“Agjentët flasin gjatë gjithë kohës. Nuk kemi marrë asnjë ofertë nga asnjë klub. Nuk kemi nevojë të shesim. Pol ka shumë oferta sepse është ndër më të mirët. Më i miri. Ai është profesionist i vërtetë. Kurrë nuk kemi pasur çështje me të. Pol ka një zemër të madhe”, u shpreh Ole.

Geri Nevill ka luajtur një jetë me “Djajtë e Kuq”, ekipi me të cilin ka fituar gjithçka. Sot ndjen trishtim të madh për këtë grup lojtarësh. Ish-mbrojtësi nuk kursehet aspak për lojtarët e Junajtid dhe ka një këshillë për trajnerin Solskjaer.

“Hadërsfilldi ka vuajtur shumë sivjet, nuk kanë cilësi, por më pëlqyen më shumë se ata lojtarët që ishin veshur me të kuqe. Jam i ndershëm në këtë që po them. Asgjë nuk më pëlqen nga skuadra aktuale e Solskjaer. Mjaftoni t’i shikoni, janë grupi më i dëshpëruar dhe dorëzuar që ekziston.

Këta nuk shihen me sy dhe nuk e kuptoj se çfarë mund t’i pëlqejë Ole kësaj skuadre, që nuk është skuadër. Ky Junajtid më kujton Totenhemin e Poçetinos në vitin 2014. Mauricio sapo kishte ardhur dhe në ekip kishte lojtarë si Adebajor, Kabul dhe Kapoe, lojtarë pa shpirt skuadre, por filloi ta çmontonte pak nga pak atë ekip. Ole duhet të bëjë të njëjtën gjë. Mendoj se ka nevojë për një drejtor sportiv, i cili do e ndihmonte shumë.”

Ole Gunar Solskjaer shprehet se në adresë të Junajtid kanë ardhur oferta të pafundme me lojtarë që duan të transferohen ne “Old Trafford”, pavarësisht nëse luajnë në Champions apo jo vitin tjetër.

“Ju do të habiteni sesa agjentë lojtarësh na kanë thënë që lojtarët e tyre duan të luajnë me Junajtid. Ata joshen nga potenciali dhe madhësia e një klubi si ne. Do të kthehemi në ditët më të mira. Edhe pse nuk kemi arritur standardet që presim dhe ka mundësi të mos kualifikohemi në Champions, ju do të habiteni nëse ju përmend emrat që kërkojnë të vijnë këtu”, deklaroi Solskjaer, duke surprizuar opinionin sportiv.

Trajneri norvegjez u shpreh se pa lojtarë të impenjuar e që vraponin, por në fund Solskjaer pranon me keqardhje që Siti është ekipi më i mirë dhe madje i komplementin duke thënë se ekipi i Guardiolës ka vendosur një standard.

“Skuadra reagoi, por në fund u mundëm nga një kundërshtari më i mirë se ne. Gjithsesi mora një reagim nga skuadra dhe lojtarët. Mund të vërehej qartazi se djemtë po punon fortë, por nuk ishte mjaftueshëm”.

“Ka një diferencë në cilësi. Për këtë arsye ata janë në këtyre dhe ne jemi këtu ku jemi. Ata kanë vendosur një standard. Jetojmë në Mançester dhe s’mund të na pëlqejë kjo gjë. Është në dorën tona që të zvogëlojmë hendekun e t’i kalojmë ata”.

“Sot nuk mund të them se ndonjë nga lojtarët nuk vrapoi. Duket qartë që kishte impenjim dhe përqendrim. Thjesht na duhet të punojmë sërish. Lojtarët e Sitit kanë shumë uri kur humbasin topin. E marrin mbrapsht me agresivitet dhe faulle”, përfundoi Solskjaer.

Tani, Nevill punon prej kohësh për kompaninë mediatike “Sky Sports”. Në një intervistë për bërë së fundmi, Nevill flet me trajnerin e “Djajve të Kuq” në prag të takimit të nesërm ndaj Mançester Siti.

Megjithëse situata është tepër e tensionuar, Solskjaer, tregon se është një njeri që nuk i kursen shakatë, duke “thumbuar” gjatë intervistës ish-kolegun e tij për eksperiencën katastrofike qe ai pati si trajneri i Valencias katër vite më parë, ku skuadra spanjoll rrezikoi rënien nga Primera Divizion.

“Sigurisht  që do të ketë pasoja. Kundër Sitit s’do të jetë e njëjta skuadër. Sigurisht një ndeshje e tillë bën që të ndryshosh mënyrën e të menduarit. Tani duhet një reagim, një përgjigje. Duhet që të provokosh një reagim, duhet që të frymëzosh një përgjigje nga lojtarët. Ti e di nuk është lehtë të menaxhosh një skuadër në disa raste (qesh)”.

https://twitter.com/utdxtra/status/1120740909409345538

Tekniku norvegjez vuri në dyshim impenjimin e disa lojtarëve dhe u shpreh i bindur se ai do të ketë një të ardhme te suksesshme te Mançester Junajtid, ndërsa disa nga lojtarët që ka në dispozicion s’do të jenë pjesë e këtij suksesi.

