Ostende

Belgët shtojnë konkurrencën për Gurin, marrin ish-sulmuesin e QPR

Sport Ekspres — Mon, 05 Aug 2019 21:15:57 +0000

Sindrit Guri e filloi në mënyrë perfekte sezonin e ri, teksa realizoi një dopietë në fitoren 3 – 1 të Ostendes ndaj Cercle Bruzh. Vitin e kaluar sulmuesi shkodran ishte zgjedhje e dytë ose e tretë pas emrave si Zivkoviç ose De Suter, por tanimë të dy këta lojtarë janë larguar.

Megjithatë, te Ostende kanë menduar për të shtuar konkurrencën në sulm. Mediet belge raportojnë se klubi belg ka arritur akordin me Zulte Varegen për huazimin 1-vjeçar të sulmuesit nga Guinea, Idrisa Syla.

Futbollisti afrikan do të jetë rivali kryesor i Gurit për një vend në formacioni titullar te skuadra belge. Syla, 28 vjeç, ka një ”CV” interesante me eksperienca të mëparshme në ekipe si Anderleht dhe anglezët e QPR.

Guri i motivuar pas dopietës: Ky trajner ka besim tek unë

Sport Ekspres — Sun, 04 Aug 2019 08:28:44 +0000

Sindrit Guri ishte autori i një dopiete në ndeshjen e mbrëmshme ku Ostende mundi 3 – 1 vizitorët e Cercle Bruzh. Sezoni debutues i shkodranit në kampionatin belg rezultoi i lehtë, por edicioni i radhës s’mund të kishte filluar më mirë.

Në intervistën e dhënë për mediet belge në përfundim të takimit, Guri vlerësoi besimin e dhënë nga trajneri i ri, Kore Ingebrigtsen, si dhe bëri një krahasim me trajnerët e shumtë që ai pati gjatë sezonit të kaluar, ku Ostende rrezikoi rënien nga kategoria.

GOLI I PARË – “Të them të drejtën, trajneri më ka thënë që të qëndroj pranë shtyllës së dytë gjatë harkimeve, por si sulmues ndonjëherë e ndjen se ku duhet të jesh në një moment të caktuar”.

“Është një paraqitje që më jep shumë besim dhe më qetëson. Një sulmues që shënon është një sulmues i gëzuar. Trajneri i ri më jep më shumë besim. Tani trajneri udhëzon skuadrën të më pasojë më shumë dhe të luajmë futboll më të bukur. Më duhet ta falënderoj. Sezonin e kaluar trajnerët nuk patën shumë besim tek unë. Vetëm vrapoja pafund.”.

Guri fantastik, gjen golin me Ostenden dhe ka një dedikim të veçantë

Sport Ekspres — Sat, 03 Aug 2019 18:51:26 +0000

Sidrit Guri e ka nisur në mënyrën më të mirë të mundshme sezonin e ri. Sulmuesi kuqezi ka shënuar golin e parë për ekipin e Ostendes në takimin kundër Cercle Bryzh, takim i vlefshëm për javën e dytë të kampionatit belg.

Në javën e parë, Guri mungoi për shkak dëmtimi, por sot e nisi si titullar takimin dhe iu deshën vetëm 32 minuta për të shënuar. Pasi gjeti rrjetën me një gjuajtje me kokë, Guri i dedikoi golin bashkëshortes së tij, që pret të vijë në jetë fëmija i tyre.

Debutim zhgënjyes i Kompani, skuadra e Gurit befason Anderlehtin

Sport Ekspres — Sun, 28 Jul 2019 14:42:59 +0000

Vinsent Kompani ka debutuar ditën e sotme në të parën sfidë si trajner. Futbollisti i njohur belg është njëkohësisht lojtar dhe trajneri i “gjigantit” belg, Anderleht. Në ndeshjen e parë të sezonit të ri skuadra nga Brukseli është mundur nga modestët e Ostendes me rezultatin 2 – 1.

Tifozët e Anderleht përgatitën një koreografi gjigante në nder të rikthimit të Kompani në klub pas më shumë se një dakade.

Sulmuesi shqiptar Sindrit Guri pritej të ishte në formacion e Ostendes në këtë 90-minutësh, por një dëmtim i lehtë i ditëve të fundit e ka bërë të pamundur grumbullimin e shkodranit për këtë takim.

Për momentin Guri është i vetmi qendërsulmues në radhët e Ostendes. Në mungesë të ish-lojtarit të Kukësit, trajneri i Ostendes, iu desh të përshtaste një mesfushor.

https://www.youtube.com/watch?v=NXFJBWzSXVg

VIDEO | Guri në formë të shkëlqyer, gjen rrjetën e dytë radhazi

Sport Ekspres — Sat, 20 Jul 2019 15:21:54 +0000

Sindrit Guri duket në një formë shumë të mirë. Sulmuesi kuqezi shënoi në miqësoren kaluar për Ostenden dhe sot përballë AZ Alkmar, ka shënuar sërish. Bomberi shkodran, tashmë me numrin 9 në shpinë, vazhdon të tregojë një ritëm të kënaqshëm dhe ka hedhur kandidaturën për të qenë titullar i padiskutueshëm në sezonin e ardhshëm për skuadrën belge.

