Një ndër lojtarët e përfolur më së shumti për një ndarje me kryeqytetasit është Lukas Kardozo. 25-vjeçari ka qenë i pafat gjatë qëndrimit të tij me kryeqytetasit. Një dëmtim i rëndë në gju gjatë vitit të kaluar bëri që braziliani të qëndronte për më shumë se 8 muaj larg fushave të blerta.

Një largim nga Shqipëria preferohet nga sulmuesi, por fjala e fundit i takon klubit kryeqytetas. Braziliani ka një ofertë konkrete, gjithsesi largimi nga “demat” s’do të jetë aq i thjeshtë. Partizani nuk pranon ta lëshojë futbollistin pa u kompensuar nga ana financiare.

Kardozo iu bashkua të kuqve në janar të vitit 2018 nga maqedonasit e Pelister. Për kartonin e 25-vjeçarit u pagua një shumë te përafërsisht 30 mijë euro, shumë kjo që Partizani kërkon ta marrë mbrapsht në rast largimi të futbollistit.

Drejtori i përgjithshëm i “Demave” ka folur në lidhje me trajnerin e ri, gjendjen e ekipit, shortin e Champions Ligës dhe nuk harron fjalët e mira për ish-trajnerin Gega. Kundërshtari europian do të mësohet sot dhe të gjithë tifozët e kuq shpresojnë që ekipi i tyre i zemrës të ketë fat.

SHORTI – “Shpresoj gjithmonë që goglat të sillen mirë me ne. Sido që të jetë puna do të jetë një ndeshje 11 kundër 11 dhe do të bëjmë maksimumin. Ekipi do të niset për në Slloveni, ku do të qëndrojë për dy javë. Kanë ardhur disa lojtarë të rinj. Ekipi është i plotë deri diku, shumë lojtarë janë nga ekipi kampion, kanë ardhur disa të tjerë dhe presim ende përforcime.”

GEGA – “Eshte kënaqësi që kthehemi këtu dhe me titullin. Mbyllëm kampionatin me sukses dhe falënderoj trajnerin Gega dhe stafin e tij, sikurse edhe gjithë ekipin. Tani hapet një faqe e re, kërkuam në Itali dhe me tej. Nuk është një fillim i ri. Është vazhdim. Unë e kam nisur përpara një viti e gjysmë, ndërsa Gaz Demi përpara gjashtë vitesh.”

LERDA – “Hapet një kapitull i ri pas largimit të Gegës për arsye personale, në marrëveshje me klubin. Nisëm kërkimin, pamë shumë profile, trajnerë interesantë që do bënin mirë në Shqipëri, por për arsye të ndryshme zgjodhëm trajner Franco Lerda-n. Është trajner i ri, i cili ka bërë shumë mirë në karrierën e vet, duke trajnuar në Itali edhe emra të njohur për ne si Leçe e Torino. Jemi interesuar, kemi pyetur dhe jemi të kënaqur, sepse mendojmë se vizioni i tij do të jetë një vlerë e shtuar për Partizanin. Një trajner nga Italia, që ka drejtuar në nivele të larta, vjen me një bagazh të rëndësishëm taktik e teknik dhe do t’u japë një dorë lojtarëve për të vijuar rritjen, duke nisur nga Champions League. Pas kësaj konference do të nisem për të marrë pjesë në shortin e Champions, shpresoj që goglat të sillen mirë me ne. Sido që të shkojë, do të japim më të mirën ndaj çdo rivali.”

ORGANIZMI – “Besoj që vitin e kaluar bëmë hapa përpara për sa i përket nivelit të profesionalizmit në të gjithë strukturat e klubit, për çdo gjë. Shpresoj që tashmë të bëjmë akoma hapa të tjerë përpara, gjithashtu përveç çdo detaji dhe marrëdhënieve të stafit, të rritet edhe niveli tekniko-taktik i skuadrës.”

TRAJNERI – “Nëse shikoni CV-të e trajnerëve nuk ka shumë trajnerë afatgjatë. Ky është një trajner që ka qenë i dëshiruar dhe ka qëndruar gjatë në pankinat që ka qenë. Varet nga rezultati dhe temperamenti i drejtuesve të klubit. Te Partizani do të kemi durimin dhe të presim rezultatet. Me ekipin që është besoj që po merr një ekip të mirë, për realitetin shqiptar gjithmonë.”

Më tej Rama shtoi: “Moldavia ishte skuadër mëse modeste dhe normalisht duhet ta mundnim. Një fitore të jep gjithmonë moral dhe mund t’i shërbejë trajnerit të ri të punojë, pasi ka shumë kohë. Deri më 7 shtator kur është ndeshja me Francën, shpresoj t’i njohë më mirë lojtarët dhe të ketë mundësinë të bëjë më mirë”.