“Duke filluar nga minuta e parë gjithçka shkoi keq. Duhet të kërkojmë falje tifozëve, ata janë të vetmit persona që mund t’i veshin me fanellat e Mançester Junajtid me kokën lart,  ndërsa ne jo”.

“Paraqitja e skuadrës nuk ishte e denjë për emër si Mançester Junajtid. U kërkojmë falje të gjithë personave që kanë një lidhje me këtë klub. Kemi një shans perfekt për ta shlyer këtë që bëmë të mërkurën (derbi ndaj Mançester Sitit)”.

“Evertoni ishte më mirë se në të gjitha aspektet. Thjesht talenti s’ka për të mjaftuar punë, duhet të punojmë në shumë gjëra që të marrin rezultatet që ne dëshirojmë. Nëse je një lojtarë që dëshiron të luadh në këtë klub, duhet të kuptosh se sa vlerë ka kjo fanellë. Dua që skuadra ime të jetë skuadra që punon më fort në të gjithë kampionatin. Unë do të korr sukses këtu, dhe do të ketë lojtarë që s’do të jenë pjesë e asaj skuadre të suksesshme”.

https://twitter.com/utdxtra/status/1120000552602152960

Në një intervistë për “Manchester Evening News”, trajneri norvegjez shpjegoi se klubi i tij nuk mund të bëjë një revolucion të skuadrës, duke thënë se ndryshimet do të bëhen hap pas hapi.

“Kam folur me klubin, ne e dimë se duhet të tregohemi realist dhe se kemi shumë punë për të bërë. S’mund t’i rregullojmë menjëherë gjërat. S’mund të blejmë shtatë lojtarë dhe të rikthehemi si më parë. Duhet të bëjmë gjërat hap pas hapi”.

“Kemi skautë që po vëzhgojnë lojtarë cilësorë dhe do të marrim futbollistët e duhur. Do të jenë lojtarë që do të kenë personalitetin, cilësinë dhe çmimin e duhur. Jam i bindur se do t’i marrim këta lojtarë”, tha Solskjaer.

Ole Gunar Solskjaer ka patur diçka për t’i thënë Markus Rashford gjatë ndeshjes së kthimit kundër Barcelonës në “Camp Nou”. Trajneri i Mançester Junajtid ia shkruan mesazhin në letër, ia dhuron sulmuesit, por kjo zgjidhje nuk funksionon.

Në një dyluftim me Pike, 21-vjeçarit i bie letra në tokë. Aksioni vazhdon dhe nuk ka kohë për t’u marrë me sekretet e trajnerit. Rashford as ndoshta nuk e ka kuptuar se çfarë ka ndodhur.

Barcelona nis sulmin nga ana tjetër dhe Mark-Andre Ter Shtegen dallon letrën. Gjermani kurioz e hap dhe lexon që norvegjezi i ka kërkuar sulmuesit që skema e “Djajve të Kuq” do të ndryshojë nga 4-3-1-2 në 4-4-2.

Portieri mjaftohet me aq, e bën letrën shuk dhe e hedh përsëri në tokë. Me siguri që ndonjë mbrojtësi ja ka thënë. Rezultati ishte 2-0 për vendasit dhe nuk ekzistonte ndonjë rrezik i madh përmbysje. Kutinjo shënoi dhe golin e tretë, Barcelona u kualifikua më tej, ndërsa ndryshimi i skemës dhe “sekreti” nuk vlejtën për asgjë.

Got to be careful! ?https://t.co/gG1osZm531

— Best of Football (@BestofFootball8) April 18, 2019

Trajneri norvegjez tha se Barcelona është një klub disa nivele më lart se Junajtid, ndërsa vëmendja tani fokusohet e gjitha te kampionati ku vendi i katërt është një objektiv i vështirë për t’u realizuar.

“Më duhet të them se Mesi është maja e futbollit dhe sigurisht që ai bëri diferencën. Kur rezultati shkoi 2 – 0 gjithçka mori fund. Ai është i një niveli tjetër. Ai dhe Ronaldo janë lojtarët më të mirë të dekadës së fundit dhe këtë, të gjithë bien dakord për këtë gjë. Mesi sot tregoi kualitetin e tij.

“Na duhet të aspirojmë që të shkojmë në nivelin e Barcelonës. Mund ta arrijmë këtë, por kemi shumë punë për të bërë që ta rikthejmë Mançester Junajtid aty ku e meriton. Ata ishin disa nivele mbi ne në të dyja ndeshjet. Duam që të luajmë sërish në Champions vitin tjetër, kështu që duhet të përveshim mëngët këto javë në kampionat”, tha Solskjaer.

“Ajo çka kujtojmë nga ndeshja me PSG-në do na ndihmojë në Camp Nou, nuk ka kaluar shumë kohë nga ajo përballje. Duhet të krijojmë shumë shanse dhe besoj se i kemi sulmuesit e duhur për ta bërë këtë. Një javë më parë nuk ishim në gjendje të kishim zotërimin e topit. Duhet t’i imponojmë kundërshtarit stilin tonë të lojës. Nëse i lejon ata të mbajnë topin, atëherë është e sigurt që do të vuash”, u shpreh norvegjezi.

Më tej ai shtoi: “Ndeshje të veçanta vendosen nga detajet. Përballja me Barcelonën nesër është e tillë.  Do kërkojmë të shënojmë shpejt për të barazuar shifrat. Kemi praktikuar finalizimin e aksioneve. Herën e fundit kemi pasur disa shanse të mira”.

