Novak Gjokoviç

Bie Xhokoviç, Thiem triumfon në gjysmëfinalen maratonë

Sport Ekspres — Sat, 08 Jun 2019 14:24:08 +0000

Dy ditë, katër orë dhe 18 minuta janë dashur për të përcaktuar finalistin e dytë të turneut francez të tenisit, “Roland Garros”. Një pritje e gjatë, por e shoqëruar më spektakël. Ndeshja më e luftuar e turneut dhe në fund fiton numri katër i botës, Dominik Thiem.

Austriaku me talentin dhe grintën e tij ka arritur të mundë tenistin më të mirë të momentit, Novak Xhokoviç. Ka qenë një ndeshje e kushtëzuar nga kushtet e paqëndrueshme atmosferikë, por më në fund Thiem ka arritur të triumfojë me rezultatin 2-3 me sete (2-6, 6-3,5-7,7-5,5-7).

Tenisti serb nuk ka arritur t’i përgjigjet rezistencës së 25-vjeçarit, duke u dorëzuar në fund. Thiem ka shfaqur një formë të jashtëzakonshme, duke dhuruar spektakël në shumë situata të vështira, të cilat arriti t’i kthente në favorin e tij.

Zgjatja tej mase e kësaj ndeshje nuk e çon shumë të favorizuar në finale austriakun. Ndeshja është nesër, ku ai do të ndeshet ndaj Nadal. Spanjolli është mbreti i fushave me dhe, por përveç kësaj ai ka dy ditë pushimi në dispozicion.

Tenisti austriak duhet të rikuperojë veten në kohë rekord për të qenë gati nesër. Kjo është finalja e dytë në një “Grand Slam” për të, ndërkohë që një fitore e mundshme e Nadal do të regjistronte trofeun e 12-të në Roland Garros për spanjollin nga Majorka.

Xhokoviç nuk dorëzohet: Dua të thyej rekordin e Federer

Sport Ekspres — Tue, 20 Nov 2018 08:21:42 +0000

Novak Xhokoviç nuk ia doli të dilte triumfues në finalet “ATP”-së, teksa u mund ta tenisti i talentuar gjerman Aleksandër Zverev. Por, serbi nuk është ndër ata që dorëzohet lehtë, madje i ka vënë vetes një objektiv tejet të vështirë: Thyerjen e rekordit të trofeve “Grand Slam”, rekord që mbahet për momentin nga legjenda zvicerane Roxher Federer me 20 tituj.

“Po besoj se do ia dal. Dua që të arrij këtë gjë. Nuk e di nëse do të ndodhë, por besimi nuk më mungon. E di se çfarë jam i aftë të bëj. Koha do të tregojë nëse do e arrij këtë objektiv të jashtëzakonshëm. Nuk e di për sa kohë do të jem i aftë të luaj në nivele kaq të larta, por për momentin ndihem shumë mirë”, tha Xhokoviç mbas finales së humbur.

Tenisti serb ka fituar deri më tani 14 trofe “Grand Slam” dhe është vetëm 2 tituj larg barazimit të një tjetër tenisti legjendar si Rafael Nadal. Xhokoviç është 31-vjeç dhe në këmbët e tij mund të përballojnë akoma dhe tri vite, ndërkohë tenistë të rinj si Zverev po sinjalizojnë fillimin e një epoke të re.

Panik për Gjokoviç, grabitet dhe sulmohet familjari i tij

Sport Ekspres — Fri, 27 Jul 2018 13:44:01 +0000

Një lajm i keq për tenistin Novak Gjokoviç. Gjyshi i nuses së tij është grabitur dhe ka kaluar momente të frikshme. Dy persona të maskuar kanë hyrë në shtëpinë e tij në Serbinë qendrore duke e sulmuar dhe rrëmbyer. Grabitësit i kanë marrë një celular dhe rreth 220 euro, por nuk janë mjaftuar me kaq.

Ata e kanë lidhur të moshuarin në një shtyllë tensioni rreth 5 km larg shtëpisë së tij. 85-vjeçari është gjetur dhe shpëtuar nga dy elektriçistë.

Zyra e shtypit të ish-numrit një të tenisit ka reaguar me anë të një deklaratë të shkurtër duke deklaruar: “Familja është në një gjendje shoku të plotë për atë që ka ndodhur”. Fatmirësisht plaku nuk është plagosur, pavarësisht së është i tronditur nga ngjarja e rëndë.