olimpija

Gol me peshë dhe kualifikim, Çekiçi protagonist në Europa League

Sport Ekspres — Thu, 18 Jul 2019 18:09:58 +0000

Endri Çekiçi po kalon një moment të mirë te skuadra e Olimpija Ljubljanës. Sulmuesi shqiptar e nisi titullar takimin e sotëm në Europa League përballë RFS-së, takim ku skuadra e tij përmbysi humbjen 2-3 në shtëpi e duke fituar 2-0.

Ka qenë pikërisht Çekiçi ai që zhbllokoi shifrat në sekondat e fundit të pjesës së parë, duke kaluar Olimpijan në avantazh dhe duke ia bërë kualifikimin më të lehtë. Ekipit sloven i duhej dhe një gol që të kualifikohej, gol që erdhi në sekondat e fundit të sfidës. Menalo shënon në 90+2’ dhe Olimpija e Çekiçit bën mrekullinë, duke u kualifikuar në raundin tjetër të Europa League.

UEFA Europa League, kualifikuese

RFS – Olimpija 0-2 (3-2)
Çekiçi 45+1’, Menalo 90+2′

VIDEO: Çfarë momenti për Çekiçin, dopietë fantastike në Slloveni

Sport Ekspres — Sat, 18 May 2019 15:11:51 +0000

Endri Çekiçi po kalon momentin e tij më të mirë në karrierë dhe te skuadra e Olimpija Lubjanës, është shndërruar në lider absulot në javët e fundit. Sulmuesi shqiptar ka shënuar sërish sot, në transfertën kundër Rudarit, duke i dhënë tri pikë shumë të vlefshme skuadrës së tij.

Olimpija e pa veten shumë shpejt në disavantazh, pasi në minutën e 24’, Tuçiç i ndëshkoi. Çekiçi barazoi në minutën e 52’, pas një gjuajtje perfekte me të djathtën brenda zonës. Ndërsa në minutën e 76’, sulmuesi shqiptar shënoi me portën e boshatisur golin e fitores, duke i dhënë tre pikë të arta skuadrës së tij.

52’ – Goli i parë i Çekiçit

76’ – Goli i dytë i Çekiçit

Aventura e re në Slloveni, Çekiçi tregon ambiciet e tij

Sport Ekspres — Mon, 04 Feb 2019 18:57:14 +0000

Endri Çekiçi është prezantuar sot te skuadra e Olimpija, që është kampione e Sllovenisë. Pas prezantimit, sulmuesi shqiptar ka folur për faqen zyrtare të klubit. Ish-lojtari i Shpresave të Shqipërisë u shpreh shumë i lumtur që ka nënshkruar me këtë skuadër të madhe dhe pohoi se ka firmosur me Olimpijan pasi synon titullin kampion.

22-vjeçari u shpreh: “Jam shumë i lumtur që iu bashkova Olimpija. Shpresoj të ndihmoj skuadrën që të arrijmë objektivat tona dhe të fitojmë titullin kampion. Shoku im Filip Uremoviç më ka treguar shumë gjëra pozitive për këtë klub. Shpresoj që të ambientohem sa më shpejt te skuadra dhe të jem i dobishëm për shokët e skuadrës dhe për stafin teknik.

Jam i bindur se këtu do të më ndihmojnë të ndihem si në shtëpi dhe do të më japin mundësinë të tregoj sa më shpejt vlerat e mia”,- u shpreh Çekiçi, që më parë është aktivizuar dhe për skuadrën gjigante të Kroacisë, Dinamo Zagreb.

Çekiçi do të jetë pjesë e kampionëve të Sllovenisë në pjesën e mbetur të sezonit