Të dy lojtarët e ardhur në Romë zhvilluan sezone zhgënjyese dhe duket se qëndrimi i tyre në kryeqytet ka ardhur drejt fundit pas vetëm një viti. Sipas “Gazzeta Dello Sport” drejtori i tanishëm i verdhekuqve, Xhanluka Petraki, i është futur punës për të gjetur blerës për të dy lojtarët.

Nzonzi dhe Pastore ishin dy blerjet më të shtrenjta të Romës. Kosto e kombinuar e dy mesfushorëve i kalon të 50 milionë eurot dhe tani klubit italian i duhet t’i shesë me humbje të konsiderueshme.

Para ndeshjes kundër Lacios, Nzonzi nuk ka ngurruar të “thumbojë” kundërshtarët, duke thënë se Roma është gati për luftë. Për “RomaTV”, mesfushori tha:

“Jemi gati për luftë! Luajmë kundër rivalëve tanë dhe kjo gjë na motivon më shumë. Bëmë një ndeshje të madhe përballë Frosinones, duke treguar që luftojmë deri në fund hde këtë gjë duhet të bëjmë dhe përballë Lacios. Do të jetë një test shumë i mirë për ne, por jam i bindur që do ta kalojmë me sukses”,- u shpreh Nzonzi.

Francezi mori pjesë në një sesion pyetje-përgjigjesh të zhvilluar online, ku iu përgjigj pyetjeve të bëra nga qindra fansa.

PRESIONI NË FUTBOLLL – “Pjesa më e vështirë e futbollit nuk është aspekti fizik ose teknik, por ai psikologjik. Të gjithë presin që të jesh në formën më të mirë në çdo moment. Kjo është diçka e pamundur. Edhe nëse po bën mirë e fiton trofe, dy muaj më vonë, nëset nuk paraqitesh mirë vijnë kritikat. Tifozët harrojnë shpesh, por kjo ndodh dhe në fusha të tjera të jetës. Për shkak të kësaj gjëje duhet të tregohesh shumë i fortë në aspektin psikologjik”

KOLEGU MË I TALENTUAR – “Kur shkova në Angli te Bllekbërni kisha në skuadër Beni Mekkarthin. Ai është në fundin e karrierës, por ngela i shtangur nga aftësitë e tij teknike. Ndoshta, nuk ishte lojtari më i mirë, por askush nuk më habitur aq shumë sa ai.

DIFERENCAT ME KAMPIONATIN ANGLEZ DHE KUNDËRSHTARI MË I FORTË – “Çdo kampionat është shumë i ndryshëm nga tjetri. Premier Liga është një kampionat shumë fizik dhe faze sulmuese zhvillohet shumë shpejt se në çdo vend tjetër. Kjo ndoshta ndodh për shkak të motit dhe terreneve. Kundërshtari më fortë? Kam luajtur kundër shumë lojtarëve të mëdhenj në Angli. Droba, Runi, Ven Persi, të gjithë këta ishin legjenda, ndërsa Jaja Ture ishe brilant në çdo gjë”, përfundoi francezi.

Kampioni i botës, i cili luajti disa ndeshje me Francën në Rusi, është në kulmin e karrierës dhe vjen nga disa sezone të shkëlqyer te Sevilja. E kërkonin edhe Arsenali, Mançester Siti e klube të tjerë, por Monçi ka bërë magjinë e radhës.

Drejtori sportiv spanjoll e kishte blerë për 10 milionë euro nga Stouk Siti para tre vitesh dhe tani e ka blerë për 30 milionë euro.

Një goditje e madhe për klubin verdhekuq, që tashmë ka një mesfushë spektakolare, sepse N’Zonzi është mesfushor që di të shkatërrojë dhe të ndërtojë aksione, ndërkohë që në kampionatin spanjoll sezonin e shkuar asnjë futbollist nuk fitoi me shumë duele ajrore se francezi 29-vjeçar.

Por Roma tanimë ka dy rivalë mjaft të fortë. PSG në 48 orët e fundit po punon intensivisht për të afruar mesfushorin. Çështja e parave nuk është një problem për kampionët e Francës. Nzonzi do gjente te PSG Mbape, Kimpembe dhe Areola, shokë nga kombëtarja.

Por edhe Monako është i interesuar për Nzonzi. Ata janë gati t;i plotësojnë kërkesat financiare, pasi u duhet një lojtar për të zëvendësuar Fabinjon dhe Mutinjon, të dy të larguar.

Kërkesat e mesfushorit francez për një pagë sezonale prej të paktën 4.5 milionë eurosh në sezon (neto) kanë bërë që drejtori sportiv i Romës, Monçi, të shikojë për alternativa të tjera. Emri më i fundit që po lakohet nga mediet italiane është, Granit Xhaka.

Mesfushori i kombëtares zvicerane sapo ka firmosur një rinovim me “topçinjtë”, megjithatë marrëdhënia e tij me tifozët nuk ka qenë fort e mirë gjatë këtyre dy viteve të fundit, dhe mbetet për t’u parë nëse 25-vjeçari është në planet e trajnerit Unai Emeri. Ndërkohë, ekziston dhe një skenar ku Nzonzi, lojtar për të cilin Arsenali ka shfaqur jo pak interes gjatë viteve të fundit, mund të kalojë te ekipi londinez, ndërsa Xhaka të “sakrifikohet” për t’i liruar vendin francezit.

Në Amerikë ka qenë këto ditë për pushime edhe mesfushori francez Stivën Nzonzi, i cili sapo është shpallur kampion bote me Francën dhe Sevilja i ka dhënë pushime më të gjata se lojtarët e tjerë. Ndoshta pushimet do të përfundojnë me Nzonzi te Roma, sepse mesfushori raportohet të ketë arritur marrëveshjen me klubin italian.

29-vjeçari njihet mirë me Monçin, sepse ky i fundit e çoi te Sevilja në vitin 2015, ndaj marrëveshja është arritur lehtësisht: 4 vite kontratë, me 2,5 milionë euro në sezon plus bonus. Si për ironi të fatit, flitet se edhe Barcelona e kërkon, por këtë radhë Roma nuk ka frikë, sepse Nzonzi nuk tradhton.

Tani Roma duhet të zgjidhë dy çështje: duhet arritur marrëveshja me Seviljen, që kërkon të paktën 25 milionë euro, si dhe duhet shitur francezi tjetër Maksim Gonalon, i cili vjen nga një sezon zhgënjyes te Rojma dhe tani e duan Evertoni e Kristal Palas në Angli, për 8-9 milionë euro e shumta.