Gjithsesi tifozët e partizanit më së shumti janë të interesuar për atë që do të pasojë Skënder gegën në pankinë. Rama nuk zbulon emra, por theksin se shumë shpejt do të marrin fund dilemat për emrin e trajnerit të ri. “Edhe ne së shpejti e zgjedhim trajnerin, është çështje ditësh”, u shpreh Rama.

Gjici: Stadiumi do jetë 6 mijë vendesh. Sot është miratuar kontrata, është miratuar kontraktuesi. Fondet janë vënë në dispozicion. Është gati për të nisur punë.

Rama: Ta shohim kush e mbaron i pari

Gjici: Kanë 4 vjet që nuk e bëjnë. Më duket kanë më shumë se 6 vjet.

Rama: Ne jemi më modest, kemi edhe Arenën Kombëtare. Po të jenë ekip i fortë vitin tjetër, po.

Gjici: Partizanin e shohim në Champions, atje s’ka më. Atje është e vështirë. Gim Zeqo u tha të vetëve, Kukësi kaloi katër ture, duhet të dilnin ata kampionë. Në Europë nuk jemi konkurrentë, duam që të ecin gjithë ekipet. Përfaqësojmë Shqipërinë të gjithë. Po kaluan një tur do u them bravo u qoftë.

Gjici: Demin nuk e pashë ta ngrejë asnjëherë Kupën.

Rama: Demi e ka mendjen te Champions League.

Rama: As Partizani nuk ka pasur ndjekshmërinë që pritej. Një nga shqetësimet qëmë bën të mos gëzohem shumë, se edhe në ndeshjen me Tiranën nuk ishte plot. As në ndeshjen që u dha Kupa nuk ishte plot. Kishte vende bosh në sektorin tonë. Është një punë e madhe për të kthyer tifozët. Nuk ishte bosh, por kishte vende bosh.

Gjici: 1 milionë Tirana, stadiumi bosh. Kjo tregon që titulli duhet marrë me lodhje.

“Ka pasur një episod për të qeshur. Kishte shumë vite pa e fituar, por çdo rrugëtim nis me një hap. Tifozët për ta prekur e morën dhe kur ekipi kishte ikur, pashë dhe thashë ku është kupa. Mendova se e vodhën dhe me batutë e thashë se nuk ka problem, se e fitojmë prapë”.

“Gjici është modest kur thotë se Kukësi nuk ka qenë i fortë. Ka pasur organikë të mirë. Normal ndikon fusha, edhe ne luajmë në shtëpinë e rivalëve të kahershëm. Ka që nuk vijnë sepse nuk duan të ulen në ato stola bardheblu. Partizani ka tifozë edhe në Krujë dhe në Gjirokastër”.

“Kampionati me 10 skuadra është ndryshe, nuk duhet krahasuar me kampionet e tjera me 18 skuadra. Partizani kampion me 44 gola nuk është ndjesi e kënaqshme, pasi golat sjellin spektaklin. Diferenca e golave në një kampionat si yni, me ato jashtë, është ndryshe”.

“Unë mund ta nis duke thënë që ka qenë një fat i madh që kam punuar me këtë grup, me presidentin Gaz Demin që është dhe miku im, pasi më ka krijuar kushte të mira për të punuar. Kam qenë me fat që kam punuar me këta djem, me trajnerin Gega. Kemi bërë një punë të madhe, që në fillim i kemi ndarë detyrat. Kemi dhënë çdo gjë për klubin, për objektivin tonë. Objektivi ynë nuk ka qenë të dalim kampion, por të rriteshim sa me shumë. Kjo përpjekje e jona, solli rezultatet, pasi dihet kur punon dhe kur ke brumë, rezultatet vijnë. Shpresoj që në të ardhmen të arrijmë edhe më shumë suksese”,

“As ne vetë si Partizan nuk i kemi bërë gjërat perfekte, kemi bërë gabimet tona gjatë rrugës, por shpresoj t’i rregullojmë. Këtë vit, kemi qenë më të qetë dhe kemi arritur të mbajmë presionin larg ekipit. Unë nuk mendoj se të merresh me gjërat e jashtme, janë frytdhënëse.  Nuk është se Partizani nuk ka qëllim të bëjë polemika. Një klub i madh si Partizani duhet të mbrojë të drejtën e vet, imazhin e tij dhe tifozët. Ka qenë meritë e jona që jemi shkëputur me pikë nga rivalët dhe e kemi bërë kampionatin më të qetë”.

