Odegard: Jam gati për Realin, në verë vendoset e ardhmja ime

Sport Ekspres — Fri, 22 Mar 2019 20:26:23 +0000

Martin Odegard vazhdon të ëndërrojë rikthimin te Reali i Madridit. Talenti norvegjez për dy vite e gjysmë ka qenë i huazuar fillimisht te Herenven e më pas te Vitese. Këtë sezon 20-vjeçari ka qenë një ndër më të mirët në skuadrën e tij dhe ndoshta paraqitjet e tij mund të kenë bindur drejtuesit e “Los Blancos” për t’i dhënë një shans sezonin e ardhshëm.

Në një intervistë për medien spanjolle “AS”, Odegard shpjegoi se në fund të sezonit do t’i duhet të vendosë për hapin e radhës në karrierën e tij.

“Ka shumë opsione për të ardhmen time. Do të më duhet të flas me drejtuesit e klubit në përfundim të sezonit. Momentalisht jam i fokusuar të bëj më të mirën te Vitese. Siç e thashë ende nuk ka folur me Realin dhe nuk e di se çfarë planesh do kenë ato për mua”.

“Pas disa muajsh huazimi im do përfundojë dhe do vijë momenti për t’u takuar. Për mua ka rëndësi që jem pjesë e Realit dhe të marr shumë minuta, e di që është e vështirë. Gjithsesi vendim përfundimtar do të bëhet për të mirën e të dyja palëve”, përfundoi Odegard.

Odegard s’i ndahet huazimeve, Vitese e kërkon për të pasuar Rashicën

Sport Ekspres — Wed, 15 Aug 2018 20:02:47 +0000

Martin Odegard pushtoi mediet Botërore para tri vitesh me transferimin e tij te Real Madrid kur ishte vetëm 16-vjeç. Më shumë se tri vite kanë kaluar dhe djaloshi norvegjez nuk e ka përmbushur pritshmëritë e drejtuesve “Los Blancos”. Por, ai është ende 19-vjeç dhe në futboll si dihet kurrë.

Pas një huazimi 1-vjeçar te Herenven, Odegard është pranë një tjetër aventure në kampionatin holandez. Bëhet fjalë për ekipin e Viteses, që i kanë bërë një ofertë shumë të mirë lojtarit. 19-vjeçari nuk preferon të luajë në mesfushë, por si sulmues krahu dhe Vitese është gati t’ia plotësojë këtë kërkesë.

Nëse huazimi i tij i dytë merr aprovimin nga Madridi, Odergard do t’i bashkohet klubit holandez, që në gjysmën e dytë të sezonit që shkoi pati vështirësi të mëdha për të zëvendësuar sulmuesin e Kosovës, Milot Rashicën, kartonin e të cilit e shitën në Janar te Verder Bremen për 7 milionë euro.