Palasios

Reali hoqi dorë nga talenti argjentinas, përfiton ekipi anglez

Sport Ekspres — Wed, 22 May 2019 19:10:26 +0000

Reali i Madridit e ka humbur avantazhin që pati krijuar në merkato kundrejt rivalëve për firmën e Ezekiel Palasios. “Los Blancos” ishin gati të shpenzonin plot 20 milionë euro për yllin e River Plejt, por një dëmtim i këtij të fundit bëri që drejtuesit të tërhiqeshin.

Skuadra që ka kaluar në “Pole Position” për shërbimet e 20-vjeccarit, është Arsenali. “Topccinjtë” e duan me doemos sulmuesin në skuadër dhe oferta prej 25 milionë eurosh është bërë gati. Agjenti i futbollistitka folur për “Radio Continental”, ku u shpreh:

“Ishim shumë pranë akordit me një skuadër spanjolle, gjërat ndryshuan. Tani, kemi marrë oferta nga Anglia dhe Gjermania. Palasios do të largohet nga River Plejt këtë verë dhe do të nënshkruajmë me skuadrën që ofron shumën e duhur”, përfundoi agjenti i futbollistit argjentinas.

Reali gati të “rinovojë” skuadrën, piketon talentin e Riverit

Sport Ekspres — Thu, 13 Dec 2018 11:40:05 +0000

Reali i Madridit e ka pikasur dhe një tjetër lojtarë me perspektivë. “Galaktikët” i kanë vënë syrin lojtarit të River Plejtit, Ezekiel Palasios. 20-vjeçari luan prej 3 sezonesh me skuadrën e parë të Riverit dhe tani është gati për të bërë hapin e madh.

Sipas asaj që shkuan “Marca”, Reali është gati që të nisë bisedimet me lojtarin pikërisht pas Botërorit të Klubeve. Argjentinasi është një lojtar me të ardhme dhe e tundon një aventurë në Madrid, por mbeten për t’u parë edhe kushtet e lojtarit.

Reali duket se ka një strategji të re dhe po sheh gjithnjë e më shumë nga tregu i lojtarëve të rinj, duke menduar që në të ardhmen jo vetëm që të ketë sukses me ta, por dhe të bëjë biznes, pasi emrat që janë përfolur së fundmi që mund të afrohen në merkato kanë qenë të nën 21 vjeç.

Reali “prenoton” talentin argjentinas, në Buenos Aires janë të xhindosur

Sport Ekspres — Sat, 03 Nov 2018 12:59:01 +0000

Blerja e parë e Real Madrid në muajin janar pritet të jetë talenti argjentinas Eksekuiel Palasios. Por, kjo trasnfertë nuk ka kaluar pa polemika. Presidenti i River Plejt, Rodolfo D’Onofrio ka shprehur pakënaqëinë e tij mbi mënyrën se si skuadra spanjolle kontaktoi me 20-vjeçarin pa dijeninë e tyre.

“Ndihemi të befasur. Si ka mundësi që një klub si Reali të veprojë në këtë lloj mënyre, duka na anashkaluar neve si klub. Kemi lidhje historike me Real Madridin, që fillojnë që nga koha e Alfredo Di Stefanos. Ata janë një klub që kanë vlera të mëdha dhe s’e kuptoj se si mund t’i hedhin poshtë ato vlera për të marrë lojtarin tonë”, tha presidenti në një prononcim për “MARCA”.

Në ditët në vazhdim pritet që Reali t’i kërkojë falje publike klubit argjentinas, ndërkohë transferimi i lojtarit do të vazhdojë pa asnjë problem. River Plejt do të arkëtojë 20 milionë euro për mesfushorin dhe do ta ketë në huazim deri në fund të sezonit aktual.

Kombëtarja kthehet në makth për Dibalën, talenti 19-vjeçar e lë në stol

Sport Ekspres — Tue, 11 Sep 2018 15:11:13 +0000

Pushimi i përkohshëm i Lionel Mesit u mendua se do t’i jepte një mundësi të artë Paulo Dibalës për të treguar vlerat e tij në kombëtaren argjentinase. Por, trajneri i ri i 2 herë kampionëve të botës ka befasuar me zgjedhjet e tij, duke i besuar disa talenteve nga kampionati argjentinas.

Një ndër lojtarët surprizë është 19-vjeçari i River Plejtit, Eksekjel Palasios. Mesfushori i talentuar impresionoi në takimin e parë miqësor ndaj Guatemalës, ndërsa raportimet e medieve spanjolle raportojnë se tekniku Skalioni do t’i besojë atij një vend formacioni edhe për miqësore e dyta ndaj Kolumbisë.

Situata për yllin e Juventusit nuk po duket aspak e mirë këto kohët e fundit. 24-vjeçari po kalon një moment të keq edhe në Itali, ku stoli ka filluar të bëhet diçka e zakonshme për të, pasi forma e mirë e brazilian Duglas Kosta, e ka bindur trajnerin Alegri të marrë një vendim të vështirë si lënia në stol e Dibalës.