Lomaçenko injoron Pakuaion: Një legjendë, por tepër i vjetër

Sport Ekspres — Fri, 07 Dec 2018 20:02:58 +0000

Vasilji Lomaçenko është një ndër boksierët më të mirë në qarkullim. Ukrainasi është në një tjetër nivel përsa i përket kategorisë “lightweight” dhe së shpejti pritet që të kalojë në një divizionin “Light Welteweight”. Por, fillimisht i duhet të mundë ditën e nesërme porto-rikanin Hoze Pedraza.

I pyetur në daljen për shtyp para duelit, nëse do të dëshironte të futej në ring përballë legjendës Mani Pakuajo, Lomaçenko ka dhënë një “jo” të prerë, duke thënë se boksieri filipinas (39-vjeç), megjithëse një legjendë, është shumë i vjetër për të qenë një kandidat i denjë për të.

“Nuk jam duke treguar mungesë respekti ndaj Pakuajos, por nuk dua të rrisë famën time duke mundur një legjendë që i ka ikur koha. Unë e di cila është rruga që duhet të ndjek. Ka shumë boksierë të mirë, që mund të krahason me mua. Karriera e Pakuajos ka mbarur. Nuk dua të bëhem legjendë duke mundur atë”, tha Lomaçenko.

Mejuedhër rikthehet në ring, gjendet akordi me Pakuaion

Sport Ekspres — Mon, 17 Sep 2018 07:43:06 +0000

Flloid Mejuedhër do t’i rikthehet në ring. Boksieri amerikan njoftoi fansat e tij se do të ndeshej përsëri nga boksierit filipinas Mai Pakuaio, me anë të një postimi në rrjetin social “Instagram”. Por, shumë vetë kujtuan se 41-vjeçari po bënte shaka, pasi ai njihet për lojërat e shpeshta dhe mungesës e seriozitetit.

Dueli i fundit e Mejuedhër, ka qenë në gushtin e vitit të kaluar, ku mundi me nokaut irlandezin Konor Mekgregor, duke çuar rekordin e tij total të karrierës me 50 duele, ku ka regjistruar po vetëm fitore, 24 prej të cilave me Nokaut.

Të ardhurat nga përsëritja e ndeshjes me Pakuaion, priten që t’i kalojnë 100 milionë dollarët, me boksierin amerikan që do të përfitojë 70% të të ardhurave, ndërsa pjesa që mbetet do të kalojë në llogarinë bankare të filipinasit. Javën e ardhshme pritet të konfirmohet data dhe arena e duelit.