Olympiacos

VIDEO | Kaos në derbin e Athinës, tifozët e Panathinaikos mësyjnë në fushë

Sport Ekspres — Sun, 17 Mar 2019 19:28:07 +0000

Derbi midis Panathinaikos dhe Olimpiakos është shoqëruar me incidente të shumta ku protagonistë janë bërë tifozët e ekipit vendas. Fillimisht ndeshja u ndërpre në minutën e pestë, pasi me dhjetëra tifozë u futën në fushë dhe iu versulën stolit ku po qëndronte stafi i Olimpiakos.

Ndërhyrja e policisë bëri që situata të normalizohej dhe ndeshje arbitri të rifillonte ndeshjen pas 10 minutash. Olimpiakos zhbllokoi sfidën në fillimin e pjesës së dytë, ndërsa më pas tifozët e Panathinaikos rifilluan të shkaktonin trazira çka solli ndërprerjen e dytë të ndeshjes.

VIDEO | Festë në Selanik, PAOK mund Olimpiakosin dhe marshon drejt titullit

Sport Ekspres — Sun, 10 Feb 2019 19:26:45 +0000

Në Selanik besojnë më shumë se kurrë se pritja 34-vjeçare e PAOK-ut për një titull kampion po vjen drejt fundit. Në përballjen e sotme ndaj rivalëve të Olimpiakosit skuadra selanikase fitoi bindshëm me rezultatin 3 – 1.

Me tri pikët e siguruara ditën e sotme, PAOK çon diferencën me Olimpiakosin në nëntë pikë, ndërsa mbeten dhe 10 javë kampionat.

Në “Toumba Stadium” nuk kishte si të mungonte mbështetja e zjarrtë e tifozëve të PAOK-ut, që nuk lënë ndeshje pa dhënë spektakël në tribuna. Vierinja dhe Bisevar shënuan për vendasit në minutën e 3-të dhe 19-të, ndërsa Akpom shënoi golin që vulosi takimin në minutën e 83-të.

PAOK 3 – 1 Olimpiakos

Shënues: Vierinja 3, Bisevar 18′ Apkom 83’/ Podence 88′

Jaja Ture “djeg” Pireun dhe më pas shijon spektaklin kundër Janinës

Sport Ekspres — Sun, 02 Sep 2018 20:08:22 +0000

Olimpiakosi i këtij viti është tjetër gjë, sezoni u shkuar është një kujtim i shëmtuar që po harrohet dhe për këtë kontribut kanë rezultatet e shkëlqyera, por edhe merkatoja e fuqishme e klubit të njohur grek.

Sot, para ndeshjes kundër Pas Janinës së Andi Lilës, i cili luajti titullar, Olimpiakosi prezantoi përdorimin madhor të verës, mesfushorin e njohur Jaja Ture.

Afrikani, i cili deri vjet bënte ligjin në fushat e Premier Ligës me Mançester Sitin, tashmë ka firmosur në Greqi. Për prezantimin e tij është shfrytëzuar prag ndeshja dhe përgjigja e tifozëve ka qenë fantastike, me një atmosferë të jashtëzakonshme para stadiumit dhe brenda tij.

Në fushë me pas një festë me vete, sepse Olimpiakosi ka fituar lehtësisht 5-0, duke dominuar dhe duke shënuar 3 gola në 55 minutat e para.

Dy fitore rresht në kampionat, dy tyre të kaluar në Europa League dhe tashmë në Pire ëndërrojnë sërish fronin e Greqisë.

Greqia mahnitet nga Hasi: Një kryevepër në Beograd!

Sport Ekspres — Wed, 26 Jul 2017 12:21:52 +0000

Nëse deri dje debatet ishin të të mëdha në Greqi, rreth faktit që një shqiptar do të drejtonte Olimpiakosin, në një ambient të vështirë dhe të mbushur me shfaqje racizmi, sot kanë heshtur të gjithë.

Besnik Hasi e ka nisur me një fitore mbresëlënëse në Beograd, ndaj Partizanit, duke u dhënë një leksion taktike serbëve.

Kishte idetë e tij, bëri revolucion në skuadër dhe e sulmuan jo pak, por tashmë Hasi u ka treguar edhe grekëve se sa vlen.

Mediat greke janë unanime, fitorja në Serbi ishte një kryevepër taktike e Hasit. Gazzetta.gr i dedikon një ediotiral trajnerit shqiptar, duke e vlerësuar pa masë: “Ajo fitore u ndërtua prej tij dhe merita i shkon vetëm Hasit, i cili ka ndërtuar një skuadër të disiplinuar dhe të qartë në veprime, me reparte të ndara pastër. Ajo ndeshje në fushën e Partizanit ishte e vështirë për shumë arsye, pasi Olympiacos hasi në shumë pengesa por rezultoi një fitore e lehtë. Është vetëm ndeshja e parë, nuk duhet kaluar në eufori, por puna e mirë që Hasi ka bërë duhet njohur, për pjesën tjetër do të jetë një rrugë e gjatë dhe e vështirë”.

Edhe “Sportdog.gr” veçon punën e bërë nga Hasi, i cili taktikisht e ka ndryshuar shumë Olimpiakosin: “Trajneri mori vendimet e duhura dhe bëri një punë të shkëlqyer duke hedhur në fushë lojtarët më të mirë për të dominuar Partizanin në një fushë shumë të nxehtë. Tani askush nuk mund ta kritikojë trajnerin e guximshëm shqiptar”.