Megjithatë, ndodh dhe e kundërta. Historia njeh plot raste ku partneret e sportistëve të ndryshëm kanë tradhtuar në kurriz të bashkëshortëve. Në listën e mëposhtme keni disa nga atletët e njohur që kanë pësuar këtë eksperiencë krejt të pakëndshme

Kevin De Brujn – Karolin Lijnen, “ish” e dashura e Kevin De Brujn ka pranuar tradhtinë ndaj mesfushorit belg. E dashura e mesfushorit u përfshi në një lidhje me portierin e njohur Tibo Kurtua. Në intervistën ku tregoi këtë sekret të jetës së saj, Lijnen tha këtë  veprim e bëri si një formë hakmarrje, pasi pak javë më parë ajo mori vesh se De Brujn e tradhtonte prej kohësh me një prej shoqeve të saj më të ngushta.

Vladimir Kliçko – Në vitin 2009 Vladimir Kliçko filloi një lidhje romantike me aktoren 20-vjeçare Hajden Panëtier. Çifti pati një fëmijë në vitin 2014 dhe gjithçka dukej perfekte, derisa pak muaj më parë ukrainasi zbuloi se aktorja e famshme amerikane e tradhtonte prej vitesh. Divorci erdhi menjëherë dhe Kliçko arriti të siguronte kujdestarinë e vajzës së çiftit pas një procesi të gjatë gjyqësor. Paraqitje, zgjuarsi dhe para pafund, nëse e pëson Vladimir Kliçko, atëherë askush nuk është sigurt.

Majk Tajson – Mbetemi te boksierët. Majk Tajson është ndër ata njerëz që nuk mban sekrete. Amerikani e kujton shpesh në interviste tradhtinë e nga “ish” e dashura. Në fund të viteve 80-të, ish-boksieri i famshëm u trondit kur pa në shtëpinë e të dashurës së tij, Robin Givers, një djalosh të ri të quajtur Bred Pit, asokohe një aktor mesatar, shumë larg statusit prej “superstar” që gëzon gjatë ditëve të sotme. Normalisht Pit nuk doli pa pasoja nga kjo ngjarje, por asgjë serioze. Mund të thuhet se Pit është një njeri me fat, pasi një Majk Tajson i nevrikosur në kulmin e formës fizike do ishte një makth për këdo.

Kristian Lel (2 herë) – Ish-futbollisti i Bajernit të Mynihut Kristian Lel është sportisti që e ka pësuar më keq nga të gjithë.  Në vitin 2010 Lel akuzoi legjendën gjermane Mikale Balak për një lidhje jashtëmartesore me të dashurën e tij Daniela. Madje Kristian Lel zbuloi se Daniela kishe mbetur shtatzënë nga kjo marrëdhënie. Gjithsesi për habinë e të gjithë asnjëra palë nuk vuajti pasoja nga kjo ngjarje. Martesa e Balak vazhdoi normalisht, ndërsa Kristian Lel e fali të dashurën  e tij. Megjithatë, historia bëhet akome dhe më e çuditshme  2 vite më vonë kur mediet gjermane zbulojnë disa mesazhe midis Danielës dhe futbollistit të njohur gjerman, Mesut Ozil, përsëri Lel nuk e vrau shumë mendjen, duke preferuar të mos prishë martesën me modelen gjermane. Ndoshta Lel është njeriu më me faj në këtë histori.

Një video që po bën xhiron e internetit është ajo e Sean Kolashiac, kur ky i fundit i vërsulet grabitësve edhe pse krejtësisht i paarmatosur.

Mesut Ozil’s car got jumped, Kolasinac jumped out and backed the beef. #YaGunnersYa pic.twitter.com/CxsJeiCvxw

— #james (@smhjaames) July 25, 2019

Në fotot e siguruara në mediet angleze shikohet teksa Ozil bisedon me policët pak minuta pas grabitjes. “Daily Mail” raporton se futbollisti ia mbathi nga makina dhe vrapoi drejt një restoranti të njohur turk, ku njihte thuajse të gjithë stafin. Kamerierët dhe punonjësit e tjerë të lokalit dolën në ndihmë të dy futbollistëve dhe detyruan grabitësit t’ia mbathin nga skena e krimit.

Sot, Overmars është pyetur nga gazetarët për mendimin që ka në lidhje me merkaton “e ftohtë” që Arsenali ka bërë deri më tani, ku ka siguruar vetëm shërbimet e Gabriel Martinelit për 6 milionë sterlina. Overmars tha: “Aktualisht ka shumë probleme te Arsenali dhe kjo gjë nuk më pëlqen aspak. Janë në periudhë tranzicioni, e kuptoj, por diçka duhet të ndryshojë sa më shpejt. Ozil duhet të largohet, më vjen keq. Lojtar i madh, por koha e tij ka perënduar.

