Gola me aromë titulli, Olajinka dhe Cetkoviç protagonistë

Sport Ekspres — Sun, 28 Apr 2019 15:35:35 +0000

Ish-sulmuesi i Bylisit dhe Skënderbeut, Piter Olainka, ka qenë protagonist në sfidën e kësaj jave të kampionatit çek midis Slavias së Pragës dhe Sigma Olomouc. 23-vjeçari shënoi golin hapës të përmbysjes së Slavias, që fitoi takimin me rezultatin 2-1. Ky ishte goli i gjashtë i Olajinkës në kampionatin çek. Teksa kanë mbetur katër javë nga fundi i kampionatit, Slavia kryeson renditjen me katër pikë diferencë nga Plzeni i vendit të dytë.

Zhvendosemi në Mal të Zi, ku Marko Cetkoviç dhe Stefan Cicmil po marshojnë drejt titullit me skuadrën e Sutjeskës. Ish-lojtari i Laçit dhe Partizanit la shenjën e tij në fitoren e djeshme me rezultat 4-0 ndaj Rudarit. Me shtatë pikë diferencë nga ndjekësit, titulli kampion është thuajse i sigurt.

Standings provided by Sofascore LiveScore

VIDEO | Olainka rikthehet të shënojë, Slavia kryeson e vetme kampionatin çek

Sport Ekspres — Sat, 08 Dec 2018 18:50:53 +0000

Peter Olainka la Belgjikën për t’u “shpërngulur” në Çeki, ku u ble gjatë merkatos së verës për tre milionë euro nga skuadra e Slavias së Pragës. Klubi kryeqytetas u detyrua të bënte nje sforco financiare të madhe për të afruar nigerianin, kartoni i të cilit u ble për një shumë rekord prej 3.2 milionë eurosh.

Katër muaj pas transfertës, nigeriani ka shënuar katër gola. Sigurisht nga ai pritet shumë më shumë, por s’duhet të harrojmë që është 23 vjeç dhe kontrata e tij me klubin çek mbaron pas në vitin 2022, pra koha për të treguar veten nuk është e pakët.

Ish-sulmuesi i Skënderbeut ka gjetur rrugën rrjetës në ndeshjen e ditës së sotme ndaj Mlada Boleslav. Takimi u mbyll 3 – 2 në favor të Slavias dhe Olainka shënoi golin e tretë për të tijtë. Skuadra mban kreun e kampionatit çek me katër pikë diferencë nga ndjekësit dhe kampionët në fuqi të Viktoria Pëlzen.