Old Trafford

Statistikë historike, “Old Trafford” kthehet në fortesën e…Guardiolës

Sport Ekspres — Wed, 24 Apr 2019 21:56:30 +0000

Pep Guardiola është një emër që do mbahet mend gjatë nga tifozët e Mançester Junajtid. Vite më parë trajneri katalanas i ka eliminuar në dy finale Champions-i, ndërsa sot i turpëron ndeshje pas ndeshje me Mançester Sitin, që në harkun e tri viteve e ka kthyer në një makineri golash.

Fitorja e sotme në “Old Trafford” vendos dy rekorde historike. Siti bëhet i pari ekip që prej themelimit të formatit “Premier League” në vitin 1992 që mund Junajtid në “Old Trafford” me rezultatin 2 – 0. Një gjë e tillë nuk kishte ndodhur asnjëherë në 516 ndeshjet e mëparshme.

Rekordi tjetër i takon trajnerit Pep Guardiola, i cili bëhet trajneri i parë në histori që fiton tri ndeshje kampionati radhazi në “Old Trafford”. (1 – 2, 10 dhjetor 2017), (1 – 2, 10 shtator 2016).

Programohet miqësorja e legjendave, Ferguson rikthehet në pankinën e “Old Trafford”

Sport Ekspres — Sat, 16 Feb 2019 17:26:14 +0000

Një ndër ndeshjet më të bukura në historinë e Mançester Junajtid është finalja Champions-it të vitit 1999. “Djajtë e kuq” përmbysën 2 – 1 gjermanët gjatë kohës shtesë me dy gola me autor Tedi Sheringam dhe Ole Gunar Solskjaer.

Ajo mbrëmje e magjishme do të përsëritet sërish, kësaj radhe në “Old Trafford”. Më datë 26 maj në tapetin e “teatrit të ëndrrave do të zbresin në fushë pjesa më e madhe e protagonistëve të asaj ndeshjeje.

Festa gjatë finales 1999

Megjithatë më e veçanta e këtij takimi është rikthimi i Sir Aleks Ferguson në krye të pankinës së Junajtid që prej dorëheqjes në maj të vitit 2013. Gjithashtu dhe pankina e Bajernit do të ketë një legjendë si Otmar Hicfeld.

Junajtid në telashe me UEFA-n, i gjithë faji është i Ronaldos

Sport Ekspres — Wed, 24 Oct 2018 20:17:16 +0000

Mançester Junajtid do të dënohet nga UEFA për shkak të tri tifozëve që u futën në fushë gjatë takimit të djeshëm, ku “djajtë e kuq” u mundën me rezultatin 1-0 nga italianët e Juventusit.

Tri tifozë të ndryshëm tentuan të futeshin në fushë gjatë dhe pas përfundimi të ndeshjesh. Arsyeja ishte për të takuar ish-lojtarin e Mançester Junajtid, Kristiano Ronaldon, i cili mban statusin e një heroi në “Old Trafford”.

Për të parandaluar përsëritjen e kësaj ngjarje, një zyrtar i klubit anglez tha se do të vihen rregulla më të forta ndaj kompanive që trajnojnë punonjësit e sigurisë në “Old Trafford”.

https://twitter.com/R1Finesse/status/1054812942582145024