Kam bërë një bisedë me drejtuesit e Arsenalit, propozova Zijesh për gjysmën e çmimit që kanë blerë Ozil. Përgjigja e tyre ka vonuar shumë. Shpresoj që Arsenali të rikthehet ai i viteve 2000, pasi futbolli anglez nuk është më i njëjti”, përfundoi holandezi.

“Mesut do të qëndrojë te Arsenali të paktën deri në vitin 2021. Tifozët nuk duhet të shqetësohen aspak, pasi ai do të qëndrojë dhe nuk do të ndikohet nga ofertat e tjera. Te Arsenali, ka gjetur një vend shumë të mirë dhe ndihet si në shtëpi. Është i bindur se ka ende shumë gjëra për të thënë”, u shpreh agjenti i Ozil.

Ylli gjerman ka startuar vetëm 20 ndeshje këtë sezon në Premier League, si dhe katër takime i ka nisur nga stoli. Nga muaji nëntor, deri në shkurt, Ozil luajti vetëm katër ndeshje dhe ajo periudhë ishte kur u krijua një sherr mes tij dhe trajnerit të “Topçinjve”.

Emeri nuk e ka kritikuar vetë publikisht gjermanin, por analistë në Angli e kanë kuptuar arsyen për Ozil nuk aktivizohet. Madje, Hurston, një analist i njohur, e ka krahasur me Aron Ramsej, që do të largohet te Juventusi në fund të sezonit.

“Aron e di që do të largohet dhe sërish jep 100% për skuadrën. Kthehet mbrapa, vrapon, ndihmon skuadrën. Ozil? Merr ato para që ka në kontratë dhe qëndron në sulm. Arsenali ka nevojë për lojtarë që vrapojnë dhe mendoj që Ozil do të largohet në verë”, përfundoi Hurston.

Ditën e djeshme në takimin kundër Bornmuth që u mbyll me fitoren 5 – 1 të “topçinjve”, Ozil u rikthye të shënojë në kampionat pas më shumë se katër muajsh.

Ky ishte goli i katërt i Ozil, por pas golave të 30-vjeçarit fshihet një statistikë e pabesueshme. Ozil ka gjuajtur vetëm katër herë portën e kundërshtarëve në 16 ndeshjet e këtij sezoni dhe në të katërta rastet topi ka tundur rrjetën e kundërshtarëve.

Më poshtë, video të katër golave të Ozil në këtë edicion të Premier League.

Goli kundër Njukasëll

Goli kundër Uotford

https://www.facebook.com/Arsenal/videos/2127850054199979/

Goli kundër Lestër Siti

Goli kundër Bornmuth

Në kuadër të ndeshjes që luhet nesër, ka folur përpara mediave numri një i pankinës së londinezëve, Unai Emeri. Trajneri spanjoll, është pyetur mbi çështjen e shumë përfolur të Mesut Ozil, i cili ka luajtur shumë pak këtë sezon, ku përveçse i dëmtuar, në disa raste ka qenë në stol edhe për zgjedhje të vetë trajnerit.

Emeri është përgjigjur se nuk ka asgjë me gjermanin dhe se e vetmja gjë që kërkon nga ai është qëndrueshmëria.

“Çelësi është në duart e tij. Këtë javë ka punuar mirë. Nga ai kërkoj qëndrueshmëri. Duhet të tregojë qëndrueshmëri në stërvitje dhe të mos ketë dëmtime.”

Mesfushori gjerman vazhdon të ngrohë stolin dhe në disa raste, nuk grumbullohet fare, për arsye taktike siç thotë Emeri. Kjo situatë nuk po pëlqehet aspak nga tifozët londinezë, por as nga legjenda të klubit. Rei Parlour, një ish-lojtar i Arsenalit, ka kritikuar ashpër teknikun spanjoll.

“E njëjta gjë i ndodhi dhe me Nejmarin dhe u shkarkua”,- tha fillimisht Parlour për Emeri. “Ozil ka vite që luan këtu dhe jep gjithçka për skuadrën, prandaj më duket si një veprim i pamenduar mirë nga Emeri. Kjo gjë i kushtoi pankinën te PSG-ja, ndoshta do t’i kushtojë dhe pankinën e Arsenalit”,- përfundoi ish-futbollisti, i cili beson se “fuqinë” sot në futboll e kanë lojtarët.