Ndeshja mes AZ Alkmar dhe Ostendes u luajt në kushte shumë të vështira atmosferike, pasi kishte reshje të dendura dhe të pandërprera shiu. Megjithatë, kjo gjë nuk e pengoi ish-sulmuesin e Kukësit të gjente rrjetën, në minutën e 43′. Takimi mes ekipit holandez dhe atij belg u mbyll në minutën e 44’, pasi ishte e pamundur të luhej në kushtet e krijuara atmosferike.

Guri gjen rrjetën, sulmuesi kuqezi duket gati për sezonin e ri

Sport Ekspres — Tue, 16 Jul 2019 19:58:45 +0000

Më në fund sulmuesi shqiptar, Sindrit Guri, ka gjetur rrjetën me ekipin e Ostendes në këtë fazë parasezonale. Pas katër ndeshjeve miqësore “thatë”, Guri ka arritur të shënojë për ekipin belg, në takimin miqësor të sapombyllur kundër Zulte Varengem.

Sulmuesi kuqezi i dha barazimin skuadrës e tij në minutën e 56-të të takimit, gol që vendosi dhe rezultatin final të sfidës 1-1. Sezoni i shkuar, ishte me shumë ulje-ngritje për bomberin shkodran, që synon të bëjë një edicion më pozitiv në 2019/20.

Miqësore, 16 korrik 2019 (19:00)

Zulte – Ostende 1-1
Bjordal 45’ / Guri 56’

VIDEO | Vrushaj ndëshkon Gurin, Kaçe dhe Mihaj titullar te PAOK

Sport Ekspres — Sat, 06 Jul 2019 15:13:06 +0000

Futbollistët shqiptarë po aktivizohen me klubet e tyre në kuadër të fazave përgatitore. Sulmuesi shqiptar Sindrit Guri është aktivizuar nga minuta e parë me Ostenden në miqësorën ndaj Vilem II. Skuadra e Gurit është mundur nga ekipi holandez me rezultatin 2 – 1, ku një prej golave u shënua nga sulmuesi shqiptar Marios Vrushaj.

Kampionët e Greqisë, PAOK, zhvilluan një takim miqësor ndaj danezëve të Nordsjaelland. Dy futbollistët shqiptarë Enea Mihaj dhe Ergys Kaçe e nisën nga minuta e parë këtë takim ku skuadra greke fitoi me rezultatin 3 – 0.

Ylber Ramadani i ka dhënë fund takimeve dhe është rikthyer në Danimarkë te Vejle. Mesfushori shqiptar është aktivizuar në miqësoren e sotme kundër Esbjerg, ku skuadra e tij fitoi 1 – 0.

Trajner i ri për Gurin, Ostende i beson një eksperti norvegjez

Sport Ekspres — Mon, 06 May 2019 14:57:57 +0000

Klubi i Ostendes, pjesë e secilit është sulmuesi shqiptar Sindrit Guri, ka njoftuar trajnerin që do të udhëheqë ekipin gjatë sezonit të ardhshëm.

Norvegjezi Kore Ingebrigtsen është prezantuar sot nga drejtuesit e klubit. Tekniku 53-vjeçar vjen eksperience te Rossenborg në Norvegji, skuadër ku fitoi tri kampione radhazi dhe dy kupa.

Në fjalët e tij të para si trajner i Ostendes, norvegjezi u shpreh se ishte i lumtur që iu dha mundësia të punonte në një klub jashtë atdheut të tij. Ndër të tjera Ingebrigtsen tha para gazetarëve se drejtuesit e klubit kanë një plan ambicioz dhe përforcime janë piketuar që tani.

E ardhmja e Sindrit Gurit te klubi belg mbetet ende në pikëpyetje. Futbollisti shkodran ka shënuar 2 gola në 28 paraqitje në kampionat, ku më së shumti aktivizohet si zëvendësues. Kontrata e 25-vjeçarit me Ostenden zgjat deri në qershor të vitit 2021.

VIDEO Asist dhe tension, Guri i bën të gjitha në Belgjikë

Sport Ekspres — Sat, 02 Mar 2019 20:57:27 +0000

Sidrit Guri vazhdon të luajë rregullisht për skuadrën e Ostendes në Belgjikë, por goli po mungon për ish-sulmuesin e kombëtares kuqezi. Edhe në takimin e sotëm kundër Bereven, Guri nuk arriti te goli.

