Oklahoma City Thunder

VIDEO | Westbrook futet në histori, Warriors likuidojnë edhe Nuggets

Sport Ekspres — Wed, 03 Apr 2019 07:47:19 +0000

Golden State Warriors kanë triumfuar kundër Denver Nuggets, një ndeshje që pritej të ishte e fortë dhe në fund përfundoi 116-102. Ai që spikati mbi të tjerët ishte DeMarcus Cousins, duke realizuar 28 pikë, 5 asiste dhe 12 rikuperime. Durant u ndal në kuotën e 21 pikë, kurse Curry në 17. Një ndeshje e dominuar nga kampionët në fuqi, që pas tre periodave të para numëronin 22 pikë më shumë.

Houston Rockets likuidioi 105-130 Sacramento Kings dhe regjistron kështu fitoren e 50-të sezonale. Si zakonisht lideri ishte James Harden, i cili regjistroi këto shifra: 36 pikë, 10 asiste, 3 rikuperime. San Antonio Spurs ka bërë detyrën kundër Atlanta Hawks, në një ndeshje që u mbyll 117-111. DeMar DeRozan bëri një ndeshje të mirë, duke shënuar 29 pikë.

Oklahoma City Thunder mundi Los Angeles Lakers 119-103. LeBron James nuk u aktivizua, ndërkohë që ylli i mbrëmjes ishte Russell Westbrook, me një “triple-double” që e fut në historinë e skuadrës së tij, pasi më parë askush nuk kishte regjistruar një të tillë: 20 pikë, 21 asiste, 20 rikuperime. Gjithashtu ai bëhet lojtari i dytë në historinë e NBA që realizon një “triple-double” të tillë. Vetëm Wilt Chamberlain (22 pikë, 21 asiste, 25 rikuperime) më 2 shkurt të vitit 1968 ka bërë më mirë.

Oklahoma City Thunder-Los Angeles Lakers 119-103
San Antonio Spurs-Atlanta Hawks 117-111
Sacramento Kings-Houston Rockets 105-130
Golden State Warriors-Denver Nuggets 116-102

VIDEO | Devin Booker “përbindësh” në humbje, ngec City Thunder

Sport Ekspres — Tue, 26 Mar 2019 08:15:22 +0000

Devin Booker ishte i papërmbajtshëm, teksa shënoi 59 pikë kundër Utah Jazz, por Phoenix Suns u mund me rezultatin 125-92. Rudy Gobert ishte lideri i Utah Jazz. Ai shënoi 27 pikë dhe rikuperoi 10 topa. Derrick Favors dhe Ricky Rubio gjithashtu bënë paraqitje të mira, duke realizuar nga 18 pikë secili.

Fituesi i ndeshjes Portland Trail Blazers-Brooklyn Nets u vendos pas dy shtesave dhe rezultati përfundimtar ishte 148-144. D’Angelo Russell (39 pikë, 8 asiste, 9 rikuperime) ishte shënuesi më i mirë për të dyja skuadrat, por Jusuf Nurkiç (32 pikë, 5 asiste, 16 rikuperime) dhe Damian Lillard (31 pikë, 12 asiste, 6 rikuperime) ishin ata që bënë diferencën dhe vendosën skuadrën fituese.

Oklahoma City Thunder ka ngecur ndaj Memphis Grizzlies, në një takim që përfundoi 119-98. Russell Westbrook (16 pikë, 7 asiste, 5 rikuperime) nuk ishte në ditën më të mirë, ndërkohë as Paul George (30 pikë) dhe Dennis Schröder (25 pikë) nuk mjaftuan për City Thunder. Grizzlies bënë një lojë të mirë në grup dhe triumfuan.

Orlando Magic kaloi me sukses Philadelphia 76ers me shifrat 119-98. Nikola Vuçeviç (28 pikë, 4 asiste, 11 rikuperime) dhe Evan Fournier (24 pikë, 7 asiste) udhëhoqën skuadrën e tyre drejt fitores, në një ndeshje ku 76ers ishin dobët në dy periodat e fundit. Joel Embiid, prej të cilit pritet shumë, shënoi vetëm 20 pikë dhe rikuperoi 10 topa, pa mundur të ndihmojë sa dihet skuadrën e tij.