“Ekipi i ka pushimet shumë të merituara, pasi duhet një energji e jashtëzakonshme të luash katër faza, 36 ndeshje në Superligë. Të mos harrojmë se kemi pasur dhe dy faza përgatitore në verë vjet. Këta djem, duhet të shkojnë te familja e tyre dhe të shijojnë pushimet, për të qenë sa më të gatshëm për sezonin e ardhshëm.

“Kur fituam titullin në derbi kundër Tiranës, kam qenë shumë më i ngarkuar. Tani, sigurisht është faza e nxehtë kur merren vendimet për përforcimet, por puna ka nisur me kohë. Ne e dimë shumë mirë që kundërshtarët që do të kemi përballë do të jenë të fortë, pasi shorti na vë në krahun e dobët. në planet e mia, nuk është të ndërton një ekip për Champions League apo Europa League, po për sezonin e ardhshëm në kampionat”, përfundoi Rama.

FESTA – “Po reflektoja pas derbit dhe mendoja se kur të mbaronte çështja e titullit kampion do të isha më i qetë dhe i relaksuar. Në fakt nuk është ashtu. E kam kuptuar më shumë atë ditë që fituam derbin. Jam gëzuar prej asaj që po ndjenin ata djem, jam gëzuar duke e parë tek ata faktin që më në fund u arrit një objektiv që është ëndërr. Unë kam ende atë merakun e punës që duhet bërë, pasi pikësynimi janë ndeshjet e Champions League”.

KUNDËRSHTARI MË I FORTË – “Ka qenë kampionat interesant, komplimentet më të bukura që kam marrë unë dhe presidenti kanë qenë se ky kampionat ka qenë më pak i kontestuari në vitet e fundit. Të gjitha ekipet ishin në lojë, nuk ka pasur ndeshje të lehta. Kukësi ishte rivali direkt që në fillim, pasi ishin ndjekësit më të afërt. Skënderbeu nuk ishte në vitin më të mirë, Teuta pati një rritje. Gjithsesi nuk harroj të them që ndeshjet tona më të vështira kanë qenë me Laçin dhe Kastriotin, disa ekipe që nuk bëjnë pjesë në elitën e sipërme të kampionatit. Ato i kanë dhënë një ngjyrim shumë të bukur kampionatit”.

“Pse ju ka hapur shumë probleme Laçi? Nuk është vetëm Laçi i vështirë. Ata kanë një ekip që luajnë në një mënyrë prej vitesh, kanë djem të rinj, kanë entuziazëm, kanë një ekip që gjithmonë organizohet mirë në fazën mbrojtëse, nuk të lë hapësira. Këto janë disa elementë që e bëjnë Laçin të vështirë jo vetëm brenda fushës së vet, por edhe jashtë fushe. Ekipet e tjera nuk është se nuk ishin në lartësinë e duhur, por mendoj se ishim ne më lart. Kukësi ka bërë investime të konsiderueshme në futbollin shqiptar. Ka sjellë lojtarë cilësorë. Edhe Teuta shpenzoi shumë në janar. Nuk është gjithmonë çështja sa shpenzon, por sa mirë i shpenzon  dhe si arrin t’i integrosh të gjithë faktorët”.

LËVIZJET NË JANAR – “Shtuan disa lojtarë, dy na u dëmtuan. Fokusi kryesor ishte që të merrnim lojtarë më të mirë, që të shtonim një vlerë. Vlera nuk ishin thjesht individëte, grupi ishte forca jonë dhe duhet të merrnim elementë që të integroheshin mirë. Patëm durim me Dilaver Dukën që i tregoi vlerat në ndeshjet e fundit, pasi arriti formën. Presim që dy nga lojtarët e rinj që na janë dëmtuar të na kthehen për sezonin e ardhshëm”.

SULMI – “Fati është një element në sport, por ai ndihmon më të fortët. Të tradhton në një moment të veçantë, por në një kampionat me 36 javë meritat arrijnë të dalin në pah. Mehmeti ka folur për spekulimet që Partizani nuk ka një sulmues. Ne jemi ulur dhe kemi biseduar shpesh me trajnerin Gega dhe stafi. Futbolli ka treguar që fitohet edhe pa sulmues. Spanja ka fituar Botërorin pa një sulmues të mirëfilltë. Ne kemi pasur një treshe që me teknikën e tyre krijojnë panik te kundërshtari. Në një moment Mala-Bardhi-Asani e ngritën shumë ekipin, edhe pse asnjëri prej tyre nuk është sulmues tipik”.