NDESHJA – “Humbëm mundësi të mirë për të marrë tre pikët. Donim të bënim një ndeshje më të mirë, duke parë se sa shumë raste krijuar në krahasim me kundërshtarin, mendoj se nuk e meritonim këtë rezultat. U lamë shumë hapësira lojtarëve të Uest Hemit. Më pas ata shënuan nga një goditje këndi dhe nuk ia dolëm të shënonim në rastet që krijuam në vazhdim”

MUNGESA E OZIL – “Zgjodha lojtarët më të mirë për këtë ndeshje. Fitojmë se bashku e humbin së bashku, ne nuk duam të shesim asnjë lojtar. Ai u stërvit me skuadrën përgjatë të gjithë javës. Thjesht vendosa që të vij me këta lojtarë në ndeshje”, përfundoi tekniku spanjoll.

Sipas gazetarit të njohur gjerman Kristian Falk, lojtari turko-gjerman po negocionte me Interin gjatë dimrit të vitit të kaluar për një transferim në Itali. Asokohe, kontrata e Ozil mbaronte pas gjashtë muaj dhe ish-drejtori sportiv Ualter Sabati kërkonte ta sillte në Milano me kosto 0 me anë të një parakontrate.

Përpjekjet e Interit rezultuan të kota, pasi në fund Ozil rinovoi kontratën me Arsenalin. “Topçinjtë” i ofruan 30-vjeçarit një kontratatë të vlefshme deri në qershor të 2021-shit me një pagë “faraonike” prej 20 milionë eurosh në sezon, që e rendit të dytin në listën e lojtarëve më të paguar në Angli, pas ish-kolegut të tij Aleksis Sançez, që u largua firmos në janar te skuadra e Mançester Junajtid.

Në Gjermani është hapur prej kohësh debati nëse Andre ter Stegen meriton më shumë hapësirë dhe Lëv është dakord: “Ter Stegen është portier i klasit botëror tashmë, por nëse nuk ndodh diçka e jashtëzakonshme, Manuel Nojer do të jetë portieri ynë titullar deri në Euro 2020, absolutisht”.

Me pak fjalë, Ter Stegen mbetet spektator: “Padyshim që ai do të ketë shanset e tij vitin e ardhshme, sepse po luan në nivele të jashtëzakonshme, por Nojer është kapiteni ynë dhe është jashtëzakonisht i rëndësishëmpër lojtarët dhe për ekipin. Nuk dua të ul vlerat e Ter Stegen, por Nojer ështënumri 1, të paktën edhe për 2 vite”.

OZIL – Trajneri i Gjermanisë ka prekur edhe çështjen e Mesut Ozil: “Mbeta jashtëzakonisht i zhgënjyer që ai nuk më informoi personalisht, kur vendosi tëbraktiste kombëtaren. Të gjithë e dinë që unë jam gjithmonë gati të bisedoj,por duhen dy persona për të pasur një bashkëbisedim. Deri tani nuk kam pasur asnjë sinjal prej tij, do të më pëlqente të sillej ndryshe”.

Mesut Ozil është në një moment të vështirë të karrierës së tij, sepse pas problemeve të jashtëzakonshme me kombëtaren gjermane pas Kupës së Botës, tashmë edhe tek Arsenali nuk po shkon mbarë për të.

Mesfushori i famshëm nuk duket një pikë kyçe për trajnerin Unai Emeri, i cili nuk është shqetësuar shumë kur gjermani ka munguar për probleme fizike dhe e ka lënë me gjithë qejf në stol në disa raste.

Pa Ozil Arsenali ka ecur shumë mirë dhe ka vendosur rekord pathyeshmërie për klubin, ndaj tashmë drejtuesit e Topçinjve po binden gjithnjë e më shumë se paga prej 20 milionë eurosh që merr mesfushori është një shpenzim absurd.

Nga Anglia ka zëra se Arsenali kërkon ta largojë që në janar Ozilin dhe do ta nxjerrë në treg me një çmim mjaft të ulët, më pak se 30 milionë euro.

Sipas The Sun, që në fakt nuk është ndonjë burim shumë serioz, Interi është i interesuar, duke parë që nuk ka shans të marrë Luka Modric nga Reali. Natyrisht, pyetja e vetme është: çfarë page mund t’i japë Interi Ozilit, i cili nuk ka shans që të zbresë poshtë 15 milionë eurove?