Nga Camp Nou Solskjaer ka kujtime të bukura, pasi ka fituar Champions League si lojtar me Mançesterin: “Është një kujtim fantastik për mua ajo finale e vitit 1999. Nuk e kthej shpesh mendjen pas tek ajo natë. Po mendoj për ndeshjen e nesërme dhe për një paraqitje të mirë. Kjo është puna ime tani”.

“Pogba dhe Sançez? Është shumë mirë fizikisht, preokupohemi vetëm për paraqitjen e tij në fushën e blertë. Për Aleksis është një natë e madhe. Kur ai është në fushë jam i sigurt që ai do të tregojë cilësitë e tij. Deri tani nuk ka pasur një sezon fantastik, por le të shpresojmë që ai mund ta mbyllë sezonin në mënyrën më të mirë për ne”, deklaron kreu i pankinës së Junajtid.

Ole Gunar Solskjaer u shfaq i gëzuar pas fitores ndaj Uest Hem me dy penallti të shndërruara në gol nga Pol Pogba. Gjithsesi, buzëqeshja e tij u ndërpre në momentin që fliste për sfidën e ardhshme.

Ndeshja e ardhshme e Junajtid është me Barcelonën në Camp Nou. Solskjaer thotë se tashmë do të fillojë të mendojë për katalanasit. Ai shprehet se blaugranat nuk janë vetëm ekipi që bën futboll të bukur. Janë një skuadër që mundohet të fitojë me të gjitha mënyrat e mundshme.

Norvegjezi gjithashtu kujton se Buskets duhet të ishte ndëshkuar me karton të kuq brenda 15 minutave të para. Diçka që arbitri nuk e bëri duke i dhënë vetëm një karton të verdhë dhe duke e falur në rastin e dytë.

“Nuk dua të krijoj polemika për gjykimin, por Barcelona duhej të ishte me një lojtar më pak brenda 15 minutave të para. Buskets nuk e meriton të luajë ndeshjen e dytë. Ne nuk mund të bëjmë asgjë për ta ndryshuar këtë, por dua që zyrtarët të kuptojnë se Barcelona nuk luan vetëm futboll të bukur. Ata vazhdimisht e zbusnin arbitrin, duke i folur si ta kishin mikun e tyre. Kanë përvojë, janë të mençur dhe i dinë të gjitha hile që të çojnë te fitorja”, ishin fjalët e Solskjaer.

Në intervistën për “The Daily Standard”, trajneri norvegjez shpjegoi se ende nuk e ka zgjedhur kapitenin e ri të skuadrës së tij.

“Do të shikojmë se cili do të jetë kapiteni sezonin tjetër. Kam disa lojtarë në mendje. Kemi pasur Antonion (Valencia), i cili do të largohet. Para tij shiritin e ka mbajtur Jang, Smolling, De Gega  dhe Pogba”.

PRURJET E MERKATOS – “Kemi lojtarë që mund ta udhëheqin e ekipin. Ne duhet të vendosim se cili do të jetë ai do të flasë në dhomat e zhveshjes dhe në fushë. Është një pozicion që ka disa kritere. Duhet një lojtar që do të zotërojë “themelet kulturore” të klubit tonë, nëse mund të shprehem kështu”.

“E di mirë që s’do të jetë një udhëtim pa dallgë. Do ta kemi të vështirë. Është një situatë ku mbijeton më i forti ose më i miri. Duhet të jemi të pamëshirshëm. Kemi nevojë për lojtarë që do të na çojnë përpara. Duhet lojtarë që stimulojnë grupin për të bërë më mirë. Liverpuli dhe Siti ndodhen shumë larg nesh në këtë aspekt. Sigurisht, kjo nuk na pëlqen”.

Një humbje minimale kundër Barcelonës qëndron, por tifozët e “Djajve të Kuq” kanë nisur ofensivën kundër trajnerit norvegjez. Dashuria me Solskjaer po shkon drejt fundit, pavarësisht si ai ka kryer një punë të madhe dhe firmosi me Junajtid për tri vite para disa ditësh.

Tifozët e akuzojnë për stilin difensiv, mënyrë loje që u ka kujtuar Zhoze Murinjon. “Solskjaer merr drogë më të fortë se Murinjo”, shkruan dikush, ndërsa një tjetër vazhdon: “Junajtid i Solskjaerit mori fund. Ky ekip është njësoj si ai i Murinjos. Lojtarët janë të frikësuar, të ç’organizuar dhe të dekurajuar”.

Kritikat e tifozëve vazhdojnë. “Djajtë e Kuq” kanë qenë gjithmonë një ekip ofensiv dhe i orientuar drejt lojës së bukur, ndërsa tani janë kthyer në një ekip difensiv.

“Nuk më shqetëson loja me kundërsulme, por nuk duhet të pretendosh të jesh antiteza e Murinjos kur nuk je i tillë”, shkruan një tjetër tifoz. Ka nga ata që nuk e kanë pritur mirë faktin që trajneri viking do të qëndrojë tre sezone në ekip, madje nuk e besojnë akoma.

“Solskjaer është shumë i mbivlerësuar. Nuk e besoj dot që klubi vendosi të firmosë për tre vite me të”.