Përveçse goli i mungoi, 25-vjeçari u ndëshkua dhe me karton të verdhë në minutën e 73’. Megjithatë, sulmuesi shkodran bëri një ndeshje të mirë, pasi në golin e vetëm të skuadrës së tij, ishte ai që asistoi, gol që do të ishte shumë i rëndësishëm për rezultatin final të sfidës, e cila u mbyll 1-1.

Belgjikë, java 28

Ostende – Berenven 1-1
Sakala 60′ / Lombaerts ag. 68′

VIDEO | Merr fund pritja, Guri gjen golin në kampionat

Sport Ekspres — Sat, 23 Feb 2019 20:41:15 +0000

Sindrit Guri është rikthyer të shënojë në kampionatin belg pas më shumë se gjashtë muajsh. Sulmuesi shkodran barazoi shifrat në takimin midis Ostendes dhe Cercle Bryzh me anë të një goditje me kokë në minutën e 75-të.

Goli i fundit i Gurit në kampionatin belg datonte më 5 gusht, ku gjeti rrugën e rrjetës përballë Anderlehtit. Që prej asaj ndeshjeje Guri nuk arriti të gjente golin në 16 ndeshjet e ardhshme ku u aktivizua.

Gjashtë minuta më vonë futbollisti shqiptar fitoi një penallti për të tijtë që u ekzekutua nga belgu Bonen, që edhe pse gaboi në ekzekutim e shleu duke shtyrë topin në rrjetë pas pritjes së portierit. Avantazhi i Ostendes zgjati pak, pasi në minutat e fundit të takimit Kilian Hazard barazoi shifrat në 2 – 2.

VIDEO | Guri djeg shansin, Vrushaj vazhdon të shkëlqejë në Holandë

Sport Ekspres — Sat, 02 Feb 2019 20:08:05 +0000

Mario Vrushaj duket një bast i fituar i Vilem II. Sulmuesi me origjinë shqiptare vazhdon të shkëlqejë për skuadrën holandeze dhe në takimin e luajtur sot përballë Groningenit, shënoi sërish. 20-vjeçari është një rrezik konstant nga krahu i majtë për çdo kundërshtar dhe këtë gjë po e tregon ndeshje pas ndeshje, në nivelet më të larta.

Vilem II po mposhtej 0-2 nga Groningen në pjesën e parë, por që në startin e së dytës, Vrushaj hapi llogaritë e takimit, duke ngushtuar diferencat.

Në Belgjikë, Sidrit Guri luajti 90 minuta për ekipin e Ostendes, por nuk arriti të lërë gjurmë. Për më tepër, sulmuesi kuqezi u ndëshkua dhe me karton të verdhë, një ndeshje për t’u harruar për të.

VIDEO | Guri rikthehet te goli, shijoni rrjetën e sulmuesit kuqezi

Sport Ekspres — Thu, 10 Jan 2019 16:24:15 +0000

Sidrit Guri i ka dhënë fitoren skuadrës së Ostendes në miqësoren kundër holandezëve të Utreht. Sulmuesi kuqezi shënoi golin e fitores në minutën e 78’ të takimit, duke plotësuar përmbysjen për skuadrën e tij.

Edhe pse nuk ka kaluar një sezon të mirë deri më tani, duket se drejtuesit e klubit belg kanë ende besim te bomberi shkodran. Drejtori sportiv i Ostendes, Hugo Brus pati deklaruar më herët se besimi nuk mungon te Guri dhe tha se duhet t’i jepej kohë për të treguar potencialin e tij

“Po, e di që Guri ka shënuar vetëm një herë, por le t’i japim kohë. Nëse shënon 27 gola në Shqipëri në një vit, do të thotë që e ke idenë si shënohet”,- tha Brus për “Het Nieuçsblad”.

Miqësore

Utreht – Ostende 1-2
Shënues: Venema 64’ / Batalie 74′, Guri 78’

Vetëm nga një pikë për Grezdën e Rashicën, Guri feston nga stoli

Sport Ekspres — Wed, 19 Dec 2018 21:53:07 +0000

Eros Grezda luajti për 84 minuta në transfertën e Rejnxhërs ndaj Hibernian. Ndeshja u mbyll me rrjeta të paprekura. Ndërkohë, kundërshtarët e Selltik nuk gabuan dhe marrin sërish kreun me vetëm një pikë më shumë.
Nuk ka shkuar më shumë se barazimi dhe Verder Bremeni i Milot Rashicës. Skuadra e sulmuesit nga Vushtria barazoi ndaj Hofenhajmit me rezultatin 1 – 1. Rashica u fut si rezervë në minutën e 63-të.

