otamendi

Vazhdon kërkimi për pasuesin e Godin, Simeone veçon tre mbrojtës

Sport Ekspres — Mon, 24 Jun 2019 21:41:28 +0000

Atletiko e Madridit interesohet për Mario Hermozon. Spanjolli është një lojtar shumë interesant. Me paraqitjet e tij të mira ai ka tërhequr interesin e klubeve si Barcelona dhe Atletiko. Këta të fundit e kanë jetike ardhjen e një mbrojtësi me cilësitë e tij. 24-vjeçari arrin të mbulojë qendrën dhe krahun e majtë të mbrojtjes.
Çmimi i lartë që Espanjoli i ka caktuar yllit të saj i step disi drejtuesit madrilenë. Katalanasit e vlerësojnë plot 40 milionë euro, ndërkohë që kontrata e tij skadon vitin e ardhshëm dhe Simeone mund të presë për ta marrë falas. Për këtë Atletiko ka gati planin rezervë.

Nikolas Otamendi dhe Dalej Blind janë dy opsionet e tjera në rast të dështimit të operacionit “Hermozo”. Blind ashtu si Hermozo arrin të mbulojë qendrën dhe krahun e difensivës. Gjithsesi, shkëputja nga Ajaksi duket e vështirë. Nikolas Otamendi është mundësia më e arritshme. E vetmja pengesë këtu është paga e lartë që argjentinasi merr te Siti.

Guardiola nuk e do, tri klube “big” në sulm për lojtarin i Sitit

Sport Ekspres — Mon, 10 Jun 2019 15:55:49 +0000

Nikolas Otamnedi nuk e ka vendin të sigurt në “Etihad Stadium”. Mbrojtësi argjentinas nuk ka fituar simpatinë e Guardiolës këtë sezon. Xhon Stons dhe Aimerik Laport janë dyshja më e përdorur e tij dhe pritet të jetë kështu edhe sezonin e ardhshëm. 31-vjeçari ka startuar vetëm 14 ndeshje në Premier Ligë këtë sezon. Kjo situatë e çon argjentinasin drejt largimit në një klub, i cili ka nevojë për të.
Sipas medieve angleze, PSG ka shfaqur interes konkret për Otamendin. Francezët nuk i bind Kimpembe dhe kërkojnë të gjejnë dikë me eksperiencë. Juventus dhe Atletiko e Madridit janë dy klubet e tjera në vëzhgim të situatës së qendërmbojtësit. “Zonja” është në kërkim të një qendërmbrojtësi relativisht të ri dhe që ofron për të ardhmen. Megjithatë, në mungesë të kësaj mundësie, Otamendi do të ishte një blerje mjaft e goditur.

Atletiko është e çmontuar në mbrojtje dhe është e dëshpëruar ta ringrejë këtë repart. Gimenez i duhet një partner i denjë dhe mbrojtësi albiçelest do të ishte një zgjidhje afër perfektes, duke parë tregun. Vlera e tij në merkato është rreth 35 milionë euro. Siti nuk e ka me ngut, kështu që tre klubet që e kërkojnë duhet të mbushin xhepat mirë.

Dëshirë e Simeones, mbrojtësi i Sitit drejt Spanjës

Sport Ekspres — Wed, 01 May 2019 16:50:47 +0000

Atletiko e Madridit do e mbyllë pa asnjë trofe këtë sezon dhe ai brez i artë duket se i ka mbaruar cikli. Emra si Godin, Filipe Luiz, Huanfran, Gabi e shumë të tjerë janë në perëndim të karrierës dhe mbrojtja është reparti të cilin Simeone kërkon ta rinovojë.

Himenez është një pikë kyçe në qendër të mbrojtjes, por Simeone kërkon një tjetër mbrojtës cilësor si partner të tij. Me Godin që me shumë gjasa do të jetë lojtar i Interit, “El Cholo” ka hedhur sytë drejt Anglisë për të gjetur zëvendësuesin e tij.

Sipas “Marca”, Atletiko ka shfaqur interes për argjentinasin e Mançester Sitit, Nikolas Otamendi, pasi ky i fundit e ka humbur besimin e Pep Guardiolës dhe po kërkon një skuadër të re. Me 25-30 milionë euro, Otamendi do të vishte fanellën e kryeqytetasve spanjollë.