33-vjeçari do të jetë një ndër personat “VIP” që do të marrin pjesë në emisionin e RAI “Ballando con le stelle” ose siç njihet me emrin në gjuhën angleze “Dancing ëith the stars”. Një emision ky ku një grup personash të famshëm garojnë në format eliminimi javë pas javë, në bazë të performancave në stile të ndryshme kërcimi.

Ndoshta Osvaldo mund të jetë më i avantazhuar se të tjerët në këtë aspekt, pasi është rritur në Argjentinë një vend që ka traditë të madhe në kërcim dhe natyrisht s’mund të harrohet lidhja e ish-futbollistit me muzikën.

Në një intervistë për medien angleze “The Sun”, 32-vjeçari ka shpjeguar se çfarë e shtyu të linte futbollin  e të niste karrierën si muzikant.

“Shumë njerëz më quajnë të çmendur, pasi thonë: Je i çmendur, po jetoje një ëndërr, po luaje në klubet më të mira botës… Jam i bindur që nuk do më kuptojnë kurrë, por në fund zgjodha të ndjek pasionin tim.”

“Jam një njeri që dua të kem liri në çdo fushë të jetës. Futbolli ka me qindra rregulla dhe kjo nuk më pëlqente. Jam krenar për ato se çfarë kam arritur me anë të futbollit, por në atë sport detyrohesh të jetosh një jetë false”

“Nuk njihesh më si Osvaldo, por thjesht si një atlet me vlerë miliona dollarë, kjo është e vetmja gjë që u intereson njerëzve për ty. U lodha, po çmendesha dhe prandaj vendosa t’i përkushtohem muzikës dhe mund të them se ka qenë një ndër vendimet më të mira që kam marrë ndonjëherë”, tha argjentinasi.