FRYMA E EKIPIT – “E them që ndeshjet nuk fitohen të shtunën apo të dielën, por gjatë kohës që stërvitesh. Fitohen me mënyrën se si komunikon dhe sillesh jashtë fushës. Vlerat që një ekip të fitojë gjatë janë respekti, disiplina dhe rregulli. Ne këtë e kemi bërë në njëfarë mënyre. Kur marr një lojtar, veç aspektit teknik që e vlerëson stafi, dua të shoh çfarë karakteri ka, si është histori a e tij në ekipet ku ka qenë. Për ata që luajnë në Kosovë e Maqedoni pyesim shokë të tyre, pra gjen informacion për ta. Për të tjerët mundohemi të mësojmë sa më shumë, qoftë duke parë sjelljen në fushë. Është një jetë që bëjnë me njëri-tjetrin dhe kjo është diçka që nevojitet”.

PARTIZANI SI LIVERPULI – “I shkon edhe ngjyra e kuqe, entuziazmi dhe lufta sportive që tregojnë. Padyshim i ekzagjeruar si krahasim, por le ta marrim të tillë për shpirtin e garës dhe dëshirën që kanë pasur për të treguar që ne jemi dhe ne jemi faktorë dhe do të fitojmë. E shoh tek ata djem dhe shpesh ka qenë entuziazmi i tyre që ka tërhequr edhe mua edhe klubin, që të shpenzojmë më shumë kohë edhe të shpenzojmë”.

KOMBËTARJA – “Mendoj që trajneri i ri ka një bagazh dhe eksperiencë shumë të madhe. Besoj që do të arrijë të integrojë më mirë elementët. Jam ndjekës i kampionatit italian dhe mënyra e tij e lojës, kam përshtypjen që do t’i përshtatet kombëtares tonë. Kam shpresë që me një seleksionim të mirë do të marrim rezultatet e duhura”.

AKUZAT POLITIKE NGA MEDIAT – “Jam shumë indiferent ndaj asaj që thuhet në media. Jam shumë i qetë në ndërgjegjen time dhe e di si sillem dhe se çfarë bëj. Këto janë disa gjëra që i kaloj me një auto ironi dhe një buzëqeshje në përgjithësi. Nuk mund ta lë të keqen që të futet brenda meje dhe të ndikojë në jetën time”.

MARRËDHËNIA ME KRYEMINISTRIN – “Ne kemi një jetë bashkë dhe e njohim shumë mirë njëri-tjetrin dhe kemi shumë gjëra të përbashkëta. Unë personalisht kam bërë një pakt, që për kohën e limituar që ai ka, sepse është jashtëzakonisht shumë i zënë, nuk do ta shqetësoj as unë me problemet e tij politike, as ai me problemet e mia të sportit. Megjithëse ai është tifoz vetë, por thotë që nuk e ndjek kampionatin shqiptar. Kur kemi një ndeshje bashkë? Në stadium nuk kemi parë ndeshje bashkë. Kemi të përbashkët pasionin për Juventusin dhe Italinë. Kemi luajtur basketboll bashkë. Unë vijoj dhe luaj, të paktën një herë, dy herë në javë kur kam kohë”.

“Ka lojtarë që meritojnë më shumë vëmendje. Stafi është i huaj, italian, ata kanë kërkuar pjesën e formimit të një lojtari, që është rregulli dhe disiplina. Këtë model lojtari nuk e kemi krijuar në futbollin tonë. Kam udhëtuar me kombëtaren dhe i kam parë se si sillen jashtë fushe, në çdo gjithçka.

Ky është një shembull që nuk ka hyrë në Superiore. Nuk i takon një trajneri t’i mësojë, i takon kulturës së një klubi. Trajnerët e kombëtares kanë kërkuar të kenë të bëjnë me profesionistë të vërtetë. Shpresoj të ndodhë shpejt”.

“Ai Partizan ka pasur lojtarë shumë të mirë, Alban Hoxha, Fejzullahu dhe një lojtar cilësor si Felipe. Ishte edhe Ekuban, një lojtar që duhet shumë fat për ta sjellë në Shqipëri. Ky Partizan ka më shumë qetësi. Kemi më shumë soliditet në qendër të mbrojtjes. Lojarë si Telushi po luajnë në nivele të larta, ndërkohë kemi edhe talente të tjerë si Mala e Bardhi”.

“Nga eksperienca ime, nëse nuk ke një ekip të fortë për kualifikueset, përfitimet financiare nuk justifikojnë shpenzimet e tjera që sjellin këto lloj ndeshjesh. Ke shpenzime që kanë lidhje me fazën përgatitoren, akomodimin, transportin e të tjera”.

“Gega ndërtoi bazat që herët. Nuk e di sa i mbani mend ndeshjet e Europa League me Mariborin, por që atëherë krijoi besimin tek ekipi se do t’ia dilte. Me kalimin e kohës performanca e skuadrës u rrit. Nuk harroj as të falënderoj dhe pjesën tjetër të stafit, Mehmetin, Sakonen etj”.

