Rumunige, i cili mori në dorë “frerët” e Bajernit para 17 vitesh ka qenë një ndër personat kyç në transforimin e klubit bavarez në një “gjigant” që nuk njeh konkurrencë në Gjermani në terma financiarë dhe sportiv.

Rumenige vendosi të bënte të ditur këtë vendim në një emision televiziv, ku zbuloi dhe pasuesin e tij: Oliver Kahn!

“Po do të dal në pension. Pas dy vitesh do të jetë koha e duhur për t’ia lënë vendit Oliver Kahnit. Plani për momentin është ai të jetë pasuesi im. Ka qenë një lojtar shumë i rëndësishëm për Bajernin dhe është një njeri i edukuar në fushën e biznesit, ku ka bërë mirë këto vitet e fundit. Zgjedhja e tij bën sens, është njeri i zgjuar dhe e njeh mirë klubin”, tha Rumenige.

Nëse gjithçka shkon sipas planit, Kahn do të zëvendësojë shefin ekzekutiv të klubit Karl-Hainc Rumenige, i cili e mban këtë pozicion prej 17 vitesh.

Në një intervistë të dhënë sot për “Sport Bild”, Kahn foli për këtë ide dhe theksoi se për një detyrë kaq të rëndësishme do t’i duhet pak kohë për të njohur strukturën e klubit.

“Për të marrë këtë pozicion kaq të lartë të duhet një fazë tranzicioni .Nuk është aspak një detyrë e lehtë, sidomos në kohët e sotme kur klubet kanë marrë formën e kompanive me shpenzime të frikshme.  Nëse do të ma ofrojnë këtë rol, do të ishte në të mirën time që Rumenige të më shoqëronte në muajt e parë të këtij procesi”.

“Si fillim them se do ta filloj thjesht si një anëtar i bordit ku do të më jepen disa detyra specifike. Gjatë kësaj kohë do të përpiqem ta njoh klubin në tërësi dhe gjithçka do të zhvillohet hap pas hapi në mënyrë graduale”.

“Bajerni është një ndër klubet më të madh në planet dhe mbajtja e këtij niveli dhe pse jo rritja e mëtejshme, është një sfidë e madhe”, përfundoi Kahn.

Nojer është një nga më të mirët në rolin e tij, por dëmtimi i pësuar në sezonin e kaluar e ka lënë pak mbrapa. Kahn i jep këshillat e duhura për patriotin e tij, beson te Bajerni i Mynihut dhe thur elozhe për Liverpulin, kundërshtarin e bavarezëve në Champions.

“Për momentin zgjedh Alison. Ai tregoi në Rusi se është një portier i nivelit botëror. Nojer nuk ia doli të luante ashtu siç bënte përpara dëmtimit. Mendoj se dy gjëra e kanë frenuar ritmin e tij: eliminimi i parakohshëm nga Botërori dhe dëmtimi. Nuk është e lehtë për një portier të thotë ‘nëse i ndodh diçka tjetër këmbës së dëmtuar, mund të marrë fund karriera’. Këto janë aspekte psikologjikë, që luajnë rolin e tyre. Nojer duhet të rifitojë besimin e plotë te fiziku i tij dhe do të rikthehet përsëri në formë. Ai mbetet portieri perfekt për Bajernin dhe ekipi bavarez ka kualitetin për të fituar Champions Ligën.”

“Liverpuli? Ata kanë shumë lojtarë të fortë, të shpejtë dhe perfektë për presingun e lartë që kërkon Klopi. Nuk është rastësi fakti që po kryesojnë Premier Ligën. Liverpuli është kundërshtari më i vështirë që mund t’i binte Bajernit.”

Një gjë e tillë e ka shtyrë Uli Hënes të mendojë largimin nga posti i presidentit të ekipit. 66-vjeçari e ka paralajmëruar një gjë të tillë, duke thënë që do të marrë shumë shpejt vendimin. Me shumë mundësi, përpara datës 30 nëntor, që përkon me mbledhjen e Asamblesë vjetore të klubit.

Siç citon “SportBild”, Oliver Kahn është kandidatura kryesore për t’u ulur në postin e Hënes. Një gjë e tillë mbështetet dhe nga Lotar Matues, një tjetër legjendë e Bajernit. Sipas Mateusit, Kahn, i cili ka fituar 1 Champions dhe 8 tituj kampionë me Bajernin, është figura perfekte për të qenë presidenti i klubit bavarez.

Në Gjermani ka patur prej kohësh polemika për ditët e zhvillimit të ndeshjeve. Tifozët kanë reaguar dhe protestuar kundër luajtjes së ndeshjeve në ditën e hënë dhe diçka e tillë është pranuar. Duke nisur nga sezoni 2021-2022, Bundesliga nuk do të zhvillojë më ndeshje ditën e parë të javës.

Kontrata me agjencinë DPA parashikonte zhvillimin e 5 ndeshjeve në sezon ditën e hënë. E para për këtë sezon do të luhet me datë 3 dhjetor, midis Nurembergut dhe Bajer Leverkuzenit, që përkon me javën e 13 të Bundesligës.