ozan kabak

U bë “mollë sherri” mes Milanit dhe Bajernit, prezantohet te Shalke

Sport Ekspres — Sun, 30 Jun 2019 12:39:19 +0000

Tani është gjithçka zyrtare. Ozan Kabak është prezantuar si përforcimi më i ri i Shalke 04. Mbrojtësi turk u bë “mollë sherri” mes Milanit dhe Bajern Mynih, ekipe që e kërkonin me insistim.

Megjithatë, në fund 19-vjeçari i befasoi të gjithë dhe la Shtutgartin për t’u transferuar te ekipi i Shalkes.

Lojtari, i cili bën edhe rolin e mesfushorit shkatërrues, ka nënshkruar një kontratë 5-vjeçare me “Blutë Mbretërorë”, të cilët paguan 15 milionë euro në arkat e Shtutgartit.

Një sasi do t’i shkojë Gallatasarajit, pasi kampionët e Turqisë kishin mbajtur disa përqind të kartonit të mbrojtësit turk, kur e shitën në janar të këtij viti në Bundesligë.

?? Schalke 04‘e ho?geldin @ozankabak4! Bize geldi?in için çok mutluyuz! ??

?? Welcome to #S04, Ozan #Kabak! It’s great to see you in Royal Blue! ??? pic.twitter.com/P3KfahvxzL

— FC Schalke 04 (@s04_en) June 30, 2019

Milani nuk ia del, Kabak niset drejt klubit të ri

Sport Ekspres — Wed, 26 Jun 2019 14:27:20 +0000

Talenti turk Ozan Kabak ka qenë një ndër lojtarët më të përfolur të ditëve të fundit. Futbollist i Shtutgartit ishte shumë pranë kalimit te Milanit, por një ndërhyrje e Bajernit të Mynihut në momentet e fundit ka ndryshuar gjithçka.

Sipas medies shtetërore turke “TRT”, destinacioni final i qendërmbrojtësit është Bajerni i Mynihut. Agjenti i lojtarit ka arritur akordin me kampionët e Gjermanisë pas një takimi me shefin klubit Karl-Hainc Rumenige dhe drejtorin Hasan Salihamixhiç.

Kabak u transferua te Shtutgarti në muajin janar. Klubi nga jugu i Gjermanisë shpenzoi 10 milionë euro për kartonin e tij, por rënia në Bundesligën e dytë u ka bërë të mundur klubeve të tjera që të aktivizojnë një kluazolë largimi të vendosur në shifrën e 15 milionë eurove.

Merkato pa “rregulla”, Bajerni befason Milanin

Sport Ekspres — Mon, 24 Jun 2019 12:38:53 +0000

Ozan Kabak dhe Shtutgarti me sa duket po i bëjnë lëmsh të gjithë. Ditët e fundit ishte bërë me dije se gjithçka ishte mbyllur dhe turku do të kalonte te Milani për 17 milionë euro (15+2 bonuse).

Gjithsesi, ditën e sotme “Bild” raporton se Bajerni i Mynihut ka ndërhyrë përsëri dhe Ozan Kabak është drejt bavarezëve. Diçka të tillë e ka shkuar pikërisht Kristian Falk, kryeredaktori i prestigjiozes gjermane.

According to our information: @FCBayern is discussing a Transfer of Ozan Kabak (19). The defender will cost 15 Million Euro @BILD_Sport

— Christian Falk (@cfbayern) 24 juin 2019

Kabak me sa duket do të kalojë te Bajerni për 15 milionë euro, me transferimin që pritet të mbyllet në ditët në vijim.

Gjithçka e kryer, Milani “mposht” Bajernin dhe bën blerjen e dytë!

Sport Ekspres — Sat, 22 Jun 2019 15:55:35 +0000

Milani pasi zyrtarizoi trajnerin e ri Marko Xhampaolo në krye të ekipit, është pëerqendruar krejtësisht te merkato tashmë. Kuqezinjtë kanë siguruar shërbimet e Rade Kruniç fillimisht, i cili do të blihet nga Empoli për 8.5 milionë euro.