“Asani është një lojtar që ka potencial të madh. Duhet të rritet pak në disa gjëra. Ai është lojtar i Partizanit dhe kushdo që e kërkon duhet të ulet me ne për të biseduar. Ka disa lojtarë të Partizanit që janë në radarët e klubeve të huaja”.

“Eliminimi nga Luftëtari në Kupë? Ishte një gozhdë për ne eliminimi nga Kupa. Ishte një përgjumje. E interpretuam mirë ndeshjen e parë, që e humbëm në 10 minutat e fundit kur u shpërqendruam. Në Gjirokastër ishte edhe më e vështirë pastaj”.

Me shumë mundësi në fundjavë do të luhen ndeshjet e Kupës, por gjithsesi ende nuk është marrë një vendim. Nesër do të ketë një takim me kryeministrin Rama dhe ministra të kabinetit të tij qeveritar, kurse sot ishte Armand Duka ai që foli në lidhje me vazhdimësinë  e kampionatit.

“Kemi lajmëruar se është një mbledhje ku do marrin pjesë ministra, kryeministra, klubet shqiptare dhe do të diskutojmë për problematikën që kemi dhe çfarë mund të bëjmë për ndryshimet ligjore për të mirën e sportit, futbollit në rastin tonë. Nëse nuk rikthehet policia e shtetit? Do ta diskutojmë nesër në takim. Nuk mund ta di ende”, është shprehur Duka për “Ora News”.

Olsi Rama, drejtori i përgjithshëm i Partizanit, është optimist se kjo situatë do të zgjidhet: “Mendoj se është një proces i cili do të kalojë së shpejti, duke gjetur gjuhën e përbashkët dhe duke vijuar garën në lojën më të bukur, futbollin. Gjithmonë jemi të përgatitur për çdo lloj situate. Do ta kthejmë çdo aspekt të saj në një aspekt pozitiv për klubin tonë”.

Skënder Gega e ka komentuar gjithashtu situatën që ka përfshirë futbollin shqiptar: “Klubet janë pajtuar me këtë vendim. Besoj dhe shpresoj që t’i bëjë mirë. Ditët kalojnë shumë shpejt. Ne jemi stërvitur për shumë arsye. Edhe na ka shërbyer, pasi ka pasur ndoshta edhe probleme, megjithatë duhet ta fillojmë garën bashkë dhe gjërat të mos përsëriten. Duhet të jemi më optimist për të ardhmen.

Unë jam për një shtet të fortë. Edhe Federata brenda shtetit besoj se do të gjej një bashkëpunim dhe secili të marrë përgjegjësinë e vet. Por edhe ne si pjesë e futbollit të jemi shembull dhe duhet të japim edhe mesazhet e “Fair Play”. Sporti duhet të na bashkojë dhe jo të na ndajë”.

Një tjetër personazh që ka folur është edhe Bamir Topi, i cili dikur ishte shpesh në stadium në ndjekje të Tiranës. “Futbolli mos mendoni se është vrarë në 24 orët e fundit. Futbolli ka vite që vritet çdo ditë. Shqipëria nuk e ka luksin që të trajtohet me stjuartë, sikurse janë vendet e tjera. Janë vite drite larg”, deklaroi ish-presidenti i Republikës së Shqipërisë.

“Titulli i takon Kukësit, se kemi investuar më shumë? Ia jap me gjithë qejf trofeun e merkatos. Titullin e jep fusha. Investimet të shpërblejnë, por futbolli jonë nuk po lulëzon. Fitorja vjen në aspektin sportiv. Nuk kemi luksin të bëjmë shpenzime të tepruara. Gjithçka do e tregojë fusha. Ai e ka natyrë e tij. Duhet falënderuar që investon. Ata që investojnë janë për t’u përgëzuar, sakrifikojnë për t’i dhënë dëfrim kësaj shoqërie. Karakteri i tij është i veçantë në disa drejtime. Nuk më intereson kjo pjesë. Është si puna e boksierit, që ndeshja bëhet me 15 raunde. Do e shohim deri në fund të kampionatit”.

“Rexhinaldo? Nuk ka pasur asnjë bisedim. Nëse do kishim qenë të interesuar, do të kishim kontaktuar. Normalisht ai është një lojtar i mirë”, deklaroi Rama gjatë emisionit Rubrika Sportive në RTSH Sport.

