Ogunjimi

Provoi edhe Superioren, “Ai libër më frenoi psikologjikisht për tre vite”

Sport Ekspres — Fri, 11 Jan 2019 09:34:39 +0000

Skënderbeu gjatë këtyre viteve ka afruar në ekip lojtarë të ndryshëm, ndër ta ka qenë edhe sulmuesi Marvin Ogunxhimi, një sulmues që ka pasur një karrierë të pasur dhe që ka arritur të veshë edhe fanellën e Belgjikës.

Në Korçë qëndroi për pak kohë dhe më u largua drejt Kazakistanit. Holanda, Bjellorusia dhe Vietnami ishin stacionet e radhës, por më parë ai ka luajtur edhe në Tajlandë, Spanjë, Kore të Jugut, Norvegji dhe sigurisht në Belgjikë.

Oguxhimi ka folur për Sport/Voetbalmagazine, duke u kthyer shumë pas në kohë, konkretisht për periudhën kur ishte pjesë e Standard Liezh. “Si më kanë trajnuar te Standardi, unë kurrë nuk do e harroj”, janë fjalët e sulmuesi, që pritet të luajë me modestët e Lierse Kempenzonen në Belgjikë.

Sulmuesi është aktivizuar në shumë shtete dhe normalisht ideja për të shkruar një libër ka kohë që e ka ngacmuar. “Kam pritur deri në fund të karrierës që ta hap atë libër, por mund të them se kjo gjë më ka frenuar psikologjikisht dhe mendërisht për 3 vjet”.

Dështoi te Skënderbeu, Ogunxhimi spiunon korçarët në Kazakistan

Sport Ekspres — Thu, 20 Jul 2017 10:54:06 +0000

Marvin Ogunxhimi ishte një nga dështimet e merkatos së janarit te Skënderbeu, teksa sulmuesi belg nuk mundi dot të shënojë asnjë gol me fanellën e korçarëve. Në një intervistë që ai ka dhënë për “sports.kz”, ai u ka zbuluar kazakëve kundërshtarin e tyre. Fillimisht ai ka folur për barazimin në Kazakistan. “Nuk u çudita, pasi Skënderbeu ka lojtarë të mirë. Nuk ka lojtarë të kalibrit të Arshavin, Isael apo Gou, por ka në formacion mjaft lojtarë të mirë. Skuadra favorite? Është shumë e vështirë të thuash sepse Skënderbeu është shumë i mirë në fushën e vet,ndërkohë disa nga shokët e skuadrës time më thonë se Kairat është i mirë gjithashtu. Do të jetë një ndeshje e mirë”, thotë belgu i Okzhtepe.

YLLI I SKUADRËS

“Latifi. Pa të, Skënderbeu nuk do të kishte asnjë shans, por falë aftësive individuale të tij, ai është lojtari më i rrezikshëm në këtë skuadër dhe organizon rastet për shënim të saj. Pse luan majtas? Pasi aty ai ka më tepër mundësi të kalojë mbrojtjen kundërshtare dhe të gjuajë, njësoj si me Arshavinin, i cili luan gjithashtu në të majtën. Është shumë i rrezikshëm për mbrojtësit.

DAJA

“Trajneri Ilir Daja është si një diktator. Ai dëshiron të kontrollojë gjithçka. Por disa lojtarë në skuadër kanë më shumë autoritet se ai brenda klubit”.

TIFOZËT

“250 forca policore? Po, tifozët e Skënderbeut mund të jenë të dhunshëm, në aspektin pozitiv. Ata do të shtyjnë skuadrën e tyre drejt fitores, ndoshta edhe me provokime. Megjithatë, ata presin që Skënderbeu të fitojë gjithmonë në shtëpi dhe nëse nuk fitojnë, mund të ketë probleme, ndaj duhet edhe policia.

KËSHILLA

Skënderbeu është një skuadër e mirë, por nëse Kairati do të ndalojë Latifin dhe do të jetë në gjendje të përballojë atmosferën agresive në stadium, atëherë skuadra kazake do të fitojë”.

Nga Skënderbeu, te skuadra e vendeve të fundit në Kazakistan

Sport Ekspres — Thu, 15 Jun 2017 15:19:27 +0000

Marvin Ogunxhimi ishte një ndër dështimet e vitit në Kategorinë Superiore, sepse sulmuesi belg u transferua me bujë në janar te Skënderbeu, duke u mbështetur edhe te një CV impresionuese, pavarësisht se një dëmtim i rëndë pikërisht ndaj Partizanit pak vite më parë ia kishte rrënuar karrierën.

Pas 165 minutave në Superiore, me asnjë gol të shënuar e mijëra euro të arkëtuar, Ogunxhimi ka ikur pa ndier, duke gjetur strehë tashmë në Kazakistan.

Voetbalnieuws.be raporton se sulmuesi ka firmosur për Okzhetpes, klub modest në Kazakistan, që është në vendin e dhjetë në kampionatin me 12 skuadra. Aktualisht kampionati kazak është në mesin e rrugës dhe Okzhetpes ka vetëm 8 ndeshje deri në përfundim të sezonit të rregull, para se të nisin edhe ndeshjet play-off, 12 të tilla, që do të përcaktojnë skuadrat që bien nga kategoria dhe ato që shkojnë në kupat e Europës.

Ogunxhimi ka firmosur deri në fund të vitit, me shifra të konsiderueshme, por nëse nuk ia del as në Kazakistan, vështirë se do të kapë gjëkundi kontratë të majme, edhe pse është ende i ri, 29 vjeç.