VIDEO | Legjenda Pacquiao sfidon vitet, mund kampionin e botës

Sport Ekspres — Sun, 21 Jul 2019 07:48:27 +0000

Legjenda Manny Pacquiao vazhdon të shkruajë historinë e boksit edhe pse në moshën 40-vjeçare. Filipinasi mundi me vendim të ndarë amerikanin Keith Thurman (10 vite më i ri), duke i marrë këtij të fundit titullin kampion bote të konfederatës WBA në kategorinë welterweight (66.7 kg). Thurman vinte në këtë duel si i pamposhtur me një rekord prej 29 fitoresh (22 nokaute).

Dueli filloi në mënyrë të shkëlqyer për filipinasin, i cili hodhi në tapet amerikanin me një të majtë të fuqishme në raundin e parë. Thurman u ngrit menjëherë dhe në pjesën e mbetur të raundeve filloi të fitonte terren.

Në raundin e 10-të Pacquiao i afrohet nokautit, pasi një grusht i fortë në bark dëmton dukshëm Thurman, por amerikani ia del të mbijetojë me vështirësi deri në fund të raundit. Në përfundim të duelit gjyqtarët dhanë një vendim të ndarë, ku i fituar doli 40-vjeçar, i cili shënoi 115 – 112 në dy prej kartave të gjyqtarëve, ndërsa Thurman ishte në avantazh 114 – 113 në kartën e gjyqtarit të tretë, Glenn Feldmen.

Në përfundim të duelit Thurman nuk kontestoi vendimin e gjyqtarëve dhe përmendi se do të përpiqej që të siguronte një përsëritje të përballjes.

Pakuiao rikthehet në Las Vegas, në janar mbron titullin

Sport Ekspres — Wed, 26 Dec 2018 16:22:00 +0000

Boksieri filipinas Mani Pakuajo do të rikthehet të luftojë në SHBA pas dy vitesh mungesë. Kundërshtari i 40-vjeçarit do të jetë boksieri amerikan Adiren Broner dhe dueli do të zhvillohet në Las Vegas, Nevada.

Pakuajo do të futet në ring për të mbrojtur titullin e “WBA” (dytësor) në peshën “welterweight” (63.5 deri në 66.7 kg). Edhe pse në moshë shumë të madhe, Pakuajo është shprehur se ndihet më në formë se kurrë dhe se dëshiron që të fitojë tituj të tjerë.

Pakuajo është një legjendë e gjallë e sportit të boksit, pasi është boksieri i vetëm në histori që ka fituar tituj kampion bote në tetë divizione të ndryshme peshash.

View this post on Instagram

Good to be back in Los Angeles. #PacquiaoBroner #Jan19

A post shared by Manny Pacquiao (@mannypacquiao) on Dec 25, 2018 at 7:31am PST