“Përgatitjet në Antalia e ndihmuan ekipin, paraqitjet në miqësore ishin të një niveli shumë të lartë. Kemi ndeshje të tjera për të bërë takime më cilësore. Terreni ndikoi. Pretendoja një lojë më të mirë. Mendoj se cilësitë tona janë më të mira se Skënderbeu. Pretendoja të merrnim një fitore më bindëse. Është me rëndësi edhe të vuash. Ekipi nuk e humbi dëshirën dhe ky aspekt më ndjek. Rexhepi më ka bërë shumë përshtypje, shpresoj të vazhdojë kështu”.

HILA – “Prognoza e parë është katër javë, plus një periudhë rikuperimi. Është një mungesë e rëndësishme. Që në fillimet e merkatos kërkonim një mesfushor cilësor. Po punojmë të bëjmë një afrim”.

TELEFONATA ME DEMIN – “Kur ishim në dhomat e zhveshjes, më mori Resul Demi, babai i tij. Çunat e përshëndeten. Nuk u mor vesh ca tha Gazi më pas, kjo për shkak të entuziazmit të djemve në dhomat e zhveshjes (qesh). Presidenti është pranë ekipet, ka ato mesazhet e veta me disa nga djemtë. Nëse luhet kështu, do ketë fjalë të mira dhe premio. Çfarë të japin në fushë do ta marrin si shpërblim”.

BRAZILIANI – “Kardozon e kemi pritur gjatë, ishte fizikisht dobët në fillim. Ende s’e ka kaluar traumën e dëmtimit. I duhen minuta. Gega i besoi në Antalia, e futi edhe në formacion. Terreni e pengoi. Rasti  i humbur mendoj se u humb pasi kishte më shumë kohë se duhet të mendohej. Ai është një lojtar teknik, nga ata që ka shumë futboll në këmbë”.

KARTONI I KUQ – “Trashi me shumë korrektesë tha që ‘ishte karton, por po të mos isha shtrirë do të isha unë ai që do dëmtohej’. E pranon në mënyrë fisnike kartonin e kuq. 30 sekonda më pas mori një ndërhyrje Asani dhe me zor u dha edhe faull. Asani u ça në buzë nga goditja e Guexh me bërryl”.

https://www.facebook.com/sportrtsh/videos/2283175752007321/?notif_id=1548624582487539&notif_t=live_video_explicit

Drejtor, cilat ishin disa nga pikat që hasët vështirësi?
Nuk patëm ndonjë vështirësi, ne kishim sjellë disa mendime në projektin e paraqitur, të cilat u diskutuan dhe u panë me vëmendje, pasi gjithçka duhet të bëhet konform dispozitave të rregullave të UEFA-s dhe FIFA-s. Liga do të jetë një shoqatë që do të anëtarësohet në Federatë dhe të gjitha, duke nisur nga statuti dhe akti i themelimit duhet të jenë konform rregullores së UEFA-s, pasi ne nuk mund të bëjmë gjëra ndryshe nga se janë  rregulloret që më pas mos të pranohen nga instancat më të larta. U gjet një gjuhë e përbashkët, për të pasur një organizim sa më efiçent në të ardhmen.

Zoti Libohova ishte një propozim i juaji?
Jo nuk ishte një propozim i imi, ishte edhe i të tjerëve.

A mos është një tregues se klubet e kanë të vështirë për ta drejtuar vetë Ligën dhe duhet të jetë një i Federatës?
Zoti Libohova ka qenë i ngarkuar si nismëtar. Në statut ishte parashikuar që të mos ketë persona nga klubet, për arsye se në situatën ku ne jetojmë mund të krijonte një ngërç në raportet me klubet e tjera. Duke qenë se është një person që e njeh futbollin, ishte propozimi më i natyrshëm për të filluar këtë punë.

Cilat kanë qenë amendamentet që ju keni propozuar?
Në përgjithësi kishin të bënin me garantimin e një dige që do të funksiononte në mënyrë sa më të pavarur nga FSHF, duke marrë parasysh ato kanale që i lidhin në mënyrë organike me Federatën. Është komisioni i arbitrave, i cili sipas propozimeve që u bë do të ketë imput nga Liga dhe nga disenjatori që do të caktohet. Këto janë gjëra që do të sqarohen më pas nga një marrëveshje që do të bëjë Liga me Federatën.

Lista e arbitrave do të propozohet nga Liga apo do të jetë sërish nga FSHF-ja?
Shoqata e arbitrave është e pavarur. Arbitrat duhet të çertifikohen, duhet të kalojnë të gjitha kategoritë që ju të gjithë i dini. Ideja është që Liga të ketë imputon e vet, duke caktuar disenjatorin, i cili do të caktojë gjyqtarët për ndeshje e Ligës.

