Me ikjen e sulmuesit, Siti humbet jo pak fuqi në sulm. Gjithë këtë forcë, sipas “Don Balon”, Guardiola dëshiron ta rifitojë me blerjen e një prej talenteve më të mëdha në “Camp Nou”, Usman Dembele.
Barcelona është në dyshim për ta mbajtur francezin. 22-vjecari pas dy vitesh në “Camp Nou” akoma nuk ka shpërthyer për të justifikuar ato 115 milionë euro të derdhura për të. Barcelona është në një situatë të vështirë financiare.

Nëse nuk shet do të ketë probleme me rregullat e ndershmërisë financiare. Nëse vjen Nejmar, katalanasve do u duhet të rikuperjnë të paktën 200 milionë euro humbje. Kjo është e vetmja arsye që Dembele mund të zbarkojë në “Etihad Stadium”.

Siç duket Valverde e vlerëson shumë 22-vjeçarin dhe nuk dëshiron ta largojë nga gjiri i gjigantëve spanjollë. Bartomeu gjithashtu ka vendosur bast për francezin, duke e vlerësuar dhe i dhënë shumë besim. Dembele pati një sezon mjaft të mirë, megjithëse u kushtëzua disi nga dëmtimet.

Dembele ka kaluar dy sezone me oshilacione në Barcelonë. Dëmtimet e shpeshta dhe jeta e pakontrolluar kanë ndikuar në sjelljen e tij në fushë. Ky sezon ishte mjaft pozitiv, deri në pjesën e fundit të tij, kur u dëmtua dhe dështoi të rikthehej në fushë. Këtë vit futbollistik ai regjistroi 13 gola dhe 6 asiste me katalanasit.

Osman Dembele realizoi një gol fantastik ndaj Totenhemit. Francezi shfrytëzoi një kundërsulm, u shkëput si raketë, bëri çfarë deshi me mbrojtësit anglezë dhe finalizoi me një qetësi të jashtëzakonshme.

Sulmuesi i Barçës ka qenë në qendër të vëmendjes këto kohë, për sjelljet jashtë fushës së blertë, por me këtë gol, duket se i ka “zbutuar” disi ata që e kishin sulmuar, pasi tregoi dhe një herë se talenti nuk i mungon, por vetëm i duhet që të rritet edhe pak, sidomos në aspektin psikologjik .

https://twitter.com/SportsCentralT/status/1072584320412499969

Barcelona ka një tjetër problem, pikërisht të kundërtën. Siç raporton “Marca”, klubi katalanas ka marrë një vendim për Osman Dembele. Kampioni i botës ka një ves të çuditshëm. 21-vjeçari është i talentuar në fushë, por i padisiplinuar jashtë saj.

Dembele preferon të luajë “play-station” me miqtë e tij dhe shpeshherë e zbardhin duke e bërë një gjë të tillë. Efekti ndihet te gjumi dhe si pasojë vijnë mungesat në stërvitje. Lojtari ofensiv e ka përsëritur një gjë të tillë te Barcelona, madje herën e fundit e teproi. Dy orë me vonesë në stërvitje dhe… 100 mijë euro gjobë nga klubi.

Lojtari ka një raport të keq me celularin dhe “harron” të përgjigjet. Vesi është i hershëm, kur ishte pjesë e Dortmundit, trajneri i atëhershëm, Piter Boz, u shpreh gjatë një konference për shtyp: “Dembele nuk është këtu me ne, nuk ka marrë pjesë në stërvitje. Ku është? Nuk e di, nuk përgjigjet në telefon, është zhdukur.”

Francezi ndodhet në formë, kundër Totenhemit shënoi golin e nëntë sezonal dhe Barcelona beson shumë te potenciali i tij. Drejtuesit e klubit e kanë ndarë mendjen dhe kanë vendosur një rregull të ri. Më shumë një plan “rehabilitimi”, sesa një masë ndëshkuese.

Lojtari nuk duhet ta fikë kurrë telefonin, madje as ta mbajë pa zile! Në çdo moment të ditës, madje edhe gjatë natës! Nëse e përsërit sërish dhe harron të zgjohet në kohën e duhur, Barcelona mund ta telefonojë dhe të marrë vesh se ku ka “humbur”. Por kujdes, klubi ka vendosur ta kontrollojë në çdo moment, ndërsa lojtari duhet të përgjigjet gjithmonë. Përndryshe, zilja e radhës mund të ketë pasoja të rënda…

Diçka e tillë ka ndodhur dhe më parë, francezi harxhon shumë kohë duke luajtur “play-station” me miqtë e tij, madje nuk mungojnë rastet kur e zbardhin ditën me leva në duar.

Gjatë ditës së diele, Dembele e ka tepruar. Lojtari ofensiv ka shkuar dy orë me vonesë në stërvitjen e ekipit dhe klubi nuk ka duruar më. Barcelona ka vendosur ta gjobisë lojtarin me 100 mijë euro!

Trajneri Valverde ishte mërzitur me vonesat e shumta të Dembele, ndërsa drejtuesit e klubit shpresojnë që gjoba e majme do ta bëjë të reflektojë francezin. Sigurisht që kështu do të ndodhë, pasi Barcelona mund të mos mjaftohet më me 100 mijë euro gjobë, nëse Dembele vazhdon të çohet vonë dhe të “harrojë” orarin e stërvitjes.