“Mund të ndjej tension dhe entuziazëm. Lojtarët duan të luajnë. Është një ndjesi me ndryshe se ajo me PSG-në. Kemi mësuar shumë nga dy ndeshjet me ata. Champions të befason me rezultate shumë të çuditshme. Vitin e kaluar Barcelona fitoi 4-1 ndaj Romës, por më pas u mundën 3-0. Gjithçka do të vendoset në ndeshjen e kthimit në “Camp Nou” nesër na duhet një rezultati i mirë, që kur të shkojmë në Spanjë të jemi më të qetë”.

POGBA – “Ai është lojtari që krijon për ne. Duhet të fitojmë topat dhe ai duhet të çojë ekipin përpara. Shpresoj ta bëjë mirë këtë detyrë. Ai është ndër lojtarët tanë më të mirë, nuk mund imagjinoj që të mos jetë pjesë Mançester Junajtid sezonin tjetër”.

“Kemi shanse të mira në kampionat. Nuk mund të them se fitimi i Champions-it është diçka më e lehtë se renditja në katër vendet e parë të tabelës në Premier Ligë.  Kemi shanse aty, nuk jemi larg katërshes së parë për momentin”.

Megjithatë, që nga ajo kohë e deri më sot, Solskjaer ka bërë një punë të mrekullueshme. Ai ka ngjitur ekipin, që dukej i pashpresë dhe i shpartalluar, në vendin e katërt dhe i ka kualifikuar në çerekfinalet e Champions Ligës.

Trajneri vendosi të jetonte në fillim në “Lowry Hotel”, aty ku ka qëndruar më parë edhe Zhoze Murinjo. Solskjaer ka një shtëpi të tijën në dalje të Mançesterit, të cilën e ka marrë me qera Virxhil Van Dijk. Nordiku ka vendosur të mos jetojë më në hotelin e famshëm. Siç raporton “The Mirror”, trajneri i Junajtid ka vendosur të “dëbojë” nga shtëpia mbrojtësin e “armiqve” të Liverpulit.

Solskjaer është shumë afër firmosjes së kontratës me klubin e tij, tani jo më si trajner i përkohshëm, dhe ka vendosur të rikthehet në shtëpinë e tij. Ai ka njoftuar mbrojtësin holandez që të gjejë një destinacion tjetër dhe t’i lirojë shtëpinë sa më shpejt që të jetë e mundur.

Djemtë e Solskjaer u mposhtën në shtëpi 0-2 dhe nesër do të zbresin në fushën e blertë pa disa titullarë: Pol Pogba është i skualifikuar, ndërsa mungojnë dhe emra si: Lingard, Mata, Marsial, Herrera dhe Aleksis Sançez.

Trajneri norvegjez ka vendosur të grumbullojë disa lojtarë nga ekipi i të rinjve. Solskjaer ka marrë disa prej tyre, ndërsa tetë do të jenë futbollistët, të cilët kanë dalë nga akademia e klubit: Çong, Garner, Gomes, Grinvud, MekTominej, Pereira, Uilliams dhe Rashford.

Brendon Uilliams është vetëm 18 vjeç, luan në rolin e mbrojtësit të majtë. Ai është një mbrojtës anësor klasik, ka aftësi shumë të mira në fazën defensive dhe nuk heziton të dalë përpara në ndihmë të sulmit.

Emri tjetër interesant është Mason Grinvud. Vetëm 17 vjeç, luan në rolin e sulmuesit dhe ishte në stol në ndeshjen e grupeve kundër Valencias. Adoleshenti sapo është kthyer nga dëmtimi dhe sot mund të vijë debutimi i tij në komepticionon më të rëndësishëm për klube.

Lista e plotë e lojtarëve të Junajtid për ndeshjen e kthimit kundër PSG
De Gea, Romero, Grent; Beili, Dalot, Lindelof, Rojo, Shou, Smolling, Uilliams, Jang; Fred, Garner, Gomes, MekTominej, Pereira; Çong, Grinvud, Lukaku, Rashford.

“Djajtë e Kuq” kanë siguruar tetë fitore dhe një barazim në nëntë ndeshjet e fundit në kampionat dhe tashmë renditen në vendin e katërt. Markus Rashford ndodhet në një formë pozitive dhe numëron 9 gola të shënuar dhe 6 asiste në kampionat deri më tani.

Sulmuesi 21-vjeçar nuk i kursen elozhet për trajnerin, ia kalon atij të gjitha meritat e formës fantastike që po kalon ekipi dhe shpreson që norvegjezi të konfirmohet dhe në vazhdim si trajner i ekipit. Sot është ndeshja kundër Liverpulit dhe djemtë e Solskjaer do të bëjnë maksimumin për të triumfuar përballë “armiqve” të përjetshëm.

“Solskjaer ka ndryshuar gjithçka dhe ardhja e tij na ka ndihmuar shumë. Ole ka arritur të futet në kokat tona dhe mua personalisht më ka dhënë një dorë të madhe. Mbrojtja, mesfusha dhe i gjithë ekipi janë përmirësuar shumë dhe ne mund të ndërmarrim hapa të mëtejshëm përpara. E ardhmja e Solskjaer? Nëse vazhdojmë me këto rezultate, nuk ka pse të mos konfirmohet në stolin tonë”, përfundon Markus Rashford.