Orlando Magic-Philadelphia 76ers 119-98
Memphis Grizzlies-Oklahoma City Thunder 115-103
Utah Jazz-Phoenix Suns 125-92
Portland Trail Blazers-Brooklyn Nets 148-144

“T’i thyej kockat, ty dhe gruas tënde”, Westbrook zbulon shkakun e tërbimit

Sport Ekspres — Wed, 13 Mar 2019 10:21:00 +0000

Ndeshjet e kampionatit amerikan të basketbollit dhuruan spektakël si gjithmonë, por edhe grushte mes lojtarëve dhe konflikte me tifozët. Serge Ibaka dhe Marquese Chriss përdorën duart mes tyre në ndeshjen Toronto Raptors-Cleveland Cavaliers dhe të dy lojtarët u përjashtuan nga loja.

Megjithatë, ajo që ka bërë bujë dhe që ka shkaktuar shumë polemika në SHBA është ngjarja e ndodhur në ndeshjen Utah Jazz-Oklahoma City Thunder. Miqtë fituan me rezultatin 89-98, me Russell Westbrook (23 pikë, 8 asiste, 11 rikuperime), i cili ishte në lartësinë e duhur. 30-vjeçari pati problem me publikun vendas gjatë gjithë ndeshjes. Një gjë e tillë i kishte ndodhur dhe gjatë prillit të kaluar në ndeshjet “play-off”.

Një moment Westbrooke nuk duroi më dhe iu kthye një tifozi, i cili po e ofendonte lojtarin papushim. “Ti mendon se unë po luaj, por të betohem në Zot që t’i thyej kockat, ty dhe gruas tënde”. Një kërcënim i tillë është kapur në video nga Eric Woodyard, një gazetar i “Desert News”. Ky i fundit ka postuar videon në rrjetet sociale, aty ku kanë shpërthyer polemikat e shumta.

Basketbollisti është mbrojtur, duke shpjeguar me detaje incidetin e ndodhur. Numri 0 pretendon se është ofenduar me shprehje raciste dhe nuk mund të toleronte diçka të tillë.

“Kam marrë fyerje raciste dhe nuk mund t’i pranoj ato. Natyrisht që të gjithë komentojnë në bazë të videos së publikuar, por nuk shihet se si nisi e gjitha kjo. Një djalë i ri dhe gruaja e tij m’u drejtuan me fjalët: ‘qëndro i gjunjëzuar, ashtu siç je mësuar gjithmonë’. Nga këndvështrimi im, ky është një koment që ka doza racizmi dhe përbuzje. Në Utah ka shumë tifozë pasionantë, të cilët vijnë shohin ndeshjen dhe zbaviten, por ka edhe nga ata që vijnë vetëm për të më ofenduar mua dhe familjen time.”

“Kam bërë gjithçka mirë për shumë vite, pa krijuar asnjë problem me askënd. I kam qëndruar larg problemeve dhe nuk kam patur asnjë problem me tifozët në 11 vite në NBA. Kam marrë kritika pafund, por nuk jam i gatshëm të pranoj ofendime personale plot përbuzje dhe urrejtje. Nëse do të ndodhem përsëri në një situatë të tillë, nuk do të hezitoj të them të njëjtat gjëra. Nuk do të merrem kurrë me një grua dhe nuk do të ngre kurrë dorë kundrejt saj, por në momentin kur burri i saj po më ofendonte, ajo nisi të përsëriste të njëjtat gjëra.”

Tifozi i përfshirë në këtë çështje quhet Shane Keisel dhe ai mohon që të ketë ofenduar lojtarin e Oklahomës. Edhe klubi i Utah Jazz ka reaguar për ngjarjen, duke thënë që po heton atë çfarë ka ndodhur, ndërsa bën thirrje për një klimë më të mirë midis lojtarëve dhe tifozëve.

