Ndërkohë, Albi Doka ka disa probleme me gjurin dhe për këtë arsye e ndoqi ndeshjen nga tribuna. Gjithashtu, Bedri Greca mungoi në takimin e sotshëm, por sipas stafit teknik, pritet që anësori të jetë gati për kampionatin.

Uinful Kobinah është i vetmi që shqetëson trajnerin Mema, me sulmuesin që mungoi edhe në sfidën e fundit ndaj Kastriotit. Nga ana tjetër, mesfushorët Karabeci dhe Mauexhe do të mungojnë në ndeshjen e radhës ndaj Laçit si pasojë e kartonëve.

Oduamadi është rikthyer në Tiranë dhe ka filluar vrapimet e lehta. Trajneri Ardian Mema i duhet të presë të paktën një muaj për ta pasur në dispozicion sulmuesin, pasi nigeriani ka pesë muaj pa luajtur dhe do i nevojitet kohë për të kapur ritmin e duhur të ndeshjeve.

Oduamadi ishte afrimi i fundit që Tirana bëri gjatë merkatos së verës. Sulmuesi nigeriani është një produkt i akademisë së Milanit, ndërsa për shumë sezone ka luajtur në skuadra të ndryshme të Serie B, por edhe në Finlandë me skuadrën e HJK-së. Gjatë fazës së parë të kampionatit, Oduamadi u aktivizua në vetëm pesë ndeshje me bardheblutë.

Kështu rikthimi i tij në fushat e blerta do vonojë, pasi para muajit mars nuk mund të jetë i gatshëm për Tiranën. Së fundmi Oduamadi ka postuar një video në rrjetet sociale, ku shihet se ka nisur me terapinë. Mesazhi është i qartë: “Po rikthehem më i fortë”.

Oduamadi me Tiranën është aktivizuar vetëm në pesë takime, dy prej të cilave i nisi nga minuta e parë. Për herë të fundit kishte qenë pjesë e Helsinki, skuadër me të cilën ishte shpallur nënkampion në Finlandë dhe kishte realizuar 7 gola. Më parë është aktivizuar në Serie B me skuadra si Latina, Breshia, Krotone, Vareze dhe Torino. Nigeriani në tetor ka mbushur 28 vjeç.

MAQEDONASI – Dejan Blazhevski është larguar nga Tirana, edhe pse klubi bardheblu ende nuk e ka zyrtarizuar këtë lëvizje. Sulmuesi ka tërhequr lejekalimin dhe ditën e sotme është fotografuar së bashku me Blaze Iljoski para seancës stërvitore me Rabotniçkin.

Ilioski është zyrtarizuar më parë si futbollist i “romantikëve” dhe e njëjta gjë pritet të ndodhë edhe me ish-sulmuesin e Tiranës. Blazhevski nga Superiorja largohet me tre gola në llogarinë e tij, por nuk është se arriti të jepte atë që prisnin në kampin bardheblu.

Pak ditë pas dëmtimit, Oduamadi u nis drejt Milanos, ku kreu ndërhyrhen kirugjikale në shpatull. Ditën e sotme, 28-vjeçari njoftoi largimin nga ambientet e spitalit me anë të një postimi në rrejtin social Instagram. Por, te Tirana duhet të tregohen të durueshëm.

Periudha e riaftësimit pritet të zgjasë deri në muajin mars. Vetëm atëherë nigeriani do të jetë i gatshëm për trajnerin Mema.

https://www.instagram.com/p/BrNecUmA58x/?utm_source=ig_web_copy_link

29-vjeçari ka kaluar një moment të tmerrshëm, siç dhe ai vetë e thekson në postimin e tij, duke treguar se tani gjithçka po shkon drejt normaliteti dhe se gjërat kanë shkuar mirë falë zotit.

