Olimpik Marsejë

Karvajo vesh “kostumin e ri”, zyrtarisht i futet trajningut

Sport Ekspres — Sun, 07 Jul 2019 13:56:42 +0000

Rikardo Karvajo do të jetë ndihmësi i Andre Vijash-Boash te skuadra e Olimpikut të Marsejës. Ish-mbrojtësi i Real Madridit i futet kështu një aventure të re, si pjesë një stafi trajnerësh.

Klubi francez, bashkë me trajnerin kanë besuar në aftësitë e luzitanit për ta bërë pjesë të stafit. Lajmi është bërë i ditur nga Marseja, nëpërmjet rrjeteve sociale.

Kujtojmë se Karvajo ka pasur një karrierë mjaft të pasur si futbollist. 41-vjeçari është fryt i akademisë së Portos. Pas largimit nga Portugalia është aktivizuar me Çelsin, Realin dhe Monakon.

Në fund ka kaluar edhe një periudhë 1-vjeçare në Kinë me Shangai Shenua. Mbetet për t’u parë sesa aftësi do ketë në një fushë si ajo e trajningut.

? The right hand to the Boss. Welcome aboard, Ricardo Carvalho!pic.twitter.com/pppm0eTAps

— Olympique Marseille (@OM_English) July 6, 2019

Një muaj kohë për 50 milionë euro, UEFA i jep ultimatum klubit francez

Sport Ekspres — Wed, 19 Jun 2019 18:41:31 +0000

Ndershmëria financiare po shndërrohet në një problem të madh jo vetëm për klubet, që bëjnë shpenzime marramendëse në merkato, por edhe për ata që mundohen të tregohen të kujdesshëm. Olimpiku i Marsejës është në fije të perit. Francezët kanë probleme në bilancet dhe i pret një dënim shembullor.
Ditët e fundit klubi është në negociata me UEFA-n për të shtyrë sa në shumë kohën e deklarimit të hyrje-daljeve. Kjo ndodh që të kenë kohë të shesin lojtarë për të evituar një dënim të mundshëm nga qeveria e futbollit evropian.

Ata kanë një marrëveshje më UEFA-n për të ulur sa më shumë defiçitin. Saktësisht Marseje duhet të ketë një defiçit financiar prej 30 milionë eurosh në tre vitet e fundit për të shmangur dënimin. Ky vit është i errët në këtë aspekt sepse ata janë plot 78.5 milionë humbje.

E vetmja zgjidhje për këtë situatë është grumbullimi i një shume prej 50 milionë eurosh nga shitjet e lojtarëve. Kjo duhet të arrihet brenda këtij muaji. Kështu, drejtuesve të klubit francez do i duhet të heqin dorë nga dy apo tre lojtarë kryesorë të ekipit. Në këtë listë bëjnë pjesë emra si Baloteli, Tovin apo Sanson.

Legjenda argjentinase pranë stolit të Marsejës

Sport Ekspres — Mon, 20 May 2019 18:59:23 +0000

Rudi Garsia është pranë largimit nga Olimpiku i Marsejes. Ish trajneri i Romës nuk ka bindur në Francë dhe klubi nuk e sheh të arsyeshme të vazhdojë me të. Gabriel Heinze është emri kryesor në listën e francezëve. 41-vjeçari e njeh shumë mirë atmosferën brenda gjigantëve francezë, pasi ka kaluar dy vite në stadiumin “Velodrome”.

Heinze nga viti 2015 ka nisur aventurën e tij si trajner. Atdheu ka qenë “streha” e parë për të startuar. Godoy Kruz dhe Argentinos Juniors ishin aventurat e para, ndërsa tani drejton Velez Sarsfiled. Ai me skuadrën e tij renditen të 6-ët në kampionatin argjentinas. Marseja pritet të jetë aventura e parë në Evropë për argjentinasin. Përveç Marsejes ish-mbrojtësi ka luajtur me ekipe si Mançester Junajtid, PSG, Real Madrid apo Roma gjatë karrierës së tij brenda fushës së blertë.

Fiton këmbëngulja e presidentit, Baloteli me ekip të ri

Sport Ekspres — Sun, 06 Jan 2019 08:00:28 +0000

U duk se kalimi tek ekipi i Nicës do të sillte qetësimin dhe rikthimin e Mario Balotelit. Dy sezonet e para ishin pozitive dhe sulmuesi italian shënoi respektivisht nga 17 dhe 26 gola, ndërsa sezoni aktual është për t’u harruar. Baloteli ka zhvilluar 10 ndeshje me ekipin, ku regjistron vetëm një asist të dhënë.

Kontrata me Nicën skadon në verë dhe presidenti i klubit njoftoi përpara pak kohësh se nuk ka ndërmend t’i ofrojë një rinovim lojtarit. Baloteli “filtroi” gjatë verës me Olimpikun e Marsejës, që tashmë shihet si ekipi i ardhshëm për të.

“L’Equipe” raporton se 28-vjeçari është një preferencë e Zhak Henri Ejrod, presidentit të Marsejës. Baloteli nuk pëlqehet shumë nga Rudi Garsia dhe Andoni Zubizareta, por insistimi dhe këmbëngulja e të parit të klubit ka triumfuar përballë skepticizmit të trajnerit dhe drejtorit sportiv.