Ole Gunar Solskjaer ka zbuluar mënyrën se si bllokoi lojën e ekipit të Sarrit në prononcim e dhënë për “The Mirror” dhe tregon njeriun kyç të fitores së mbrëmshme. Ai ishte Huan Mata, i cili zhvilloi një ndeshje të madhe dhe “paralizoi” nisjen e aksioneve të Çelsit.

“Ka disa mënyra për të ndaluar kundërshtarin. Ata kanë aq shumë lojtarë të mirë, ndërsa ne iu përgjigjem me Huan Matën. Spanjolli bëri një punë fantastike mes dy mbrojtësve qendrorë dhe Zhorzhinjos. U lironte pa probleme nga markimi dhe bllokonte David Luizin. Të njëjtën gjë bënte dhe me Zhorzhinjon, kur braziliani ishte gati për të nisur aksionin. Ritmi i tij ishte fenomenal dhe nuk hezitonte t’i bënte presing as Rudigerit”, përfundon trajneri i Mançester Junajtid.

Solskjaer ka ringjallur “Djajtë e Kuq”, të cilët po bëjnë ndeshje fantastike. Këtë gjë e ka pranuar dhe zv. trajneri i Çelsit dhe legjenda e kësaj skuadre, Xhanfranko Zola. Italiani nuk ka ngurruar t’i thurë elozhe trajnerit norvegjez, ndërsa zbulon dhe faktin që puna e tij e mirë nuk e ka befasuar aspak.

“Jam shumë i lumtur për të. Kemi bërë kursin së bashku dhe më vjen shumë mirë që gjërat po i shkojnë ashtu siç duhet. Ai ka qenë gjithmonë i qartë në vizionin e tij dhe tani po tregon të gjitha aftësitë që ka. Do të jetë një sfidë shumë e vështirë përballë Junajtid, por Çelsi i përket këtij kompeticioni dhe duam t’i shkojmë deri në fund”,- u shpreh Zola.

“Mund të them se ata na vunë me këmbë në tokë. Mund të shikosh se çfarë kualiteti kanë lojtarët e tyre, nga portieri deri te sulmuesit. Atje duhet të arrijmë dhe ne. Po shikojmë se si mund ta forcojmë skuadrën. Gjithsesi kemi shumë lojtarë të rinj që presim që të përmirësohen për sezonin që vjen. PSG-ja jo më kot është një ndër favoritët për të fituar Champions-in. Këtë ambicje kemi dhe ne si klub”.

“Në pjesën e parë ata nuk na shkaktuan probleme, por as ne atyre. Më pas ata u mbrojtën shumë mirë. U përpoqëm të luanim me harkime, por kishim një kundërshtar të një tjetër niveli nga ata që jemi përballur deri tani. Askush nuk mund të thotë se kemi mbaruar punë në Champions. Kemi një mal përpara, por malet ekzistojnë për tu ngjitur”.

ALEKSIS SANÇEZ – “Unë nuk mund të bëj asgjë për Aleksis Sançezin. Kur ai futet të lojë duhet të gjejë vetveten, pasi e dimë që tek ai ndodhet një lojtar që bën diferencën”, përfundoi Solskjaer.

Portugezi u shkarkua dhe në vendin e tij erdhi Ole Gunar Solskjaer, i cili ka ringjallur Mançester Junajtid. Plot 8 fitore dhe një barazim në 9 ndeshjet e zhvilluara në kampionat, ndërsa Pol Pogba ndodhet në një formë të mrekullueshme.

Francezi shënoi një dygolësh në fitoren e fundit dhe është ngjitur në kuotën e tetë golave të shënuar dhe pesë asisteve, që kur Solskjaer është ulur në stolin e ekipit. Numra fantastikë dhe shifra bomberash. Norvegjezi ka spostuar mesfushorin pak metra më afër portës, por ky nuk është shkaku i vetëm i rilindjes së tij.

Pogba ka folur shkurt pas fitores me Fulhemin, duke vlerësuar trajnerin aktual dhe shigjetuar Murinjon, edhe pse nuk përmend emra. Raporti i tij dhe disa lojtarëve të tjerë me portugezin ishte i komplikuar. Murinjo u fiksua pas betejave psikologjike dhe në vend që të motivonte ekipin, përfundoi duke i lodhur lojtarët.

Solskjaer është ndryshe dhe Pogbasë i mjaftojnë pak fjalë për të përshkruar cilësitë e ish-sulmuesit. “Gjithçka ka ndryshuar falë gëzimit të Solskjaerit. Ai nuk bën lojëra dhe nuk mban recitime, thjeshtë ju dhuron gëzim të gjithëve”, flet shkurt e qartë ylli i Mançester Junajtid.

Solskjaer – “Kur trajneri i ri erdhi në ekip, ai kishte shumë besim dhe vendosmëri. Kjo ishte një shtysë e madhe për ne. Po përpiqemi që t’ia kthejmë mbrapsht. Çdo gjë po shkon mirë për momentin. Ai na kërkuar të sulmojmë më shumë, të jemi më shumë vendimtarë e të bëjmë diferencën. Ne shpresojmë që të vazhdojmë të luajmë kështu dhe në nivelet më elitare. Jemi shumë të lumtur që e kemi këtu atë dhe dëshira jonë është që të vazhdojmë me të, por kjo nuk varet nga ne”.