Gjatë ditëve të fundit, media të ndryshme në Angli dhe Gjermani po flasin gjithnjë e më shumë për varësinë që futbollisti ka ndaj video-lojës së famshme, “Fortnite”. E përditshmja angleze zbuloi se në llogarinë e lojtarit janë të regjistruara deri më tani 5221 ndeshje, një shifër kjo jashtëzakonisht e lartë.

Sipas një doktori gjerman, i cili u intervistua nga “Bild”, kjo rutinë e përditshme e Ozil, ka shkaktuar që riaftësimi i tij të ngadalësohet. Sipas ekspertit, nëse ky aktivitet zgjat mbi pesë orë në ditë si në rastin e lojtarit, dëmet janë të mëdha, sidomos kur kemi të bëjmë me një futbollist profesionist.

“Kishim disa oferta stratosferike nga Azia. Ishin disa oferta të çmendura. Por, për Mesut paraja nuk është faktori kryesor. Edhe pse fitimi është diçka me shumë rëndësi, duhet të shohim dhe për futbollin e luajtur dhe për aftësitë që lojtari ka.

Ozil ka luajtur në shumë skuadra të mëdha, por ka qenë dhe numri 10 te Gjermani kur fitoi Kupën e Botës. Ai bëri një zgjedhje me zemër edhe pse ne ishim të lirë të nënshkruanim me çdo skuadër. Kur unë e pyeta se çfarë do të bënin, ai më tha se Arsenali ishte shtëpia e tij”.

Bie në sy prezenca e 6 lojtarëve, të cilët janë aktivizuar sezonin e kaluar në Premier Ligë. Një statistikë aspak e mirë kjo për kampionat anglez të futbollit. Bonuçi gjithashtu është pjesë e formacionit, Uesli Shnajder bie në sy po ashtu, apo dhe braziliani Ganso.

Në portë Karius, i cili besoj nuk ka shumë nevojë për koment pas paraqitjes që dhuroi në finalen e Champions. Mbrojtja me 3, teksa janë vendosur Lindelof i Mançester Junajtid, Bonuçi dhe Hauedes, i cili nga ana tij thuajse nuk zhvilloi asnjë ndeshje me fanellën e Juventus.

Mesfusha vijon me Bakajoko dhe Shnajder në qendër. Nga krahët, braziliani Ganso dhe Ozil. Ganso u transferua me bujë nga Brazili, por ka rezultuar një dështim i madh. Madje këtë sezon është transferuar në huazim tek francezët e Amiens nga Sevilja. Ozil padyshim pjesë e këtij formacioni dhe nga paraqitja e dobët në Botëror, por edhe fakti që Arsenal nuk arriti në zonën Champions ndikon.

Në majë të sulmit janë Vieto dhe Ihenaço, të cilët mbështeten nga lojtari që paguhet më shumë tek Mançester Junajtid, pikërisht Aleksis Sançez. Sezon zhgënjyes totalisht për kilianin me fanellën e “djajve”, ku dhe ka që ne muajin mars pa gjetur rrugën e golit.

Duket se kjo luftë në distancë nuk ka fund, kjo për faktin e këtë radhë ishte menaxheri i Ozil i cili ka reaguar, duke sulmuar disa nga lojtarët e Kombëtares gjermane, në lidhje me deklaratat e tyre sa i përket çështjes së Ozil.

Erkut Sogyt tregon se si i ka kuptuar deklaratat e lojtarëve të sipërpërmendur pasi klienti i tij kishte marrë vendimin për të lënë Kombëtaren e Gjermanisë: “ Nojer në mënyrë indirekte tha se Ozil nuk e ka mbajtur me krenari fanellën e Gjermanisë. Myler nuk e kupton fare se çfarë po ndodh. Kros, duhet të jetë më i qartë me fjalën ‘marrëzi’. Ata janë ose naivë ose intrigues”.

Po ashtu menaxheri i turko-gjermanit e ka mbrojtur me forcë edhe veprimin e lojtarit të tij për të pozuar me Taip Erdogan.

Sipas “ESPN”, fantazisti është përfshirë në një debat të ashpër me trajnerin Unai Emeri në seancën stërvitore të ditës së djeshme. Tekniku spanjoll mori menjëherë vendimin për të përjashtuar 29-vjeçari nga ndeshja e ardhshme.

Tani mbetet për t’u parë se si do të zgjidhet ky konflikt midis palëve. Fantazisti gjerman është lojtari më i paguar në skuadër dhe një ndër lojtarët me më shuam eksperiencë, prezenca e tij në fushën e lojës jetike për “topçinjtë” dhe me siguri paqja do të gjendet shumë shpejt.

