NDRYSHIMI  I FORMULËS – “Normalisht për sezonin që vjen s’do të preket numri i skuadrave, pasi rregullorja e thotë që klubet duhet një njoftohen një vit para për ndryshimet e formulës. Ne planifikojmë që pas dy ose tre vitesh të kemi një numër të reduktuar skuadrash. Kjo do të hidhet si ide në mbledhjen e komitetit të garave. Mund të jetë një reformë e dhimbshme për disa nga klubet e kësaj kategoria. Ndoshta në të ardhmen nuk do të kemi më dy grupe, kjo ndarje është bërë më parë për të zvogëluar shpenzimet e transportit. Ne synojmë që ta çojmë Kategorinë  e Parë sa më afër Superiores. Këto javë do ulemi në tavolinë me klubet dhe më pas vendimi final do të merret nga komiteti ekzekutiv. Skema do të miratohet para hedhjes së shortit, pra nga fillimi i muajit gusht”.

INFRASTRUKTURA – “Skuadrat që nuk kanë mundësi për të zhvilluar ndeshjet në qytetet e tyre, do t’u vendoset një afat 2-vjeçar për të plotësuar kushtet në stadiumet e tyre. Këtë sezon kemi pasur raste si Veleçiku dhe Vora të cilat nuk kanë luajtur në kushtet e tyre. Vora për shembull i ka pasur mundësitë për të filluar punën për një stadium në qytetin e tyre. E ka thënë dhe presidenti Duka, do fillojmë vitin 0 përsa i përket licencimeve. Klubet duhet të investojnë për të krijuar kushtet për të ardhur në Superiore. Nuk duam të kemi më raste si Kastrioti që luan jashtë qytetit të tyre”.

PRECEDENTI KAMZA – “Me rënien e ekipit të Kamzës u krye një mundësia për një skuadër të tretë që të plotësonte numrin e 20 ekipeve që duhet për të plotësuar Kategorinë e Parë. U mendua që t’i jepej mundësia humbësve të “Play-Off”-it, ky vendim u vendos për shkak të infrastrukturës dhe kritereve të cilat klubet e Kategorisë së Parë i kanë më të mira. Marrim për shembull ekipin e Gramshit që ka një stadium të amortizuar që me shumë mundësi nuk do të plotësojë as kushtet e licencimit për Kategorinë e Dytë”.

LICENCIMET E DEVOLLIT DHE TËRBUNIT – “Mesa dijeni kam unë Tërbuni i ka kushtet minimale për të luajtur në Kategorinë e Parë, por për këtë do të kryhet një inspektim nga sektori i licencimit. Devolli ka goxha punë për të bërë pasi është një stadium i ri, por duke parë puën dhe dëshirën e drejtuesve them se këto kushte do të plotësohen shumë shpejt”.

KATEGORIA SUPERIORE – “Skema aktuale e Kategorisë Superiore funksionin mirë. S’do të ketë ndryshime. Ndoshta në të ardhmen nëse nuk do kemi më kaq shumë probleme me licencimet mund të rritet numri i ekipeve në Kategorinë Superiore”.

VLLAZNIA – “Në grupin e veriut ka pasur shumë pak konkurrencë për kreun. Në grupin e jugut situata ka qenë disi me ndryshe me dy, tri ekipe që luftuan për kreun. Vllaznia tani duhet të mendojë për përforcimet, pasi siç dihet diferencat midis Kategorisë së Parë dhe Superiores është shumë e lartë. Rikthim i Vllaznisë i bën mirë Superiores, është një klub i madh me një stadium të mirë”.

BYLIS – “Ishte një nga skuadrat më të mira përsa i përket organizimit. Kanë një stadium që plotëson shumicën e kritereve e Superligës, megjithatë kanë ende disa kushte për të plotësuar, si vendet e posaçme për mediet, kamerat e transmetimit dhe kamerat e sigurisë dhe dhoma e kontrollit. Edhe përsa i përket gjobave, janë ndër ekipet që janë gjobitur më pak, kjo tregon edhe një emancipim të drejtuesve, të cilët nuk e shohin futbollin si një arenë lufte”.

“Tifozët, drejtuesit e klubeve dhe policia, janë faktorët e që ndikojnë në dhunën në stadiumet shqiptare. Këtë sezon ne e kemi ngritur zërin që në ndeshjen e parë hapëse, ku tifozët u futën në fushën e Korçës. Klubet nuk jemi gati të zhvillojmë ndeshje pa praninë e policisë në stadiume”, u shpreh zyrtari i FSHF-së.

Ndërkaq, Nurishmi paralajmëroi se në rast se nuk garantohet siguria e nevojshme, institucioni ku ai bën pjesë mund të marrë marr vendime drastike.

“Policia nuk është shprehur qartë se kërkon të paguhet ekstra nga Federata. Duhet të kemi një ligj, pasi ne jemi shoqatë jofitimprurëse. Shoqata e arbitrave janë shprehur se nuk shkojnë në stadiume nëse nuk i garantohet jeta. Ne do të shikojmë edhe këtë javë se çdo të ndodhë dhe pastaj mund të ketë edhe ndonjë vendim drastik”, tha Nurishmi.

Një numër tepër i lartë, ndonëse në elitë janë kryer vetëm 88 transferime, pasi mesatarja është afro 9 futbollistë për ekip. Drejtues i Sektorit të Garave në FSHF, Lysien Nurishmi ka folur për “A2 News”, ku ka treguar se skuadrat shqiptare nuk kanë zhgënjyer në ditën e fundit të transferimeve, pasi kanë qenë shumë aktive. Ajo që veçon Nurishmi është se skuadrat tona janë ndërgjegjësuar për të besuar më shumë tek elementët nga vendi ynë, duke hequr dorë nga mania për të afruar të huaj pa fund.

“282 lojtarë janë transferuar në Kategorinë Superiore dhe në Kategorinë e Parë. Mund të themi se është një shifër e përafërt edhe me sezonin e kaluar. Bie në sy lëvizjet që kanë bërë ekipet e Kategorisë së Parë, ndërsa në Kategorinë Superiore ka 88 lëvizje”.

“Dje ka pasur një fluks prej 50 apo 60 regjistrimesh. Pati disa transferime të minutës së fundit, nga Partizani, nga Kukësi, nga Kamza. Gjithashtu edhe Kastrioti e Luftëtari kanë bërë goxha lëvizje”.

“Skuadrat kanë parë më tepër në tregun vendas, pasi janë të paktë lojtarët e huaj që janë transferuar”.

Ka qenë shefi i sektorit të garave Lysien Nurishmi ka folur për “Supersport”, ku ka treguar se janë marrë të gjitha masat. Njëkohësisht, Nurishmi thekson se polica do të jetë jashtë stadiumit, e gatshme, që në çdo moment të futet në sektorët e tifozëve, nëse do të ketë incidente, por shpreson që kjo gjë të mos jetë e nevojshme.

“Është i pari derbi në histori që do të garantohet me stjuart. Kemi pasur një takim me klubet dhe kompaninë e sigurimit. Kemi folur për sektorët, kontrollin dhe rrugën që do të ndjekin tifozët në marshim.

Në Korçë ndeshja e nisi me incidente. Policia ka garantuar se do të jetë prezente dhe do të ndërhyrje. Shpresojmë të mos arrijmë deri aty. Edhe verë tifozët duhet të jenë të ndërgjegjshëm të sillen në mënyrën e duhur”.