PSG – “Ata kanë disa mungesa dhe kjo sigurisht që është në avantazhin tonë, por ata kanë shumë lojtarë të rinj që do t’u zënë vendin. Është e sigurt që do të jetë një ndeshje e madh, shpresoj që t’ia dalim të fitojmë”

POGBA – “Poli është Poli. Ai ka një talent të pamasë. Ai është një ndër lojtarët më të mirë në planet dhe po e tregon këtë ndeshje pas ndeshje. Besoj se do të bëjë akoma më mirë në ndeshjet në vazhdim dhe kjo do ta na ndihmojë shumë”, përfundoi Marsial.

Megjithatë shkarkimi i portugezit dhe zëvendësimi i tij me Ole Gunar Solskjaer ka sjellë rezultate që askush nuk mund t’i mendonte. Në 11 ndeshje nën drejtimin e norvegjezit, Mançesteri Junajtid ka fituar 10 prej tyre, duke lënë pikë vetëm një barazim me Bërnlin.

Puna e shkëlqyer e norvegjezit nuk ka se si të mos shpërblehet nga pronarët e klubit anglez. Sipas tabloidit “The Sun”, trajneri i Mançester Junajtid ka darkuar pas fitores 3 – 0 ndaj Fulhemit me njërin prej pinjollëve të familjes Glejzër që kanë në pronësi Junajtid prej më shumë se një dekadë.

Në darkë ka qenë i pranishëm dhe agjenti i Solskjaer, Kim Solbaken dhe në tryezë është diskutuar konkretisht mundësia e një rinovimi të kontratës së norvegjezit, e cila përfundon në fund të këtij sezoni. Siç duket arritja në vendin e katërt në një hark kaq të shkurtër ndeshjet ka bindur plotësisht drejtuesit e “djajve të kuq” se Solskjaer është njeriu i duhur për të ardhmen afatgjatë të Junajtid.

Ai është shpallur trajneri më i mirë i muajit janar në kampionatin anglez. Ish-sulmuesit i ka mjaftuar pak më shumë se një muaj për të bërë më mirë se paraardhësit e tij. Zhoze Murinjo, Luis Van Gal dhe David Mojes u larguan nga Junajtid pa lënë gjurmë dhe i mbyllën eksperiencat e tyre pa u shpallur asnjë muaj si më të mirët.

Solskjaer ia ka dalë dhe tifozët e klubit të famshëm shpresojnë që ai dhe djemtë e tij të vazhdojnë në këtë mënyrë. Askush nuk besonte se Junajtid do të rikthehej në garën për një vend në Champions, ndërsa ky objektiv tashmë është vetëm dy pikë larg.

Mançesteri do të luajë nesër në transfertë përballë Fulhemit dhe Pogba me shokë janë gati të sigurojnë një tjetër trepikësh, me shpresën që Çelsi i vendit të katërt do të ndalet përballë Mançester Sitit në transfertë.

Ole Gunnar Solksjaer has been named Manager of the Month as Man Utd boss more times (1) than David Moyes, Louis van Gaal and José Mourinho combined (0).

One month, one win. ? pic.twitter.com/DCLJfWDcqB

— Squawka Football (@Squawka) February 8, 2019

Arsyeja ishte shumë e thjeshtë. Duhet të kapte avionin për Lion. Luhet ndeshja Olimpik Lion-PSG dhe trajnerit të Junajtid, i duhet të studiojë kundërshtarin e radhës në Champions. Pikërisht kampionët e Francës në fuqi.

Përkushtim në kufijtë e çmendurisë për trajnerin norvegjez, i cili pavarësisht se ishte në stol dhe ishte mjaft i ngarkuar ditën e sotme, ka vendosur që të jetë medoemos në Francë, për të studiuar ekipin parizien. Ndeshja e parë do të luhet me 12 shkurt në “Old Traford”.

Gjithçka ndodhi shumë shpejt dhe një seri e madhe fitoresh rresht riktheu “Djajtë e Kuq” në garën për një vend në Champions. Lojtarët e ekipit dhe tifozët janë të kënaqur me punën e Solskjaerit dhe për të mund të vijë një shpërblim.

Siç raporton “The Sun”, drejtuesit e klubit po mendojnë t’i japin besim trajnerit. Ata po mendojnë ta konfirmojnë Solskjaerin dhe për sezonin tjetër, sidomos nëse arrin të eliminojë PSG në Champions Ligë. Kualifikimi më tej në kompeticionin e më të mirëve do t’i siguronte menjëherë trajnerit një tjetër vit në stol, por objektivi kryesor është sigurimi i një vendi në Champions për sezonin e ri.

“Sot tamam një skuadër e bashkuar. Kishim strukturë në lojë dhe kundërsulmin klasik për të cilin është shquar gjithmonë Mançester Junajtid. Kundër Arsenalit gjithmonë kemi shënuar një gola të tillë. Para ndeshjes u  tregova video të golave që kanë shënuar Runi, Ronaldo dhe Ji Sung-Park”.