Pritja 12-vjeçare për një kampionat ka bërë të vetën dhe tensioni te fansat e “topçinjve” janë bërë shumë vokal me kritikat e tyre në mediet sociale, ndërsa tani atyre i është bashkuar dhe shtypi britanik, që pas humbjes 3-2 ndaj Çelsit në “Stamford Bridge”, i është vërsulur një nga një lojtarëve të ekipit londinez, si dhe pa kursyer teknikun spanjoll Unai Emeri.

Gazeta më e shitur në Angli “Daily Mail” u tregua e pamëshirshme me notat pas ndeshjes. Vlerësimin me të dobët e ndanë Mesut Ozili me Granit Xhakën, që morën 4.5 “Një pasagjer”, shkruhej për Ozil, ndërsa për Xhakën: S’di të ndalojë topin, s’i ndahet kartonëve të verdhë dhe u zëvendësua që në pushim të pjesëve, o Zot.

“Është vendim personal. Gjithsecili i kërkon vetë arsyet dhe Ozil i ka gjetur. Natyrisht, është një vendim që e pranojmë”, tha Nojer nga kampi stërvitor i Bajernit.

“Është folur e shkruar pa fund për këtë histori. Ka qenë një çështje shumë stresuese për të gjithë. Racizmi? Brenda skuadrës nuk ekziston, kjo është e sigurt. Ne jemi munduar gjithmonë që lojtarët të integrohen më së miri, që të ndihen mirë kur zbresin në fushë”.

Nojer foli edhe për të ardhmen: “Federata Gjermane tani ka për detyrë të strukturojë skuadrën dhe t’i japë asaj një fytyrë. Na duhen lojtarë që të jenë krenarë të luajnë për kombëtaren gjermane. Duhen ndryshime, natyrisht, por jo revolucion total”.

Sot Arsenali është në fushë për miqësoren kundër PSG-së në Singapor, sfidë e vlefshme për turneun ndërkombëtar International Champions Cup, ndërsa Ozil është “graduar” kapiten i “Topçinjve”.

Një gjest që tregon sa shumë besohet tek Ozil dhe sa e duan në Londër, ndërkohë që gjermani shënoi golin e parë të takimit, në minutën e 13-të, duke marrë një pasim perfekt nga Obamejang, i cili u tregua altruist.

Özil goal vs Buffon pic.twitter.com/VQjoZgHNHA

— M1Ö ???? (@MesutOzilClass) July 28, 2018

Ndërkaq, në momentet para fillimit të takimit kamerat kanë një moment të veçantë, sepse gjatë momentit kur skuadrat po bëheshin gati të dilnin nga tuneli që të çon në fushë, arbitri i takimit i kërkoi Ozilit një autograf. I habitur dhe në siklet, Ozil firmosi kartonin e verdhë të arbitrit, i cili e arriti fitoren e vet për sot.

Did Özil just sign the referee's card? ? pic.twitter.com/4WuxaGgcZj

— Terje (@ArsenalTerje) July 28, 2018

I kritikuar para Kupës së Botës për shkak të një takimi me presidentin turk Erdogan, Ozil ishte në shënjestër edhe pas eliminimit të Gjermanisë dhe para pak ditësh theu heshtjen, duke postuar një letër të gjatë në rrjetet sociale, ku lajmëroi tërheqjen nga kombëtarja dhe akuzoi për racizëm ndaj tij.

Mustafi, i cili ashtu si Ozil ishte pjesë e Gjermanisë kampione bote në 2014, ka dalë në mbështetje të mikut të tij: “Më habiti vendimi i tij. Ai u mendua gjatë, mori një periudhë pushimi për të reflektuar. Është një vendim personal, duhet respektuar. Si shok skuadre dhe si mik, i qëndroj pranë dhe nëse ka nevojë për ndihmë, do të jem aty për të. Natyrisht, jam pak i zhgënjyer, sepse mendoj se ai është një futbollist i shkëlqyer, i cili ka dhënë shumë për kombëtaren gjermane. Nga këndvështrimi im, mungesa e tij do të ndihet shumë”.

? @MustafiOfficial #AFCTour2018 pic.twitter.com/hQwXsUE9uv

— Arsenal FC (@Arsenal) July 25, 2018

Ozil tha “mjaft”, nuk e duroi me abuzimin dhe racizmin ndaj tij, duke braktisur kombëtaren gjermane, ndërsa shumë njerëz e mbështetën, edhe pse pati persona që nuk ditën të heshtnin apo të thoshin diçka më mend, si presidenti i Bajernit të Mynihut Uli Hënes, i cili sulmoi Ozilin me fjalor banal si një tifoz injorant (“Mirë që iku, kishte vite që luante si m**).