VIDEO | Bucks shtypin Pacers, Lillard i pafuqishëm ndaj City Thunder

Sport Ekspres — Fri, 08 Mar 2019 07:45:21 +0000

Milwaukee Bucks janë një fitore larg triumfit të 50-të këtë sezon. Së fundmi kanë mposhtur Indiana Pacers 117-98 dhe kështu kryesojnë Konferencën e Lindjes. Giannis Antetokounmpo (29 pikë, 5 asiste, 12 rikuperime) dhe Khris Middleton (27 pikë, 4 asiste, 2 rikuperime) ishin ata që udhëhoqën Bucks drejt triumfit, në një ndeshje që u dominua krejtësisht prej tyre.

Portland Trail Blazers-Oklahoma City Thunder përfundoi 121-129 dhe u desh shtesa për të vendosur fituesin. Damian Lillard arriti të shënonte 51 pikë, si dhe të regjistronte 9 asiste e 5 rikuperime, por nuk mundi ta nxirrte skuadrën e tij fituese. Përballë kishte Russell Westbrook dhe Paul George, të cilët ishin në një formë shumë të mirë. I pari shënoi 37 pikë, kurse i dyti 32.

Milwaukee Bucks-Indiana Pacers 117-98
Portland Trail Blazers-Oklahoma City Thunder 121-129

VIDEO | “Furia” Raptors merr përpara Celtics, marshojnë edhe Nuggets

Sport Ekspres — Wed, 27 Feb 2019 08:34:39 +0000

Boston Celtics u mendua se do t’ia bënte të vështirë Toronto Raptors, por kanadezët arritën të fitojnë me rezultatin 118-95. Perioda e parë nisi mirë për miqtë, që shënuan dy pikë më shumë. Më pas Raptors shpërthyen dhe shënuan 29 pikë më shumë se Celtics në dy periodat e tjera. Pascal Siakam (25 pikë) dhe Kawhi Leonard (21 pikë) udhëhoqën skuadrën e tyre drejt fitores së 45-të sezonale.

Nikola Jokiç ishte fenomenal në fitoren Denver Nuggets morën kundër Oklahoma City Thunder me rezultatin 121-112. Ai shënoi 36 pikë, ndërkohë që dha 10 asiste e rikuperoi 9 topa. Mbështetje të madhe pati edhe nga Will Barton dhe Jamal Murray, të cilët realizuan respektivisht 23 dhe pikë. Për Oklahoma City Thunder vazhdon të spikatë Russell Westbrook (22 pikë, 9 asiste, 14 rikuperime). Paul George (25 pikë, 7 asiste, 8 rikuperime) dhe Jerami Grant (21 pikë) gjithashtu bënë mirë, por City Thunder u mposht nga Nuggets.

Fitore për New York Knicks, që mundi Orlando Magic me shifrat 108-103. Një paraqitje e mirë në grup, që nxori të mposhtur Nikola Vuçeviç (26 pikë, 6 asiste, 11 rikuperime) dhe Aaron Gordon (26 pikë, 2 asiste, 7 rikuperime).

New York Knicks-Orlando Magic 108-103
Toronto Raptors-Boston Celtics 118-95
Denver Nuggets-Oklahoma City Thunder 121-112

VIDEO | Russell Westbrook thellon rekordin, Pelicans i prishin festën

Sport Ekspres — Fri, 15 Feb 2019 08:33:05 +0000

Befasohet Oklahoma City Thunder, që u mund 131-122 nga New Orleans Pelicans. Një ndeshje që nisi e barabartë, por në periodën e dytë dhe të tretë Pelicans ishin më lart dhe krijuan distancë të mjaftueshme për t’iu gëzuar fitores në fund.

Russell Westbrook ishte i papërmbajtshëm. Sërish “triple-double”, i 11-ti radhazi dhe rekordi i mëparshëm i tij përmirësohet. Plot 44 pikë të shënuara, 11 asiste dhe 14 rikuperime. Paul George u ndal në 28 pikë. Julius Randle dhe Jrue Holiday ishin ata që udhëhoqën Pelicans drejt triumfit, teksa realizuan respektivisht 33 dhe 32 pikë.

New York Knicks ka triumfuar kundër Atlanta Hawks me rezultatin 91-106. Një ndeshje e fituar falë lojës në grup, me 6 basketbollistë që realizuan më shumë se 10 pikë. Dennis Smith Jr. Ishte shënuesi më i mirë i Knicks, me 19 pikë. Fitore të rëndësishme mori edhe Orlando Magic, që mposhti Charlotte Hornets 127-89.