Të enjten e kaluar, Dembele mungoi në stërvitjen e ekipit, duke deklaruar se kishte probleme stomaku. Por, e vërteta është totalisht ndryshe. Siç citon “AS”, lojtari ofensiv është i fiksuar pas lojërave me “play-station”. Ai kishte kaluar të mërkurën në mbrëmje shumë orë duke luajtur me miqtë e tij, ndërkohë që kishte zbardhur dita tjetër.

Dembele kishte harruar të vinte zilen e zgjimit në telefon, duke mos shkuar në stërvitje. Kjo e fundit ishte programuar të niste në orën 11:00, ndërsa, pasi e pritën gjysmë ore, klubi vendos ta telefonojë për të marrë vesh se çfarë kishte ndodhur.

I gjendur në një moment të keq dhe i pushtuar nga frika e gabimit të bërë, Dembele vendos të gënjejë. “Jam keq nga stomaku”. Barça dërgon menjëherë mjekun, i cili siguron se lojtari nuk kishte asnjë problem të tillë.

E vërteta ka dalë në pah dhe një gjë e tillë ka të mirat dhe të këqijat e veta. Drejtuesit e Barçës ndihen mirë që Dembele nuk është i dhënë pas jetës së natës dhe qëndron gjithë kohës duke luajtur “play-station” me miqtë e tij të ngushtë, por edhe kjo gjë është një fiksim dhe ves i keq.

Sipas Organizatës Botërore të Shëndetësisë, fiksimi me lojërat kompjuterike është një nga problemet kryesore në listën e tyre të varësive. Drejtues të klubit janë takuar me menaxherin e lojtarit, Musa Sisoko, dhe tema kryesore ka qenë varësia e fortë e lojtarit me lojërat. Klubi spanjoll dëshiron ta zgjidhë këtë problem dhe lojtari duhet të fillojë të luajë më shumë në fushë, e më pak përpara kompjuterit. Përndryshe, e ardhmja e tij do të jetë larg “Camp Nou”-t.

Për të interesohet Liverpuli. Klop e dëshiron në ekip lojtarin dhe e sheh atë si një përforcim të mirë për të luftuar me Sitin dhe Çelsin për fitimin e Premier Ligës. Titulli është objektivi kryesor i “The Reds” për këtë sezon, të cilët do të bëjnë të pamundurën për të rikthyer titullin në qytet pas 28 vitesh.

Por, Liverpuli nuk është klubi i vetëm anglez që interesohet për shërbimet e Dembele. Në garë është futur dhe Arsenali, siç citon spanjollja “El Mundo” dhe anglezja “Mirror”. Barcelona kërkon të paktën 100 milionë euro për kartonin e 21-vjeçarit, i cili shihet larg “Camp Nout”, me Liverpulin dhe Arsenalin në garë për blerjen e kartonit të tij.

Në një intervistë për medien franceze “RMC Sport”, 21-vjeçari sqaroi se është mëse e vërtetë që ai nuk ka një këmbë të dobët si shumica e popullatës, por ai pranoi se të dyja këmbët e tij kanë disa diferenca në disa aspekte të lojës.

“Ma bëjnë shpesh këtë pyetje (qesh)… Topin e kontrolloj më mirë me të majtën, por është një diferencë shumë e vogël, gati e papërfillshme me të djathtën. Kur vjen puna te goditjet, preferoj të përdor djathtën, godas shumë më fort dhe më saktë me të, ndërsa me të majtën nuk i dihet. Ndonjëherë përfudon në trekendësh, ndërsa ka pasur plot raste ku topi ka përfunduar lart në qiell”, tha Dembele.

Gjithsesi te Barcelona po i marrin tani frytet e sulmuesit, i cili po vjen në rritje. Madje ai ka bërë edhe më mirë se Nejmar në këtë fillim sezoni. Në Spanjë kanë nisur krahasimet dhe shkruajnë se Dembele po vjen në rritje, kurse Nejmar në ulje. “Blaugranat” duhet të gëzojnë, por jo shumë. Sezoni sapo ka nisur.

SHIFRAT – Pikërisht numrat janë ato që nxjerrin superiore lojtarin e Barcelonës. Analiza vjen nga Sport.es pikërisht pas ndeshjes së dobët që Nejmari bëri në Angli kundër Liverpulit në Champions. Momentalisht të dy sulmuesit kanë luajtur në gjashtë ndeshje,

Katër në kampionat, 1 në Champions dhe një në Superpupë. Në këtë të fundit Dembele shënoi golin që i dha trofeun Barcelonës, kurse për Nejmar pati vetëm 14 minuta në triumfin 4-0 që PSG regjistroi kundër Monakos.

Dembele ndërkohë ka grumbulluar më shumë minuta. Diferencë e vogël: 489 minuta ka luajtur francezi, 486 braziliani. Sulmuesi i Barcelonës ka shënuar një gol më shumë se Nejmar, pesë. Mbi të gjitha golat që ka realizuar Dembele kanë pasur vlerë për katalanasit.

Në Champions shënoi golin e qetësisë në fitoren 4-0 ndaj Ajaksit. Në kampionat kundër Sociedadit goli i tij ka pasur vlerën e tre pikëve, ashtu sikurse kundër Vajadolidit. Gjithashtu të mos harrohet edhe goli në Superkupë. Sa i takon kampionatit të PSG-së në Francë, është si një “lojë fëmijësh”.

Nejmar u la jashtë në ndeshjet kundër St.Etien për të qenë gati për sfidën me Liverpulin në Champions, ndërkohë që ajo që mbahet mend më shumë nga ajo ndeshje është driblimi që Mane i bëri brazilianit.