Çfarë do të ndodhë me të drejtën televizive, pasi kontrata është afatgjatë?
Një nga elementët kryesor të organizimit të Ligës është ideja për të marrë të drejtën komerciale dhe një prej tyre është e drejta televizive. Është shumë e rëndësishme që të marrë një emër dhe jo vetëm Superliga. Të ketë një sponsor gjeneral, çka do të ndihmonte në arkën e çdo ekipi. E drejta televizive është e firmosur nga Federata dhe do të transferohet, ende nuk e di se ku juridikisht dhe kush mund të jenë kompetencat e Ligës për ta diskutuar këtë kontratë.

“Kjo përmbysje tregoi që përbëjnë një grup të mrekullueshëm, që kanë karakter dhe japin gjithçka në fushën e lojës. Madje arrijnë të përmbysin edhe një ndeshje specifike siç është derbi. E merituam plotësisht fitoren”.

Më tej ai flet edhe për rëndësinë e fitores dhe ecurinë e skuadrës: “Është një hap më tepër për ndërtimin e një skuadre solide jo vetëm për këtë kampionat, por edhe në të ardhmen”.

“Hebaj mund të konsiderohet blerje? E kemi përsëritur vazhdimisht që ne i kemi lojtarët dhe punojmë me ata që kemi. Nuk është vetëm Hebaj, ka edhe të tjerë. Luajti edhe Çinari që nuk ka shprehur ende potencialin e tij përsa iu përket mënyrës së lojës. U aktivizua edhe Kote, Mala kaloi mbrojtës i djathtë. Kemi një ekip që ka një potencial që ende nuk e ka treguar”.

Gjykimi? Nuk merrem me episode dhe ia fal penalltinë arbitrit pa asnjë problem. Janë elementë të lojës që edhe gabohen, edhe pse ai ishte moment i qartë që shihej edhe nga tribuna. Më tepër më shqetëson dinamika e lojës dhe mënyra e ndërprerjes së lojës. Megjithatë në dhomat e zhveshjes edhe lojtarët nuk kishin asnjë problem me atë gjë. Ata thanë se do të futen në lojë për të fituar. E treguan më pas”.

PROBLEMET JASHTË FUSHËS – “Kemi treguar me fakte që nuk kemi frikë nga asgjë. Dimë të përballojmë, ose tentojmë të përballojmë çdo lloj situate. I referohemi rastit të Albanit, i cili e ka treguar edhe herë të tjera se çfarë vlerash ka për skuadrën. Ishte përqendrimi i tij në stërvitje, dëshira e tij për të qenë në derbi, dëshira e shokëve për të pasur atë në lojë dhe e tregoi në fushë”.

“Shiriti i kapitenit? I takon ekipit, ne kemi bërë një votim në fazën përgatitore. Belica është një nga kapitenët e ekipit. Personalisht nuk kam asnjë preferencë, mund të jetë Belica, Telushi, apo Trashi. Janë të gjithë lojtarët që janë liderë brenda grupit, në mënyrën e tyre. Shiriti masë ndaj Albanit? Është çështje që lihet për t’u diskutuar brenda grupit. Jemi të gëzuar që fituam derbin, pesë vjet rresht që fitojmë. Djemtë kanë të drejtë të festojnë dhe të shijojnë këto dy ditë pushim. Ta festojnë Pavarësinë dhe Çlirimin me vonesë, por nuk kemi çfarë bëjmë. Puna është e para”.

“Isha në stadium, pasi kam theksuar se ndeshjet duhet të kenë sa më shumë njerëz. Ishte një sfidë e rivalëve tanë në Tiranë dhe erdhëm të shihnim. Isha së bashku me trajnerin Gega dhe ky i fundit i studioi më shumë në aspektin teknik. Merkato? Nuk ishte ky rasti për merkato. Ne kemi objektivat tanë që po i ndjekim me kujdes. Kemi skautët tanë që po i monitorojnë ndeshje pas ndeshjeje dhe në Maqedoni dhe Kosovë. Do të shohim lojtarë me përvojë dhe elementë të rinj. Po punojmë”.

Titulli –  “Nuk ka luftë vetëm mes Skënderbeut dhe Partizanit. Kampionati është shumë i fortë, ka shumë javë. Një humbje mund të të fusë në një moment të keq. Ekipet janë aty, aty. Superiorja është e vështirë. Kemi për të luajtur më shumë se gjysmën e sezonit, prandaj nuk duhet të flasim para kohës”.