Në Belgjikë u luajtën çerekfinalet e Kupës. Sindrit Guri pa fitoren e 0 – 1 të Ostendes ndaj Ojpenit nga stoli i rezervave. Sulmuesi shkodran kishte pasur një ecuri të mirë në takimet e mëparshme të kupës, ku kishte shënuar në të dyja takimet e tureve të pëparshme, por mesa duket, cilësia e kundërshtarit ka bërë që trajneri i ekipit belg t’i besojë titullarëve këtë takim.

Kupa fat për kuqezinjtë, Guri rikthehet të shënojë

Sport Ekspres — Wed, 05 Dec 2018 20:56:17 +0000

Sidrit Guri, i cili aktivizohet në Belgjikë është rikthyer të shënojë, teksa Ostende luan në transfertë ndaj Muskronit të Mërgim Vojvodës. Sulmuesi shkodran ka shënuar golin e dytë, ku i dha avantazhin për pak minuta ekipit të tij, pasi vendasit barazuan përsëri shifrat në 2-2 brenda pak sekondash.

Koha e rregullt e sfidës është mbyllur në barazim 2-2 dhe tashmë do të duhet koha shtesë, ndoshta dhe goditja e 11-metërshave për të mësuar se kush do të kalojë më tej. Ndeshja është e vlefshme për turin e 1/8-ave të kupës së Belgjikës.

Ky është goli i dytë për sulmuesin tonë në kupën e Belgjikës, pas golin të shënuar në fitoren 1-3 ndaj Hogstraten. Kujtojmë, Sidrit Guri u transferua nga Kukësi te Ostende verën e këtij viti. Duket se kupa sjell fat për lojtarët kuqezinj, teksa një ditë më parë, ishte Sokol Cikalleshi që shënoi për Gëztepen.

Klubi mëmë i Gurit, në FIFA kundër Kukësit e Ostendes!

Sport Ekspres — Sat, 13 Oct 2018 08:23:34 +0000

Shitja e Sindrit Gurit nga Kukësi u bë për shifrën e 710 mijë eurove dhe sigurisht që te klubi verilindor janë të kënaqur me atë që kanë përfituar. Por tanimë ka dalë një problem që ka të bëjë me pagimin e taksës së solidaritetit të lojtarit.

E parashikuar nga rregullorja e FIFA-s, ajo duhet të paguhet dhe është KF Shkodra që kërkon të marrë atë që i takon. Bëhet fjalë për shumën e 10 mijë eurove që duhet t’i marrë klubi privat, që ka formuar lojtarë cilësorë ndër vite.

Taip dhe Rudi Piraniqi, të cilët drejtojnë KF Shkodrën, sikurse raporton Telesport, kanë pasur një kontakt me juristin e Kukësit, Arsen Selmanaj. Ai ka kërkuar dokumentacionin që provon se Guri ka qenë pjesë e KF Shkodra, gjë që i është vënë në dispozicion.

Telenovela ka vijuar më tej, teksa nga ana e Kukësit është garantuar se taksa e solidaritetit do të merret nga Ostende. Këta të fundit nuk kanë ndërmend ta paguajnë dhe sqarimi i tyre është i qartë: sipas kontratës, Kukësi ka marrë përsipër ta bëjë pagesën.

Këtu ka mbetur gjithçka dhe pritet që KF Shkodra ta çojë çështjen në FIFA nëse nuk merr atë që i takon. Janë të shumta klubet e vogla që i kanë fituar çështje të tilla dhe Kukësi, apo Ostende, duhet t’i japë drejtim kësaj çështjeje.

Vjen radha e Gurit, shkodrani provon shijen e hidhur të stolit

Sport Ekspres — Sat, 01 Sep 2018 21:36:18 +0000

Fillimi i sezonit nuk ka qenë aspak i butë për një pjesë të madhe te legjionarëve tanë. Disa pa ekipe, ndërsa të tjerë me minuta të pakta. Por, deri përpara kësaj jave, Sindrit Guri bënte përjashtim. Sulmuesi shkodran ishte titullar në pesë ndeshjet e para në kampionatin belg dhe gjeti golin e parë në takimin e javës së dytë ndaj Anderlehtit.

Në transfertën e ditës së sotme ndaj Sint-Truiden, Guri qëndroi në stolin e rezervave thuajse të gjithë ndeshjes, duke u futur në fushë vetëm në minutën e 89-të për të zëvendësuar ish-talentin e Ajaksit Riçairo Zivkoviç, ndërsa Ostende humbi takimin me rezultatin 1-0.

Tani Guri i duhet të rikthehet te goli për të përligjur sërish besimin e trajnerit. Konkurrenca në skuadrat e kampionatit belg është tepër e madhe dhe disa muaj përgjumje nga ana e sulmuesit shqiptar mund të shfrytëzohet në maksimum nga të rinjtë e shumtë që ka Ostende në kontingjent.