Tani në lidhje me këtë histori ka folur edhe presidenti turk Erdogan, i cili ka folur në parlamentin turk: “Një sjellje e tillë raciste për shkak të besimit fetar të një personi është e papranueshme, ndaj një personi që ka dhënë gjithçka për kombëtaren gjermane të futbollit. Fola me Ozil të hënën dhe sjellja e tij ka qenë më se e admirueshme, ndërkohë që kritikët e tij nuk mund ta gëlltisin një foto të thjeshtë mes nesh”.

29-vjeçari me origjinë turke ka lajmëruar tërheqjen nga kombëtarja, për shkak të “racizmit dhe mungesës së respektit” në futbollin gjerman.

Ozil shkruan në Twitter se ai u bë “kokë turku”, kurban për dështimin e Gjermanisë në Botëror, ndërsa në adresë të tij shkuan mesazhe kërcënuese dhe raciste.

Tani, pas shumë kohësh në heshtje, ka reaguar Federata Gjermane, që shpreh keqardhjen për vendimin e Ozilit.

DFB shton: “Do dëshironim që Ozil të vazhdonte me kombëtaren, por respektojmë vendimin e tij. Nga ana tjetër, ne si federatë jemi të detyruar të reagojmë në lidhje me disa deklarata të pakuptimta në ton dhe përmbajtje. Ne refuzojmë në mënyrë të prerë çdo akuzë për racizëm. DFB ka qenë aktive në punë integruese në Gjermani prej vitesh dhe ka ndihmuar dhjetëra mijëra refugjatë të integrohen në futbollin gjerman”.

Në lidhje me çështjen Erdogan, DFB shkruan: “Ajo situatë ndoshta nuk u trajtua si duhej nga ne. Është për të ardhur keq që Mesut Ozil ndjeu se nuk ishte mbrojtur sa duhet, pas shënjestrimit nga sloganet raciste. Megjithatë, ishte e rëndësishme që Ozil, ashtu si bëri Gyndogan, të jepte përgjigje për atë foto, përtej rezultatit sportiv në Rusi. DFB nënkupton diversitet, nga rrënjët te maja e futbollit gjerman, duke u përkushtuar te puna e përditshme që në themel të futbollit”.

Presidenti i Bajernit Uli Hënes është treguar harbut: “Më mirë që iku, kishte vite që luante si m** në kombëtare”, ndërsa në media debati është i madh dhe Bild, për shembull, ka dalë hapur kundër mesfushorit, duke publikuar edhe një shkrim redaksional ku sulmon ashpër futbollistin e Arsenalit.

Megjithatë, ka edhe nga ata që nuk përfshihen në këtë luftë dhe një prej tyre është kancelaria gjermane Angela Merkel, e cila respekton vendimin e Ozilit, deklaroi një zëdhënëse e qeverisë gjermane sot.

Pas njoftimit të Ozilit, zëdhënësja e Merkelit theksoi se të gjithë janë të mirëpritur në Gjermani, pavarësisht nga origjina e familjes, ndërsa shtoi se kancelaria gjermane e vlerëson Ozilin.

“Kancelarja e vlerëson shumë Mesut Ozilin. Ai është një futbollist që ka kontribuar zakonishtnisht për kombëtaren. Tani ai ka marrë një vendim që duhet respektuar. Për sa i përket debatit të krijuar së fundi, duhet thënë se rreth 3 milionë njerëz me rrënjë turke që jetojnë në Gjermani janë integruar mirë”.

Ndërkaq, ministrja e drejtësisë Katarina Barlej shkroi në Twitter: “Është një sinjal alarmi kur një futbollist i madh gjerman si Mesut Ozil ndihet i padëshiruar në vendin e tij, për shkak të racizmit dhe për shkak se nuk ndihet i mbrojtur nga Federata Gjermane”.

Es ist ein Alarmzeichen, wenn sich ein großer, deutscher Fussballer wie @MesutOzil1088 in seinem Land wegen #Rassismus nicht mehr gewollt und vom #DFB nicht repräsentiert fühlt. #Özil

— Katarina Barley (@katarinabarley) July 22, 2018

Ndërkaq, ministri i punëve të jashtme Hajko Mas ka bërë thirrje që kjo çështje të mos marrë përmasa më të mëdha nga ç’duhet: “Nuk mendoj se problemi i një miliarderi që jeton dhe punon në Britani flet shumë për integrimin në Gjermani. Sidoqoftë, e vërteta është në fushë. Fakti që Gjermania u eliminua që në grupe në Botëror nuk ka të bëjë me foton e Ozilit me Erdoganin. Të gjithë ata që janë përfshirë në këtë histori duhet të reflektojnë. Në këndvështrimin tim, pak njerëz janë sjellë si duhet në këtë çështje”.