Orlando Magic-Charlotte Hornets 127-89
Atlanta Hawks-New York Knicks 91-106
New Orleans Pelicans-Oklahoma City Thunder 131-122

VIDEO | Nuggets shumë të fortë për Rockets, shpërthen Paul George

Sport Ekspres — Sat, 02 Feb 2019 09:53:53 +0000

James Harden, së bashku me Kenneth Faried dhe Chris Paul, nuk ia kanë dalë t’i rezistojnë Denver Nuggets, që me rezultatin 136-122 iu gëzua fitore kundër Houston Rockets. Harden u ndal në 30 pikë, kurse dy shokët e tij të skuadrës realizuan 23 dhe 20.

Nuggets ishin më lart dhe Malik Beasley arriti të shënonte 35 pikë. Gjiganti Nikola Joki? vijon me paraqitjet e mira. Këtë herë shënoi 31 pikë, si dhe regjistroi 9 asiste e 13 topa të rikuperuar. Torrey Craig dhe Monté Morris, me 22 dhe 18 pikë dhanë gjithashtu një kontribut shumë të vlefshëm në fitoren e Nuggets.

Marshon Oklahoma City Thunder, që mundi 102-118 Miami Heat. Paul George ishte në një ditë të mirë dhe realizoi plot 43 pikë. Dennis Schröder shënoi 28, kurse Russell Westbrook regjistroi “triple-doube”: 14 pikë, 14 asiste dhe 12 topa të rikuperuar.

Boston Celtics kanë likuiduar New York Knicks me rezultatin 99-113, Charlotte Hornets mposhtën Memphis Grizzlies 100-92. Fitore edhe për Utah Jazz, që kaloi me sukses Atlanta Hawks me shifrat 128-112. Rudy Gobert dhe Ricky Rubio shënuan nga 25 dhe 2 pikë për Jazz.

Charlotte Hornets-Memphis Grizzlies 100-92
New York Knicks-Boston Celtics 99-113
Miami Heat-Oklahoma City Thunder 102-118
Utah Jazz-Atlanta Hawks 128-112
Denver Nuggets-Houston Rockets 136-122

VIDEO | Spurs triumfon në ndeshjen rekord, Nuggets “shtypin” Clippers

Sport Ekspres — Fri, 11 Jan 2019 08:32:53 +0000

Sytë në Teksas, aty ku për të parën herë këtë sezon u shënuan më shumë se 300 pikë në një ndeshje. San Antonios Spurs festoi pas dy shtesave kundër Oklahoma City Thunder, në një takim që u mbyll me rezultatin 154-147. LaMarcus Aldridge ishte më i miri në parket, duke shënuar 56 pikë, ndërkohë që dha edhe 4 asiste e rikuperoi 9 topa.

Oklahoma City Thunder, pavarësisht paraqitjes mjaft të mirë të titullarëve, doli e mposhtur. Paul George shënoi 30 pikë, Jerami Grant 25, Terrance Ferguson 21, kurse Steven Adams 19. Russell Westbrook ishte gjithashtu në formë të mirë, pasi regjistroi “triple-double”: 24 pikë, 24 asiste dhe 13 topa të rikuperuar. Gjithsesi në fund triumfuan Spurs.

Jamal Murray (23 pikë) dhe Nikola Joki? (18 pikë, 10 asiste, 14 topa të rikuperuar) udhëhoqën Denver Nuggets në triumfin 121-100 kundër Los Angeles Clippers. Gallinari dhe Harris, të dy realizuan nga 18 pikë, nuk i bënë dot ballë rivalëve të Nuggets dhe skuadra e tyre doli e mposhtur.

Sacramento Kings ka marrë fitoren e 21-të, po aq herë ka humbur, ndaj Detroit Pistons. Takimi u mbyll 112-102, me Kings që krijuan diferencë të konsiderueshme në dy periodat e para dhe qetësisht ruajtën epërsinë deri në fund. Fitore me mjaft vlera mori edhe Miami Heat kundër Boston Celtics. Veterani Dëyane Wade realizoi 19 pikë, në një ndeshje që u mbyll me shifrat 115-99.

