Obamejang

Junajtid në merkato, 70 mln euro për pasuesin e Lukakut

Sport Ekspres — Thu, 18 Jul 2019 18:54:22 +0000

Me ikjen e paevitueshme të Lukakut, Junajtid mbetet vetëm me Rashford në majën e sulmit. Belgu pritet të kalojë te Interi, me këto të fundit që kanë arritur marrëveshjen me të dhe presin bindjen e klubit anglez. Përpara se të largojnë 25-vjeçarin, “Djajtë” mendojnë për zëvendësuesin.
Pier Eemerik Obamejang është objektivi primar i Solskjaer. Ylli nga Gaboni ka rrezëllyer te Arsenal me 31 gola në sezonin e kaluar. “Topçinjtë” e kanë vështirë të heqin dorë nga 29-vjeçari, por oferta e fundit padyshim që do i tundojë, duke parë problemet financiare.

Junajtid ka gati çekun prej 70 milionë eurosh si zgjidhje që Obamejang të zbarkojë në “Old Trafford”. Arsenal është e sigurt se do marrë kohë të mendohet. Me ardhjen e tij, Solskjar do i “hapte” të gjitha daljet për t’u larguar Lukaku, që nën drejtimin e norvegjezit nuk ka qenë në “verisonin” e tij origjinal.

“Presion” mbi Grizman, tre emra për sulmin e Barcelonës

Sport Ekspres — Fri, 17 May 2019 10:52:04 +0000

Antuan Grizman do të largohet pas 5 vitesh nga Atletiko e Madridit. Sulmuesi francez e shpalli vetë lajmin, ndërkohë që nuk dihet akoma klubi i tij i ardhshëm. Barcelona mbetet në avantazh, por për 28-vjeçarin ofertat janë të shumta.

Klubi katalanas ka gati planin B, nëse nuk arrihet akordi me Grizman. Tre janë objektivat, të cilët luajnë në Premier Ligë. I pari është Markus Rashford. Ernesto Valverde pëlqen shumë karakteristikat e 21-vjeçarit, të cilit i përfundon kontrata me “Djajtë e Kuq” në fund të sezonit të ardhshëm.

Rinovimi nuk po vjen dhe Barcelona ka gati 100 milionë sterlina për Rashford. Pëlqim ka edhe për dyshen e Arsenalit: Lakazet-Obamejang. Të dy bashkë kanë shënuar 50 gola këtë sezon.

Francezi u shpall lojtari më i mirë i Arsenalit këtë sezon, ndërsa sulmuesi nga Gambia ndau çmimin e golashënuesit më të mirë në Premier bashkë me Salah dhe Mane të Liverpulit (nga 22 gola secili). Për Obamejang interesohet edhe Reali i Madridit, që ka gati 74 milionë sterlina për “topçinjtë”.

Zidan do një sulmues krahu, Perez “pazar” tek Arsenali

Sport Ekspres — Tue, 14 May 2019 07:16:03 +0000

Lajmet se Reali do të hidhet në sulm për një anësor të djathtë ka disa ditë që qarkullon. Sot ka dalë në skenë emri i yllit të Arsenalit, Obamejang. Lojtari nga Gaboni ka treguar një nivel shumë të lartë me londinezët dhe sipas “Diario Gol”, shihet si i duhuri për të zëvendësuar Garet Bejl me valixhe në dorë.

Shifra që madrilenët do të ofrojnë për të siguruar shërbimet e 29-vjeçarit do të fillojë nga 85 milionë eurot. Perez dhe Zidan do të hasin një rezistencë të madhe të klubit anglez, i cili po pregatit edhe nje rinovim afatgjatë me një rritje të ndjeshme të pagës për yllin afrikan.

Nga ana tjetër Realit do i duhet të shesë më një çmim të mirë Garet Bejl për të zbutur humbjet dhe shmangur problemet e rregullat financiare të UEFA-s. Ky pritet të jetë një mision i vështirë për madrilenët, pasi as lojtari nuk e preferon largimin, por edhe ofertat për të mungojnë deri në këto momente.

Çfarë lufte për barazim, “Këpuca e Artë” ndahet në 3 pjesë në Angli

Sport Ekspres — Mon, 13 May 2019 07:00:59 +0000

Mançester Siti e mbrojti me sukses titullin kampion në Premier League, duke e lënë vetëm një pikë pas Liverpulin. Skuadra e kuqe, e drejtuar nga Jurgen Klop, bëri një sezon të madh, por sërish nuk arriti te titilli kampion. Megjithatë, dy sulmuesit, Sadio Mane dhe Mohamed Salah, e kanë fituar nga një trofe.

Dy sulmuesit e Liverpulit, së bashku me bomberin e Arsenalit, Pierr-Emerik Obamejang, e mbyllën sezonin në Premier League me nga 22 gola, duke ndarë kështu trofeun e “Këpucës së Artë”. Sezonin e shkuar, Salah e fitoi i vetëm këtë çmim, pasi shënoi 32 gola.