Italiani ka një raport të ngrirë me Patrik Vieira, trajnerin e Nicës dhe është pranë zgjidhjes konsensuale të kontratës me Nicën, për të vazhduar karrierën e tij në “Stade Velodrome”.

Përplasje mes tifozëve të Marsejës dhe Lacios, ka të plagosur

Sport Ekspres — Thu, 25 Oct 2018 12:19:17 +0000

Olimpiku i Marsejës pret Lacion sonte në “Stade Velodrome”, në kuadër së sfidës së grupeve të Europa League. Në fushë pritet një përballje e zjarrtë, ndërsa ajo mes tifozërive ka nisur më herët. Të dy klubet njihen për tifozëritë e tyre të dhunshme dhe ata janë përplasur mes tyre në qytetin francez.

Ngjarja ka ndodhur të mërkurën në mbrëmje afër portit të vjetër të Marsejës. Në sherr janë përfshirë 80 lacialë dhe 80 marsejezë, ndërsa tre tifozë janë plagosur, dy italianë dhe një francez.

Sherri ka qenë i shkurtër, por shumë i dhunshëm. Siç citon “La Provence”, ultrasit e Lacios ishin të gjithë të veshur me të zeza dhe ishin të armatosur me shkopinj dhe thika”. Policia ka ndërhyrë me gaz lotsjellës për të shuar sherrin e madh dhe shpërndarë tifozët.

Romanisti Garsia: Shumë të pavërteta për shkarkimin tim. Unë te Lacio? Kurrë!

Sport Ekspres — Tue, 16 Oct 2018 13:24:07 +0000

Me datë 25 nëntor, Olimpiku i Marsejës do të presë Lacion në një përballje të zjarrtë të Europa League. Në stolin e francezëve është Rudi Garsia, i cili ka drejtuar për dy sezone e gjysmë verdhekuqtë e Romës. 54-vjeçari do të provojë emocionet e derbit roman, ndeshje që nuk e ka humbur asnjëherë, dhe një gjë të tillë e konfirmon vetë. “Do të jetë një ndeshje e veçantë për mua. Dua të vazhdoj me traditën time personale kundër Lacios dhe kjo do të ishte shumë e rëndësishme për Marsejën.”

Trajneri francez me origjinë spanjolle e di mirë se çfarë e pret në ndeshjen e kthimit. Tifozët bardhekaltër do e fishkëllejnë, por kjo gjë nuk është problem për Garsian. “Është e drejta të ndodhë kështu, duke marrë parasysh se unë jam dhe do të jem gjithmonë një romanist. Mjafton që gjithçka të jetë ‘fair-play’. Jemi kundërshtarë në fushë dhe jo jashtë saj. Nuk është një luftë.”

Kur pyetet se ekziston mundësia që një ditë të ulet në stolin e Lacios, trajneri i Marsejës është i prerë. “Jo, kurrë. Në Romë ekziston vetëm një klub për mua. Lacio meriton respekt, të njëjtin respekt që tifozët e tyre më kanë dhënë mua…”

Në Romë përflitet se Garsia e humbi autoritetin e tij në ekip, pas rebelimit të Totit, të cilin trajneri e zëvendësoi pas një ndeshje kundër Torinos. “Nuk dua të jem vulgar, por nuk më vjen në mendje një fjalë më e mirë se kjo: ‘këto fjalë janë budallaqe’. Të gjithë e dimë se kur filluan problemet e mia te Roma.” Dhe Garsia nis e shpjegon se kur situata u kthye në një problem, çka solli dhe fundin e aventurës së tij me Romën.

“Në fund të sezonit tim të dytë në ekip, pas derbit që konfirmoi vendin tonë të dytë, thashë atë që mendova sa i përket hendekut midis nesh dhe Juventusit dhe për pamundësinë tonë për të fituar titullin. Aty mbaroi gjithçka. Më vjen mirë që Françesko ka thënë të njëjtat gjëra para disa javësh. Një fjalë e urtë në Francë thotë: ‘Nuk është mirë të kesh të drejtë shumë herët’”, përfundon Rudi Garsia.

Roma pranon ofertën, 30 milionë euro largojnë holandezin

Sport Ekspres — Sun, 26 Aug 2018 10:34:52 +0000

Olimpik Marseja është e interesuar për një mesfushor dhe Kevin Strotman është objektivi kryesor. Mesfushori holandez është një preferencë e teknikut Rudi Garsia, i cili ka punuar me të gjatë periudhës kur drejtonte Romën.

Francezët afrojnë 30 milionë euro për kartonin e 28-vjeçarit dhe palët janë drejt akordit. Siç citon “Il Romanista”, Roma ka vendosur të pranojë ofertën e Marsejës dhe Strotman nuk do të grumbullohet për ndeshjen me Atalantën. Mesfushori nuk ishte shumë i bindur në fillim për për të ndërruar skuadër dhe kampionat, por oferta prej 4.5 milionë eurosh në sezon i ka ndryshuar mendjen.

Holandezin e intrigon dhe fakti që do të punojë përsëri me Rudi Garsian, i cili është gati t’i japë një rol lideri në ekip. Mesfushori aktivizohet me Romën që nga viti 2013 dhe ai numëron 102 ndeshje dhe 10 gola të shënuar me bluzën verdhekuqe.