“Kam pasur dhimbje kokë, pasi kam një skuadër të mbushur me lojtarë cilësorë. Kur ke lojtarë të mirë është shumë e vështirë t’i lësh në stol, por shumë e lehtë t’i fusësh prap në fushë”.

“Ndeshja e sotme kishte një përmirësim të dukshëm nga ajo ndaj Totenhemit. Është e lëhtë të emocionesh për të ardhmen, por ne duhet të vazhdojmë të punojmë e të mendojmë për lojën e ardhshme”, përfundoi Solskjaer.

Rezultatet flasin vetë dhe shumë vetë kanë filluar të besojnë se norvegjezi e meriton një shans për të vazhduar punën si trajneri i Mançester Junajtid edhe pas përfundimit të kontratës së tij aktuale që mbaron në fund të këtij sezoni.

“Paddy Power” një ndër kompanitë më të njohura të basteve në Angli ka bërë një gjest të veçantë për të vlerësuar arritjen e Solskjaer, duke shlyer që ditën e sotme bastet e të gjithëve atyre pak personave, që kishin vënë para emërimin e Solskjaer si trajner afatgjatë, edhe pse kjo gjë nuk ka ndodhur ende.

Një përfaqësueses i kompanisë u shpreh se, “Paddy Power” është besimplotë se Solskajer do të vazhdojë të jetë trajneri i Junajtid dhe si rrjedhojë erdhi ky vendim.

NDESHJA E NESËRME – “Duhet të qendrojmë me këmbë në tokë. Mendoj se ky është çelësi. Luajmë në shtëpi, por duhet të vetëpërmbahemi. Do të jetë emocionuese për mua, por tani jam trajneri i skuadrës dhe më duhet të përmbush detyrat e mia”

KRITIKAT E NEVILL – “Jam i bindur se ai do të jetë shumë i ashpër ndaj meje. E kam pasur për 11 vite në dhomat e zhveshjes dhe e njoh shumë mirë. Tani ai paguhet për të dhënë një opinion dhe këtu ska asgjë të keqe”.

FILOZOFIA E LOJËS – “Unë nuk kam ndonjë gjë të veçantë nga menaxherët e tjerë. Gjithçka është ka të bëjë më përgjegjshmërinë e çdo kujt në skuadër. Fola me lojtarët në një takim dhe të gjithë ramë dakord se kur të shënojmë golin e parë, duhet të kërkojmë me ngulm të dytin, e më pas të tretin. Kjo është natyra e këtij klubi, lojtarët këtu duhet të mendojnë gjithmonë për të sulmuar portën e kundërshtarëve”.

BISEDA ME ALEKS FERGUSON – “Sigurisht që kam folur me të. Do e takoj sa herë që kam nevojë për ndonjë këshillë, pasi siç të gjithë e dini ai është shefi. Nëse ka ndonjë njeri që mund t’i besoj është ai dhe vetëm ai”, përfundoi Solskjaer

Uejn Runi ka folur për “BT Sport”, duke thumbuar trajnerin portugez. Raportet e Murinjos me një pjesë të lojtarëve ishin në pikën zero dhe kjo është diçka shumë e keqe për një ekip futbollit. Sulmuesi i famshëm, i cili mbylli sezonin në SHBA me DC United, mendon se klubi mori vendimin e saktë dhe është kurioz të shohë Solskjaerin dhe reagimin e ekipit në vijim.

SHKARKIMI – “Po, diçka duhet të ndryshonte dhe mendoj se është marrë vendimi i duhur. Klubi i ka dhënë detyrën e trajnerit Solskjaerit deri në fund të sezonit dhe do të shohim se si do të shkojë, ndërsa drejtuesit po kërkojnë një trajner të ri. Mbi të gjitha, do të tentojnë të gjejnë trajnerin e duhur kësaj radhe… ”

PROBLEMET – “Natyrisht, dëgjoj shpesh shumë persona nga Junajtid dhe sigurisht që kam folur shumë me ta gjatë kësaj jave. Duhet të shkojë gjithçka mirë që një klub të ketë sukses. Stafi teknik duhet të jetë i lumtur në fushat e stërvitjes, po ashtu duhet të ndihen dhe lojtarët. Kjo është tepër e rëndësishme, por mendoj se raporti midis stafit teknik dhe lojtarëve nuk ka qenë i mirë.

SOLSKJAER – “Mendoj se ai është zgjedhja e duhur për Junajtid, duke parë që i jep kohë klubit të zgjedhë trajnerin e ri për në verë. Në të njëjtën kohë është interesante të shohim se si Ole (Solskjaer) do ta vendosë skuadrën në fushë dhe si do i përgjigjen lojtarët, të cilët reaguan me një fitore të bukur me Kardifin.”

“Do t’i lë djemtë ta shijojnë natën e sotme, më pas do të shohim përpara. Kam ardhur me disa ide dhe po mundohem që pak e nga pak t’i transmetoj në ekip. Situata në dhomat e zhveshjes është fantastike, të gjithë duna të japin më të mirën për klubin. Ata luajnë për fanellën e Junajtid, sepse kanë kualitet të madh.

“Performanca në mbrojtje më kënaqi jashtëzakonisht shumë sot. Ishte brilante. Futbolli është i lehtë, kur ke lojtarë të mirë. Kualiteti që kanë është i pabesueshëm. Erdha të mërkurën dhe punova të enjten dhe të premten me djemtë dhe ajo që dhanë në fushë më kënaqi.”

