Omar Imeri

E bujshme, Fenerbahçe kërkon talentin e Shqipërisë U21!

Sport Ekspres — Sun, 16 Jun 2019 14:10:28 +0000

Shqipëria U21 barazoi me Turqinë më 7 shtator, ndërkohë që në stadium ka pasur skaut të ndryshëm që kanë parë edhe kuqezinjtë. Direkt pas ndeshjes u raportua në mediat turke që Esat Mala kishte përfunduar në radarët e Beshiktash, ndërsa tani del një tjetër emër në skenë.

Omar Imeri është ai që ka zgjuar interesimin e Fenerbahçes, madje pas ndeshjes së Shqipërisë U21 janë takuar me vetë futbollistin e Shkëndijës së Tetovës. Gjithçka raportohet nga mediat turke, konkretisht nga Televizioni Shtetëror i Turqisë.

Futbollisti 19-vjeçar u shpall kampion në Maqedoninë e Veriut, duke qenë protagonist. Ai është aktivizuar në 25 ndeshje (24 titullar) dhe ka shënuar 8 gola. Mesfushori ka edhe dy vite kontratë me Shkëndijën, që pret një ofertë zyrtare për ta shitur të riun e talentuar.

Ekskluzive: Gjak i ri në kombëtare, zbuloni emrat e kuqezinjve nën vëzhgim

Sport Ekspres — Mon, 20 May 2019 16:10:09 +0000

Shqipëria nesër nis përgatitjet në Durrës dhe kjo periudhë do të të shërbejë për trajnerin Edi Reja për të parë një pjesë të lojtarëve të kombëtares, por edhe të rinj të tjerë që do të mbahen nën vëzhgim. Sigurisht duhej edhe një numër i përshtatshëm që italiani të zhvillonte seanca stërvitore normale dhe janë ftuar edhe disa lojtarë të kombëtareve të moshave.

SportEkspres.com mëson se janë tre lojtarë të Shkëndijës së Tetovës, Omar Imeri (sulmues krahu), Shefit Shefiti (sulmues) dhe Arbin Zejnullai (mesfushor qendre, organizator), të cilët do të shihen nga trajneri Edi Reja nga afër. Veç këtyre të treve, nga Trim&Lum Struga do të jenë i ftuar edhe Blerton Sheji. Ky i fundit luan si mbrojtës i majtë.

Një tjetër i ri që do të jetë nën urdhrat e trajnerit italian është edhe mesfushori i Leganes, Kleandro Lleshi. Ky i fundit ka postuar edhe një foto në rrjetet sociale. FSHF një ftesë e ka dërguar edhe në klubin e Partizanin për Esat Malën, i cili do të jetë i grumbulluar së bashku me Lorenc Trashin dhe Bruno Telushin.

Vrioni i “shënjestron” të gjithë, Omeri: Na rreh gjaku për Shqipërinë!

Sport Ekspres — Wed, 20 Mar 2019 11:31:47 +0000

Xhakomo Vrioni dhe Omar Imeri kanë dalë në konferencë për shtyp para ndeshjes me Turqinë dhe Andorrën. I pari e mori fjalën sulmuesi i Venecias, i cili thekson se kuqezinjtë do të tentojnë të marrin maksimumin në çdo takim.

“Shpresojmë të bëjmë maksimumin, si në çdo ndeshje të sezonit të kaluar, dhe të na vijnë sa më shumë njerëz për të na përkrahur. Synimi është të bëjmë më të mirën dhe jemi të sigurt që do e bëjmë këtë. Do kërkojmë tre pikët në çdo takim”, u shpreh Vrioni, i cili nuk a dyshime mbi zgjedhjen e Shqipërisë.

“Unë e kam bërë zgjedhjen time, kam qenë edhe në kombëtaren e madhe dhe luajta 20 minuta kundër Izraelit”, shtoi sulmuesi. Në lidhje me rivalitetin në grup, Vrioni tha: “Të gjitha ekipet në grup janë të forta, të gjithë jemi njësoj. Do japim të gjithë maksimumin për të grumbulluar sa më shumë pikë”

OMAR IMERI – Mesfushori i Shkëndijës së Tetovës e thotë hapur, Shqipëria U21 synon vetëm tre pikët me Turqinë. Sfida e radhës luhet kundër Andorrës. “Nuk na kënaq barazimi, shpresoj të japim maksimumin në fushë dhe të fitojmë ndeshjen. Është e para dhe është ndeshje e rëndësishme. Besoj se do e fitojmë. Shpresojmë t’i marrim gjashtë pikë në këto dy ndeshje”, deklaroi Imeri, i cili flet edhe për zgjedhjen e Shqipërisë. “Na rreh gjaku të luajmë për Shqipërinë. Jam i kënaqur për zgjedhjen që kam bërë”, përfundoi mesfushori.

Shpresat përforcohen para Italisë e Estonisë, vjen sulmuesi i Shkëndijës

Sport Ekspres — Mon, 01 Oct 2018 11:28:51 +0000

Kombëtarja e 21-vjeçarëve që drejtohet nga Alban bushi ka dy ndeshje me Italinë dhe Estoninë në mesin e muajit tetot. Kualifikimi është një mision i pamundur megjithatë synimi kryesor i Shpresave është që të përgatisë lojtarë për në skuadrën e parë.

Nga Maqedonia vjen lajmi se për këtë sfidë Bushi ka ftuar dhe sulmuesin e Shkëndijës së Tetovës, Omar Imeri. Ka qenë vetë klubi tetovar që ka bërë me dije lajmin, teksa përmes një deklarate të postuar në sajtin zyrtar ja bërë me dije se lojtari i tyre do të jetë pjesë e një skuadre tjetër kuqezi, këtë radhë të përfaqësueses së 21-vjeçarëve të Shqipërisë.

“Sulmuesi anësorë i Shkëndijës merr ftesë për tu bashkuar me shpresat kuqezi për ndeshjet eliminatore me Italinë dhe Estoninë.

Forma e mirë që po kalon me Shkëndijën ka bërë që Omar Imeri të futet në radarët e përfaqësueses U21 të Shqipërisë. Stafi teknik i shpresave kuqezi në krye me Alban Bushin vlerësojnë paraqitjet pozitive të Imerit, duke vendosur ta marrin në kombëtaren e re.

Federata shqiptare e Futbollit zyrtarisht ka dërguar ftesë për Omar Imerin të cilin e kërkojnë tu bashkohet për dy ndeshjet e radhës në kualifikimet për Kampionatin Europian për të rinj. Shqipëria U21 më 11 tetor luan si vendase me Italinë U21, ndërsa pesë ditë më vonë (16 tetor) pason transferta me Estoninë U21”.