Ozil ngriti problemin e së djathtës në Gjermani, që po ngrihet frikshëm, ndërsa lideri i partisë së djathtë ekstreme, Alternativa për Gjermaninë, Vibke Muhsal, shkroi në Twitter: “Më në fund, bëri atë që pritej prej kohësh. Ozil ankohet për mungesë respekti? Deri tani nuk kam parë prej tij përkushtim ndaj Gjermanisë, as respekt për simbolet e identifikimit, si himni kombëtar gjerman”.

Dafür hat er ja lange gebraucht. Und ausgerechnet #Özil beschwert sich über Respektlosigkeit!? Habe bei ihm bislang weder ein Bekenntnis zu #Deutschland, noch Respekt vor Identifikationssymbolen wie der deutschen #Nationalhymne erkennen können. #DFB https://t.co/GS2faRdpCx

— Wiebke Muhsal (@WMuhsal) July 22, 2018

Hënes, pa qenë fare i përfshirë në debat dhe pa qenë nevoja që të fliste, ka lëshuar një deklaratë të fortë, që mund të përkthehet thjesht RACIZËM.

“Jam i lumtur që mbaroi ky makth. Ai kishte vite që luante si m**“, tha Hënes për Sport Bild, tabloidi i njohur gjerman që e ka sulmuar më pa mëshirë nga të gjithë në ambientin sportiv Ozilin, i cili prej vitit 2009 ka luajtur 92 ndeshje e ka shënuar 23 gola për Gjermaninë.

“Ai fitoi për herë të fundit një përplasje në fushë para Botërorit 2014, ndërsa tani ai dhe paraqitja e tij e m***t fshihen pas një fotografie.

“35 milionë ndjekësit e tij në rrjetet sociale, që nuk ekzistojnë në jetën reale, janë të bindur se ai ka luajtur në mënyrë madhështore kur kryen një pasim të thjeshtë.

“Zhvillimi në vendin tonë është katastrofë. Duhet të kthehemi dhe ta shohim për atë që është: sport. Nga pikëpamja sportive, Ozil ka vite që nuk e meriton vendin në kombëtare”.

Pas deklaratës së parë publikuar në rrjetet sociale, ku shpjegonte se takimi me Erdoganin nuk kishte asnjë sfond politik dhe ishte një takim në respekt të rolit të presidentit të vendit të origjinës, mesfushori gjerman ka sulmuar ashpër të gjithë në Gjermani, me një deklaratë të fortë, e dyta nga tre të tilla.

Ozil e ka me mediat, që kanë kërkuar patjetër lajme të forta në një kohë nuk kishte asnjë lidhje takimi i Ozilit me Erdoganin me paraqitjen e dobët të Gjermanisë në Botëror. Gjithashtu, Ozil ka duar edhe sponsorët e kombëtares, që menjëherë shmangën Ozilin, duke e trajtuar si figurë problematike, në një kohë që edhe Federata Gjermane është në shënjestër, duke qenë se nuk mbajti asnjë qëndrim.

II / III pic.twitter.com/Jwqv76jkmd

— Mesut Özil (@MesutOzil1088) July 22, 2018

Në deklaratë thuhet:

“E di që jam një futbollist që kam luajtur në tre ligat më të forta në botë, ku kam qenë me fat që kam pasur mbështetje nga shokët e stafet drejtues, në Bundesligë, La Liga e Premier League. Përveç kësaj, gjatë karrierës sime kam mësuar si të sillem me mediat.

“Shumë njerëz gjykojnë paraqitjet e mia, herë më duartrokasin e herë më kritikojnë, i pranoj të gjitha, sepse nuk jam futbollist perfekt. Megjithatë, nuk mund të pranoj që mediat në Gjermani të fajësojnë origjinën time dhe një foto të thjeshtë për një paraqitje të dobët të gjithë ekipit në Botëror.

“Disa gazeta gjermane po përdorin origjinën time dhe foton me Erdoganin si propagandë për partitë e djathta në Gjermani, duke publikuar fiton time për të shpjeguar humbjet në Rusi. Nuk kritikuan paraqitjet e mia, as të skuadrës, por thjesht origjinën time turke. Kjo kalon një vijë personale që nuk duhet kaluar, pasi gazetat u munduan të kthejnë kombin gjerman kundër meje.