”Do qëndroj këtu për pesë ose gjashtë muaj. Do të ndihmoj skuadrën, ndërkohë që drejtuesit e klubit do të merren me përzgjedhjen e trajnerit të ri”.

“Lojtarët ishin në gjendje të mirë. Çdo herë që takon njerëz të rinj je i emocionuar për të ardhmen. Disa prej tyre i njoh, pasi i kam pasur lojtarë kur trajnora rezervat e Junajtid”.

“Kur të ofrohet një mundësi e tij, qoftë edhe për gjashtë muaj, nuk mund t’i thuash jo. Jam i lumtur të ndihmoj. Unë do bëj punën time, duke ndihmuar ekipin, por ka shumë trajnerë të tjerë që e duan këtë post, unë jam një ndër ta, por s’kemi folur për këtë pjesë me drejtuesit. Siç e thashë më parë, në këto gjashtë muaj ato do të përzgjedhim trajnerin e ardhshëm”.

Merkato e janarit – “Do të kem dhe unë fjalën time për afrimet. Do të ulemi dhe të flasim për të gjithë lojtarët që duam të afrojmë.

Katërshja e parë? – “Mendoj për ndeshjen e radhës dhe për t’i mësuar djemve parimet e mija. Duhet t’i bëj ata që të kuptojnë filozofinë time të futbollit, më pas të shohin çfarë rezultatesh do të marrim dhe sa pikë do grumbullojmë. Për momentin nuk e kemi katërshen e parë si zëvendësim.

Aventura e parë e 45-vjeçarit në Angli si trajner nuk ishte fort e mirë. Në atë sezon, ekipi i tij, Kardifi e mbylli kampionatin në vendin e fundit dhe zbriti në Championship. Ndoshta, fajtori kryesor nuk u pa të ishte Solskjaer, pasi norvegjezi e mori drejtimin e ekipit në janar, por me fillimin e sezonit të ri, ecuria përsëri ishte jo e duhura dhe drejtuesit e Kardif u detyruan ta shkarkonin.
Shifrat nuk janë në favor të trajnerit më të ri të Junajtid, i cili në 18 takime të zhvilluara në Premier Ligë, ka arritur të koleksionojë vetëm 3 fitore. Pikët e grumbulluara janë 12 nga 54 të mundshme, ndërkohë që humbjet janë plot 12. Në atë kohë drejtonte Kardifin, një ekip shumë herë më modest se Junajtid.
Gjithashtu kanë kaluar 4 vite dhe tashmë norvegjezi shihet të ketë më tepër eksperiencë. Statistikat nuk i dalin në krah, gjithsesi mbetet për t’u parë se cila do të jetë ecuria e Ole Gunar Solskjaer në krye të ekipit, ku si lojtar u shndërrua në një legjendë.

Ndërkohë është gjetur edhe zgjidhja e përkohshme: Ole Gunar Solskajer do ta drejtojtë Mançester Junajtedin deri në fund të këtij sezoni. Një “ish” i këtij ekipi, teksa ka dhënë kontribut të vyer si futbollist me skuadrën britanike.

We can confirm that Ole Gunnar Solskjaer has been appointed as caretaker manager until the end of the 2018/19 season.

He will be joined by Mike Phelan as first-team coach, together with Michael Carrick and Kieran McKenna. #MUFC

— Manchester United (@ManUtd) December 19, 2018

“Konfirmojmë që Ole Gunar Solskajer është përzgjedhur si trajner i përkohshëm deri në fund të sezonit 2018/19. Ai do t’i bashkohet Majk Pelan si trajner i parë, së bashku me Majkëll Kerrik dhe Kieran KëkKena”, shkruhet në njoftimin e klubit anglez.

Solskajer prej tre sezonesh ishte në krye të skuadrës norvegjeze të Moldes, madje këtë verë u përball me Laçin në Europa League. Sigurisht skuadra e tij u kualifikua dhe tashme 45-vjeçari rikthehet në Mançester. Më parë, në periudhën 2008-2011, Solskajer ka drejtuar rezervat e Junajtid dhe tashmë do të ketë mundësinë të drejtojë ekipin e parë. Drejtuesit ndërkohë do kërkojnë të gjejnë një zgjidhje përfundimtare për pankinën.

Sipas gazetarit të “ESPN”, Mark Ogden, vendimi është marrë dhe Solskjaer do të prezantohet ditën e nesërme. Ish-sulmuesi i Junajtid, ka punuar të shkuarën si trajner i skuadrës rezervë të klubit anglez, ndërsa prej tre vitesh trajnon klubin e Moldes në vendlindje.

Solskjaer ka pasur një eksperiencë të shkurtër në kampionatin anglez në vitin 2014, kur iu besua pankina e klubit uellsian të Kardifit. Sipas “ESPN”, Solskajer do të firmosë një kontratë 6 mujore, e do t’i lërë vendin një trajneri me emër, që do të zgjidhet në muajt në vazhdim nga kryesia e klubit ndërsa objektivi tjetër i Junajtid do të jetë emërimi i një drejtori sportiv, pozicion ky, që nuk ka ekzistuar më parë te djajtë e kuq, për shkak se gjithçka i është lënë në dorë trajnerit.