Ky sezon në Premier League ka qenë historik dhe i paharrueshëm, jo vetëm për luftën sa i takon titullit kampion, por dhe për çmimin e golashënuesit më të mirë.

VIDEO: Goli kundër Brajtonit, Obamejang u bashkohet legjendave të Arsenalit

Sport Ekspres — Sun, 05 May 2019 16:33:46 +0000

Para 18 muajsh, Pierr Emerik Obamejang iu bashkua Arsenalit nga skuadra e Borusia Dortmundit dhe që nga ardhja e tij në “Emirates”, sulmuesi gabonez është shndërruar në idhulin e tifozerisë. Në takimin e luajtur të dielën (17:30) kundër Brajtonit, Obamejang shënoi golin e parë për “Topçinjtë”, nga pika e bardhë e penalltisë.

Ky gol ishte i 27-ti këtë sezon për Obamejang dhe i 20-ti në Premier League. Lojtari i fundit që shënonte 20 gola në kampionat për Arsenalin ishte Aleksis Sançez në sezonin 16-17, ndërsa para kilianit, i fundit ishte legjenda Tierri Henri.

VIDEO | Obamejang show, Arsenali përmbys në 15 minuta!

Sport Ekspres — Thu, 14 Mar 2019 20:39:11 +0000

Arsenali zhgënjeu në takimin në vajtje kundër francezëve të Rene, ku u mund 3 –1. Megjithatë skuadra londineze është kujdesur që të shlyejë gabimin përpara tifozëve të tyre në “Emirates”.

“Topçinjve” i janë dashur vetëm 15 minuta për të shënuar dy gola e të përmbysur rezultatin e ndeshjes së parë. Protagonisti i takimit, padyshim Pier-Emerik Obamejang me një gol e një asist.

Skuadrës së Unai Emeri i duhet dhe një gol tjetër për të qenë me e qetë, pasi një gol i palës franceze do ta kthente situatën përmbys sërish.

Obamejang i “përbindshëm”, tripletë në 16 minuta (Video)

Sport Ekspres — Sat, 14 Jul 2018 14:47:45 +0000

Pierr-Emerik Obamejang e ka nisur në mënyrë perfekte fazën përgatitore me skuadrën e Arsenalit. Sulmuesi i “Topçinjve” ka arritur të realizojë një tripletën golash në vetëm 16 minuta gjatë miqësores ndaj ekipit të “Boreham Wood” që militon në kategorinë e pestë të futbollit anglez “Natinonal League”.

Ndeshja ndaj ekipit gjysmë-profesionist është dhe debutimi i spanjollit Unai Emeri në stolin e skuadrës londinez. Tekniku bask, i cili pasoi legjendën Arsen Venger, ka si objektiv parësor të rikthejë Arsenalin në Champions me anë të renditjes në katërshen e parë të Premier Ligës, ose fitimin e trofeut të Europa League.

16 minutes and seven seconds into our first game of pre-season… and @Aubameyang7 has a hat-trick ?

Watch @UnaiEmery_‘s first game LIVE
? https://t.co/rDVzKHFTqg

BWFC ? 0-3 ? AFC pic.twitter.com/fBPDIKZ8b6

— Arsenal FC (@Arsenal) July 14, 2018

The first goal of the @UnaiEmery_ era has arrived – and it’s pure ? from @Aubameyang7 #UnaiBegins pic.twitter.com/LHuyMT6Smz

— Arsenal FC (@Arsenal) July 14, 2018

Dortmundi shkatërron ‘Gladbahun dhe komandon Bundesligën

Sport Ekspres — Sat, 23 Sep 2017 19:02:58 +0000

Borusia Dortmund e ka kthyer në tenis ndeshjen e sotme me Borusia M’Gladbahun. Skuadra verdhezi fitoi 6-1 në “Signal Iduna Park” me lehtësinë më të madhe, duke festuar edhe rikthimin e Gëces pas dëmtimit jo pak të dhimbshëm që pati pësuar në Champions League.

Pas më pak se gjysmë ore lojë, vendësit gjetën golin e parë me Filipin (28’), i cili 10 minuta më pas shënoi edhe golin e tij të dytë. Dortmundi po luante gjithnjë e më mirë nga krahët, madje duke thyer çdo sulm të rivalëve, derisa trefishoi avantazhin me të përhershmin Obamejang. Gabonezi shënoi në sekondat e fundit të pjesës së parë.

Me të filluar e dyta, këmbëshpejti shkatërroi miqtë duke dërguar për herë të katërt në rrjetë sferën (49’). Obamejang shënoi pas 11 minutash golin e tij të tretë, duke e kthyer ndeshjen në një festë të vërtetë për Dortmundin dhe tifozët e pranishëm në stadium. ‘Gladbahu u përpoq me çdo kusht të gjejë golin e nderit dhe ia arriti në të 66’ me Shtindlin.

Në fund, për të mbyllur goleadën mendoi Vaigl, i cili shënoi emrin e tij në tabelën e rezultatit në të 79’. Me këtë fitore, Dortmundi mbron vendin e parë me 16 pikë pas 6 ndeshjesh dhe vetëm një gol të pësuar.