Miami Heat-Boston Celtics 115-99
Denver Nuggets-Los Angeles Clippers 121-100
San Antonio Spurs-Oklahoma City Thunder 154-147
Sacramento Kings-Detroit Pistons 112-102

Milwaukee Bucks i tregojnë forcën edhe kampionëve, dëmtohet Curry

Sport Ekspres — Fri, 09 Nov 2018 11:48:16 +0000

Golden State Warriors janë të fortë, por jo të pathyeshëm. Së fundmi i ka mposhtur Milwaukee Bucks 111-134, madje duke e dominuar ndeshjen. Humbja e dytë për kampionët në fuqi dhe që i vjen nga një rival për titullin kampion. Takimi u dominua nga miqtë, që në tre periodat e para arritën të realizonin 26 pikë më shumë se Warriors.

Stephen Curry (pësoi edhe një dëmtim në kofshë) ishte në hije, pasi shënoi vetëm 10 pikë. Shtatë më shumë realizoi Durant, ndërsa më i miri për skuadrone tij ishte Thompson me 24 pikë. Giannis Antetokounmpo (24 pikë, 4 asiste, 9 rikuperime), Eric Bledsoe (26 pikë, 6 asiste, 4 rikuperime) dhe Malcolm Brogdon (20 pikë) ishin të pandalshëm dhe i dhanë fitoren Milwaukee Bucks.

Paul George dhe Stevean Adams udhëhoqën Oklahoma City Thunder drejt triumfit kundër Houston Rockets me rezultatin 98-80. Fitorja e shtatë për vendasit, që tanimë duket se kanë gjetur rrugën e duhur. Portland Trail Blazers ka bërë detyrën kundër Los Angeles Clippers, në një ndeshje që u mbyll 116-105.

Damian Lillard me 25 pikë dhe C. J. Mccollum me 23 pikë ishin dy më të mirët në parket. Phoenix Suns është thyer për të nëntën herë këtë sezon, teksa këtë herë i ka mposhtur 109-116 Boston Celtics. Kyrie Irving arriti të shënojë për miqtë plot 39 pikë, një më shumë se Devin Booker i Suns.

Oklahoma City Thunder-Houston Rockets 98-80
Portland Trail Blazzers-Los Angeles Clippers 116-105
Phoenix Suns-Boston Celtics 109-116
Golden State Warriors-Milwaukee Bucks 111-134

NBA | Boston rekord historik, Milwaukee Bucks regjistron humbjen e parë

Sport Ekspres — Fri, 02 Nov 2018 09:44:52 +0000

Vijon kampionati i NBA, teksa janë luajtur dhe gjatë takime të tjera. Mbi të gjitha ka tërhequr vëmendje suksesi i arritur nga Boston Celtics që ka mundur me rezultatin 117-113 Milqaukee Bucks. Këta të fundit pësuan humbjen e parë për këtë edicion, por nuk ishte ky lajmi i madh.

Boston ka regjistruar një rekord të madh, pasi është thyer rekordi i trepikëshave në një ndeshje. Plot 24 herë lojtarët e Boston u treguan të saktë nga jashtë zone. Gjithsesi nuk ishte një ndeshje dhe aq e lehtë, pasi kundërshtari nuk kishte humbur asnjë ndeshje deri në këtë përballje.

Emocionuese ishte dhe ndeshja mes Oklahoma City Thunder dhe Charlotte Hornets, që përfundoi me rezultatin 111-107. Cleveland Cavaliers nuk mundën që të bënin diçka në sfidën me Denver Nuggets duke u mundur me rezultatin 110-91. Për t’u veçuar dhe dominimi i Sacramento Kings, që mori një sukses 146-115 ndaj Atlanta Haqks.

Rezultatet
Oklahoma City Thunder 111-107 Charlotte Hornets
Denver Nuggets 110-91 Cleveland Cavaliers
Philadelphia 76ers 122-113 Los Angeles Clippers
Sacramento Kings 146-115 Atlanta Hawks
Boston Celtics 117-113 Milwaukee Bucks
Portland Trail Blazers 132-119 New Orleans Pelicans