Partizanin e presin dy ndeshje të vështira, përballja me Flamurtarin dhe derbi me Tiranën. Rama shtoi: “Dua të theksoj se ky kampionat nuk ka ndeshje të lehta. E provuam ndaj Kastriotit në Fushë-Krujë se sa shumë vuajtëm, sigurisht dhe ndaj Laçit. Kurbinasit janë një ekip shumë kompakt. Takimi ndaj Flamurtarit është shumë i fortë. Vlonjatët kanë traditë të madhe dhe një ekip simpatik. Derbi me Tiranën dihet pastaj s’ka nevojë për fjalë. Kuptohet që nga vëmendja e medieve, tifozëve dhe kryeqyteti pushtohet nga atmosfera. Duhet të qëndrojmë me këmbë në tokë dhe të ecim përpara”.

Në fund një koment edhe në lidhje me gjendjen e tapetit në stadiumin “Selman Stërmasi”. “Më shqetëson tapeti, pasi kemi dhe eksperiencën e vjetshme. Në shkurt, apo në mars nga shirat e rrëmbyeshëm ishte thuajse e pamundur të luaje futboll. Me këtë ngarkesë mendoj se mund të shkojë në të njëjtën gjendje dhe sivjet. Këta janë kushtet e Superiore dhe nuk kemi se çfarë të bëjmë. E rëndësishme është të luhen ndeshjet dhe shpresojmë që çdo ekip të ketë stadiumin e tij, dhe Partizani natyrisht”, – përfundoi drejtori Rama intervistën e tij për “Telesport”.

NDESHJA – “Nuk më shqetëson sepse kemi një kampionat të gjatë, prisja një lojë më të mirë. Skënderbeu ishte vendosur më mirë në fushë dhe e meritoi”.

PROJEKTI – “Nuk është vetëm projekti im, por i Partizanit, jo vetëm për këtë ndeshje, për kampionatin dhe për më gjatë”.

DËNIMI I TRASHIT – “Uroj të ndikojë për mirë në të ardhmen”.

TITULLI – “Jemi në vendin e  dytë apo jo. E kam thënë gjithnjë, më intereson që lojtarët të njihen me njëri-tjetrin, të zhvillojmë lojëra të mira dhe rezultate do të vijën dhe jam i sigurt për këtë. Humbja të ndihmon që të rritesh si ekip, nuk është fundi i botës. Duhet të bëhemi më të fortë”.

FJALIMI NË DHOMAT NE ZHVESHJES – “Trajneri ka eksperiencë, ka qenë në këto pozita më parë dh u foli shumë saktë.

RIKTHIMI I TRASHIT – “Normaliteti është që lojtarët të kuptojnë përgjegjësitë e tyre. Trashi është një lojtar i rëndësishëm për kampionatin shqiptar. Unë kam sponsorizuar personalisht edhe për ekipin kombëtar pasi e meriton. Ky është proces rritje për të në aspektin sportiv”.

/VLADIMIR PRENGA

Por për të prishur “syrin e keq” ka menduar Lorenc Trashi. Pas ndeshjes me Luftëtarin ai iu drejtua menjëherë dhomave të zhveshjes dhe nuk festoi me skuadrën. Arsyeja: nuk i pëlqeu fakti që u zhvendos në krahun e djathtë të mesfushës.

Trajneri Skënder Gega nuk e ka pritur mirë veprimin e Trashit, që për më tepër në ndeshjen me Luftëtarin mbante shiritin e kapitenit dhe vetëm pak ditë më parë ka rinovuar kontratën me dy vite. Dje lojtari i linjës së majtë nuk ka dalë në stërvitje.

Nga ana e klubit nuk ka një qëndrim zyrtar, ndërkohë që vetë Trashi mbrëmjen e djeshme është takuar me drejtorin Olsi Rama. Nuk dihet për çfarë është biseduar, por duhet thënë se një klime e tillë para ndeshjes me Skënderbeun nuk i shërben askujt. Mbetet për t’u parë se çfarë zgjidhje do të gjejnë palët mes tyre.

Pak kohë me familjen, por edhe merkato. Tashmë Rama ka mbërritur në Shqipëri dhe “Sport Ekspres” mëson se krah tij në aeroportin e Rinasit ka qenë edhe një futbollist. Nuk bëhet me dije identiteti i tij, por gjasat janë të mëdha që ai të jetë pikërisht Dilaver Duka.

Mesfushori i majtë është një futbollist me eksperiencë, i cili ka arritur të luajë edhe në MLS. Ai aktivizohet në linjën e majtë të mesfushës dhe tashmë është 28 vjeç. Aktualisht aktivizohet në ligën e katërt (NPS) me Motaun.

Vjet ka qenë pjesë e Nju Jork Red Bull dhe është aktivizuar në MLS dhe USL me ekipin e dytë, kurse në të shkuarën ka mbrojtur fanellën e Kolumbus Kru,  Çikago Fajer dhe Montreal Impact.