Në të njëjtën situatë, kur ishte penallti e kërkuar prej nesh, arbitri nuk shkoi ta shihte fare. Për mua është e turpshme”.

“Nuk mund ta eliminosh kështu një skuadër që jep gjithçka. Çfarë na tha arbitri për penalltinë që kërkuam në fund? Që e kishin parë arbitrat në VAR dhe nuk ishte asgjë. Pse nuk shkoi ta shihte ai? Kontakti është, neto. Nuk e kuptoj pse këto gjëra na ndodhin vetëm ne. Edhe vjet nuk na dhanë dy penallti, më pas na kërkuan falje. Nuk ka falje, sepse tani është VAR. Duhet të shkosh ta shohësh, që të mos gabosh”.

Nëpërmjet radios Sirius XM, Palota ka folur kryesisht për merkaton, duke nisur nga çështja Malkom, me Barcelonën që ndërhyri në fund dhe ia vodhi sulmuesin Romës. Tani Palota buçet: “Dje Barcelona na kërkoi ndjesë për çështjen Malkom, por unë nuk e pranoj. Vetëm në rast se na shesin Mesin, ndryshoj qëndrim. Malkom dëshironte të vinte në Romë, kishim mbyllur gjithçka, edhe klauzolën prej 120 milionë eurosh për prishjen e kontratës. Nuk ishte firmosur asgjë? Idiotllëk, klubet e dinë si funksionojnë gjërat dhe Barcelona bëri diçka aspak etike dhe morale. Agjenti i Malkom? Ndoshta është idiot”.

Për Alison te Liverpuli: “Një largim i dhimbshëm, por le të bëhemi seriozë, 70 milionë janë shumë, tepër”.

Presidenti vedhekuq ka folur edhe për afrimet: “Duke parë potencialin që kemi në sulm, na duhej një si Pastore, që të shpërndante topin. Klajvert? Është si Alen Ajverson (legjenda e Filadelfias në basketboll), por me këmbë”.

Përgjigja e administratorit të deleguar kuqezi Marko Fasone nuk kishte polemikë brenda, por thjesht habi dhe ftesë për verifikim presidentit të Romës, i cili pasdite vonë ka kërkuar falje publike, me një komunikatë publikuar nga ANSA.

“Kërkoj falje nëse informacioni që kam pasur nuk ishte i saktë. E dua shumë futbollin italian dhe dua që të kthehet në majën e futbollit botëror. Për këtë arsye, pres që të gjitha klubet të japin kontributin e vet për një kampionat më të fortë në fushë dhe ekonomikisht, si po bën Roma. I uroj Milanit dhe pronarëve të tij gjithë të mirat dhe pres me kënaqësi që të bashkëpunojmë me drejtuesit kuqezinj për zhvillimin e Serisë A”.