Lojtari anësor ka një kontratë që e mban te klubi kryeqytetas deri në fundin e edicionit të ardhshëm, por e sigurt është që Oduamadi nuk do të jetë i gatshëm për ekipin e Tiranës deri në muajin mars, pasi dëmtimi i pësuar është mjaft i rëndë. E rëndësishme është që gjithçka ka shkuar mirë për lojtarin.

“Në jetë mund të përballemi me sfida, të cilat të vënë para dilemës nëse do mundesh që t’ia dalësh nesër. Muajt e fundit kanë qenë më të tmerrshmit të jetës time. Nuk do të mjaftojnë kurrë falënderimet për Zotin, për gjithçka ka bërë në jetën time. Kur mendoj për fjalët e mjekëve para operacionit tim, nuk mund të bëj asgjë tjetër veçse të falënderoj Zotin për jetën time…”.

Por situata e tij ishte më e rëndë, pasi e kishte thyer. Nigeriani u dëmtua në ndeshjen kundër Laçit në fillim të muajit tetor dhe ende nuk është operuar. Pritet që së shpejti të ndodhë diçka e tillë dhe rikthimi i tij në fushën e blertë do të vonojë.

Para muajit mars ai nuk mund të jetë gati, ndaj nuk përjashtohet mundësia që drejtuesit të tentojnë të zgjidhin marrëveshjen me konsensus. Në këtë mënyrë në aspektin financiar do të zvogëlohej humbja, ndërkohë që do tentohej të afrohej një tjetër sulmues krahu.

Oduamadi nuk është se ka lënë ndonjë shenjë në ndeshjet që luajti me Tiranën këtë sezon. Ai luajti vetëm në dy ndeshje si titullar, ndërkohë që tre herë të tjera u fut në fushë si zëvendësues. Mbetet për t’u parë se si do të operohet në klubin bardheblu me nigerianin.

Nigeriani ka një krisje në klavikul dhe me shumë mundësi ndeshjen tjetër mund ta humbasë. Pas rikthimit me grupin do t’i duhet të rifitojë ritmin e shokëve të skuadrës. Oduamadi deri më tani ka luajtur në pesë ndeshje, dy si titullarë dhe tri të tjerat është futur në lojë nga stoli.

Gazetari Gjergj Stefa ka raportuar në “Supersport” se nigeriani me shumë mundësi duhet ta ndjekë nga tribuna këtë ndeshje. Një goditje e marrë në gju gjatë seancave stërvitore e ka penalizuar sulmuesin anësor.

Pavarësisht terapive, Oduamadi nuk është rikuperuar plotësisht. Gjithashtu edhe nuk mund të rrezikohet dhe më pas të ketë një zëvendësim në pjesën e parë. Sentamu dhe Greca janë alternativat, me lojtarin nga Uganda favorit.

Ai numëron eksperienca të rëndësishme në Serinë B me klube si Breshia e Torino, ndërkohë që tanimë ka zgjedhur të luajë në Superiore me Tiranën. Oduamadi ka nënshkruar për dy vite, sikurse edhe njofton klubi kryeqytetas.

“Namdi Oduamadi. Një përforcim me shumë vlera për skuadrën bardheblu. Sulmuesi nigerian ka firmosur sot në Milano kontratën që e bën zyrtarisht pjesë të Tiranës. Drejtori Ekzekutiv Hektor Çomo ka finalizuar me sukses një transferim mjaft të rëndësishëm. Oduamadi ka qenë për 8 vite futbollist i Milanit ndërkohë që ka provuar edhe disa aktivizime në skuadra të Serise B në Itali si i huazuar. Sezonin e fundit ai ka qenë pjese e skuadrës kuqezi, ndërkohë që me përfundimin e kontratës në Korrik, ka firmosur transferimin në Shqipëri.

27-vjeçari do të mbërrijë në Tiranë javën e ardhshme dhe pasi të kryejë analizat mjekësore do të vishet bardheblu. Oduamadi ka firmosur një kontratë për dy vite bardheblu”, shkruhet në njoftimin e Tiranës.