Përveç mesfushorit boshnjak, duket se Maldini ka dhe një tjetër dhuratë për Xhampaolon. Bëhet fjalë për Ozan Kabak. Mbrojtësi i Shtutgartit duket se do të jetë blerja e dytë e Milanit.

Diçka të tillë e kanë konfirmuar edhe mediat në Gjermani, me kuqezinjtë që do të paguajnë klauzolën prej 15 milionë eurosh. Bajerni i Mynihut ishte i interesuar gjithashtu për 19-vjeçarin, por me sa duket Milani është treguar më këmbëngulës.

Gjithçka e thjeshtë, objektivi i Milanit ndahet me klubin gjerman

Sport Ekspres — Thu, 20 Jun 2019 21:48:53 +0000

Milani, nën presionin e dënimit për shkelje të ndershmërisë financiare, po mundohet të bëjë një merkato të kujdesshme. Gazidis është përqëndruar te lojtarë që premtojnë për të ardhmen dhe nuk kanë çmim të lartë. Më në fund ka ardhur një lajm i mirë për kuqezinjtë. Ozan Kabak është një prej lojtarëve nën shënjestrën e klubit kuqezi.
19-vjeçari është pjesë e Shtutgartit. Ekipi gjerman ka rënë në Bundesligën e dytë dhe disa nga lojtarët pritet të largohen. Drejtori sportiv i klubit gjerman është shprehur se do e lejojnë të gjejë një ekip tjetër djaloshin turk. “Nuk mendoj se do qëndrojë me në. Në të tilla raste duhet të tregohesh i matur dhe realist”, u shpreh përfaqësuesi i Shtutgart.

Ata e blenë nga Gallatasaraj në muajin janar për shifrën e 11 milionë eurove. Kabak me ardhjen e tij ka spikatur. Ai arrin të luajë si qendërmbrojtës dhe mesfushor difensiv. Për të interesohen edhe klube si Shalke, Arsenal dhe Bajern. Shifra që do e lejonte largimin e tij është rreth 15 milionë euro.

Shtutgarti “hap thesin” për një talent turk, Bajerni fshihet nga pas?

Sport Ekspres — Fri, 18 Jan 2019 17:18:10 +0000

Ditën e djeshme, klubi i Shtutgartit zyrtarizoi transferimin e talentit Ozan Kabak nga Gallatasaraji. Kampionët e Turqisë përfituan 12 milionë euro nga shitja e 18-vjeçarit, i cili është një ndër talentet më premtues që ka nxjerrë akademia e klubit nga Stambolli.

Ndërkohë, media gjermane “Kicker” ka nxjerrë së fundmi një lajm të bujshëm, ku raporton se mbas këtij transferimi relativisht të shtrenjtë për financat e Shtutgartit, fshihet Bajerni i Mynihut. Sipas revistës gjermane, Bajerni ndërhyri në këtë transferim dhe e projektin të riun turk si pjesë të tyre, gjithmonë nëse ky i fundit arrin të përbushë pritshmëritë e tyre gjatë viteve të parë me Shtutgartit.

Der #VfB verpflichtet Ozan #Kabak. Der 18-jährige Innenverteidiger wechselt mit sofortiger Wirkung vom türkischen Spitzenverein @GalatasaraySK zum VfB Stuttgart. Ozan #Kabak unterschrieb nach dem Medizincheck einen Vertrag bis zum 30. Juni 2024. #MERHABAOZAN pic.twitter.com/bvUEUeDOTg

— VfB Stuttgart (@VfB) January 17, 2019

Megjithatë, kjo nuk është hera e parë që Bajerni përfshihet si palë e tretë. Një rast shumë i ngjashëm ka ndodhur me Serzh Gnabri, të cilin Verder Bremen e bleu nga Arsenali pas garancisë së kampionëve të Gjermani, ndërsa më pas Bajerni në pronësi kartoni e tij për tetë milionë euro.