“Gjithashtu, më duken zhgënjyese standardet e dyfishta të mediave, pasi ish-kapiteni gjerman Lotar Mateus u takua me një lider tjetër botëror (Putin) para pak ditësh dhe askush nuk e kritikoi, askush nuk i kërkoi llogari, për shkak të pozicionin të tij në Kombëtaren gjermane. Nëse unë duhej të mos shkoja në Rusi, po Mateusit, i duhej hequr shiriti simbolik i kapitenit, apo unë jam një shënjestër me e mirë, meqë jam me origjinë turke?

“Kam menduar gjithnjë se partneriteti nënkupton mbështetje, në të mirë e në të keq. Kisha planifikuar të vizitoja ish-shkollën time në Gelsenkirshen, në Gjermani, se bashku me dy partnerë që merren me vepra bamirësie. Kisha themeluar një projekt për një vit ku fëmijët emigrantë dhe ata nga familje të varfra të luanin se bashku dhe të mësonin rregullat shoqërore për jetën. Megjithatë, pak ditë para se të shkoja, të ashtuquajturit partnerë më braktisën, nuk dëshironin të punonin më me mua. Edhe shkolla i tha stafit time se nuk më donte atje, nga frika e mediave dhe nga ngritja e frikshme e partisë së krahut të djathtë në Gelsenkirshen. Kjo më lëndoi pa masë.

“Edhe një sponsor tjetër më braktisi, sponsori i Federatës Gjermane, që nuk më dëshironte më në fushatën e vet publicitare dhe më zhduku nga posterat dhe reklamat e saj, në një kohë që kjo kompani (Mercedes) akuzohet nga një ministër gjerman se përdor teknologji të paligjshme në produktet e veta, por nuk i ndodh asgjë. Në gjithë këtë krizë, Federata Gjermane nuk kërkon asnjë shpjegim nga sponsori. Mos ndoshta është diçka shumë më e rëndë se një foto me presidentin e familjes sime? Çfarë mendon Federata Gjermane për këtë?

“Siç e thashë, partnerët mbështetin njëri-tjetrin në çdo situatë. Adidas, Beats dhe BigShoe janë treguar jashtëzakonisht besnikë dhe të mrekullueshëm, duke dalë mbi idiotllëqet e mediave gjermane. Gjatë Botërorit punova me BigShoe dhe ndihmova 23 fëmijë të kryenin operacione që u shpëtuan jetën, ashtu si bëra edhe në Brazil e Afrikë. Kjo është gjëja më e rëndësishme për mua, por mediat nuk i kushtojnë asnjë rëndësi. Për ta, kanë më shumë vlerë fotoja me një president apo ulërimat e tifozëve në stadium“.

Ozil ka postuar në rrjetet sociale një letër të gjatë, ku shprehet se do ta bënte sërish atë që bëri, edhe nëse do ta dinte rrëmujën që do shkaktonte, ndërsa nuk ka dhënë asnjë sinjal në lidhje me të ardhmen e tij në kombëtaren gjermane.

Ozil shprehet se fotoja e shkrepur në maj me Rexhep Tajip Erdogan u bë për shkak të respektit ndaj pozicionit si kryetari i shtetit turk, përtej personit. Edhe Mbretëresha Elizabeta dhe Kryeministrja e Anglisë, Tereza Mej, vepruan njësoj kur u takuan me Erdoganin, por askush nuk bërtiti për skandal.

The past couple of weeks have given me time to reflect, and time to think over the events of the last few months. Consequently, I want to share my thoughts and feelings about what has happened. pic.twitter.com/WpWrlHxx74

— Mesut Özil (@MesutOzil1088) July 22, 2018

Sipas Ozilit, fotoja nuk ka asnjë mesazh politik dhe nuk duhej marrë si një ndihmë në fushatën elektorale të Erdoganit, pasi në takim u fol vetëm për futboll, ashtu si në takime të mëparshme mes tyre. “Për mua nuk ka ndryshim nëse do ishte presidenti turk, apo ai gjerman”.

Përveç kësaj, mesfushori 29-vjeçar nuk harron të përmendë rrënjët e tij. “Unë kam dy zemra, njëra është gjermane dhe tjetra turke”, shkruan ai. Nëna e tij e ka mësuar që të tregojë gjithnjë respekt dhe të mos e harrojë kurrë nga vjen, shtron Ozil. “Nëse do refuzoja të takohesha me Erdoganin, do mohoja rrënjët e mia”, shton mesfushori.