ognjen rolovic

VIDEO | Humbje horror për Latifin, shkëlqen “ish”-i i Kamzës

Sport Ekspres — Wed, 10 Jul 2019 21:40:05 +0000

Liridon Latifi ishte pjesë e ndeshjes më surprizuese të raundit të parë eliminator të UEFA Champions League, por… në krahun humbës. Sherif Tiraspol, ekipi ku sulmuesi shqiptar u transferua pak ditë më parë, është mundur si pritës nga gjeorgjianët e Saburtolo Tbilisit me rezultatin 3 – 0.

Për të kuptuar sa shokues është ky rezultat mjafton t’u përmendim se në përpara fillimit të ndeshjes fitorja e skuadrës moldave kuotohej me koeficientin 1.28 nga kompanitë ndërkombëtare të basteve sportive, ndërsa fitorja e gjeorgjianëve kuotohej me koeficientin 11.

Futbollisti që zhbllokoi takimin ishte ish-sulmuesi i Kamzës, Ognjen Roloviç. Futbollisti u largua nga Shqipëria gjatë muajit janar për në Gjeorgji, ku fati i ka buzëqeshur dhe po zhvillon një sezon pozitiv.

https://www.youtube.com/watch?v=6wsI-aKOxD8

Gjashtë muaj për dy gola në Superiore, në Gjeorgji shpërthen direkt

Sport Ekspres — Thu, 07 Mar 2019 08:33:19 +0000

Në verë u afrua te Kamza dhe pritej që të shënonte gola të rëndësishëm për skuadrën e tij. Flasim për Ognjen Roloviç, malazezin që me skuadrën periferike të kryeqytetit arriti të shënojë vetëm dy gola në Kategorinë Superiore.

Sulmuesi 25-vjeçar arriti t’i realizojë Kastriotit dhe Flamurtarit, ndërkohë që me përfundimin e pjesës së parë të sezonit kërkoi largimin. Problemet financiare ishin prezente te Kamza dhe ai e pa të arsyeshme të kërkonte vijimin e karrierës diku tjetër.

Saburtalo në Gjeorgji është ekipi i tij i ri. Roloviç e ka nisur më së miri sezonin, teksa ka arritur të shënojë dy gola në katër ditë. Në sfidën e parë të kampionatin ai i dha fitoren skuadrës së tij kundër Dinamo Batumi, kurse ndaj Lokomotivi Tbilisi realizoi golin që “vulosi” triumfin me shifrat 1-3.

Saburtalo ka marrë pikët e plotë në dy javët e para, sikurse edhe Torpedo Kuitasi. Për t’u veçuar është se Roloviç në të dyja ndeshjet e ka nisur nga stoli dhe numëron vetëm 65 minuta në fushën e blertë në dy takimet që janë luajtur në kampionatin gjeorgjian.

Largime jo vetëm në mbrojtje, Kamza “ndahet” me sulmuesin

Sport Ekspres — Fri, 11 Jan 2019 17:21:49 +0000

Kamza ka zyrtarizuar largimin e tretë të merkatos së dimrit. Sulmuesi malazez, Ognjen Roloviç, nuk do të jetë më pjesë e skuadrës së drejtuar nga Ernest Gjoka. Lajmi u njoftua nga vetë klubi me anë të një postimi në “Facebook”.

Sulmuesi 25-vjeçari iu bashkua Kamzës gjatë merkatos së verës, pas një eksperiencë të mëparshme në kampionatin maltez. Gjatë qëndrimit të tij disa mujor në Shqipëri, Roloviç u aktivizua në 16 takime në Kategorinë Superiore, 11 prej të cilave si titullar, ku gjeti rrugën e rrjetës dy herë.

Vendin e malazezit në sulmin e kamzalinjve do ta zërë sulmuesi meksikan David Izazola, i cili u prezantua dy ditë më parë në ambientet e klubit.