Pjesa e parë u karakterizua me raste nga të dyja palët. Një veprim individual i Susos i jep avantazhin Milanit, ndërsa në fraksionin e dytë të lojës Borini dyfishon avantazhin, por Bolonja përgjigjet pesë minuta më vonë me Destron.

Në minutën 77-të, Paketa tradhtëohet nga nervat duke shtyrë arbitrin pas një kartoni të verdhë prej të cilit humbi ndeshjen e radhës ndaj Fiorentinës. Gjithsesi për fatin e mirë të Milanit, Bolonja nuk mundi ta shfrytëzonte siç duhej avantazhin numerik, kjo dhe falë disa pritjeve fantastike të Donarumës. Në fund nervat kapën dhe lojtarët e Bolonjës që morën dy kartonë të kuq për shkak të protestave ndaj  arbitrit.

Një tjetër moment pikant i këtij takimi ishte një debat në stol midis Bakajokos dhe Gatuzos, një episod ky që nuk i shpëtoi regjisë italiane.

Milan 2 – 1 Bolonja
Shënues: Suso 37’, Borini 68’ / Destro 82’

Ndeshja e radhës për ekipin e Gatuzos është përballë Parmës. Trajneri ka marrë tre lajmë të mira përpara përballjes që do të zhvillohet ditën e shtunë në drekë.

Alesio Romanjoli dhe Davide Kalabria u larguan të dëmtuar nga sfida me Lacion. Dëmtimet e tyre nuk janë serioze dhe dy mbrojtësit do të jenë gati për transfertën emiliane. Kapiteni do të vazhdojë edhe disa ditë me terapi, por mjekët janë të sigurt që Romanjoli do të jetë nën urdhrat e Gatuzos për “finalen” e radhës.

Gati është edhe Xhanluixhi Donaruma. Portieri i ka lënë pas krahëve problemet dhe pritet të rikthehet në mes të shtyllave. Pak më ndryshe situata e Lukas Paketa. Riaftësimi i brazilianit po ecën mirë, por rikthimi i tij është akoma larg. Objektivi është që lojtari të jetë i gatshëm për ndeshjen e 28 prillit, Torino-Milan.

Për golin e parë Milanit i erdhi në ndihmë fati. Një goditje e Susos pritet nga portieri Kranjo, por fill pas pritjes së bërë nga “gardiani” i Kaljarit, topi përplaset me mbrojtësin Kepiteli dhe përfundon në rrejtë.

Goli i dytë ishte tejet i veçantë. Braziliani Lukas Paketa gjen golin e parë me fanellën e Milanit, i cili shfrytëzoi siç duhet harkimin e Kalabrias, por nuk pati festë nga 21-vjeçari, por vetëm një dedikim për viktimat e zjarrit në akademinë e klubit të Flamengos.

Festës së golave iu bashkua dhe polaku Piatek, i cili gjeti rrugën e rrjetës në minutën e 63-të.

Milan 3 – 0 Kaljari
Shënues: Kepiteli 13′, Paketa 22′ 62′ Piatek

Lajmi është konfirmuar nga media braziliane “globoesporte”, që raporton se 21-vjeçari pritet t’i nënshtrohet analizave mjekësore dhe më pas gjithçka do të bëhet zyrtare.

Paketa luan si mesfushor qendre dhe është cilësuar si lojtari më i mirë i kampionatit brazilian gjatë këtij viti, jo më kot është thirrur grumbulluar dy herë me kombëtaren e Brazilit. Milanit iu desh të mposhte konkurrencën e PSG-së dhe Barcelonës, që treguan interes të madh për brazilianin

Paketa, i cili luan me Flamengon, cilësohet si një ndër futbollistët më premtues të futbollit brazilian. Mesfushori 21-vjeçar ka fituar dhe vëmendjen e trajnerit të “Seleçaos”, Tite, i cili e ka ftuar atë në dy grumbullimet e fundit të pesë herë kampionëve të botës.

Mbetet për t’u parë nëse Leonardo do t’ia dalë ta bindë bashkëkombësin e tij, që në muajt e fundit është vënë në “lupën” e shumë klubeve elitare në Europë, ndër to dhe Mançester Siti. Operacioni për të sjellë Paketën në Milano, mund t’i kushtojë skuadrës së Milanit deri në 40 milionë euro.