Ky trepikësh konfirmon Shkëndijën në vendin e parë dhe tashmë diferenca me Vardarin e vendit të dytë ka shkuar 8 pikë. Ndeshja u zhvillua në një atmosferë shumë të bukur dhe stadiumi “shpërtheu” në minutën e 23-të. Aksion i gjatë i vendasve, që konkretizohet me golin e Imerit.

Shkëndija ruajti avantazhin deri në fund të ndeshjes, duke hedhur një hap të madh drejt titullit kampion. Në ndeshjet e tjera të ekipeve shqiptare, Shkupi dhe Renova siguruan nga një pikë në minutat shtesë.

Ekipi kryeqytetas barazoi në minutën e nëntë shtesë në transfertën përballë Sileksit me rezultatin 2-2, ndërsa dhe Renova siguroi një pikë në fund, duke barazuar në transfertë përballë Rabotniçkit me penalltinë e Mishkovskit.

Shkëndija-Vardar 1-0
(Imeri 23′)

Sileks-Shkupi 2-2
(Georgiev 20′, Rajkoviç 40′ / Kocev (aut) 76′, Veliu 90+9′)

Rabotniçki-Renova 1-1
(Petkovski 45′ / Mishkovski 90+2′)